殿 大喜屋

營業中

休息中

朋友話呢間好食，於是入去試下，個名叫殿，唸住有殿堂級享受貴少少都值，點知質素同極尚大XX 差唔多咋，款式唔算多甜品飲品款式就幾多既，但要自己出去拎，一行出去未到一半路，已勁多人出出入入，又要避侍應，又要避其他食客，感覺好逼，令人冇再想行出去拎野食的意慾雪糕雖是哈根戴絲，但食一杯咩都夠啦，唔係亮點。而且睇番再之前的食評，發現原來有些食物已冇推出，但價錢仍收300幾一位，而且冇咩野令人想番炒，去其他放題店大把更好的選擇!

呢間係大喜屋中最高級既一間，小編對佢抱有一定期待的。可惜可惜。壽司size偏細，唔似平時出去食放題哥啲，食兩舊就會飽。刺身係新鮮既。帶子，三文魚呢啲大路野係唔錯既 可惜款式唔夠多。燒牛舌都唔錯。但有時會老左啲。呢到特色既松露蛋，嗅落係好香，但好油膩。皇帝蟹太辣了。炸物類都唔錯 粉唔會太厚 唔會唔熟不過幾難得的既係有免費清酒飲 有熱同凍清酒飲。煙肉芝士焗蠔落左兩次單都漏左。甜品方面:除左雪糕之外其他都麻麻地。

一家人10人食飯，訂左枱全場得兩間大房，"口"字坐位，有點窄全場食物有點少，很一般的食物質素，但房間服務還算可以是晚未見爆場，可能係平日刺身一般蟹腳太細甜蝦算可以(大條)牛舌無味* 羊架還可以正常壽司* 蒸蛋算特別* 日式雞翼不錯正常炸物，有日本甜薯部分食物圖不符實，而且選擇未算多唯一亮點係haagen-dazs + dreyers 杯裝雪糕但$318 + 加一服務費黎食雪糕有點貴最後......別抱有太高預期，我寧願食極尚大喜屋

之前聲稱有金目鯛無😡～朱古力願望球無～😡😡食物款色又唔多～食樂天或極上大喜屋得啦～洗乜比咁嘅價錢食佢問職員嘢話轉頭覆～又無咗件事～雖然其他食物係好食～但唔會再幫襯囉～

食咗十幾間放題， 我覺得呢間最好可惜價錢最高我和老婆第一次來呢間度食放題，因為見到網友分享拖羅，我老婆最鍾意食拖羅。第一時間梗係叫個刺身拼盤，見到拖囉真係好靚，食落口好好味。其他刺身都很新鮮新鮮。這裏的裝修很漂亮，以冷氣都會很凍，所以要戴件披肩

前排見到朋友圈嘅相，得知大喜屋有終極版 -《殿》，見啲嘢食賣相超正 ，雖然我只食過大喜屋，但亦決定skip咗《樂天》、《極尚》，直接跳去試終極版-《殿》先 ！是日準時12點到達，一出電梯就望到個養眼 甜品櫃，皆因櫃上面有個可愛bear bear架呢！侍應生安排咗個window seat畀我哋, 唔錯㗎 ！每張枱面放有三本menu , 心暗喜道 : 有無咁多款式 呀？！我哋邊點邊揻紙，三兩下手勢ko晒 ，原來得個殼，都無咩内涵 嘅！ 前菜有沙律、海蜇、辣泡菜、銀魚仔、腰果等等 。刺身 : -拖羅-終極版零舍唔同啲，有得任身極品拖羅 ！肉質肥美，有脂香 ！三文魚-厚切，雪得冰凍，感覺唔到魚味 。希靈魚-紮實彈牙，夠爽脆 ！北海道帶子-非常鮮甜爽口 ！甜蝦-肉質軟嫩，帶有淡淡嘅甜味 ！北寄貝-肉厚柔軟，味道爽甜 ！池魚王-口感油潤，有魚油香！油甘魚-肥美甘香！象拔蚌-口感係脆，可惜唔軟嫩 ！松葉蟹腳-鮮甜美味，肉質細嫩 ！壽司 : -壽司飯太過黏實，好難食 ！京都香蔥玉子壽司-甜甜蛋味好食，舊飯就 ！泰式虎蝦壽司-蝦肉爽口彈牙！三

以較平既價錢去試之餘，亦唔需要趕時間。閒日去客人都唔多，相信品質會好穩定。一上枱係刺身同壽司類。頓時覺得架上既壽司好靚同高貴。刺身真係鮮味過平時食既放題，唔需要另外點三文魚魚腩，店家會自動分配一半為魚腩。好貼心。呢碟壽司只有 蟹柳係唔好食，另外黑松露味唔出，但泰式生蝦壽司係中規中矩。炸物無任何特別，但個扇貝真係好味之餘又唔重沙律味，值得再試。燒羊架，唔騷唔太油，又唔會難咬開。同以往食開放題點既羊架好唔同。個薯蓉好甜，個人唔太中意。但個蒸蛋真係帶出黑松露個味，入口夠滑，又有蛋味，正呀。呢個啤酒甜品精緻得黎個啫喱又有淡淡既啤酒味，以放題式既甜品黎計，真係好特別。成份自取既甜品都好味，唯獨個黑松露朱古力令人失望。食極都唔覺有黑松露味。整體黎說，個人都係中意午市去食，由於食材一樣，唔使趕時間交枱同無咁多人。偶然靜靜地咁食放題，呢間真係好選擇。人少少服務員都好肯招呼同好樂意介紹食物架。

朋友話殿唔夠極尚抵食！但唔試過又點知呢！今日同我媽黎會一會佢！排隊上樓同果邊一樣嚴重...但位置我覺得呢邊坐得舒服d！野食係好似冇果邊咁多野食！但貴精不貴多！ok啦！Menu 有三本！但入面唔太多選擇！寫左一堆貴價野先！呢邊比果邊好既係野飲任你食，有前菜又係任拎！仲有甜品同雪糕任食！第一轉梗係黎叫左刺身同壽司先！我冇做好功課！唔知蟹捧係真係蟹...我錯！第一轉既刺身我只係冇寫蟹！哈哈！個拖羅好正！入口即溶！象拔蚌都真係唔駛叫喇...帶子都好甜！蝦好爽甜！其他都新鮮既！仲有我最愛既海膽壽司！我一個人食左半打...去到呢個位都飽飽地！但又想試野！每樣一兩件都可以！個炒蟹有驚喜！個蟹我媽食得好開心！味道好野味！甜辣甜辣咁！蟹好大隻！一份大概有半隻！我地食左 4份！正呀！薄燒和牛都好正！入口即溶牛味亦好濃！燒牛舌都好味！唔會難咬開！蟹粥就得個樣 😤😤 冇蟹味！但個粥底好棉！甜品我地都幾左兩款布甸！每人一杯雪糕...都真係要行落去旺角先可以舒服少少！哈哈！太飽喇！如果你問我係咪真係極尚抵食少少！我會答你唔係！因為兩邊既野都唔同！😋😋

終於再一次食 殿 大喜屋同其他大喜屋唔同既係有師傅即場處理海鮮刺身 刺身十分新鮮 長腳蟹勁鮮甜 啖啖肉壽司推介左口魚 入口即溶 海膽都唔差 一d都唔声而且好足料燒物同炸物普通 牛舌較推介同埸仲有哈根大使雪糕任食

上次是Dec2015來食, 好有驚喜, 因食物明顯是上盛質素, 型式是半自助餐, 簿燒牛肉, 長蟹腳, 拖羅等美食是自己出去即取的, 還可自製生日朱古力牌, 可是今次去, 很多方面都不同了, 現在逐一比較, 當日懷著與奮心情5:30已在樓下排隊等待上去, 一入去, 已發現上次個長蟹腳山不見了, 坐下來工作人員已告訴我們除了飲品, 甜品是出去攞, 其他都是用order紙, 第一時間睇下有無長蟹腳和海膽軍艦先, 好彩仲係度~長蟹腳上次除左可以出去自己挑選之外, 每隻蟹腳都是肥美大隻, 但今次連埋剌身盤一齊上, 明顯size 細左好多, 這size 是我們上次不會夾的, 好彩, 味道仍是鮮味的, 但真係細隻左好多~此情不再海膽軍艦上次的海膽是馬糞海膽, 是很大片顏色很深質量上級, 但今次只係很普通的海膽, 很細片顏色很淺, 這點非常失望~拖羅拖羅就要讚, 上次拖羅只係普通拖羅, 但今次顏色和肥美度都比美大拖羅, 很好味, 回本之選~殿壽司上次是沒有花之卷, 燕窩卷, 明太子山等殿壽司, 今次有這些款式還用下午茶盤上枱, 味道好味~簿燒和牛本人覺得一般, 只係伴醬汁好味, haha牛肉煱平時好

3周年，同男朋友去殿大喜屋食正正放題吾好講甘多！一定係食刺身先超豐盛！好滿足！唯一一間會比足曬數比你嘅放題呢個係池魚同tuna好味道，平時日本餐廳食呢度都要$100壽司擺碟好精緻食慾大增雪糕除左有haagen daz，仲有我中意食嘅milkyop超中意紫薯味同海鹽呀竟然兩隻有齊好幸福未完架男朋友專登叫人寫左呢個比我好感動雖然真係平時吾多食甜野但男朋友專登叫人寫點都要比面食曬佢嘅

相約朋友食放題，呢間尖沙咀放題，友人話重點係甜品，我鐘意食日本放題，呢間之前有試過，但係只覺普通，佢話而家有改善，信佢啦。我最愛海膽壽司，試一口，海膽幾新鮮播，飯都好札實，我叫左好多碟。另外推介係D炸物，紫薯波，香脆中會食到錦軟紅薯蓉，不過好膩，二碟都夠晒，重有呢個過隱的朱古力願望球，好好食, 好有朱古力味，重好好玩,寫多D願望呀！主角係甜品，慕絲、糯米磁、奶凍，都好好食，OK!

環境不錯，我反而之前吃過一間約三百的自助餐無這間咁好，這間食物水準一流，第一次有拖羅刺身任食，它的黑松露蒸蛋好好味😍，吃了一半，個蛋放了十分鐘後再吃竟然仲熱！我是榴槤fans,當時要試下這個榴槤炸彈，非常好吃！仲有啤酒蝦，燒帆立貝也好好味，其實我想講好吃的食物有好多，每様都想encore,最好的甜品畫上完美的句號，甜品款式多，雪糕有海鹽味😍，竟然仲有生果！

聽朋友話殿不錯，就黎試下啦，波子汽水幾特別，有玻璃瓶既波子汽水味，唔係到處都有，不錯第一擊，當然係刺生啦，厚切既三文魚，甜蝦夠大只，吞拿魚口感新鮮，仲有拖羅啖啖肉，其他都ok 肥厚既牛舌好好味，唔會太難咬，啖啖肉，又夠咸味，正燒雞翼就較淡味，燒雞軟骨就咸得黎幾正，脆脆地夠咬口，味道不錯呢個燒帶子好味，香口夠份量，加上芝士無得輸食下啲水果先，燒菠蘿，唔會太乾，仲有水分係入面，又唔係太酸，幾開胃壽司雖然不是太大件，不過肉好味，左口魚入口即溶，三文魚腩好滑，牛肉不難咬口細細件既海膽，都唔會無海膽味，都算新鮮因為太飽關係要食左甜品先了，一定要食既milk top 有兩種口味，海鹽同綠茶味，兩種都試晒，綠茶夠濃味，海鹽咸咸地加牛奶雪糕，幾清新，今次就食住咁多先，下次再試其他先，因為實在太飽了，哈，之前叫既嘢叫得太多都不是太好，哈

排隊入座，樓下大排長龍，還可替其宣傳；放題分兩段時間，等店內清場清潔後即可，進店光猛亮堂。刺身不少，據說這兒著名是有池魚，但其實池魚味道如何呢？吃落好像跟油甘魚有點像，但再嚐真點，池魚的確較爽口😆；油甘魚有種黏黏的口感，而池魚則爽身，但兩者都沒有特別鮮味、腥味🙄。北寄背也是爽爽的質感，切得薄薄的，沒雪氣。蝦-夠大隻，不像平日大路放題店的甜蝦像「小型尾指」那麽小😏。海膽軍艦-這兒壽司的特色，小小的圓圓的，不太大件，可以大吃特吃，海膽有點鮮味☺️，沒太腥，也不太膩。牛油果卷-較普通，內裏似乎包含的是蟹柳，一般而已。左口壽司-沒甚麼味道，與火炙三文魚差不多。鹽燒牛舌，小塊但夠厚，香濃熱燙👍🏿。薄燒和牛，不覺甚麼入口即溶，牛味還不錯，但是也不是高級和牛吧。榴槤炸彈-要包著流質榴槤醬，難免要外皮厚些；榴槤醬芳香濃郁🤓，炸得內外均出煙熱燙，不錯。甜品、飲料無疑較其他放題多，還有清酒啤酒，汽水、乳酸、檸茶等。甜點櫃那邊則以乳酪較吸引，是明治的士多啤梨乳酪。另外的焦糖布甸烤至面頭脆皮，也算不俗☺️。雪糕：Milk Top綠茶及海鹽味，口感極粗粒狀😡，不幼細，味道也普通，不覺特別香濃（看旁邊的產地還發現是葵