永發廚房 (已結業)

之前已經聽妹妹説這間餐廳的食物好鹹。因為我未試過同埋唔洗等位，所以都係入左去。今次我跟妹妹一起，她點了特餐a 蕃茄通配奄列同牛油多士，我點了牛什米粉。番茄通比我想像中細碗，茄湯很淡色，看不到蕃茄。奄列蛋沒有光澤只是夠大份，反之值得讚是多士，香脆和暖看出是新鮮焗出來。到我的牛什米，米粉夠多，但牛腸，牛肚，牛肺只有鹹味，是因為不新鮮用鹽煮嗎？湯更不知是什麼來的，沒有想到牛什米可以如此難吃，令人十分失望。因為趕時間，只好快快填飽肚。相亦沒有拍了。

女朋友收工原本諗住食糖水 但因為假期前席太多人 隨便搵左間餐廳食啲野以前係到食過幾次野 啲野都正常嘅今日黎到就同女朋友 一人叫左一個宵夜炸脾沙律餐我平時食野都好快 好快就食完個沙律同隻脾隻脾都幾好食嘅 個皮夠脆但係正當我女朋友啱啱開始食生律嘅時候我望住佢碟沙律 見到有啲野 冷下冷下我叫女朋友lur返口入面條菜出黎 唔好再食成條蟲係碟菜到冷黎冷去諗起都覺得反胃我同左餐廳個侍應講 佢都望到條蟲應該係怕我影相 即刻問都冇問就收走我地啲碟 然後冇再出聲我同女朋友唔係個啲想搞大件事嘅人比左正價埋單就走。我仲要成碟沙律已經食曬 愈諗就愈嘔心 返到屋企嘔返大半出黎。以後都唔會再幫襯。

本身唔知食咩好，等過馬路個時見到對面呢間永發廚房所以決定食佢。入到去我地一人叫左一碗泡飯。老公叫左碗方魚肉碎泡飯，而我叫左碗豬骨濃湯牛腩泡飯。個職員同我地落單個時有正確地複述返我地叫嘅嘢，不過上菜個時我啲牛腩變晒牛什不過見佢同價，我又好肚餓，所以就費事同佢地講。碗泡飯無咩特別，係個幾舊蘿蔔出事。因為啲蘿蔔係室溫嘅，當放係啲非常熱嘅湯上面會令到我覺得啲蘿蔔係凍嘅。野食都唔係重點，重點係我哋喺貼牆坐，個牆污糟到想死，一舊舊唔知咩。唔只係靠枱嘅牆，我同老公座位個邊嘅牆都有我仲要係著白色衫!!搞到我未食完都已經想走。第時應該唔會再黎。

平時都有喺度食開早餐，感覺一向質素都唔錯。今日午餐喺度叫外賣叫咗椒鹽豬扒，份量都可以。椒鹽豬扒同平時出去食有少少唔同。出面嘅比較乾身，呢度嘅有少少濕，感覺冇咁香口。另外如果可以再辣啲會更好。

係UA淘大睇完戲已經晚上十點幾, 淘大商場入面D餐廳陸陸續續開始收爐, 唯有行遠D搵食.經過永發見佢收凌晨兩點, 餐廳雖然客人不少但仍有座位, 中伏感減底, 於是第一次入去幫襯.首先餐廳服務唔錯, 原先已經坐底搭枱, 都轉個舒服D嘅卡位俾我地. 讚!點咗排骨兩款食法, 生炒骨同豉椒排骨飯.裝飯果個兜自己極唔欣賞, 好似乞兒兜.豉椒排骨味道適中, 但味道係屬於咸味 (留意味道只係咸味, 唔係味道好咸!) 我自己口味好甜.另外, 生炒骨味道比較酸, 同樣我自己比較中意偏甜嘅距離有出入.所以得出結論係永發出品唔夾自己口味. 再見. (^0^)//

去九龍灣看電影，看完食午餐，第一次光顧這家茶餐廳，和一般茶餐廳相同，座位擠迫，但有梳化椅，座位舒適。滑蛋栗米班腩飯46元，送例湯，我同侍應生講了我要湯，侍應生忘記問我要中湯還是西湯，結果沒有送上任何湯，連水都無杯。炸魚大大件，外層漿粉很厚，較硬，内層魚肉細細件，滑蛋粟米汁味道可接受，白飯軟硬適中。其他客人點菜後會有應生派單據，惟獨我沒有，於是我主動向侍應生反映，我無單。 綜合而言，食物和服務均有待改善。

食過幾次，開頭黎食，系食椒鹽豬扒飯的，但呢度冷氣大，啲野食好快凍，就變得乾柴了，但只計食物味道的話，飯偏乾身，椒鹽豬扒椒鹽味幾濃但都系偏柴乾。今次食芙蓉蛋，芙蓉蛋系我番食既碟頭飯，蛋份量夠大隻，無憸皮(無偷工)，距唔系啲咩裡面半熟既流心蛋，系普通程度的 - 表面熟，裡面少嫩，料不多，如常有蝦，火腿，蔥，肉，每樣少少😂，不過不失，普通茶餐廳水準，勝在宵夜時間抵食，屬飽肚之算，簡單一餐。漏左牛河未講，狐狸仔只表示搖頭無語。

打電話叫外賣，態度非常差，食物還可以 ，態度差，只係問一句有新外賣紙就放落外賣到一齊送，職員就話，我地都無呀，有既話就逐家逐戶送啦，語氣超級差，叫你餐廳外賣仲要受你氣😡😡😡😡

放工時間在牛頭角碰上舊朋友，擇日不如撞日，一起吃晚餐聚聚舊。 她領著我走到淘大商場旁的大廈，一家看似茶餐廳的永發廚房。餐廳內倒也光潔明亮，晚市套餐由六十多元至八十多元，豐儉由人。任選2款晚市套餐$128 (含例湯、白飯)，還奉送一款涼伴小食，我們選了蒜泥白肉。蒜泥白肉爽口涼快，醮蒜香辣汁更為惹味，不錯吃。菜甫白飯魚煎蛋角套餐 $73白飯魚不多，蛋也不成角，混合菜甫咸香脆的蛋特別好吃，伴飯吃最好。京都焗肉排套餐$78肉排做得酥軟，味道酸甜開胃，配菜有洋蔥和新鮮菠蘿，也是拌飯佳品。滿滿一碗白飯，忘了要求少飯......合掌瓜湯清甜，以例湯來說是不錯了。

之前都有幫襯開，都覺得價錢合理都唔錯，但一段時間無黎，發現質素大大下降。今次點左一個辣子雞，要加$10同一個准山番茄魚肚。首先講左個魚肚先，淡得黎只係魚肚加番茄加准山煮埋一碟，無咩味道可言。不過算啦，比起辣子雞已經算可以入口。辣子雞伏到呢，根本食唔到，鹹到入唔到口。食左2舊已經無食。。。。。大伏。

星期日一家四口先醫飽個肚，再出發放電行街， 阿女提議食茶記....食永發叫3個餐一家四口share:-泰式雞扒 配意粉 跟例水泰式漿汁酸咪咪，兩個女都好鍾意，幾分鐘已經食晒一碟-陳皮鴨腿湯飯 跟例水老婆最愛，食過無停口-三餸 出前一丁正常茶記水準

嗰晚行過牛頭角，經過呢間食店俾佢嘅蒸魚套餐吸引咗，所以咪入去試吓囉。食店裝修不俗，卡位很多且尚算寬闊，令人坐得舒服，無壓逼感。呢個蒸魚套餐加一款小菜，只係$138。論價錢真係無得輸，因為自己買餸煮都做唔到。但食物質素唔算太出色，本身清蒸红鮪嘅魚肉好“鞋”，蒸魚豉油淡而無味，令整體無咗份鲜同嫩滑嘅感覺。小菜揀咗荷香北菇蒸滑雞，本身塊荷葉好似用過好多次，有D霉嘅感覺，所以何香之有呢？雞肉好“鞋”，似雞胸肉嘅部位，根本無可能會有滑嘅口感。睇得出呢間食店以價錢便宜作招徠，當然有食客喜歡這個賣點，但我就有一點希望而來，失望而回嘅感覺！無錯真係一分錢一分貨。（早知入去隔離龍城冰室）

呢個位已經轉左好多手，時不時都要俾機會自己同別人要試一試新嘢嘅！喺呢度附近都幾難搵到好嘢食，啲餐廳出品麻麻，不過為咗快就走入去食個快餐。叫左個：小菜：涼瓜炆魚骨腩（配飯）- 果然同個名一樣，好多骨！但個D唔係腩骨係細骨有餐湯，就無餐飲服務：認真麻麻，叫攞筷子都要問兩次（忙就可以體諒，但忙住睇電話就。。）

今日去開牛頭角辦事，行經淘大附近，見這家茶餐廳門外貼住大大隻字：炸脾紅豆冰下午茶$25嘩！好想食呀！二話不說，即刻入去來一客。生炸需時，落單後要等一下，等待期間，看看左右隔離，有好些食客也在吃，原來可以揀油脾，不用等，個人還是覺得炸脾更有滋味。送來的不祗一隻雞脾，還有一片蕃茄和一顆車厘茄雞脾不算大也不算太小，雞脾炸得外皮脆卜卜，而肉質軟腍不會乾，保持肉汁，夠入味，咸度適中。紅豆冰叫了少甜，有奶水香，甜度亦剛好，唯獨紅豆本身比較甜，亦沒有新鮮紅豆的香氣，難道是罐頭？

好耐無食老水雞脾大家樂有下午茶不過只提供炸雞脾永發廚房我生平第一次幫趁25元下午茶雞脾也包括紅豆冰雞脾卻可以選擇滷水味或者炸雞脾這個雞脾很好食完全沒有雪味和腥氣皮超薄肉質滑滑不知是否肥媽介紹那些優質入口冰鮮光雞紅豆冰好靈氣 質素佳好林味道不大甜奶香滑有少少北海道氣質近日沒有去大家樂吃了卻在牛頭角永發遇上講究融得化得開的香奶紅豆冰而且個餐價格便宜食出滷水好雞脾味道茶我沒有如常叫咖啡或茶意外偶然遇上的人間下午茶四月的第二日