殿 大喜屋

營業中

休息中

屋企人想食放題，因佢地鐘意抵食夾大件，上網見食物都幾多，就試一試。6點去到已經坐左8成人，地方幾大，地方都算乾淨。有沙律bar，甜品區，生果區，雪糕區野飲種類繁多，有啤酒/白酒/清酒/汽水/茶...雪糕仲有Haagen-Dazs.最令人驚喜係大大舊海膽手卷，但要排隊拎。但海膽勁大舊，好重本。另外蟹粥都不錯，夠晒清甜。另外炸芝士年糕同紫薯波都十分香口野味。各種水果好甜好新鮮放題餐廳入面真心做得不錯👍

之前睇過網上同雜誌介紹~終於同朋友們約得成呢次放題聚會~呢到既海膽手卷要排隊拎~6點開始入座~ 6點半先可以開始排隊~排左一陣就有~ 因為見到幾個師傅佢地keep住不停包~ 條隊郁得好快~ 每人每一次可以拎四個~好有份量~ d海膽多到漏出黎~而且好新鮮~ 忍唔住食左兩個~雪糕類雖然得四款~ 但竟然有milk top同哈根大師街都賣廿幾蚊杯~平時都唔捨得買黎食~我重以為每一限一杯~ 問左個侍應先敢拎~原來都係任食海鹽味奶味好重~加少少咸~好好味! 呢個榴槤波波我第一次見~ 榴槤味好濃! 鍾意食榴槤既我覺得好正!原來生日前後7天有特別既甜品送~(要預先book既)好靚呀!! 可惜今次我地無人生日~ 唯有偷偷影張相黎欣賞下...

好嘢！朋友話要約我食放題，我就即刻睇下想食乜嘢邊間放題，見到有一間價位唔算低，但係有好多唔同款式嘅食物，好多人讚好心郁郁去咗訂枱，一齊去食放題餐牌有好多選擇，係我最有興趣嘅梗係刺身啦，叫咗一大斗刺身基本上乜都有：甜蝦，赤背，象拔蚌，帶子，三文魚，吞拿魚，劍魚腩我最愛食嘅甜蝦同埋帶子都好新鮮，每一口都有好清新嘅感覺，而且鮮甜味充足。另外象拔蚌爽口又新鮮，有少少海水鮮味。都係食放題必食嘅三文魚童叟無欺，切得大大塊好夠肉地，仲好新鮮！海膽壽司估唔到都有得食，有得食已經好好架啦因為成本太貴！不過質素就真係平平無奇，正常海膽，喺度有得食已經好抵燒雞翼我就最鍾意食，佢燒到外面好乾但係裏面依然有少少雞肉嘅肉汁，食起嚟脆又香可以整生日快樂嘅字樣個甜品都得意，先唔講味道味道，但係有咁嘅心思可以祝人哋生日快樂，讚。

好好食 服務一流值得一去啊！下次會再去，不過海膽就不好吃，其他都好好食！特別蛋 魚生 還有燉湯 食物環境也很好！人好nice and 服務相當快手！適合聚餐啊！ 無失望 有驚喜

大喜屋既口啤一向都好好，今次去”殿”分店，真係越開越高級，聽聞大喜屋walk in好難有位，穩陣d所以一早book左黎探個虛實。店內環境真係幾似啲酒店buffet，好大，以前啲人係哂出面排隊拎野食，飲品，長腳蟹，翡翠螺，某啲刺身同燒和牛。今次嚟呢d堆食物就唔洗再排隊,全部響放題紙入面，點就得啦!e家排隊所得既戰利品就有勁多海膽同埋即刻整的手卷，飲品，甜品and雪榚長腳蟹估唔到又幾新鮮，而且任點唔嬲，又唔會好咸好重海水味，但肉質爽嫩。翡翠螺夠凍，而且起埋殼，唔駛整到隻手”污joe哂”刺身黎講可以話係食過最好食既放題刺身，全部都好肥美，而且新鮮又唔腥，連平時唔係點食既人都忍唔任食多左！推介有拖羅and赤蝦章紅魚薄切拌海葡萄，食落口感真係一流燒牛舌未算出色，但中意佢燒得唔太乾而且唔咸。壽司黎講，細細件又幾好。和牛鵝肝係必食，另外左口魚裙邊一樣入口即融，唔食對唔住自己啊！天婦羅都不錯，炸粉唔厚，個蕃薯仔一定要試，好甜！呂宋芒味雪糕真係好好味，中意奶味重既朋友必試！另外仲有哈根大師任君選擇。服務方面都幾細心，天氣開始轉涼有侍應生主動問你需唔需要披肩， 收碟速度and上菜極快！ 點幾多嚟幾多！價錢

2016年9月2日星期五每人HK318.00, 小童HK178-本來滿心歡喜的, 老板請食放題, 我們有16大人1小孩, 給了間玻璃大房我們, 食6時至8時半時段。  1. 因為有兩個同事要7時半才到, 已經即時點叫食品, 但直至8時截單都未有上菜, 遂要求再落單, 是再追之前沒有上菜的單但遭拒絶說沒有單未上, 結果只敷衍地給了兩個同事一碗牛肉烏冬, HK636.00就此泡湯。2.   給了我們一張大大枱, 由三張小枱合併而成的, 我們圍住一張超大枱食, 結果有些剌身壽司天婦羅被放置一角, 坐對面的某些人就無法伸展整個身體去享用這些食品; 而坐梳化裡面的人就很不方便地走出去選取自助吧, 我想或是坐大堂拆開兩張枱會好些總括來講品質也還是好的, 有一客什麼龍脷柳的其實是稔魚柳不好食, 另外雪榚沒有海鹽焦糖選擇, 最可惜大部份同事也吃得並不暢快!

放題食過2次，都想試下定食。夏日壽司刺身便當沙律：入口夠爽，蕃茄仔唔酸，只係沙律醬多左少少。飲品：選擇都唔少，個人鍾意飲茶。餐湯：一上枱夠熱同真係足料（雞腳同瘦肉）。飲落唔太油膩，仲有陣蔘味添。個人好鍾意呢個湯。主菜：唔好食既係左下角-牛他他沙律 牛肉咬唔落口 -冷麵 完全無冷麵汁 好食既-刺身壽司 招牌食物，真係唔會差。 有驚喜既-鳳爪海哲沙律 鳳爪同海哲都夠爽口，味道唔辣有機會想試埋其他食物呢。

一直都想試最高級版既大喜屋, 呢排冇咁忙可以準時收工, 所以訂左位, 食下好野獎勵下自己上到去就馬上有位, 地方好大, 本menu好厚好多選擇, 令人十分花多眼亂!眼見甜品, 飲品,雪糕都有好多款, 飲品仲有韓式檸茶, 忌廉溝鮮奶, 紅茶, 等等 ,真係比平時的放題多好多揀!坐低當然劃坐刺身先~ 2 個人的份量唔太壯觀刺身食落正正常常, 款式係多, 不過我地都係食黎食去都係果幾款....不外乎三文魚, 吞拿魚, 油甘魚, 帶子刺身都係淺嚐, 因為食太多會好快飽, 試唔到其他野跟住叫左壽司, 試下出便放題無既款 , 好似燒左口魚, 和牛等等, 仲有任食既海膽!!!!壽司質素都唔錯, 海膽任食加分~熟食方面叫左燒雞翼, 燒牛舌同明太子烏冬全部都OK 既~另外仲點左好多其他野, 食到第2 round 已經唸唔到有乜野特別想食我覺得食返一般大喜屋已經足夠了, 食物質素差不多, 呢度只係勝在多款

個人幾鍾意大喜屋系列嘅放題，最近先有機會試埋殿大喜屋。殿大喜屋比極尚大喜屋仲貴，計埋加一要三百幾蚊，其實同普通D嘅酒店食buffet價錢已經差唔多。食後感係我覺得食物唔係差既，不過相對地我鍾意極尚大喜屋嘅刺身多D，D蝦肥美D，不過殿依度有蟹腳。飲品雪糕款式的確幾多，飲品除左有現成枝裝罐裝包裝，仲有果汁斟同sake，而雪糕有haggaendaz丶dreyers同milk top，仲有前菜沙律同甜品自助bar~ 熟食同其他大喜屋糸列差唔多。不過值得一提係依度上菜快，漏單少，服務不俗。環境氣氛： ★★★★☆食物質素： ★★★☆☆服務態度： ★★★★☆

本身打算去極尚食，諗諗下先前蘋果動有講過一間好高級下既放題，先記起「殿」！一行4人book左12點，可以食到3點！先黎刺身！我今次淨係講好食既，就係拖羅，真係堅好食，有小小油脂，好易入口！(我本身係唔食拖羅架)其他就ookk啦！壽司！um.......無特別！海膽壽司唔錯，至少唔臭推介，左口魚壽司，入口即溶，好食到呢！ 不過第2轉嗌已經無左依支歌仔唱！ 因為第2轉佢個面燒得唔夠耐，所以做唔到入口即溶和牛薄燒，真係唔講得小，牛味重，面果塊燒得岩岩好，好食下面既就生左啲！ 可惜第2轉已經無甘大塊，同燒得比較求其？黑松露燉蛋，好食，黑松露味重，面頭既汁好似麵豉湯甘，都幾夾！唔知乜野帆立貝，重點係粒帆立貝焗完都仲甘大粒，值得一讚，而且幾好食！炸物！有芝士年糕，炸榴連，炸蠔，雞翼！所有都好食牛粒，嫩滑！好味蟹粥，白酒清酒蜆，普通囉牛舌，好期待，亦都好失望，好un...而且太厚啦！甜品就不過不失！總括，278加一食lunch 有3個鐘略貴，但夜晚去到318加一得2個半鐘，而且野食同lunch一樣就更加貴！ 野食整體唔錯，都會再食既！員工好有禮貌，值得加分

男友鍾意食放題，試過好多間，今次試下好多朋友介紹一定要食一次既殿大喜屋，但價錢比其他放題貴，見男友生日，就豪一次去到見到樓下排晒隊，等上去，值得一讚排隊期間侍應會派包冰凍檸檬茶，唔洗乾等，上到去一開始緊係要食刺身喇，好快就上枱，正，夠凍，夠鮮，仲有拖羅可以任食，好小放題會咁重本，其他食物都好野味，由其係香辣霸王蟹，個汁好好味，有小小辣，唔太鍾意食辣既都入到口，去到最後一定要食榴槤炸彈，入面真係貓山王肉，我忍唔住食左3粒，本來想再食，但佢地既雪糕係Milke Top，呢個唔係周圍有得食，仲要係任食，點可以唔留位食呀～～整體黎講，呢個價錢值回票價。

大半年前試過覺得超正，所以我們今晚再去「殿 大喜屋日本料理」食晚市放題！冇辦法人數太多， 始終食放題會較化算.大家一早抱著準時作戰的心態全部都提早 喺樓下等 ,在炎炎夏日等入座，有侍應生派飲品消暑,讚一開始我們叫咗......拖羅-有相為証質素唔使多講...長腳蟹&3文魚亦不能忽視 前者彈牙 後者肥美池魚王 魚香味重肉質鮮甜壽司 款式相當吸引,但不適宜進食太多留番個肚食其他...海膽軍艦-落地要即食!蒜麵豉炒虎蝦配啤酒啫喱-水準keep得住炒蟹-好辣!醬汁嘅味道好濃郁！溫馨提示, 沙律吧 /甜品/ 汽水/ 飲品 /雪糕 /屬於自助區食品,有多款特色甜品同沙律選擇！

上次講到忙得滯買唔到生日禮物俾男友，除左準備蛋糕，都仲準備左餐飯嘅，Book左殿 大喜屋～室內装修一般，唔算靚，普普通通，光猛企理啦～除左點紙落單，出面有個細細嘅沙律吧，不過唔豐富～飲品櫃選擇好多，見到有d野飲成本都唔少架～另一邊仲有清酒拎架～刺身食左兩轉，第一轉d三文魚都可以，第二轉d三文魚又林又唔好食，至於拖羅，poster影出黎好肥美，但事實上食落完全唔係入口即用仲有筋添，甜蝦都大隻嘅，帶子細粒又唔好食～總之刺身就一般啦～蝦天婦炸粉有d厚，牛舌都好食嘅～燒牛肉壽司幾好食，有d黑椒汁嘅味道，火炙三文魚唔夠肥美～呢個野係會餐最好食嘅野，都好多人叫嘅薄燒牛肉，點埋呢個甜甜嘅醬油～好好食！青椒炒牛柳粒，幾惹味，牛肉唔會太熟，好食嘅～泰式辣蟹，都幾辣下，個蟹蓋有少少蟹膏～肉就唔係好食倒～燒菠蘿，酸甜甜的～雪糕有哈根大師，但有難得一見嘅Top milk～可惜所有雪糕嘅味道只有四種味道，選擇唔多～白色嘅牛奶布甸同黃色嘅焦糖燉蛋都好香好好食，朱古力味嘅馬卡龍都唔會太甜～不過，伏黎喇！寫甘多篇openrice 第一次用個＂伏＂字！就係果件正方形所謂嘅芝士蛋糕，真心難食到一個點！有分級數，就自然有期

之前朋友大力推荐，话试过大喜屋全线系列后觉得最好都系殿，结果同老公去食咗一下，略感失望咯！可以选择嘅品种好少，唯一优点系有拖羅任食，但系刺身唔多新鲜同埋切得太薄咯，感觉上极尚大喜屋性价比高滴，除咗无拖羅，其余殿大喜屋有嘅嘢极尚都有，而殿无嘅嘢极尚又有喔！

話說是大喜屋的最高系列，不過所有食物都非常非常一般。一般程度是普通大喜屋也不如。那些壽司真的可以用不堪形容，出品比屋村的質量差不遠。唉，看食評不錯，選擇了同朋友去慶生，失望而回。不會再返去了。