永年士多港式車仔麵 (加拿分道)

營業中

休息中

高檔區既車仔麵環境唔錯，門口落完單之後自己去取餐！重點記得自己搵位！油麵豬紅魷魚貢丸 $41油麵（加底）蘿蔔豬腸牛根 $49湯底好清，但加咗個辣汁落去就即係唔同晒，變得好滋味，個人認為食車仔麵唔落辣汁真係會冇咗個神髓😂坊間油麵好多都會煮得太耐淋晒，今次呢間油麵嚟講煮得剛剛好，食落有咬口！ 蘿蔔入味清甜又冇渣，睇得出師傅有俾心機去揀食材魷魚爽脆，配上個辣湯汁，真係冇得輸食豬腸當然係揀肥豬腸啦，但個豬腸今次略嫌瘦咗少少，如果肥啲就正啦😆

永年士多是每次入元朗都會必食的車仔麵，今次就試試尖沙咀呢間分店，叫咗個三餸麵......豬紅豬皮豬腸麵，中辣🌶️，湯底好正，豬紅同豬皮都好入味，豬腸我選擇了幼腸，唔肥好味！

呢間係公司附近的車仔麵,令我成日忍唔住食完再食~皆因愛吃辣的我俾佢的辣汁所吸引住~雖然經常要排隊同埋價錢其實都唔算平,不過位於尖沙咀區,其實都無辦法價錢比其他區會貴dd。其中最愛佢既豬紅,豬皮同支竹球。支竹球其他係用支竹整到一個卷咁既。食得辣既一定要加佢既辣汁,不過加完湯底會比較濃味。另外跟餐加$15,可以試埋佢既奶茶紅豆冰。茶味濃加紅豆軟硬適中。如果唔夠飽可以試埋佢地既厚多士,不過最好堂食,因為外賣拎仔會淋左d。

內地親戚黎咗香港玩，所以想帶佢食啲有香港signature既餐廳，車仔麵夠曬地道～ 成日聽人講永年好出名，但從來冇食過，所以黎試一試！完全冇諗過食車仔麵都會咁多人😨排曬長龍，今次嗌咗....🍜豬紅牛柏葉米粉豬紅幾入味，入口唔鞋牛柏葉夠爽！唔算韌米粉都夠爽口，唔會煮到淋曬湯底幾清，唔算好咸，重口味既人可以覺得唔夠濃.🍜 咖哩豬皮大腸豬紅油麵咖哩豬皮好入味大腸洗得乾淨唔太肥油麵就ok.整體上車仔麵幾好食 但要排長龍就不了😂

環境一流， 服務九流車仔麵店來說， 裝修一流， 只著重裝修， 零服務質素， 一向都支持小店， 我亦是車仔麵常客， 香港網紅車仔麵舖我亦常幫襯， 環境擠迫我亦一向接受， 因為香港嘛， 但這間， 令我覺得老闆只知賺錢， 一點尊嚴也不給客人， 亦罔顧客人安全店內迫滿排隊買飛， 排隊攞食物的人， 位與位之間， 舖內亦坐滿客， 一開首， 我問店員是否要買飛， 之後才可攞位， 店員說是， 我問他， 店內有這麼多客， 我買完後沒有位怎麼辦， 她亦無言以對 大家x, 大快x 或一些連鎖店可接受這樣的自助式， 因為店內會有足夠空間可走動， 但這舖面積， 根本就不容許店內有三位員工站著， 但他們只負責收拾， 而不會做其他， 店內所有通道， 基本上不足夠一個人行的位， 所有客都要側身行， 還要小心翼翼捧著自己所點的餐， 在其他客頭頂行過， 實在危險， 店內站著的三個人， 好像跟客人說， 所有服務都不是為你們的， 只是為店舖加快清理， 趕著做第二個客食完令我諗起食神既刻骨銘心初戀金銀情侶套餐

有車仔麵食我就心滿意足， 今日同朋友上完堂去附近加拿芬道，搵到間原來幾出名嘅車仔麵。永年士多原來都有D名， 佢最出名原來係佢哋嘅辣醬， 我哋只係叫左小辣同中辣， 已經拉到飛起同出晒汗，鍾意嚐辣嘅朋友可以試下， 包保你話夠刺激！ 麵嘅份量都算大， 麵底方面我叫左米粉， 平時幾大食嘅我， 自己居然食唔晒。 佢每碗車仔麵仲會跟幾條青菜， 食落去唔會咁油膩湯底亦都算清。 我哋叫佐一碟腐乳通菜， 啲腐乳佈滿晒通菜嘅表面， 食落去有啲鹹，建議大家飲多幾杯水。 不過佢呢度最唔好就係無水供應， 至於嘢飲方面，我就叫佐熱柚子蜜， 佢嘅甜度啱啱好， 唔會太甜， 而且啲水都夠熱， 飲落去好潤喉。另外我朋友叫佐個菠蘿特飲， 裡面只係有好多一粒粒嘅菠蘿， 雖然係罐頭開出來，但係飲落去都好解渴。

次次行開尖沙咀都會食永年士多😍佢個車仔麵嘅湯底好特別，次次都會食小辣，最鐘意食就係豬紅蘿蔔，因為非常之入味，啲蘿蔔食左咁多次都係好甜唔會有渣，試過食佢個豬手撈面都唔錯，好林好多骨膠原🤪🤪🤪

今日路過加拿分道，就試下食永年士多啦。我點左個三送餸面。有猪红，韮菜餃，牛丸米，要中辣。加多杯菠蘿冰。值得一讚系個辣汁，唔系得個辣字，咖哩味道很好，豬紅有點甜味。其他兩款餸就不过不失啦~ 菠蘿冰少左d 菠蘿，如果可以多d 就啦

五一勞動節尖沙咀人山人海 大型商場 度度都係遊客 所以今日就去咗 食地道嘅車仔麵, 勝在地方夠做腳, 正正喺美麗華商場嘅對面星期六 , 夜晚七點零鐘去到, 好彩唔使點排隊 朋友嗌咗個 魷魚牛筋 蘿蔔米粉 加埋啲辣汁 非常惹味 而我就貪心啲買咗個大碗麵 配河粉 貪佢夠多餸樣樣都可以試勻有豬腸 蘿蔔 魚蛋 豬紅 豬皮 雞翼 雞翼尖 魷魚 紅腸同生菜 另外再散叫多個 出名嘅 韭菜豬紅 咖央多士同埋樽仔凍奶茶 ! 豬紅咬落去 口感 唔錯 煮得入味同 冇乜血腥味, 唔會好似 電影 食神 話齋 "鬆pel pel 一夾就散", 凍奶茶 茶味香濃 淡淡嘅奶味 略嫌甜咗少少

今日放工行過尖沙咀，見到有一間餐廳好多人排隊，我初頭以為啲人係避雨，原來真係排隊食呢間永年士多。行近啲睇下，以為係食茶餐廳野，原來係食車仔麵，哈哈，比佢個名呃左😂😂我入到去，排左一陣點餐，發現好多選擇。由於好攰，吾想諗野，就叫左一個大碗麵，佢入面好多餸，我吾駛選擇😂😂重叫左個紅豆冰飲👍🏻👍🏻跟住去排隊攞餐，好多人，但排左5分鍾左右就可以攞餐，出餐速度都算快👍🏻👍🏻坐底後，即刻睇下有咩食先，點解咁多人食呢😂我選左油麵，佢個麵無煮過火，吾會太淋，好好咬口👍🏻👍🏻有好多餸向入面，有菜，豬皮，豬紅，魚蛋，豬腸，雞翼，魷魚同埋紅腸，應該無記錯，好多好多餸😂😂啲豬皮好爽口，吸晒啲湯，好好味，蘿白又好甜。雞翼都有兩隻，入晒味，正呀👍🏻👍🏻重有雞翼尖嫁，真係估佢吾到。侽口魷魚都好味，無煮過火，一啲都吾硬。呢個份量，咁既質素，呢個價錢，我覺得超值。車仔麵入面黎講，今晚食呢間永年士多都算係高水準👍🏻👍🏻我明白點解咁多人食了，如果不家都想食下高質既車仔麵，可以去試下呢一間👍🏻👍🏻

已經唔係第一次光顧永年士多，知道佢有一間元組店喺元朗，呢幾年搬咗嚟尖沙咀之後，仍然冇減顧客幫襯佢嘅意欲。呢日去到夜晚仍然係有一大條長龍光顧佢，唔知係咪撞正長假期，好多內地遊客都黎湊熱鬧。呢間店除咗食車仔麵之外仲有好多選擇，包括多士同特式飲品同不同時菜。我同朋友揀到花多眼亂，因為有好多唔同嘅餸菜可以選擇。知道佢哋呢度比較出名嘅係豬大腸以及係牛嘅部份。而我朋友就叫咗豬皮魚蛋等等嘅餸菜，嗰啲餸菜全部都新鮮同埋好入味。佢話佢好欣賞個陳皮魚蛋，食落去好有咬口。而我嗰碗就叫左流心蛋同豬大腸，流心蛋真係好有流心效果，睇到好治癒，食落去外面又唔會話太硬，軟腍腍好好味。每人結帳都係70幾蚊，有碗麵有嘢飲，仲有時菜算係抵食。

今日經常附近睇醫生，口淡淡唔知食乜好 ，見今日條隊比較短就即管試下。不時夜晚7-8點經過都非常多人，唔敢過來。四餸車仔面，雞翼，紫菜，豬紅，蘿蔔河粉，中辣。雞翼：有少少失望因爲係凍嘅，同埋唔夠入味呢，可能未炆得入味... 蘿蔔：非常甜，煮得好透。豬血：份量好足應該有成8-10粒 食到碗底都仲有，而且冇鯹味冇泎 ，非常易入口紫菜：係偏爽身，唔會一”patpat”撈埋啲湯同秘製辣汁就最啱。秘製辣汁：叫左中辣係因為見到menu 介紹佢地個秘製辣汁，想試真啲，係幾特別嘅，介乎是拉差辣椒醬同潮式辣椒醬之間，非常香口同酸酸地。不過好辣呢，下次叫返小辣都ok😅河粉：十分爽滑彈牙👏🏻總結：向呢區食野唔平，呢度價錢算親民，係飲品比較貴，味道衛生都做得好好，當然要食車仔面，仲有好多地方係好味過佢，但要食個衛生，又坐得算舒服，呢度係一個幾好嘅選擇。 另外我好欣賞呢度會將啲食物排得好整齊，餸菜例如蘿蔔同豬血都切得細粒一啲，一啖一粒容易入口，出面啲車仔面檔未必會有咁好心機。

今日去開尖沙咀，有d掛住永年嘅辣汁，所以晚餐就決定食車仔麵啦叫咗一個小辣嘅三餸米粉，配料有芝士腸、雞翼尖同埋牛根。芝士腸表皮脆脆哋好有咬口，雞翼尖同牛根炆得夠淋夠晒入味，個人嚟講係必食辣汁都依然保持水準，令人好想飲晒d湯唯一美中不足係米粉底一次比一次少⋯少到好似有人食淨咁自問唔算大食，但喺唔算好餓嘅情況之下去食都只有8成飽⋯如果係因為$41一碗三餸麵而要將貨就價，寧願佢再加多少少價但令人食得夠飽囉希望呢方面可以改善下。

嚟到尖沙咀想食啲平靚正嘅嘢 相信好多第一時間都會諗起永年士多 我自己都唔例外🤣不過佢鋪頭入面嘅位唔多 而且想食佢就anytime都要排隊 為咗食永年都train up左自己排隊既耐性 我次次都食嘅就係雞翼蘿蔔蟹子丸烏冬😋 蘿蔔唔會炆到爛晒 而且夠清甜！滷水雞翼就冇得輸 好入味蟹子丸係純粹自己好鍾意食 起碼佢入貨唔係入啲好伏既貨😀大家可以放心叫！

元朗人氣車仔麵🍜不過只係食過尖沙咀分店🙆🏻‍♀️三餸麵$41 性價比高！配料滷得好入味 豆卜索哂湯底 咬落去爆晒汁嚐辣嘅你一定要加辣汁！味道即刻提升到另一個層次🔥