殿 大喜屋

營業中

休息中

早兩日第一次幫襯，見食評唔差，但親身試過真係失望。出單慢，張張柯打都出少一半份量。又經常漏單。係得侍應有禮貌，放題嚟講算差，唔會再去。一行十人，覺得呢個價錢唔值，連加一$360左右！十分憤怒！

油尖旺一街都係日式放題，而當中最多人識應該係大喜屋吧。而呢間分店個個網友都話店如其名，係 【殿】堂級享受！醒目小妹我一早就訂好枱，感覺尖沙咀放題經常好旺。 小豬和幾個fd子準時到步，唔需要等就直接入座😍估唔到放題o既裝修同環境都可以咁輝煌，影相呃like一流, 食裝修都抵哂哈哈哈哈哈小妹之前都有試過另外兩間大喜屋分店，而 殿 用料就最矜貴。今次第一次品賞拖羅，啖啖肉，睇得又食得！十個少女九個種意玉子燒，小妹都一樣，一個人食左全客鰻魚玉子燒😍😍😍  蛋味香，口感彈牙，鰻魚汁夠入味加上香味十足！極度推介！海膽手卷又係一絕，唔會太大個但好足料！【殿大喜屋】果然 店如其名！榮登小妹最喜愛餐廳最一位！

又到年底，三五知己都收到雙糧花紅，甘當然要食餐好既獎勵下自己，我地今次就去左殿大喜屋食午餐放題。地方新淨企理，環境都幾舒適。飲品種類夠多，除左各式汽水外，仲有果汁、日本茶同清酒。一入到店內已經見到大排長龍，原來大家都排緊即製既海膽同黑松露三文魚腩手卷，每位客人就限攞4件。有圖有真相，海膽份量多到滿瀉，當然味道亦夠濃郁新鮮。薄切池魚刺身 - 池魚雖薄身但入口即溶，魚脂香濃，旁邊又有海菠蘿既得意，再加上酸髮菜更醒胃。食得放題又點可以唔叫刺身，馬刀貝夠新鮮爽口、赤貝鮮甜、拖羅魚脂分佈平均，整體夠新鮮。黃金北海道帆立貝 - 用上芝士同沙律醬一齊焗既帆立貝非常香口，帆立貝亦整得軟硬適中。鹽燒牛舌 - 燒得火候剛剛好，牛舌又唔會un, 值得一試。蔥燒蒜粒薄切牛肉 - 由於切得夠薄身，食落真係入口即溶，加埋蒜粒同蔥花令口感層次更豐富。各式壽司 - 燒海鰻香口惹味、左口魚魚脂味好香、和牛入口即溶。松葉蟹壽司真係好少其他地方食到，師傅亦整得相當唔錯。食完主菜當然要醫下甜品胃，有大量甜品選擇，雪糕亦有各大品牌添。

大喜屋一向係我既放題首選，由以前只得大喜屋時，我已經成日去中環食，到之後出埋樂天大喜屋同極尚大喜屋，我都有經常去食，每次都保持到水準。殿大喜屋係一年前左右食過一次，當時覺得十分有驚喜，因為環境，質素同服務都好好，而且食物及飲品種類繁多，岩哂想食唔同款食物既人去食，仲要係放題有長腳蟹同haagen dazs都算經典。基於以上原因，係生日前一日我又去左食殿大喜屋。食物種類相信大家都好清楚，但今次有清酒，不過略厭刺喉，所以試左少少就冇飲。另外，各款刺身既質素係唔錯，保持到一貫水準，第1 round 叫既刺身入面既拖羅有驚喜，肥美兼入口溶化，但之後再叫就普普通通。同時，佢既三文魚好可惜係有根位既。刺身入面最值得讚既係赤貝，好新鮮同爽口鮮甜而佢另外有既海鮮包括蟹腳同青口，都正正常常啦。另外，佢壽司既質素同設計係值得一讚，不過就掛住食冇影到相過左一段時間之後，就有任食加大拿海膽手卷，之前食過質素都幾好既，所以諗住今次又可以盡情食多幾卷。排隊唔算耐，但每人每次限拎兩卷。今次一食落口，有d失望，因為海膽比較苦同冇乜鮮味，口感亦都比較漿，有唔新鮮既感覺，而且舊飯都好大舊。不過紫菜係脆既，呢d細緻位做得唔

同屋企人都一齊放假，我地決定去豪一餐食殿大喜屋既放題。沙律吧同前菜令人眼前一亮有好多唔同嘅選擇， 前菜有芥辣八爪魚，海蜇，麻辣鴨腎等等… 沙律有新鮮的沙律菜，生菜，車厘茄。樣樣都好新鮮， 我試左好爽既海蜇，少少辣又開胃。仲夾左生菜同車厘茄，配芝麻沙律汁， 好香芝麻味配生菜車厘茄好清新。為放題打定個底，開始大開殺戒…特別介紹三文魚刺生好靚好肥美，脂肪比例均勻配wasabi食一流。仲有我鍾意食既帶子，又鮮甜又大粒，一定要再order。新鮮既甜蝦，鮮甜又好味。試左池魚王：入口鮮甜又有咬口。散發出淡淡既魚香味…第一次食既我覺得另有一番風味。金目鯛： 新鮮，入口清新而且油脂均勻，又唔油膩。 日本蠔： 大大隻新鮮又好味，有蔥有日本豉油令鮮味更突出。D野夠新鮮，貴左少少都值！

帶住兩個大食既小姨甥去食聖誕大餐，最抵食又食得最開心既緊係日式放題啦。諗住近尖東食完可以睇燈飾，就揀左呢間殿大喜屋。兩隻小魔怪最愛食刺身壽司，第一round唔同種類刺身，特別中意食大蝦，因為真係幾大 三文魚燒得岩岩好，有d魚油出左黎，又唔會太熟一口三文魚子壽司，幾滿意呢個呢個壽司盤放得有趣有趣呢個都幾impressive，呢間放題唔係特別貴，但有燒酒、唔同酒飲，而平時放題好少有。都幾岩大人黎食，值得加分。有唔同燒物，一定必食燒菠蘿，可以開胃呢個好 cheese˜˜˜自助自菜仲有自助甜品櫃，有好多唔同一口甜品食，兩隻小魔怪食得超滋味又興奮！不過對我黎講，milk top GE 沖繩海鹽雪糕先係最最最正，真係好少夜題有得食呢隻雪糕！！一口氣食左2.5杯，真係好誇張，哈哈。

雖然我係閒日中午黎食放題 但一入到去已經見到好多人排長龍～ 原來係等緊手卷 見到手卷啲三文魚又厚又肥 好邪惡呢！一入到去緊係點左刺身先啦！三文魚好鮮 連我平時唔食既其他刺身魚都不斷食 另外擺壽司既設計都好搞笑 最想推薦係 芝士鰻魚壽司！以為佢係普通芝士塊就錯啦！食落口好大陣芝士蛋糕既味 對芝士迷係大愛 不過如果麻麻芝士應該覺得好滯 因為真係好大舊好濃芝士！！飲品大概都係汽水、茶⋯ 不過冬天都黎 所以佢加設左熱維他飲品 仲可以自己沖綠茶⋯雖然甜品好多，但真正吸引到我既係三款雪糕仲有個榴槤雪糕球！好少食沖繩海鹽尼隻味 好濃牛乳味 有淡淡鹽味，就算味道比較少 食多幾間都覺得可以回本呀！正！

好少放題做得咁好今日放咗工之後約朋友食飯，我哋選擇咗殿大喜屋，食物款式十分多，刺身十分新鮮，尤其是燒物很適合我的口味，飲品雪櫃長期爆，人山人海但侍應都保持笑容和水準，甜品櫃都十分多選擇，有馬卡龍，木糠布甸，仲有我最愛吃的紐約芝士餅，埋單800蚊有找。絕對係放題之選

有時和朋友外出食飯, 諗唔到食甚麼, 就會食放題或火鍋, 因為有好多選擇. 早前我地便去了位於尖沙咀的殿大喜屋日本料理食飯. 一直以來也想試下這間, 之前只試過佢地大喜屋. 款式選擇也有不少. 尤其是飲品款式特別多, 除了一般凍罐裝飲品, 熱茶咖啡外, 仲有日本清酒, 最貼心是熱的紙包飲品, 天氣寒冷時飲就最好不過. 當然不少得各式各樣的甜品, 仲有Movepick, Haagan-Daze和Milktop雪糕任食. 由於我唔食魚生, 我就重點食熟食. 我先點了椰子燉雞湯. 個湯不但夠熱, 而且幾清甜, 能夠滋潤喉嚨. 炸物當然不少得, 點了自家製吉列蠔, 芝士年糕, 榴槤炸彈和紫心香芋丸. 我特別愛食紫心香芋丸和榴槤炸彈. 紫心香芋丸層炸得夠香脆, 內裡帶點煙韌. 榴槤炸彈真係幾特別, 一咬開, 滿口榴槤, 味道幾重. 黑椒蜜汁一口牛. 牛肉夠腍身, 入口帶有黑椒香味, 特別惹味. 芝士玉子和鰻魚玉子. 玉子幾滑身, 我自己較鍾意食芝士玉子, 溶溶地的芝士配蛋, 特別夾, 但這個一定要趁熱食, 否則芝士夠會硬咗. 蒜麵鼓炒虎蝦配啤酒啫喱. 最吸引

身邊朋友好多都已經有家庭，所以要相約食餐晚飯都好難，因為午後時間大多要照顧仔女或打理家頭細務，所以還是相約食晏比較好。人妻朋友提議去呢間，$300左右既日式放題。「殿」係級數最好既任題，裝修亦都係最豪華既，所以我覺得難得相聚而且如果食物質素好，呢個價值都可接受。門口已經幾吸引，放滿熊仔同一排甜品櫃。可惜，櫃台服務差。明明預約好既booking, 職員竟然沒睇清楚就已經臭住臉兼大大聲話我地無booking，但當然最後順利入座啦。餐廳面積大，能容納既枱數都唔少，怪不得甘多甜品同飲品供應，而且餐紙有成兩本薄甘多，有唔少選擇。「殿」當然會同一段既日式放題唔同，其中一樣就係佢地連紅酒、白酒、日本清酒都可以任飲，晏晝就可以比客人不醉無歸，哈哈！有一細區域喺放餐前小食，我拎左海蜇、女子魚同白雲鳳找，既爽口又開胃。日式放題當然要點刺身。左上：鱆紅薄切伴海葡萄，配埋個土佐炸水雲汁，鮮味再加少少酸味，味道更鮮。左下：泰式生蝦幾爽口，唔差。右上、下：刺身爽口鮮甜，唯獨拖羅太厚又帶筋，完全唔似係拖羅。其實刺身都有重點左幾次。左上：燒牛脷好韌。左下：青瓜燒完都幾甜。右上：蒜片燒牛像好好味，有驚喜！牛肉薄切好入味

公司上上下下放半日浩浩蕩蕩去食lunch放題，我之前只食過另一間大喜屋，呢間一入去果然夠「殿」～裝修好輝煌，座位好闊落。刺身好鮮甜，大大隻牡丹蝦、連頭甜蝦、北海道帶子啖啖肉鮮甜味美海膽手卷海膽份量足、味道鮮、不過我比較討厭口感滑澀澀嘅感覺。軍艦中嘅蟹肉蟹糕軍艦以薄昆布包住好特別又濃郁。燒牛舌熱辣辣即燒簡單嘅鹽燒味道調得啱啱好。不知名魚嘅薄刺身配海葡萄響香港難得遇到嘅食材，響放題出現實在驚喜。蝦拼啤酒啫喱啫喱真係有微微啤酒香氣，有一小片山楂甜甜酸酸，好得意。甜品之一嘅雪糕假若你仲食得落嘅話就真係Merry Christmas喇，全是比較高價嘅品牌雪糕任你掃

殿·大喜屋可算得上是放題嘅大哥大! 起碼在我心目中是！ 由大喜屋以至極尚大喜屋再來殿大喜屋 一路走來，我都是鐵粉來的！ 作為放題怪的我，每年也最少要來這裡朝聖一次~尤其是這間最尊貴的殿大喜屋， 集合各款日式美食不特止， 使用嘅食材亦都是非常高級的！ 因而改名為殿。 食放題二話不說先來點刺身熱身是常識吧？！刺身款式超多，可說是包羅萬有，令我都好想試勻呀！刺身方面點了赤蝦、甜蝦、馬刀貝、拖羅和三文魚刺身。果然無令我失望，每樣都好新鮮，尤其馬刀貝爽口的口感令人大愛！ 章紅魚薄切拌海葡萄又是另一款好特別的刺身~將章紅魚切到透光的刀功令人讚嘆，薄切正好可以食到白身魚的獨有韌度而不會口感過火顯老了。加埋堪稱海中珍寶的海葡萄，食起來卜滋卜滋作響，好過癮！ 雖然放題食飯好像容易飽肚，但我對於鍾意食的火炙壽司都一於照食可也， 滋味黃金蟹棒、海鹽燒左口魚邊、京蔥燒三文魚腩、香蒜燒牛肉呢幾款火灸壽司是不能錯過之選呢！ 冷盤方面有人見人愛的松葉蟹腳、 翡翠螺、海蝦、青口……以翡翠螺最正斗，肉質鮮甜不在話下，爽口彈牙之餘，切片起肉去潺嗰下服侍週到丫嘛！ 燒香草羊鞍略微過羶，而且肉質有點老，可惜。 芝士玉子卷蛋

之前食過大喜屋今晚終於book到呢間殿大喜屋全文佢係咁多間大喜屋入面級數最高嗰間因為佢可以任食拖羅同埋哈根大師仲有其他貴價雪糕都係任食沖繩海鹽雪糕好滑重奶味仲有d鹽香味一如以往一坐低就梗係叫各款嘅刺身最焦點嘅就緊係拖羅入口肥美魚油充滿 而且都好新鮮食落魚味道好濃郁三文魚嘅級數都非常之好用上三文魚魚腩肥美可口赤貝都彈牙而且又係好鮮甜之後叫燒左口魚壽司同埋火炙三文魚壽司呢兩款首先經過火燒之後魚油更可以引發到出嚟值得encore食咗咁耐凍野始終都要食返啲熱野暖下個胃所以就叫左碗椰子燉雞湯估唔到佢哋個湯都非常之落本碗碗都有椰子同埋雞肉喺入面證明唔係溝粉整成的之後叫咗呢款特色食品就係啤酒煮蝦球原來佢哋用上壽司級別嘅虎蝦再弄成呢個食品蝦頭爽口彈啦而且好重蝦味最後去到七點嘅時候就係最興奮的一刻因為開始製作即整的海膽手卷每人限拎4份手卷每一個手卷都起碼用上半版多的海膽老實講淨係食海膽都已經飽晒了

之前去完日本返到嚟都冇食一排日本野食日本野就好似上癮咁冇食一排就一定會心思思想食番啲刺身壽司同埋日式料理所以今晚就豪D book咗殿。大喜屋去解下呢個口癮時間未去到六點餐廳樓下已經人山人海估唔到依家食放題都要排晒長龍咁入場其實一入到去已經比去過任食雪糕吧吸引住不過始終壽司刺身一件都未食就即刻食雪糕都幾奇怪所以一坐低就即刻攞起個壽司同刺身系咁點因為我最鍾意就係食蝦所以一嚟到就狂點蝦每隻蝦大大隻而且剝晒殼啖啖肉好快就食完一隻一隻又一隻咁樣擺入口之後無意中比我發現左呢款啤酒蝦用上酸甜嘅汁弄成蝦球每一隻都好彈牙所以呢個餸係encore左好多次之後必食嘅燒羊架肉味濃郁不單止 而且肉質好軟淋兩三啖已經會KO一件另外呢款沖繩刺身亦都好正唔單止有沖繩特產海葡萄仲有鱆紅魚薄切刺身燒和牛片亦都係必食嘅推介因為每一碟都係即叫即燒和牛味濃郁非常最後就梗係主攻甜品區同埋生果區仲有我雖然已久嘅任食雪糕吧今晚食咗成四杯雪糕我諗淨係食雪糕其實都差唔多會左一半本了

我們今晚訂了6人6:30pm晚飯，這是我們第一次來，沒有早到，剛準時6:30pm , 來到後門口很多人，原來在排隊攞海膽，我們見不到櫃枱，直入餐廳裡面，職員見到我們問我知不知自己枱號，我說當然不知，只有訂座號碼，職員完全冇興趣帶你，只叫你自己門口問啦，超冇禮貌！擾攘5分鐘，終於櫃枱見到有個阿姐，講訂座號碼佢知，佢竟然話過咗6:30pm啦，我地張枱比咗人喇！我地當然火都嚟，話佢聽我地6:30pm嚟咗，門口多人到櫃枱都見唔到，入到入面職員又唔幫，再出返門口櫃枱竟然話我過咗時，我話電話都唔打比我就張我張枱比人？佢竟然話打咗比我，我完全冇收過電話！我問咁點搞，佢竟然話冇辦法喇，拜拜！同呢啲櫃枱阿姐講嘢，簡直顯低自己人格！好彩之後揾到個經理識講返人話，話可以比返枱我地，不過要7:30pm先有。。。我地之後當然去第二間餐廳食啦，知後個經理都差不多7:50pm先打電話嚟話有位，我話太夜啦，唔去喇，佢好有禮貌咁叫我下次嚟過。其實一間餐廳個櫃枱職員喺好緊要，喺第一個見顧客嘅人，唔可以隨隨便便放一個低能嘅阿姐睇，呢次雖然個經理之後補鑊到算喺咁，但因為櫃枱呢個低能阿姐，我已後都唔會幫襯呢間餐廳，而且我會叫我