永年士多港式車仔麵 (加拿分道)

營業中

休息中

係尖沙咀咁多餐廳之中，想平平地又唔太heavy咁食個 light dinner，車仔麵一定係第一位！ 永年係元朗已經好出名，每日都好多人排隊，好在而家開左幾間分店，尖沙咀呢間唔洗排好耐，大約5-10分鐘就有位！同其他車仔麵一樣可以簡幾樣送，咩湯底同面底。小辣仲好好味❤️☺️ 開胃得黎又唔算勁辣食唔到！3樣送加埋野飲先$55，抵食！我就簡左豬紅雲吞同埋腸仔，少辣同埋凍檸水，食完岩岩好，唔會太飽，岩曬女仔食🥰🥳 想減肥食少少野就perfect池！食完仲可以行下街，或者上格離飲下野都得，時間仲岩岩好tim !

放工到尖沙咀取預訂了的手袋，途經永年士多，車仔麵癮發作，即試。早兩年曾於元朗店吃過一次，印象並不太深刻。這次除了車仔麵外，還點了紅豆奶茶冰。先嘗一口湯。湯底未算香濃，偏甜，比印象中的湯底略欠甘香。再與辣汁混和(小辣)，加添香辣味，但未有影響湯底原味。而粗麵略硬(似未熟透)，初吃時稍稍透出鹼水味，及後吸收湯汁變軟，才較為容易入口。豬皮軟滑，主要味道來自湯汁。當中有兩片豬皮的中心部份發泡不足，無味及較實。山根主要味道同樣來自湯汁，不油，也就錯不了。豬腸腍得來仍保持咬口，滷汁同樣帶甜，但總算跳脫了湯底單一的味道。雞翼尖有入味，但明顯滷的時間不夠，中心看似還未熟透。如果你跟我一樣喜歡咬碎骨頭吸湯汁的話，那就會失望了。紅豆奶茶冰算是一個驚喜。茶味濃郁甘香，紅豆軟綿，配上適量的碎冰，吃至最後味道也不會變淡。而甜度對於原本想選小甜的我來說剛好(甜度是既定的)，整杯喝光光 以$41 三餸一麵(其後每份餸$8) 來說，份量算是合理的。加配紅豆奶茶冰就剛好滿足了。然而，該煮熟的食物未有煮熟，那是不能接受的。但為著那紅豆奶茶冰，就當作偶一失手好了。回頭率： 2.7/5.0

終於一試尖沙咀既永年，睇下同元朗有無分別！永年既辣汁真係食極唔嫌！可惜今日唔係太舒服，唔敢食太辣，叫左少辣！結果都唔太夠，職員好好；比我再加辣！佢既米粉好出色，唔會煮到過淋，基本上，唔叫餸，淨係要佢湯底加米粉都好正😍😍😍

又係被吹捧到天上有 地下無只係平平無期 好普通嘅車仔麵但又唔係特別話好好(至少 唔係我食過嘅之中最好)🤷🏻‍♀️先講個環境，一上去就落單買野睇都未睇得切有咩食睇得耐又比後面嘅人啤🤦🏻‍♀️遇着一班大媽仲死，搞一大輪都未買完但你就繼續要喺果條好那窄嘅樓梯有人走 又會阻住人 好唔方便食物方面豬腸 豬紅 偏甜的🙊豬皮就好鹹🙊流心蛋 一啲都唔流 而且冇味🙊韭菜餃 一夾就爛🙊凍檸茶 冇茶味只得糖水味🙊成碗野九唔搭八🙄🙄🙄咁嘅質素都要七十幾蚊🙄🙄🙄

元朗永年車仔麵的分店，在尖沙咀區的車仔麵店實在不多，可以說只此一家。環境座位是想像中的濟迫了點，不過為了一嘗聞名多年的永年，就速戰速決，快點快吃吧！我和友人也點了三餸一麵，我點的是蘿蔔、豬皮、滷水雞中翼和河粉。友人點的是豬大腸、蘿蔔、韭菜餃和油麵。其實永年的湯底是港式傳統的濃香牛腩汁車仔麵湯底，已經無可挑剔。配料方面，蘿蔔很甜，豬大腸很美味，但其他就仍有進步空間，配料感覺不是非常多選擇，味道是不過不失。

平日晚上，係尖沙咀剪完頭髮就同M小姐行下街啦，好似好耐都無行尖沙咀咁。加上去完日本無耐都係食d港式野啦。永年，唔駛去到元朗都有得食啦，個辣真係好正，唔係麻，係有少少甜，襯落個湯到就會想飲埋個湯呀。去到永年，可能仲早，七點到，排左兩個人就到我地（走個陣排到落左樓梯轉左彎添呀），個位都要揾一揾，等左幾分鐘，同等野食既時間一樣，啱啱好。我地一人叫左一碗， 我個碗有好入味既生根、高水準既豬皮，同芝士丸。通常我都係食烏冬架，不過聽講其他麵都唔錯，只係個人喜好鍾意食烏冬。永年好乾淨，價錢又唔貴，性價比好高呀

今次食三餸車仔麵，食我最鍾意嘅豬皮，豬大腸同埋鳳爪，再加多杯凍檸茶，我鍾意食呢度嘅車仔麵係食微辣啊，噉有小小辣喺啲油麵里面係會好食啲嘅，價錢大約50元左右，系尖沙咀區嚟講價錢中規中距啦，但係碗麵嘅湯底係有質素嘅。

今日去開尖沙咀做野，行過永年見佢40零蚊一碗車仔面，呢個地段都算平民價錢，亦有曾經女友有向本人提及過呢間既車仔面幾好食，今次就一於試下。我今次就叫左豬腸，韭菜餃，牛肚同牛筋(粒謎之魚旦係同行友人分享比我既)粗面唔會太淋，爽口，唔錯。牛筋夠淋夠入味好食，豬腸同牛肚都唔錯韭菜餃都好有韭菜味，夠香重點其實係個湯底，車仔麵黎講我第一次飲個湯係會覺得有驚喜，配上個咖哩辣汁，夠野味整體黎講，高質，對得起個價錢。一碗車仔麵每樣食物都平平均均，唔會突然食到一樣覺得失望既野食其實已經係做得好好。

學生時期經常食既車仔麵，而家再食反，真係充滿回憶。以前隨街都有既車仔麵，而家真係捐窿捐拉先搵到一間。雖然永年裝修幾靚，但冇左以前車仔檔既風味，係少少失望既。不過時代唔同左，呢個唔係重點，食物質素好就得拉。永年多士不愧係老字號，保留到食物質素，湯底唔錯。

今日又來到永年士多，不要以為真的是買雜貨小食的士多，而是吃對港人有很多回憶的車仔麵。今次我吃的是三餸米，有豬紅，蘿白，豬腸，都是經典的配料。豬紅入味兼爽嫩，兒時回憶返晒黎！蘿白亦腍身入味，最緊要沒有渣。豬腸亦甘香入味，很棒。每碗都只是四十一元，性價比頗高。

懷舊車仔麵越見越少了！ 於鬧市尖沙咀 The One 附近的永年士多經常排長龍！ 首次到訪必叫經典系有豬腸、豬紅、豬皮、蘿蔔！ 環境乾淨企理有別於一搬車仔麵檔。 原來己經是第三代接手了！ 非常難得，也隨著時代變遷而每次進步。全自助式，先排隊購票後取餐再找座位。 地方潔淨，有冷氣是舒適版的車仔麵。 餸菜選擇很多，是次選擇了幼麵、豬紅、豬腸、豬皮、韭菜餃、山根、竹枝球。 放滿了碗上很豐富～ 幼麵口感彈牙，麵不是碎上。 另外，山根、竹枝球等都煮得棯身， 完全熟透。韭菜餃皮簿多料但不易散～ 首3餸 HKD 41，期後每樣 加HKD 8中辣 — 辣度足夠提味，不會把食物味道蓋著。 班蘭多士 HKD 16 仍是熱騰騰，咬落脆口。 內裡可配班蘭咖央 好味！ 抺茶紅豆冰HKD 15 想不到這裡也有！ 很多豆也軟綿綿～

朋友介紹一定要食既車仔麵！慕名而來嘅我果然冇失望我叫左豬紅 蘿蔔同牛筋油麵每次食車仔麵都會叫豬紅既我簡直係心心眼未食過可以禁入味既豬紅！好好食好好食！(大概講左十次豬紅好好食)出面軟熟咬落去勁juicy!!蘿蔔鮮甜完全冇喳亦都係非常入味！好好味牛筋有口感有牛味但又唔會好銀好難咬！都係推介之選！再講就係佢既湯底 我叫左少辣佢既辣醬再併佢既秘製湯底真係令人忍唔住一飲再飲！再配合佢個油麵！真係無可挑剔！(開始覺得自己誇張到好似打手禁)友人嗌左流心蛋同雞翼，佢都話好好食好特別第一次流心蛋併車仔麵之後再叫左份咖吔多士併樽仔奶茶奶茶香滑唔錯唔錯！就咁雪凍唔使加冰唔會溝淡左奶茶嘅味！咖吔多士就無乜特別，略嫌佢唔夠熱唔夠脆身，所以我唔多講lu！遺憾嘅係 因為個個禮拜無新鮮豬 所以無我最愛既豬大腸我見個個落單都諗住嗌都知應該會有驚喜！下次一定要翻黎食豬大腸！

第一次永年車仔麵喺元朗！食完就愛上！黎開尖沙咀就特登試下分店！今次叫左豬腸豬皮蘿白冬菇粗麵少辣！加杯凍奶茶！推介豬腸必食，用藥材處理過好好味，蘿白好甜好淋！另外辣汁係精髓好正辣得過癮！

食咗好多次永年喇，每一次我都會叫豬皮，豬紅，豬大腸，微辣，凍檸茶，呢幾樣都係我摯愛，我覺得永年個湯底其實係整得吾錯，所以我間唔中都會去食下呢間車仔麵，我係午餐時候去食嘅，會比較多人啊。

由士多變成車仔麵的永年士多在尖沙咀開了分店，不用特地到元朗，就已經可以吃到很多人慕名而去的車仔麵。店內乾淨企理，以車仔麵來說程序很井井有條。店員會建議客人分工排隊及買車仔麵，節省時間，結帳後客人可以直接到旁邊等餐點。等麵食的時候，可以看看報章解悶，了解店家的歷史。餐牌餸菜選擇沒有到很多，比較特別的是特飲較多及可購買咖央。餐點斑蘭咖央 $16比想像中的份量少，麵包有烘過，但也沒有到很脆。不過餡料可以補足缺憾，醬料充足，所以不會很乾。甜甜的味道及淡淡的斑蘭香氣，不錯吃。三餸一麵 $41大碗麵 $65包括十種菜式：豬腸，魚蛋，蘿蔔，豬紅，豬皮，雞翼，雞翼尖，魷魚，紅腸及菜。湯底及餸菜都是車仔麵的靈魂所在，加了辣的湯底比較惹味，令味道更有層次，也可以帶出餸菜的味道。辣汁與湯底很搭，單吃粉麵及湯底也不會單調。無辣湯底也不會不好吃，因為湯底本身很濃。各種餸菜蘿蔔清甜，份量很多，可以充份吸收湯汁，好吃。而且質感偏向腍身，應該滷了很久，才這麼入味。一口大小的豬紅，鎖了很多湯汁，吸收了辣味感覺更刺激惹味。魷魚本身好像沒怎麼滷過，單有爽脆的口感，不太能吸收湯汁，相較之下比較遜色。牛筋與魷魚的味道差不多，都