殿 大喜屋

營業中

休息中

首先餐廳環境乾淨，服務員態度出奇地好嘅，值得一讚👍🏻沙津吧，甜品同埋飲品都係自己出去任攞嘅，種類都好多，味道也不錯嘅。一心只係因為任食拖羅而黎，所以一坐低就唔客氣點咗兩份。本身唔喜歡浪費，兩個人，點兩份試吓先。張相睇落好似好正咁哩？！ 我都以為係！點知咬落去，仲硬硬哋未溶夠雪😤 唉！以為淨係呢碟啫，食完再點過試吓啦。點知一樣！我哋唯有將啲拖羅夾起放响自己個碟度等佢慢慢溶吓先食，即時冇哂食欲，冇哂心機！唔知係咪因為我哋食第二輪，啲拖羅比第一輪食哂，預備唔夠，所以第二輪溶唔切雪都要頂住先！收咁貴都係因為你有拖羅，但如果質素係咁，我寧願唔食，去返其他嘅大喜屋仲平！冇咗拖羅，跟本同其他大喜屋嘅食物質素係冇分別！

星期五諗住同老公好好食餐慶祝放題，變成失望及不會有下次的一間放題。食得超趕 ，一來就是熱食，刺身等左好耐先上⋯⋯第一道菜就漏單。枱已細 食物上得很快 冇機會細緻品嚐 ，一點食得都不舒服。當日冇海膽都算⋯⋯仲要比咁既價錢實在不建議去。唉⋯同事同日去食大喜屋，又有海膽 價錢又平點 各方面都很好，我就是唔聽佢講 ，食番普通大喜屋店仲好⋯⋯⋯⋯⋯

之前跟朋友來吃過一次，覺得不錯，於是老爸生日就帶他到這裡慶生果然爸媽兩位都吃得很滿意～以下重點介紹一些最好的：刺身：赤蝦超大隻！三文魚也很肥美！其他甜蝦赤貝帶子也很新鮮！想不到還有海葡萄～媽媽很喜歡我們三個食肉獸當然少不了燒羊架及牛舌，如果牛舌是厚切的話更好～啤酒啫喱配蝦球：啤酒啫喱真的有淡淡啤酒味，蝦球酸酸甜甜的，配在一起不錯！雪糕：有haagendazs跟milk top這次milk top只有海鹽味(上次有抹茶味)，不過也不錯，感覺其實像牛奶味～而更驚喜的是，有榴槤味的雪糕球，榴槤味十足！乳牛包裝紙的牛奶布甸不錯，但藍莓軟芝士就不推介了，蛋糕味道有點怪……最後由於老爸生日，餐廳送上朱古力球作生日蛋糕～還附上鎚子讓你敲碎～味道就……只是gimmick的玩意吧！P.S. 我們的放題時間是6-8:30pm, 由於8:45還有下一場，所以員工非常緊張～8pm開始就不停收拾碗碟，8:15更開始抹桌子…最過份的是，我們桌上還有一碟兩片的燒菠蘿，但一位男侍應問也沒有問就趕快收起，實在令人不快！雖說只是一位員工是這樣，其他員工也很有禮貌，但也希望店方注意！

約左咁耐終於約實今日食殿大喜屋, 雖然係放題但佢都幾多花款, 仲有自助沙津甜品區, 仲有冷熱清酒飲, 都幾有驚喜黎食放題點可以無刺身拼盤, 佢刺身種類都多, 連馬刀貝都有, 雖然吾算貴價野, 但好多間都無得食, 值得一讚, 而且佢D刺身解凍得岩岩好, 食得出佢地鮮味6:30點後, 佢出面仲有得囉黑松露三文魚手卷同海膽手卷, 建議大家吾好第一時間出去, 因為會好多人好浪費時間排, 後期係吾會再有人食, 因為佢存量好充足, 吾駛怕佢會無哂我本身就要左三文魚手卷, d飯係伴左黑松露, 黑松露的特別菌味更能提升三文魚的鮮味, 而且用上大塊三文魚腩, 十分肥美香口, 正整體野食都幾出色, 特別想提下佢d板壓壽司, 賣相好靚, 而且設計都好有心思, 牛油果虎蝦, 食落去好充實, 牛油果的甘香配上炸虎蝦, 大满足!!!

朋友仔生日，咁佢又中意食日本野，咁就帶佢去食高級放題因為一早訂咗位，係地下講個booking no.就可以拎張紙仔上去，入到去走一轉，地方好大，2個人坐卡位好舒服，有甜品區、雪糕區、沙律區同飲品區👅呢度有自助區，亦有剔紙落柯打，放題點餐紙，有刺身、壽司🍣、炸物🍤、燒物、麵飯煮物🍱、一品料理都有飲品種類亦有好多，清酒啤酒，汽水、乳酸，果汁等，最surprise既係有熱同凍既清洒可以選擇一黎梗係食個刺身拼盤先😎三文魚好厚，甜蝦好大隻，帶子亦好有鮮味，仲有拖羅我朋友至愛❤️啖啖肉，整體真係視覺同味覺都完全滿足到黑松露燉蛋，蛋都算滑，係略為偏鹹咗少少鰻魚玉子燒係我既至愛，甜甜既蛋香，加鰻魚汁既香味，prefect燒羊架都唔錯，冇咩so味，肉質都軟好有口感，我都食咗2件長腳蟹亦係我期待己久既海鮮，肉都算多，但味道略為淡了一點，但放題可以食到呢個都算不錯燒菠蘿係我放題必叫既，呢到既唔會太乾，仲有水分係入面，又唔係太酸甜品真係超多❤️好多款好開心咁因爲朋友仔生日，朋友之前亦有提過生日優惠1日前book位同2個人以上就可以有免費叫dream ball的甜品蛋糕，好有心思，個碟亦design得好有心思另外有

一心諗住去殿大喜屋都係為左海膽手卷，點知一去到坐低d職員先講貨量問題，所以冇海膽手卷供應，講真冇海膽我駛鬼黎你殿度食咩，問職員點解book位時冇通知客人冇海膽供應，個職員淨係話貨量問題，唔好意思！其實我係問點解因為貨量問題冇海膽而book位時冇講比我知，唔係問你點解冇海膽！跟住重覆問左三次，個職員先講咁可能個同事有少少問題，其實幾間大喜屋都冇海膽，不是只有殿！總結：海膽係其中一個值得去殿食既原因，但冇海膽又冇同客講，落哂訂去到先知，即係欺詐消費者！其實冇海膽，我駛乜book你殿呀！刺身尚算新鮮！凍蝦鮮甜，縲肉冇味！黑松露燉蛋，味道一般！蛋不夠滑！

朋友請我嚟呢度食放題，食物好多款式揀，杯我隨手幾個都唔乾淨，碟筷子乾淨。拖羅好冰，無味道，油甘魚唔錯，甜蝦都幾好，甜品都幾好，雪糕款式多。上菜速度快，除左魚生，熟食，湯都有。炸紫色蕃薯仔好香好好味。星期六日呢個價錢嚟講，食物質素都幾好。

之前朋友食過覺得好食，介紹我去。今晚就同朋友試吓呢間位於尖沙咀 The one 附近嘅殿 大喜屋，睇吓係咪真係咁抵食。一早打咗電話去book位，佢會俾個訂位編號你。去之前上網做足功課，睇吓有d咩係必食，去到自然唔會錯過。網上有介紹會有池魚、金目魚刺身，但今晚去到就唔見有。環境真係幾舒服，地方夠大，有卡位。上菜速度都好快，唔使等好耐先有得食。飲品位:有好多選擇，無限量供應。主要為韓式梳打、日式梅酒、汽水、啤酒、白酒、冷熱sake、果汁等等。手卷:分時段拎，有海膽手卷同黑松露三文魚手卷，每人每次限攞4件。海膽係勁大塊，好食。去到一定唔可以錯過。甜品:每樣都細細件，好多選擇，今次推薦北海道牛乳布甸，口感好滑。雪糕方面有Häagen-Dazs (朱古力味/士多啤梨味)、milk top(沖繩海鹽味)同Dreyer's（芒果味）雪糕，鍾意榴槤嘅朋友可以試吓榴槤波波，係一個球形雪糕，獨立包裝的，好香榴槤味。之前好hit的麥提莎糯米糍都有，未食過可以試吓。炸物:叫咗個蝦天婦羅，蝦都彈牙，d粉唔會太厚身。榴槤炸彈必食，好香榴槤味。芝士年糕就淡口。熟食:叫咗個薄燒和牛，唔錯幾香牛肉味。牛舌好爽口。帶子就

今天是我和太太的結婚廿週年紀念，因為她愛吃拖羅，所以再次光顧，還帶著契女。刺身叫了四次，因為每次我要20件，上枱時得一半唔夠😱。結果我們要叫多幾次。刺身質素好好，只係唔明點解每次數量都俾唔夠，仲好似D平價放題咁有限制，有相為証。至於和牛就一般，半生不熟，味道麻麻。海膽手卷一部份苦，一部份好味。其餘都可以，燒大蝦新鮮，菠蘿好甜。咁嘅收費本來就算貴，而數量唔夠就要減分。

Hi, l'm Fion. Here is a thing that makes me feel unconfortable with. I'm your regular customs. And I've been noticed there was a waitress called CINDY is store manager who has a really bad services on us. The way she treated her workmates was really bad and unacceptable too! She used bad words on customers and it is not the first time! The attitude she showed on work was terrible! I love the food you guys have, but this girl makes me don't want to walk in your restaurant anymore!! So please be

今日五個人第一次去食，諗住有朋友去過食話唔錯，咪試吓囉。去到見到裝修都幾靚，食物款式都唔少，賣相幾好，初時都諗住食得過。點知食完後三個人都即時肚痛！以後都唔會去！完！

今日係我家姐生日, 第1次o係有糧出既情況下同佢講生日, 一於食好D啦!o係一個星期前book定已經講左有人生日, 會有個甜品送!20:45準時入座! 比貴D 係貼心D, 排緊隊個陣店員已經派橙汁~呢度既裝修o係日式放題黎講係幾唔錯既, 樓底好高, 有d 吊燈咁~最滿意既係, 佢安排左我坐卡位, 真係好闊落, 坐得好舒服!我諗我地3個坐個個位, 第2D 放題店要坐6-8個人!Menu 方面, 其實野食唔係多好多, 可能走既路線係貴精不貴多啦~樣樣都有點d ge!剌身佢砌得靚之餘仲有乾冰裝飾!刺身都好過好多放題店既! 三文魚真係好肥好甜, 不過甜蝦個日就有d 腥味!和牛薄燒呢個真係超好味! 有和牛既油花味, 好香口好正, 我叫左好多碟!海膽手卷呢個係要出去拎既! 但真係好均真! 一個手卷入面有4瓣海膽.......而海膽既味道真係好濃味, 我諗有D 人會頂唔到~但我自己就覺得好好味!其他Haagen daz 雪糕都係任食, 呢個比較少見, 因為好多放題店都係限量派發!整體其實唔錯, 不過價錢係貴過其他既! 慶祝生日ok, 但平時食放題可能會簡反滿屋/普通大喜屋~ 好似抵食d!

趴B上次帶大家去過大喜屋後，今次決定再挑戰殿大喜屋！話明殿堂級，緊係唔少得拖羅啦！趴B平時唔中意食吞拿魚刺生，但係就大愛拖羅！冰凍之餘，重好新鮮，油脂層次分明！另外要推介嘅就係油甘魚同有頭甜蝦啦！有頭甜蝦重有好多膏tim~~~~~同埋松葉蟹腳都係任食架！壽司方面亦好多新選擇！趴B最推介就係牛魔王同鵝肝帶子！牛魔王壽司：生熟度啱啱好，您睇下趴B玩到.....😂😂XD鵝肝帶子壽司：就有整片鵝肝，入口即溶！絕對係鵝肝fans必點！拖羅明太子火山：最新推出！可以一試！而鵝肝和牛燒，三文魚腩燒同左口魚都係👍👍不過趴B就要提提大家，唔好食太多壽司，因為要留肚食北海道帆立貝！牛舌同！重有芝麻雞翼！榴槤fans千其唔好錯過榴槤炸彈！！！雪糕就有哈根大師，Dreyer's同homemade榛子雪糕，任君選擇！值得一讚除咗食物質素良好 員工服務態度同擺碟都👍👏趴B評分：🍼🍼🍼（滿分為🍼🍼🍼🍼🍼）

朋友未食過，話一齊黎佢試吓，又係開動既時候了，好好彩既我地，宜家有限定既海膽手卷，超大海膽，好正先點了魚生不得之了，赤蝦好大條好鮮味，甜蝦都好鮮。朋友話拖羅好味，不過小妹平時都唔食既，都感覺還好。呢個係薄切和牛，超多肉汁，燒得剛剛好，好林身，有牛肉既香味。呢個年糕芝士波波好好食，咬落煙煙韌韌，外面又脆脆，好香口。 一口甜薯天婦羅好甜呀，點解會咁甜，又香又甜。 到最後我只可以再食水果，甜品都食唔落了，哇，兩款瓜都甜到不得了，係咪假架，哈哈，我食左好多，又甜又新鮮。 好滿足的一個晚上，飽到上頭頂。

水準尚可出食物同點菜部都妥當，快，同埋食物都同相一樣，冇太大反差。要睇準先好点，個海胆手卷最期望也最失望，因為真係好差，其他ok,係值嘅環境都好，甜品飲嘢就無得輸。推介，生日重有靓甜品