殿 大喜屋

營業中

休息中

先前見到呢間舖勁多好評，雜誌又介紹話好，連朋友都話正，諗住食呢間實無死啦，點知咁就中伏了，先講環境，係幾靚裝修得唔錯既，整體上覺得佢想行酒店Buffe路線咁，服務態度都唔錯既，坐得都叫舒服，去到戲肉喇，梗係先叫刺身啦，但發覺刺身款式唔多，之前又講到自己有海膽又有蠔，又有乜其實都呃人，其實佢野食款式真係唔多，我諗最多係甜品，啲刺身黎到喇，嘩，食落口，其實好唔新鮮下，啲蝦好似就爛就爛咁，三文魚切到奇奇怪怪咁，無乜味咁，喺出面拎左啲拖羅又係，無乜色，熟食就無乜野既，都係加工啫，但嗰個薄燒和牛就真係唔好提喇，總括黎講，唔係想像中咁好食，埋單每位400好唔抵，都唔知食過啲咩咁，只可以話我食裝修啦，應該無下次了，有啲平過佢都好食過佢

大喜屋質素不耐有保證，上次試過極尚已經好精彩，今次聽到殿大喜屋就知又有更高檔既搞作。一入店已經見到好似酒店既格局，正門前係長腳蟹同刺身部，右邊有幾個燒西冷既位。除左一般放題咁寫紙外，仲可以自己出去排長腳蟹等食物。長腳蟹都幾唔錯，鮮味十足又重海水味！食下啲前菜先，Parma Ham都幾有咸香。刺身壽司！刺身質素大好，重點推介三文魚腩、帆立貝、劍魚腩，好少可食到咁油香既白身魚！壽司亦出色，雖然放題食壽司好晒位，不過火炙同海膽都好值得為佢晒位！跟住食啲熟食，出面排隊拎既燒西冷好好味！仲有寫紙仔叫既鹽燒雞翼都唔錯，脆卜卜輕鬆解決兩隻～食到尾仲有哈根大師同Milktop雪糕任食~海鹽好好味~~~

殿大喜屋  靠一條的宣傳片, 聲勢浩蕩, 人氣迫近當時自助山新開業段片雖然拍得麻麻, 但的確吸引了大量嗜食之人 (包括我 )是晚男友生日, 所以一早就訂好枱, 記得一定要早點訂, 因為很快就滿, 到當天會打電話給你再次確認, 亦要記得聽電話, 要不枱會被取消!!我訂了8:45PM, 8:20PM就到了, 原來要在樓下先排隊 (記得要到隊頭問員工取票!!)一入去的確被裝修有點嚇親, 因為感覺幾輝煌, 不像一般的放題陰陰暗暗, 格局比較像酒店, 但亦像大喜屋一灌風格: 迫! 一坐下就急不及待去睇睇有什麼好食, 見到都有點呆, 三大個雪櫃放飲料, 四個雪櫃放甜品, 2-3個雪櫃放雪糕, 一個甜品吧, 一個刺身吧, 一個壽司吧, 一個沙律前菜吧, 但地方有少許的迫, 因為一開始有較多的人出去自取食物!自取刺身: 刺身吧會提供2-3款的刺身, 都是新鮮運送過來的, 是其賣點之一! 池魚刺身: 入口鮮甜有咬勁, 魚香好重, 亦算新鮮 金目鯛刺身: 油脂均勻, 魚香淡淡的, 十分清新, 不會覺得膩, 可以多食兩片  即造壽司:在我取完刺身的時間, 師傅非常的熱情問我取了壽司沒有, 叫我快

日式放題平時都食得多，今次一大班朋友咁耐無見，當然就要揀間質素好少少啦~黎到餐廳門口，見到有長長嘅人龍排緊隊，就知道呢度人氣有幾旺！我地一係十幾人，獲安排坐係張大枱之後，就即係出刻出去攞野食。前菜、沙津選擇都非常多，而忌廉芝士燴西蘭花尤其出色，完全有酒店嘅水準。刺身當然係放題必叫，厚切嘅三文魚腩，當然大家搶手必食，而彈牙嘅鮑魚粒，鮮味十足嘅北海道帶子，同樣受到萬千寵愛！接著落黎嘅日式小食都令人食個不停。小牛排尖椒，辣辣地嘅味道，小牛排又肉嫩非常，值得推介。香煎三文魚扒亦煎得金黃可口，亦有陣陣嘅魚香味道滲出，唔錯唔錯！甜品選擇多而質高，除左有人人鍾意嘅Häagen-Dazs之外，芝士蛋糕及馬卡龍亦相當高質，所以我覺得今晚絕對係殿堂級享受！！

聖誕節去邊到食大餐呢？聖誕節前朋友生日想吃放題，於是book咗檯食大喜殿屋。嘩！多人到嚇死人啦！book咗檯一條隊，未book檯更加要排隊！入到去走一轉，地方大座位好舒服，有長腳蟹，沙律，巴馬火腿，咖哩炒蟹，甜品。長腳蟹，巴馬火腿好吸引，快速拿來品嘗。長腳蟹－入口鮮甜，而且海水味十足，我和朋友吃了幾碟，值得Encore！刺身新鮮，有鰹魚、三文魚、象拔蚌、響螺片、赤貝、希靈魚、劍魚腩、油甘魚、鮑魚、吞拿魚、北奇貝、甜蝦及極大赤蝦等。最能吸引我的就是極大赤蝦，蝦肉鮮甜，口感夠彈牙，再加上甘甜的蝦頭膏，味道一流！稱得上殿壽司這樣霸氣，馬上叫一客，頭頂有一塊晶瑩的啤酒啫喱及海膽，下層有吞拿魚，油甘魚，三文魚，赤海蝦。香煎虎蝦伴啤酒凍－醬汁味道太濃，蓋過了蝦的味道，啤酒凍有啤酒味，不過無下次！燒雞翼不會太咸，太乾身，味道不錯。不要輕看這薄燒和牛，入口Juicy 都不得了，一點也不膩，值得一試！榴槤炸彈－入口外脆內軟，熱到燙口，有香濃的榴槤蓉，榴槤fans不要錯過！黑松露燉蛋味道不錯，黑松露味濃加上滑到不得了的燉蛋，味道一流！朋友生日，兩個人吃一個蛋糕太多了，這個「願望球」就絕對合我心意了。我在紙

殿堂級日式放題，環境裝修舒適，食材用料高級。半自助式，有自助區，同時有剔紙落柯打。環境以黑色和金色作主調，座位相對寬闊，沒有擠逼感。一進門口就已經感受到這裡的氣派，連裝修也是殿感覺啊！地方很大，座位也很寛敞！如果多人的話還可以自成一閣，這個房間可以容納二十多人呀！放題點餐紙，少不了刺身、壽司，連火炙、燒物、炸物、麵飯煮物、一品料理及蒸焗都有。不過這裡除了用點餐紙之外，還有部份食品是可以自己到外面攞。原條魚放出來，再由旁邊嘅師父為你切開，當然不可能要一整條啦！今天的魚有...........還有其他海鮮，長腳蟹、蝦、螺也堆得滿滿的！沙律菜也有4款，還未計其他配料！別忘了沙律菜旁邊的巴馬火腿！一整排也是甜品呀！放滿廿多款甜品，蛋糕、馬卡龍、意式奶凍樣樣齊！除了甜品，雪糕也是滿滿的兩大個櫃！而且2個也是大品牌，共有5款選擇！海鹽、紫薯、土多啤梨、藍莓、比利時朱古力！2個大雪櫃的飲品，除了一般氣水之外，還有三款不同嘅啤酒！再行過去竟然又見到有果汁！想要熱飲也不是問題！一大部咖啡機就放在你面前，Espresso、Cappuccino、Latte，也可以沖出來！咖啡唔啱口味，旁邊還有茶包！總有一樣

滿以為找間貴價有質素放題，去享受一餐豐富晚餐，點之入到去坐位連一個中等身材的女士都要縮腰才可入座，有些食物及飲品需要自助形式領取，但出入窄窄小巷，要跟侍應門左閃右避，行多兩次都不想食，而且每次座下都要縮腰，如果有火警都會走不及，不合消防安全，至於食品款式不算多，魚生冰到冇哂未，海胆壽司小及唔新鮮，所謂和牛都只係肥牛，唔食冇損失。總之佢地喱間集團，大喜屋普通，極尚大喜屋冇驚喜，殿大喜屋直頭驚嚇，用＄380的價錢比Ｄ劣質食物給客人食真過份，希望大家看完唔好去試…

上次2日前訂位都係等waiting list 要星期六即日先知有冇得食，今次佢專登早左4日總於有位，我地係星期六8:45果場食。每位$400。去到排晒大長龍，等左10分鐘分流入去。去到野飲都好多，汽水，橙汁，西柚汁，啤酒（白同黑），茶和咖啡選擇。入到去差不多爆晒，張桌細張，放吾到好多野食，出面有沙律吧，有巴拿馬火腿任食但好亂令人冇食慾，仲有楊枝金露（味道可以接受係有少少假味）。野食紙有8張，比出面偏少（感覺上），最後係吾知食咩好而離開。吞拿魚三文魚蝦加海膽壽司吾係咁好味，乾身偏薄。黑松露味太勁，浪費左舊魚。刺身黎睇落個樣吾差，但有雪味，三文魚冇咩魚油，吞拿魚好乾身係爛，其他一般。黑松露燉蛋味道不錯，濃濃黑松露味加上熱乎乎雞蛋香。啤酒蝦質地係吾錯，但醬汁太濃，有晒蝦原本味道。壽司簡單沒有太花巧反而更好。雞翼，天婦羅，海鮮串：雞翼整得夠乾身同夠鹽味不錯。天婦羅吾多油同有微溫不錯 。海鮮串太濃味，凍就不好吃。芝麻雞翼，牛肉烏冬，榴蓮炸球，香芋炸球，咖喱蟹，蟹粥：榴蓮有驚喜特別好味。烏冬面質和牛肉質地偏好不錯。其他只可說普通味道。蟹腳和蠔，好味道。夠新鮮有海鮮本身味道。壽司飯偏淋同材料偏乾身。

日式放題愈開愈多，食物質素亦比從前好，但要講到用料最矜貴相信就非「殿 大喜屋日本料理 」莫屬了。受歡迎程度有多驚人？離遠已看到街道上出現一條長長的人龍，完全沒想過對比一般放題，價格甚高的放題竟吸引到如此多人呢一場來到沒理由因人多而放棄！幸好場內地方夠大，座位較多，所以到達另一時段後就能馬上安排大量客人入座。場內裝修高雅光鮮，雖然枱與枱間沒有太多空位，但座位尚算舒服點餐紙有9款，分為刺身、壽司、火灸、一品料理、蒸焗、燒物、炸物、天婦羅及麵飯煮物等。除了餐紙上的食物外，外邊還擺放著大量自取項目，有如半自助餐似的先到外邊逛逛，有極品直送刺身「池魚王」、「金目鯛」及「活貝殼」、大量的長腳蟹、果汁及甜品等咖哩炒蟹［分數：7.5/10］自取食品中還有香噴噴的咖哩炒蟹，不過每次一出很快就被掃光了，咖哩蟹惹味而不會太辣，蟹身較為細少所以蟹肉不多，不過放題可任吃咖哩炒蟹已算是不錯了刺身刺身選擇甚多，有平政魚、劍魚腩、油甘魚、北海道帶子、鮑魚、吞拿魚、北奇貝、鰹魚、象拔蚌、三文魚、響螺片、赤貝、希靈魚、甜蝦及極大赤蝦等，刺身夠新鮮，最能吸引我的就是鮑魚及極大赤蝦，一啖一粒的小鮑魚入口爽彈，而極大赤蝦就夠晒

樂天大喜屋 有性價比極尚大喜屋 物有所值殿 大喜屋 唔太算物有所值除非你目標清晰 專攻貴價食材金目鯛 <- 清甜味美 好味!金目鯛壽司 <- 落燒汁炙燒過 香香甜甜 超正!廣島蠔 <- 新鮮 比坊間廣島蠔大隻拖羅 <- 肥美 拖羅 壽司/手卷 <- 肥美深海池魚 <- 呢個一致公認最好食 肥美不特止 最重要夠爽口 有咬口 真係食到停唔到薄燒和牛 <- 夠肥夠香 不過食多幾件會"漏"黑松露蒸蛋 <- 勁重黑松露味 以上食材之外的食物都可在其他平價大喜屋試到我地成班餓鬼 專攻貴價食材所以呢400蚊 尚算覺得物有所值

一直對蟹情有獨鍾，咖哩蟹，泰式蟹，這次來殿 大喜燒 也是沖著蟹而來。咖哩蟹，蟹肉鮮美，咖哩不太辣，味道濃郁水煮蟹，脫殼方便，蟹肉也很新鮮除了吃蟹，也叫了一份刺身拼盤，內容真是十分豐富，搭配的刺身都是並不太腥的魚類，適合我這種不太能吃的慣生冷食物的人天婦羅和豬頸肉串燒不用多說，個人喜愛熟食，豬頸肉串燒點酸醬，簡直一大享受，讚甜點有焦糖布丁，馬卡龍，各式甜點，不甜不膩剛剛好，還有海鹽雪糕，味道鮮美，真實，分分鐘好過要自己去擠的酸奶雪糕機，哈哈這個價錢吃這種等級的自助。值得了。

在日式放題的瘋狂熱潮下， 其中有一間越開越多分店 ，愈開愈高檔次， 依然每一晚都爆場的，就是大喜屋系列！作為粉絲的我當然每一間都有留低“腳毛“啦！ 新開張的＜殿 大喜屋＞ 是現在為止最高級的 ！朋友說 他未去過大喜屋系列， 我當然立即帶他去食好嘢啦！ 想不到訂位也蠻容易的，能預訂到一星期後的座位。從前都只能預訂到一個月後的位子呢！殿 大喜屋 大致上分為兩個時段 ，第一個時段是六點鐘開始 ，第二個時段是八點四十五分開始， 每次用餐時間大約是兩小時。送餐的速度算快，所以絕對夠時間食大家可以放心~除了餐點之外，在大堂也設有自助區，款式是否每日不同就不得而知，不過當日款式都多。有咖哩炒蟹，件頭都算大，而且咖哩不會太辣又夠惹味。呢款刺身都是要排隊才拿得兩件咁大把嘅！究竟是甚麼魚咁巴閉？我個朋友話是大眼雞啦！咁大隻眼！其實是名貴的金目鯛喔！放題竟然有如此上品的魚食，大喜屋果真不是講玩笑的！至於粉紅粉紅的，就是吞拿魚的拖羅了，那色澤係咪引死人呢？原本唔係幾食吞拿魚的我，都忍不住要食佢落肚喇！肉質嫩滑而且香氣十足油花又夠，食過好難唔番尋味囉！(≧∇≦)仲有風乾火腿呀，我無食到，不過睇見啲朋友火速秒殺了