殿 大喜屋

營業中

休息中

我地早15分鐘到塲但Book 咗6:00原來都要係街排隊拎飛先上得去坐，最差係點解硬係唔會俾D客人早少少入座坐底先，係要你地成堆人大排長龍係條街幫佢地做勢咁，仲要堅真係要等到六點正先肯放你地行樓梯上去，所以其實我地坐底已經浪費咗我15分鐘囉 呢種安排我知道所有大喜屋都係咁，但如果呢間係最高级的話可否安排好DD呢！ 環境還可以，自助區就可能人太多比較擠迫。 食物方面刺身算新鲜，款式相比其他放題多兩三款種類，蝦同帶子可算鲜甜，不過D蟹腳好咸好咸，海膽壽司算唔錯，燒物羊架可值得再叫，因太多人排薄燒牛肉所以無机會試到，而甜品我一件食唔落因為已經太飽喇我，不過我寫D紙仔同佢地俾份量都唔啱，好明顯係佢一堆咩都執好晒樣樣都要你食，而壽司份量又係咁囉，我已經明明問咗個侍應話要幾多件就係咪填幾多，但原來係填一就有四件，我地太人多都已經好亂，所以到最後嘢食嚟到奇怪點解會愈食愈有，因為真係食唔落迫住要cut晒D單，我地16人所以勸告人多千祈唔好去食，因為間所謂嘅大房係超級唔方便，圓大枱因為淨係坐路囗位嗰個先直接行到出去拎嘢食，坐入面要全体行出嚟讓路先，所以每次出出入入都好麻煩，食都唔夠時間所以已經唔駛

聽講殿 是高級版大喜屋，Hotel 級自助餐形式，當然約埋三五知己去食啦。我放工差不多6:20先到，一入去😳😳茶樓？！正確尼講仲嘈過茶樓，亂7 8 糟，勁爆多侍應中間走尼走去，而佢地唔係個個都有野做嫁，有d西裝員工係企曬路中心同另一西裝員工傾計，西裝部長唔洗做都唔好阻住曬，加埋d客，真係水泄不通。好啦搵個位坐底先，我求奇同個員工講枱號啦，丫！佢9唔搭8帶動左我唔知去邊嫁喎，之後再同一個西裝類似部長既人講枱號，佢聽極都聽錯72 又變42== 救命 講到我就發脾氣先聽到。一坐底，朋友都拎左d野食。首先，食個長腳蟹不過不失，正常急凍蟹，勝在可以任拎都幾好既帶子刺身！！腥既！！ 大喜屋水準不嬲都好好 帶子唔會咁嫁喎！🤔🤔到底係朋友叫定，灘左半個鐘變腥 定本身腥？咁算啦，咪食其他囉，三文魚呀～甜蝦呀～正常地好吃，再試手指咁大粒既鮑魚先，um...只能說鮑片好食d😂望望下，e 無赤海蝦刺身既，大喜屋必食嫁喎！原來只有赤蝦壽司，但最後發現赤蝦壽司個蝦都不是食開果隻。之後再叫黑松露蒸蛋煙肉蠔多士？蒸蛋本身諗住狂食點知佢勁耐唔出，去到尾聲先出，但好好食真心！至於個蠔凍既，完全無野好講我睇曬成本menu

一行5人一齊試o下呢間咁勁o野大喜屋~ 訂o左位都要o係樓下排一陣隊安排檯號...好彩都唔係等好耐...我地坐1號檯...好近拎食物o既地方~ 呢度o既放題仲有埋自助餐o既元素...有沙律bar...刺身counter...長腳蟹counter...仲有dream ball同有燒和牛counter...連一杯杯o既甜品都係自助~ 我地一坐低就狂落order...除o左鍋物無叫...其他都叫o左8成...而且又拎o左好多長腳蟹同其他counter o既食物...我地都估唔到佢上菜咁快...未嚟齊第一round已經成檯full晒...搞到佢地要停我地單...話如果我地再order要寫"1A"號檯咁wor...魚生嚟講...吞拿魚係比較令人失望...有渣...三文魚都唔差...甜蝦都好肥美~ 帶子都好甜~ 其他好似油甘魚o個d我一向都麻麻地...食唔出好特別...壽司方面...個殿壽司就係集合o左好多種刺身一齊o既壽司...我覺得真係麻麻地...我都明白師傅好用心切同砌好件壽司...但咁多種味同口感加埋一齊真係麻麻地...又有塊o者喱...食落去怪怪地...其他壽司雖然好味...但只係加o左

十幾人去勇闖傳說中嘅大喜屋放題，皆因聽聞佢地係放題界嘅帝王，俾四百蚊左右就可以食到和牛鵝肝長腳蟹！第一波-長腳蟹，其實成餐我食左好幾碟，我諗都有一兩三隻蟹，事關呢隻蟹真係海水味十足之餘，又鮮甜，D蟹汁嘅鮮味到第二日仲停留係我手上第二波-天婦羅，最忌粉厚炸吾透，但呢到嘅天婦羅粉皮厚度適中，炸得十分透，薯仔更係一流。第三波-刺身，鮮，甜，爽，滑！連吾食白身魚嘅我都食左吾小，勁推薦帶子同北奇貝。第四波-牛仔骨，味濃，可以一次食幾碟。

可能耐冇食放題, 真係唔知原來平日都咁多人食 係樓下排隊上去都等左一陣間 (6點哥轉)坐低之後即刻叫野, 都係刺身, 壽司, 燒物等等, 但真係太迫, 迫到一出一入都好唔方便, 之後仲發現有粒蔥跌左係櫈背, 好油, 好彩冇向後"埃"...講番食物同環境, 個人覺得choice比較小... 普通的雞軟骨呀, 軟殼殼哥d都冇... 質素係正常既, 出去排隊拎既拖羅都好好味, 但去拎第二轉時已經唔係哥回事, 冇咁肥美, 似普通tuna, 而排隊拎既海膽手卷好食過點既海膽軍艦, 但d紫菜真的麻麻, 完全唔香既... 壽司, 刺身屬一般, sushi冇咩驚喜, 芝麻雞亦ok既, 好熱, 好脆, 牛肉鍋, 炸豪, 牛仔骨都可以, 蟹粥就no good喇... 而出去等既和牛薄燒, 頭哥兩轉ok, 但後尾哥d好似愈來愈硬, 可能熟左dd, 配番個燒肉汁都好食, 但每次每人只可以拎兩件... 而甜品方面, 款式算多喎, 味道亦算可以 整晚掛住食同行, 係完全冇時間影相, 好快就已經cut單, 真係唔係好夠時間食, 漏單情況出現過2-3次, 但都叫有人跟進既, waiter收碟速度係好快既, 上菜亦唔

大喜屋既口啤一向都好好，今次佢又開左間新既分店，真係越開越高級，聽聞walk in係完全無位，所以一早book左黎探個虛實。店內環境真係幾似啲酒店buffet，好大，啲人係哂出面排隊拎野食，而要出去拎既就係長腳蟹，某啲刺身同燒和牛。呢堆就係一齊排隊所得既戰利品，長腳蟹估唔到又幾新鮮，而且任攞唔嬲，又唔會好咸好重海水味，但肉質爽嫩。刺身黎講可以話係食過最好食既放題刺身，全部都好肥美，而且新鮮又唔腥，連平時唔係點食既人都忍唔任食多左！燒雞亦未算出色，但中意佢燒得唔太乾而且唔咸。壽司黎講，細細件又幾好。和牛鵝肝係必食，另外左口魚裙邊一樣入口即融，唔食對唔住自己啊！天婦羅都不錯，炸粉唔厚，個蕃薯仔一定要試，好甜！芝麻雞亦，本人大中意，出面嗰啲完全比唔上佢。一堆特色刺身壽司，我就麻麻啦，唔知係咪太有特色味道怪怪的。呢個甜品都係for影相架姐，可以出去叫師傅整，岩哂生日既朋友仔。海鹽味雪糕真係好好味，中意奶味重既朋友必試！另外仲有哈根大師任君選擇。星期一去食，價錢係$318加一，咁既質素配呢個價錢好合理！

呢間雖然係大喜屋系列入面最高級 ... 但係就咁睇個MENU例如D 炸野都係大路野 冇咩特別 (如有D放題有炸魚)選擇都少左自助 有粟米同西蘭花 會唔會低級左D?講番食物質素刺身:雖然有金目鯛 食落去都冇咩特別 (可能係我唔識食)壽司:有三文魚金箔壽司 金箔冇味 咁同普通三文魚壽司有咩分別?如果真係高級 就用腩位啦殿壽司都係幾塊唔同刺身加海膽 咁不如就咁叫刺身同海膽壽司啦加埋舊JELLY 都唔夾既其他睇落好高級 但係唔會再叫多次熟食:除左黑松露蛋同湯會再叫...其他熟食D味都差唔多有D重好難食 凍烏冬個醬好怪 牛肉飯又咸得濟唔好話我要求太高咁我寧願食番普通大喜屋好過 平價放題都好食過佢 

過往有光顧大喜屋旗下的日式放題店，所以收到他們寄過來的SMS，得知有一家比極尚大喜屋更高檔次的放題店新開張，當然先「試」為快一坐低～當然是點一大盤的刺身啦！款式上與極尚大致相同，惟多加了一種叫平政的白魚類和特大赤蝦根據飲食男女的描述，平政乃貴價版油甘魚，屬必點之選。很可惜，當天提供的平政並不鮮甜，整盤花樣多多的刺身盤當中，令我覺得份外滿意的反而是吞拿魚（非赤身取拖羅位）壽司方面，隨意點了幾款，然而我非常推薦海膽壽司，因為飯量比較少，與海膽差不多是50/50的比例，並且鮮甜無尿羶味，可以食多幾件至於大家見到這款靚靚壽司呢～就是殿壽司靚就靚喇～但是胡亂的配搭吃不出這款壽司應有的層次近門口位置有一sashimi booth，可限量取池魚王和金目鯛。老老豆豆，這兩款絕對勝過order紙上的一堆刺身，經常少人排隊確值得一試料理方面，賣相頗為精緻，味道恰到好處，惟普遍而言不夠溫熱，算係死症黎架～再講返出面的攤攤，長長蟹腳確實是眾多食客的主攻食材，我在吃到尾聲才拿，其肉質鮮甜的確為冷盤類加分不少另外有薄燒和牛，其實無分A幾A幾你就知道跟普通的牛肉沒什麼分別，有嚼勁，剛燒烤完上碟，比起剛說到的料理類算

聽朋友講近排大喜屋又有新作，想食再高級既食材，除左極尚大喜屋之外，而家仲可以去食殿大喜屋。之前食過極尚大喜屋，坦白講，佢嘅刺身係出色既，厚切、新鮮，絕非一般放題能及，所以今次試殿都抱有好大期望！一如平時食大喜屋既慣例，需要預早排隊拎飛，還好天氣不算熱，所以企20分鐘都算輕鬆。差不多8:45就開始郁得，因為之前拎左飛，已編好座位，所以入座都幾流暢。由於我地一行12人，所以獲分派一張超大枱！袋都未放底就剔定啲刺身先，每樣每人兩舊，唔洗爭壽司都每人剔左一舊，後來侍應走過來同我地double confirm，原來，我地剔左120舊壽司！聽到個數我地都嚇左一跳！原來佢有10款壽司，所以加埋就有咁多，不過安全起見，都係減半穩陣！見出面有得自己拎野食，我地都唔執輸，出面有薄燒和牛、長腳蟹、咖喱蟹、甜品同咖啡熱茶等等，都一幾多樣化，而且燈光光猛，都幾似酒店食buffet。拎左少少長腳蟹同薄燒牛肉就番去啦，一見已經成枱都係刺身、壽司！唔理咁多！食左先講！一如以往，刺身夠新鮮，推介象拔蚌同大大隻甜蝦同帶子，嗌幾多黎幾多，唔會漏單，抵讚！壽司就推介鰻魚、海膽！海膽真係超好食，唔會好似其他咁有陣屎味。熟食我地

又來到一個月一次的team gathering 今次就不打邊爐試試新開張的殿大喜屋第一次食放題有長腳蟹的不要少看這裡的長腳蟹幾大fit鮮味十足又重海水味能與酒店級的相比二話不說就來了一盤刺身特別推介的有劍魚腩很重魚油香味的腩肉鮮甜美味燒海鮮串意外地惹味煙肉焗蠔多士如果可以否焗得香脆一點就好了芝麻雞翼是必點的來了甜品時間幾特別的願望球甜品款式都十少粒粒都十分精緻價錢合理跟食物質素成正比值得一試

今日同朋友兩個收完工去左食新開嘅放題，叫殿大喜屋，所謂殿，話係最高級嘅，我都係睇完一段video所以決定去試！個日我地食宵夜時段，正好收工去，又價錢平少少，其實以佢質素嚟講，呢個價錢係超值！我諗應該新開張先平d，遲下可能加價！先嚟講下環境，我地雖然話宵夜時份，但都勁多人食，要下面大排長龍先入得去，不過都吾算排得耐，因為一到時間就俾人入，入到去，金碧輝煌，一眼就見到好多甜品bar，色彩繽紛，好吸引！之後店員安排坐位，都好舒服，二人位，好合心意！再講野食，刺身都算新鮮，都好多選擇，三文魚，仲有赤蝦好大條，同大大粒帶子，我都好喜歡同好鮮甜，仲有較特別嘅，要係出面嗌師父切嘅特別魚，哈哈好似食buffet咁！講起其實都半自助式，仲有幾款熱食係出面自己拎，例如薯條，菜等，又有沙律巴，甜品區都係自助嘅！特別介紹有師父畫甜品畫，可以寫上心意字句，上面有個朱古力球，入面仲好特別，都係食得嫁，哈哈！壽司款都好出色，想介紹殿壽司！因為幾款魚生加埋嘅壽司嚟，口感豐富，幾好食！！而熱食都仲有好多貴食材，味道好嘅食物，等你自己去食再介紹啦！哈哈！整體非常好，店員都好有禮貌，上菜快，冇漏單，收碟又快，面有笑容，食物

我們一家知道大喜屋開新店「殿」，於是今天一起來這裡吃日式放題。一入餐廳內，很有酒店的感覺。我們被安排坐卡位，座位舒適。翻看餐牌，點餐紙張印刷精美，我們點了的食物如下：魚生刺身新鮮甜美，款式很多，鮑片蚌片很爽口黑松露蒸蛋：賣相很美，黑松露的形狀似花，蒸蛋香滑熱辣焗咖哩海鮮：咖哩味香濃雞腳花生燉湯：很足料，雞腳很軟腍串燒牛舌：有些好硬要吐出來，有些不算硬，燒得惹味虎蝦伴啤酒啫喱：虎蝦與啤酒啫喱味道很夾，啫喱的啤酒味很香很可口，感覺清新殿壽司：賣相華麗，面頭有金箔海膽和啫喱，下面有三文魚和海蝦和牛壽司：味道一般脆辣海鮮串：海鮮魷魚上滲滿碎果仁花生粒，味道香辣鬆脆牛仔骨：肉質很軟腍，味道很不錯天婦羅、紫薯：炸得很香，味道可口榴槤炸彈、紫芋丸：榴槤味道香濃、紫芋丸的芋味甜美另外，有些食物需要食客出去排隊領取的如下：金目鯛、池魚:魚肉很新鮮薄煎和牛片配上燒汁，十分惹味，但很細片多款甜品：賣相精緻，可惜我吃得太飽，無緣試吃，唯有由相機代吃雪糕：有Haagendaz 和 milktop 兩款杯雪糕任君選擇，我當然選吃milktop, 取了一杯海鹽味吃，冰甜美味總括而言，食物種類與味道也相當優質，可惜未

大喜屋在放題介享譽盛名，繼｢搶手｣至極的樂天 大喜屋後，再來一家豪華版的殿 大喜屋(下稱‘殿’)。既然開業尚未有一個月，稱得上是｢新屎坑｣，當然要馬上到該店吃個「便飯」！殿標明午市和晚市的餐牌相同，不會將貨就價，長達三小時的美食之旅，單是午市，已索價HKD298(連同加一，即HKD327.5，收費詳情於文未)，可算是價值不菲。笨妹廿多年的人生，記憶中還沒有品嚐過如此昂貴的午餐。午市由1200到1500，晚市則分為1800到2030、2045到2315，訂座時，店員會先給你一個入座編號，入座時，只要跟他們說編號就可以了。(順道一提，訂座只會預留5分鐘時間，如果有慣性遲到的壞習慣，便有可能被取消訂位，要注意囉。)殿的自助區就位於大門口，包括甜品區、雪糕區、沙律區和飲品區，另外亦可以排隊領取薄燒和牛、新鮮空運刺身、壽司和「寫字甜品」。先說飲料好了，比較簡單。除了可樂、檸檬梳打、忌廉溝鮮奶外，殿還提供啤酒，還要不是「好PURE好TRUE」藍冰！但由於是午餐的關係，當然要裝一下健康！而想要裝健康的朋友(或真的很健康的朋友)，也可以選無糖的烏龍茶(759有售那種)和茶包綠茶。另外，愛咖啡的朋友也可

大喜屋又一間新野開左, 叫殿大喜屋, 因為有朋友去左試, 話返俾我知, 我更係要試下啦今次佢主打自助, 放題, 我諗應該就係半自助餐, 野食照叫, 但又可以出黎拎野食, 近年都真係幾興E種形式, 果然, 大喜屋都跟得上潮流之餘, 重要做得幾好入到去, 裝修得幾靚, 幾GRAND, 食都食得開心D好喇睇下有咩食啦, 出面既自助有, 飲品啦, 有幾隻啤酒, 可樂, 橙汁, 西柚汁, 重有部咖啡機TIM, 正呀,行前D 有個沙律吧, 有幾雒汁可以選擇, 都算齊全, 再前少少就有幾款熟食, 有長通粉, 韓式年糕, 再前DD , 就有長長長腳蟹(松葉蟹腳), 凍螺同凍蝦, 好有酒店自助餐FEEL, 隔離有個位叫願望球, 可以寫底你想同人講既野送俾你既至愛, 好SWEET, 食得又睇得, 無得彈重有甜品櫃, 應該每次都有DD唔一樣, 因為朋友上次都有少少唔同, 上次佢有北海道牛乳布丁, 今次就楊枝甘露, 睇相啦 PS: 我都係想食北海道牛乳布丁多D, 下次希望有得食,之後重有個位即燒和牛薄燒, 不過好多人排隊, 所以我都係排左一次, 每人每次最多拎4件,和牛彈牙, 油脂唔算太多, 有口感, 如果切

本人是大喜屋既放題的粉絲，係尖沙咀行街嘅時候發現到又開咗間殿大喜屋， 心急嘅情況約咗東東去食，平日食開上大喜屋都知一定要Book位先有得食，立即叫東東打電話去訂位。我地食嗰日係星期日，時段18:00－20:30。每位收費$348(未計加一)， 呢間同極上大喜屋同大喜屋有啲唔同，呢間有自助餐可以系出邊拎嘢食。Order嘅嘢都唔少，刺身、壽司、火灸、蒸焗、一品料理、炸物、燒物、麵粉煮物等等。海膽壽司， 必要試！海膽既厚身又肥美，入口鮮甜完全唔苦冇腥味。牛肉鍋，點點也不HEA～牛肉都幾多！肉夠嫩，湯夠濃味。 再加上有啲菜、粉絲。芝士Ball，外面整得好夠脆，一咬嘅嘅時候熱辣辣嘅芝士已經流晒出嚟。自助區：飲品有好多種野果汁、汽水、咖啡、茶、酒類應有盡有，超過十多款。有啲係罐裝有，啲係自己沖嘅。 自助區：沙律Bar！有很多吾同款既菜，又有Parmesan Cheese同PARMA HAM，好正AR！PARMA HAM滿有嘅鹹香味，百吃不厭。Parmesan Cheese味道濃香。自助區：和牛薄燒，排隊嘅人數好多都等左成五分鐘先拎到，味道鮮嫩多肉汁，但未去到入口即溶的水準， 已經很好吃。 ice