永年士多港式車仔麵 (加拿分道)

營業中

休息中

永年車仔麵， 尖沙咀長期滿座的車仔麵， 今日不是食飯時間，見到尚未滿座，便一試究竟， 我們都叫了三餸，我叫了牛柏葉蘿蔔雞翼尖小辣， 老公叫了豬腸 魷魚流心蛋， 飲品叫了紅豆冰和菠蘿冰， 當然會交換一齊食， 雞翼尖醃得入味蘿蔔易煮得鬆化， 入口冇渣, 最欣賞是招牌辣汁, 雖然是小辣，但後勁不斷， 愈食愈辣十分過癮， 菠蘿冰和紅豆冰用料十足， 飲得出啖啖紅豆同菠蘿， 整體來說味道是可以 ，不過覺得價錢略貴， 這個價錢會否有更多的選擇？

昨晚係尖沙咀開完會，想求其食啲野就返家。唔想又食譚仔，就去左呢間元朗好出名既車仔麵。去到都唔使等位，落單時個姐姐可能唔優做，又或者我$41食碗麵冇資格要求好態度員工啦。落完單，5分鐘有得食，其實見佢都係現成餸「畢」落碗，麵都係碌兩下就算。咁話明車仔麵，碗麵唔熱，都情有可原既。叫左貢丸、魚皮餃、油菜，油麵，微辣。坦白講，我求其去一間都好食過佢，完全唔知賣點係乜。收檯姐姐仲叻，問都冇問就收走我成盤野，黑口黑面。再幫襯？不了。

一路都好想知點解永年咁出名，到底有咩咁好食，為左找出原因，今次已經係第3 次食永年喇！第一次叫左牛筋、魚蛋、魚皮、粗面，中辣，可能對我黎講太辣，食唔出精髓；第二次叫左豬腸、牛筋、流心蛋、幼面，小辣，面太淋......另外叫左杯凍奶茶，唔錯，茶同奶都中好 balance , 又夠滑，不過就稍稍甜左啲，但可以接受。第三次（今次）叫左魚皮、豬腸、流心蛋、幼面、小辣。所有餸都做得出色，魚皮好脆，吸左湯發現佢都好厚地，咬落好有質感；流心蛋做得剛剛好，煮既時間剛剛好，就算我放係碗用湯浸住最後食，啲蛋黃都無熟透，不過就當然唔好預計同湯底有咩共鳴。今次面底就煮得剛剛好，唔會太淋，仲有少少咬口。可惜食左咁多次，都覺得湯底偏濃，雜味紛陳，可能呢啲係車仔面既精髓，但就唔算好合我口味。題外話：佢既牛筋都做得十分出色，入味、入口即溶，明顯有花心機時間去肴煮，但今日放棄左無叫牛，因為亞馬遜森林大火已經令地球添加左好多有毒氣體，再加上森林面積減少，少左樹木製造氧氣，地球、人類、動物都面臨好大既威脅。巴西牛肉出口最大地區係香港，巴西雞大家都食唔少，咁遠水路運過黎碳足跡好厲害，而且商人為左利潤最大化，不斷尋求土地開發，

永年士多一向有名，唔洗山長水遠入元朗，依家尖沙咀都食到，經常都見到人龍。咁岩想食車仔面，就試一試依間好有人氣既地道車仔麵～依到三餸一麵四十一蚊，係尖沙咀依d旺區嚟講，咁既價錢相當公道。我叫左牛肚、牛筋同豬湯，配米粉湯底有藥材同腩汁香味，辣道我叫左中辣，湯底十分香口惹味，配搭面頭既咖哩辣汁，相當滿足！而牛筋煮得軟淋，牛肚同豬腸都煮得好入味，咬落去有滿滿既湯汁，正！😋🤤而另一配就係豬腸、牛肚同雞翼，配油麵。依碗只係叫左小辣，小辣既湯底係辣辣地，同時更飲得出湯底既甜味😋😋😋而友人最鍾意食佢地既雞翼，覺得好有驚喜，煮得好入味不得止，而且肉質鮮嫩，咬落唔會「梅」👍🏻👍🏻😋整體嚟講，依間車仔面的確做得幾好食，下次經過依頭既話都會再食😛

永年士多我間唔中都會嚟食嘅，我覺得呢度啲車仔麵佢個湯底唔錯，我就鍾意食微辣啊，我最主要就係食三樣嘢，就係豬大腸，豬皮同埋鳳爪。仲有有陣時會試杯凍檸茶，都幾香嘅，不過就多冰左少少。

話時話喺尖沙咀想搵間車仔麵的確唔容易，望穿秋水終於有一間似樣嘅車仔麵店，呢間食店之前喺元朗已經起晒朵，好多食客特登入去，就算要排隊也在所不計，師傅我當然冇咁神心啦，所以呢間食店開到出尖沙咀，才有機會試下佢。其實師傅前前後後到嚟過幾次，感覺都唔錯，所以如果一支公又喺尖沙咀又想食車仔麵的話，呢間食店絕對係唯一選擇。既然呢期講緊車仔麵，咁又點少得呢間食店呢? 好，趁師傅今日得閒，走入去食個下午茶。呢間食店嘅形式係要自己捧餐，行入去就排隊落單，想食乜就同個收銀姐姐講，講完畀錢攞飛，跟住就去排隊攞嘢食 ，過程同老麥嗰啲冇乜分別，不過佢嗰個秩序都算幾好 ，加上下午茶時段，冇乜人，所以師傅一行到入去唔使排隊，直接去到個收銀姐姐面前，收銀姐姐好有禮貌，師傅行埋去佢就即刻問揀乜嘢麵底 ，左諗右諗最後揀左油麵， 之後揀咗四個餸分別係豬紅，豬皮，豬腸同牛柏葉，配上中辣，落完單畀完錢，攞張飛行去等攞食物。等咗唔使好耐一碗熱辣辣嘅車仔麵就放咗喺枱面，之後師傅當然要自己攞返埋個位度，冇招呼架坐低就開餐。一如以往先試下個湯底，湯底味道香甜，濃濃的，吸引，再加上中辣，湯底變得更惹味，不錯，佢個辣汁真係辣，師傅都未有膽

平時夜晚見呢間車仔麵舖成日都有人排隊，難得今晚8點左右有位，就即刻入去試下！牛筋牛肚枝竹球幼麵（微辣）$41佢嘅配料係可以自由配搭嘅，我揀左最基本嘅三餸$41，如果想再加配料就每樣加錢～ 湯底係濃郁嘅牛腩湯，非常惹味，會令人係咁想飲，好彩飲完唔會口渴，似乎冇點落味精👍🏻配料就普普通通，牛肚口感味道唔錯～ 牛筋就一般，冇咩咬口，亦冇煙韌感，比較失望🙈 枝竹球其實只係將腐皮卷埋一齊，冇咩特別😂總結，牛腩湯底有驚喜，但配料真係幾普通🙈

我住將軍澳其實入元朗食車仔麵真係好遠但有時真系會掛住個辣醬今日去開尖沙咀睇戲，睇戲前就食個永年先好多人呀排隊排到落樓梯不過好食就唔怕啦啲送同舊店系一樣的我特別中情佢個辣醬唔會系好麻個隻又夠味今次叫左雞翼，豬腸，牛筋，幼麵豬腸同牛筋都無味 整得又好干淨就算加左辣汁都唔會影響成個湯底友人的雞翼，豬紅，魷魚，牛肚，烏冬一樣係小辣第一次試呢個汁加烏冬都幾特別另外仲叫左個通菜好想知個腐乳邊到買夠味得黎又唔會太咸

又係一日外賣日～呢排趕deadline唔想出去食 唯有外賣送上門。揀咗四餸 $63 套餐～ 對於車仔麵黎講 個人覺得呢個價錢偏貴咗少少 但外賣係會比堂食貴d😂 揀咗大腸牛肚白柏葉時菜米粉 少辣 分湯湯底係清湯上 辣醬係米粉兜入邊～大腸比較好味 其他菜式都差唔多 無功無過 唔會特別好食亦唔會難食 一般般～ 份量啱啱好 食完都幾飽下。有特別驚喜之處係 deliver time比預期中要快～ 一般order開外賣都要等一個鐘 但今次只等咗around 40 mins. 未到食飯時間就已經送上門 ～

呢排係office多野做 真係無法抽身出去食逼不得已揀左叫外賣 好耐冇食車仔面啦見到某APP有 於是就叫佢啦😁 外賣預左會貴啲啲 無計啦 😂 邊個叫我忙外賣只有4餸起跳嘅選擇 around 63蚊一碗 車仔面黎講都真係有啲貴 我揀左豬紅 冬菇 魷魚 同埋流心蛋 前者都係class野啦 反而流心蛋就真係比較少見 實際上佢似係唐心蛋多啲 都唔錯嘅 不過我呢碗魷魚好少 冬菇多... 都幾唔balance😂 湯底叫左小辣 都係加返啲辣更香 多左一層層次感如果係懶同真係落唔到嘅街嘅 都可以叫嘅 除左貴左啲無咩唔好

平時假日午飯時間經過都發現永年店外有一條人龍，這次三點鐘來到竟然沒有長長的人龍，於是決定入內試試這間元朗區的車仔麵名店。跟其他車仔面店不同，客人要首先到收銀處下單，買票之後，再到旁邊排隊等車仔麵。可能尖沙咀的租金昂貴，店內位置密密麻麻十分窄，坐得不太舒服，有時會不經觸碰到鄰座食客。車仔面配搭三餸一麵40幾蚊，款式不算特別，這個價錢吃碗面算ok。我選了幾款餸，包括魚皮餃、牛肚、牛柏葉，配幼面。食過這碗面，覺得略為偏鹹，面條份量比較少，不夠吃。配料跟面，沒有什麼特別，沒有有什麼誘因驅使我去排隊或再光顧。

永年紮根元朗係人都知今次踩入尖沙咀分店睇睇質素如何照舊揀左三餸面豬腸 蘿白 雞翼出名辣汁就要左小辣蘿白夠味夠淋雞翼就食得出浸左好耐，一口就離骨但夠入味既豬腸就保持彈牙總括泥講尖沙咀店都反映到總店質素大家以後就唔駛咁辛苦走入元朗都可以食到永年士多

首先利申我係元朗嘅永年粉絲今次終於的起心肝過嚟尖沙咀巡視下各位未食過元朗分店嘅朋友仔，我可以大膽咁話俾大家聽，佢哋嘅水準做得好好呀！因為我覺得基本上同元朗分店嘅做到一樣，所以佢開到分我覺得都非常好！可以將美食帶到喺九龍港島嘅大家**其實亦都可以舒緩到元朗嘅分店條長龍不過環境來講就元朗好啲囉！尖沙咀分店呢度非常之迫，連排隊嘅位都好危險，係條樓梯度排隊，我會唔想排囉！確實我係二點幾行過過嚟見到好多人所以冇食到，轉個頭夜晚先過嚟食飯嘅！我見到好多化妝專櫃小姐黎食。大家可以揀番啲冇咁多人嘅時間嚟食，我今次就係六點令！不用排。不過入邊啲位其實都好迫，啲枱下面有冇掛鉤，個手袋都唔知點樣，個位已經迫仲要攬住個袋！呢度啲位真係逼到其實係一定要縮住手黎食，尖沙咀貴租，我係明白嘅！大家屈就下啦！食美食係要付出少少！最後佢哋自己出咗會員制度，我覺得大家不妨都download個Apps，會有少少優惠！例如今次我就加1蚊多咗個餸！但係儲分換野嗰度就有啲不切實際，食幾百蚊嘅車仔麵，先玩得個10零20蚊嘅嘢！即係食幾多碗先至可以送一個汽水？最最後，依度冇得用八達嘟，不過由之前只可以收現金，改進到可以收支xx和微x都

#中意嘅請分享請點讚🍻----------😋三餸一麵 $41流心蛋、雞翼、蘿蔔、油麵配小辣汁。 雞翼炆得幾淋幾入味。蘿蔔都好淋，夠清甜，冇渣，有3大舊。小編叫左小辣都覺得辣，唔係好食得辣嘅你，可能就要叫微辣。流心蛋真係流心架，一咬落去，蛋漿就流哂出嚟，不過流心蛋醃得唔夠耐，唔係好入味。油麵軟硬度適中，唔會太淋，食落又有口感。😋淨三送餸 $35----------之前一路都聽朋友講，永年好好食，不過係元朗就有啲遠，而家尖沙咀有分店，夠曬方便，如果鍾意食車仔麵嘅你，都可以一試，宜家唔使入元朗咁遠。----------🔎永年士多🚩尖沙咀加拿分道46號地下7-8號舖

永年車仔麵成日聽但又好少入元朗所以一直都試唔到今日去咗尖沙咀嘅分店度食位置都方便喺The One隔離首先門口要有一條樓梯要喺樓梯排着上去落單俾錢有啲古怪因為出口得一個成日都會阻住做人唔係咁方便落單速度都快選擇都多不過竟然冇我鍾意食嘅米線有啲扣分車仔麵冇米線真係唔太掂之後叫咗米粉 冇記錯都係40幾蚊三個餸唔包飲品我叫咗牛筋白蘿蔔糖心蛋隻糖心蛋真係超正咬一半會流晒啲蛋黃出嚟勁好味不過得壹隻 冇得同男朋友share今次叫咗唔辣因為就算小辣都好辣