殿 大喜屋

營業中

休息中

今日同朋友試下D高級放題，佢話加理一要成四佰蚊一位，不過話物有所值。位於尖沙咀金巴利道樓上鋪，環境不錯，桌子和座位沒有擠在一起，比較寛敞。刺身方面尚算合格，三文魚、油甘魚、吞拿魚不錯，新鮮貨色，但不是最高級的。反而刺身Bar 有金目鯛和池魚供應，每人限兩件，魚味好濃又新鮮，食呢D先最值！燒物中紫蘇蜜柚羊仔柳，吃出驚喜，羊仔柳嫩滑，少少羶，伴紫蘇葉和柚子蜜汁，好夾！唔錯。牛小排牛味也好，一再Encore。燒海鮮串賣相吸引，但食落無咩特別(味道普通)，一試無妨。壽司方面，和牛、海膽壽司飯團比較小，反而突出配料的鮮味，無咁膩。海膽實在好鮮甜，無腥味！其實今晚最值回票價是飲品Bar 和甜品Bar，飲品是樂天牌，不是大陸D罐飲品，芒果味好正。重有玄米茶、綠茶茶包任沖，夠晒消滯。甜品Bar 有多款甜品可選擇，雖然芝士蛋糕不可與酒店級比較，但不過不失。重有係milktop和名牌H頭雪糕任食，值番晒。

今日約左朋友食飯，我地兩個都好鍾意食日本野，所以一早訂定位今日食，我地早左到係樓下拎左籌排隊等20:30入座，上到去店估唔到都幾大範圍，有店員帶位入座店內裝修都幾華麗，座位之間都幾闊落自助吧有小食、甜品同飲品區，係小食區拎左好多海哲，口感爽脆煙韌，醃得好入味，食落辣辣地幾開胃，好多人都掃左一大碟返去<<壽司類>>海膽赤蝦: 兩樣食落鮮甜得黎口感粘粘牙，幾滋味三文魚: 三文魚入口即溶，刺身夠肥美，食落幾新鮮燕窩魚籽花之戀: 面頭放左少少即燕窩，連魚籽整件食好似好補，味道不俗都可以<<和牛薄燒>>和牛燒到半熟，入口啖啖肉，有數塊蒜片放面，夾住食好香口同好夾，好好味<<黑松露蒸蛋>>送到黎以為未熟，原夾面頭係調味汁，伴住黑松露，撈埋食個蒸蛋好滑同好香<<海膽手卷、厚切三文魚黑松露手卷>>到九點就可以出去拎限時手卷，海膽大大件，食落幾新鮮，厚切三文魚夠份量，入口好肥美，壽司飯撈左黑松露，味道好香同幾夾<<刺身>>剌身食落好新鮮，脂肪分佈

之前朋友食過話好食, 比我睇過D相, D海膽手卷, 好肥美, 睇見都流晒口水, 因為好小放題有咁大舊加拿大海膽任食。今日即興搵個朋友一齊黎食下, 好彩即日book到位, 個場都好大。食物上台快, 無漏單, 服務生收碟也很快!肥美又大條既加拿大海膽手卷, 入口即溶, 好鮮甜, 食多幾件都回本。刺身種類繁多, 赤蝦大大隻, 有頭甜蝦, 帶子大大粒, 三文魚腩, 北寄貝同樣鮮甜爽口。拖羅肉脂比例平均, 滑身嫩口, 好新鮮!長腳蟹有甜味及自然海水咸味, 翡翠螺及凍蝦鮮甜爽口!和牛薄燒, 燒至剛熟, 有牛肉味及能保有肉汁。香草羊架, 唔會太多脂肪, 食落羊肉味混合香草味, 配搭一流!海蝦大大隻, 鹽燒加上檸檬汁, 好醒胃, 肉質彈口, 唔乾, 好juicy!翠肉瓜燒至略焦, 入口帶點牛油香味, 仍能保有瓜的水份。青酒汽水甜品任食任飲。

特別揀左呢間高質放題同老婆慶祝周年紀念, 估唔到成層咁大, 未夠7點已經滿晒, 坐無虛席.飲品, 沙律, 甜品, 雪糕都係自助, 自助位非常寬敞, 可以慢慢選擇. 點左一疊野食, 最先黎係刺身. 三文魚, 油甘魚, 吞拿魚, 赤貝等等, 刺身雖然細舊但厚度有番咁上下, 所以食落有質感, 魚夠軟滑, 油脂豐富, 赤貝又爽口, 無雪味夠新鮮.燒帆立貝用左芝士黎燒, 芝士味濃郁又滑, 微微燒焦更香口, 帆立貝彈牙.牛油果吉列蝦壽司, 牛油果幾滑, 吉列蝦外層夠脆, 肉質爽口, 內外配搭一流.黃金蟹棒, 蟹棒夠鮮甜, 清甜蟹味配咸咸地既芝士, 醒胃不膩.薄燒和牛最欣賞個燒汁, 好惹味. 和牛味濃富肉鮮味, 入口軟嫩, 脂肪唔會太多.天婦羅蝦夠脆口, 粉漿唔會太厚, 蝦爽口彈牙.串燒牛舌唔韌, 軟腍夠入味, 唔會燒到又乾又硬, 不算太薄有口感.由於前面食得太多, 所以甜品祗可輕嚐芝士餅同哈根大師, 芝士餅細細杯, 唔算太甜, 夠滑無雪硬晒,  有酒店buffet水準.

而家大左都少左食放題，回憶起中學時代同同學放工或放假就會齊哇哇約去食放題，多野食又唔洗諗邊個唔鍾意食，最近忽然想食，所以預早訂位同男友一齊去食甜品、小食同飲品都係自助吧拎取，仲有白酒同清酒任飲，劃紙落單既食物種類繁多，連冷盤長腳蟹、翡翠螺同青口都有任叫，似足酒店自助餐咁<<刺身拼盤>>刺身食落好新鮮，夠哂大件肥美，叫幾多黎幾多，唔會好似之前食過咁衰少幾件<<芝士玉子、鰻魚玉子>>味道不比外面日式料理店食到既差，送到上枱仲係熱，芝士食個時半溶流，好濃芝士味，鰻魚做內餡，整個食落好香，咸度剛剛好，咬落好軟熟，好好食<<京蔥燒三文魚腩、香蒜燒牛肉>>我鍾意兩款壽司細細件，一口食唔會咁快飽，京蔥本身食落好香，三文魚腩入口即溶，夾埋食去左重濟膩感。香蒜牛肉重蒜味，牛肉薄切易入口，食落幾惹味<<雪花牛肉鍋>>甜豉油湯底都係女生至愛，味道唔錯同好足料，好多塊牛肉同配料，同之前食過既相比之下更有誠意<<燒菠蘿>>燒得剛剛好，唔會太燶，咬落甜得黎

2016-11-12殿‧大喜屋******************話說呢間係「大喜屋」中最豪華既一間, 咁呢日大胃首領就同班fd去會一會佢。去到樓下見到好多人排隊, 夠鐘就一次過放人去入。個場的確好大, 仲分左唔同區域, 但因為食再太多人, 小編冇出去影相。******************望下點菜紙, 確實好多選擇, 比其他放題多好多, 而且第一盤刺身上得好快又好新鮮, 壽司選擇多, 但有一兩款壽司D飯握得太實, 一舊都飽。但不得不提, 殿‧大喜屋有頗多創意菜式, 例如啤酒jelly+蝦、甜酸魚配薯蓉, 最好食係一個煙肉蠔多士, 面層煙肉香, 中間蠔滑, 底層多士吸收左味到, 但依然脆。******************總括黎講, 小編覺得殿‧大喜屋試過就算, 唔會心思思食多次。******************

每次行過the one, 晚飯時間總見一條長長既人龍, 原來係排緊隊食放題, 今晚終於約到好姐妹一齊食.訂左星期日早段5:45, 大約5:35可以響樓下登記準備上去, 上到去地方好大好大, 裝修好華麗, 而且好多大枱.除左點菜紙之外, 外面仲有沙律bar, 飲品又大選擇, 清酒白酒任飲, 飲幾杯都回本.呢間放題既食品比較精緻, 熟食野都好吸引, 先要左和牛薄燒, 真係一D都唔薄, 脂肪均勻, 肉質嫩, 牛味濃郁, encore之選.比較少見放題有既鰻魚玉子燒, 出面閒閒地一碟都80,90蚊, 呢度任食好開心. 玉子軟滑唔會太甜, 內里既鰻魚肥美, 配搭一流.刺身有三文魚, 吞拿魚腩,  魚脂豐富, 軟嫩新鮮. 赤貝, 帶子, 北寄貝爽口, 夠鮮甜.鹽燒大海蝦, 大隻夠飽滿, 爽口又彈牙, 鹽燒調味剛好, 鮮味更突出.香草羊架, 少有地係無咩肥膏, 啖啖肉, 羊味濃郁, 肉質腍身又夠嫩, 絕對無燒乾晒, 而且香草帶少少黑椒好惹味.燒翠肉瓜, 平平無奇既翠肉瓜, 外面燒至微焦, 但仍可保持內里juicy. 黃金蟹棒壽司, 面層溶化左既芝士, 配軟滑既蟹棒, 咸度剛好, 而且燒過個面夠香口.

貪心又為食的我最尾都係去咗一間放題度食，啲嘢食好吸引好多地方都見唔到。首先佢有蟹腳同埋蟹鉗，估唔到放題竟然有蟹食，正到飛起。呢個係腳啲肉質好鮮甜，雖然佢係凍食，但係佢D肉仲好新鮮！油甘魚味道真心唔錯，你睇到佢啲花紋已經好吸引。另外當然仲叫咗好多其他款式嘅刺身啦，甜蝦、吞拿魚、有金魚、劍魚腩、三文魚。三文魚好肥美呀係三文魚腩，吞拿魚粉紅色好靚，估唔到呢度啲吞拿魚比起出面嗰啲好味好多，冇咁鞋好滑！ 甜蝦個頭一睇就見到好新鮮，食落去好甜好爽口。其他都唔錯，仲有好好味嘅劍魚楠，肥美！風乾咸火腿如果配埋飲酒就最正，鹹香十足加上有啲芝士粉，一定要配返其他野飲一齊飲，所以我哋就叫左清茶橙汁。

每次慶祝生日都想大吃大喝，總是離不開任食放題，今次也不放過。餐廳很寬敞，有大量梳化位置，外面還有自助區供大家取飲品及食物。帶子和蝦很鮮甜，北寄貝也很爽口。燒牛肉的肉汁非常飽滿，而我最愛是配上蒜片，令牛肉增加不少味道。壽司的選擇多不勝數，蟹膏壽司味道不錯，芝士蟹柳的款項也蠻特別，比想像中好吃。椒鹽海蝦很新鮮，燒得剛剛好。最後來個生日吹吹蠟燭儀式，金色的是朱古力，用鎚扑爛後再慢慢吃，相當濃味，這種慶祝方法也算特別。

每月跟朋友的聚會又來了總是離不開放題，火鍋，韓燒的餐廳內設大量沙發卡位而且空間闊落，座得舒服外面自助區蠻豐富的飲品選擇很多啤酒，汽水，果汁，烏龍茶等等也有茶包提供連清酒，梅酒，香檳都有 酒鬼朋友有福了雪糕，有任食真大方帶子還蠻鮮甜的北寄貝爽口彈牙就連拖羅都有尚算肥美 薄燒牛肉夾住蔥跟蒜來吃，不錯泰式辣蟹微辣，蟹肉彈牙壽司飯不太大可多試幾款蟹膏壽司鮮美十足，很特別！鹽燒海蝦 烤得剛好，沒有乾身 店員非常主動，收碟速度很快食物質素不錯頗有驚喜的

近期生日已經食左好多生日飯，突然有個好好朋友打黎話請我生日食放題我本身聽到食放題都想拒絕，因為年紀都開始大，唔能夠好似以前後生再食咁多落肚，不過佢話梗係唔會請我食普通野，咁算喇（其實我確得係佢自己想食)約左佢係尖沙咀，我心諗唔係又係過幾間，點知佢帶我去大喜屋-殿.聽就聽過，但以前就唔捨得食，依家就真係少食放題，所以真係未試過，今次就真係試下佢入到去裝修都算ok，光猛既，但我依d唔注重內涵，最緊要就睇下有咩食，咪浪費左自己個胃咁佢話哂都係最高過級，食物都真係好多選擇，閒閒地都有10頁8頁攔，當然有好多都係普通過d無得攔，我當然要試試佢一黎就梗係試試佢過頭盤沙律，都有好多野揀，普通既沙律固然有估唔到仲有鳯爪，味道酸酸甜甜，非常醒胃.不過依個唔係最吸引，最正係佢過d沙律汁，尤其係隻蕃薯甜酸汁，配合埋佢過d沙律，真係要不停添食🍅🍅之後我朋友就點到佢至愛既玉子，食得殿既梗係唔會係普通既玉子叫左依兩款，一款係芝士玉子同鰻魚玉子，兩者有唔同既特別，前者芝士味濃，配蛋一流而鰻魚過款就非常特別，口感出奇地配合，唔會太油，連我一向麻麻鰻魚都覺得幾特別之後黎左個焗扇貝同泰國生蝦，老實說，生蝦就不過不失，驚喜

因為有訂枱，所以不用等候，當日因為星期六，現場所，係爆曬場，walk-in的客人，只好等waiting list，如果人唔到，先至可能有位！所以奉勸大家一句，如果真係想食，一定要book咗位先好去。只有2段時間，一係1800-2030，一係2045-2315，所以如果book咗是但一段時間都好，最好唔好遲，因為你就算幾多點去，都係只定時間要你離開！唔抵的，只有你自己！我們食早段，8點已last order，但自取甜品及飲品，就可以供應到2025前，但有心理準備，2025已被職員叫離場。落單可以唔駛落得咁快，因為佢嚟食物都嚟得幾快，仲要冇漏單，勁！一去到，一窩蜂咁落單，點知一嘢嚟曬勁多嘢，枱又不大，我們只好密密質，密密質，所以7點左右，已食飽咁滞！食物質素幾好，好多樣嘢都好好食！咁多人同煩忙嚟講，職員態度都算友善！

好久冇食過放題，友人推介黎試下先。可以book枱，星期日早埸5.45pm不用排隊。餐廳都好寬敞，有間格分開顧客，都算有privacy。首先可以係紙度剔，刺身選擇唔算好多，主力食大蝦刺身，都幾新鮮肥美，上菜速度好快。其他sushi都OK。熱食選擇都幾豐富，欣賞串燒，牛舌、雞翼、羊架，仲有天婦羅同泰式生蝦，都好有水準，質量不錯。有熱同凍sake無限量供應，幾特別。甜品反而無咩特色，馬卡龍同milk top ice cream比較吸引。

出左糧朋友話要食餐好既佢提議食殿大喜屋，聽講有好多出面冇既燒物仲有海膽，不過我不志在海膽，成班日式放題發燒友當然無問題啦!早左一星期book位，好full下，可能係周末既關係啦，walk-in 真係無咩可能。雖然咁多客，但坐位都算寬敞，地方好乾淨，重有剪凍蟹用比我地用，真係好貼心。野食方面呢，上菜好快，特別係first order，坐底即叫唔洗點等就出，好滿意。食日式放題自然唔少得刺身壽司，全程都在叫，但偏偏唔記得影相。食材新鮮，種類也不少。係無圖無真相既情況下，我都係唔講咁多了。燒和牛啊!!!雖然唔知係咪真係和牛，不過幾好食，無根之餘又軟淋淋，不錯！燒羊架賣相唔錯既，香騷味都控制得頗好，不會太過份，可以一試！黑松露燉蛋係重點推介，甜品必選，燉蛋十分滑，唔洗咀嚼已經”sir”左入喉嚨，甜到入心。但可能燉蛋味道太濃郁，相比上面黑松露就無乜味道。榴槤炸波波炸到金黃色，賣相真係好靚，入面係榴槤醬流心，榴槤味唔算太重，唔洗太擔心食完會成口榴槤味。今餐開心食完豐富放題，朋友們都好滿意，其實我食完好快就想食第二次><

大喜屋集團之前那些也嚐過 現在嚐一嚐高級版果然比較新鮮及少有溜單情況發生因為是慶祝生日所以事前來訂座會有手寫朱古力蛋糕 外貌不錯而每款小食也可看出有用心擺設用心去做看得出師傅的用心各有各特色 可以嚐嚐不同 雖然選擇不算多但味道也不錯的 甜品方面那個奶凍可再吃多幾個..挺滑的😍😍最後來了兩杯雪糕 😍😍這又多一放題選擇