殿 大喜屋

營業中

休息中

第一次食咁咁高級既放題 真係好驚喜 果然名符其實食物飲品甜品選擇真係超多刺身當然係必點 種類都多 連蟹腳同拖羅都可以任食全部都好新鮮 好厚切呢度既特色小食都唔少 最鐘意係海膽杯 真係好新鮮 好creamy 而且海膽份量又唔會少 配埋其他配料 食落都幾夾 好有層次感火炙壽司都唔錯架 細細件 唔怕食太飽特別推薦香蒜燒牛肉 滿滿即牛肉油脂味 好滿足和牛薄切都好驚喜 我地encore左幾次和牛燒得啱啱好 質感幾軟 唔會話太熟而韌 而且牛味真係好出好正另外蒲燒鰻魚同燒菠蘿都係必食而食物自取區都好驚喜 前菜甜品飲品選擇都真係好多 連清酒梅酒都有甚至有得排隊拎即製既海膽手卷不過唔係長期供應 我地都係聽店員大聲講開始有先排隊 但已經好多人衝去排隊每人每次拎兩件 結果兩件都俾我食曬 海膽真係好creamy 鮮甜呢度仲可以任食有Haagen Dazs, Milktop, Movenpick 等等既雪糕 食多幾件都抵啦 哈哈特別推薦以下呢兩隻味 真係好好食

最近都好少食日本野，但咁啱朋友生日就就下佢食放題，揀咗喺尖沙咀嘅殿大喜屋，方便大家放工一齊。 地理位置真係方便，出地鐵站行兩三分鐘就到。上到去裝修都幾光猛，座位都幾舒服同闊落，一班朋友傾下計敍下舊，真係唔錯。我自己就唔太鍾意食三文魚嘅，所以冇特別點，但就好鍾意食吞拿魚。佢嘅拖羅真係好新鮮，而且塊塊都係厚切，但係厚得來都入口即溶，食完簡直覺得大滿足！帶子刺身都好有鮮味，而且帶子嘅大細都唔錯，夠晒厚肉。另外佢嘅海膽手卷，亦都係成餐放題嘅加分位。海膽嘅份量絕對唔吝嗇，最重要係佢夠新鮮，食落一啲都唔腥，難怪每個客人都要排隊拎，而且每一次只限每人每次拎兩件。壽司方面我覺得佢嘅餡料新鮮，選擇亦都多，但係個人放題比較鍾意食刺身多過壽司！小食嘅選擇亦都有好多，當中包括我最喜愛嘅茶碗蒸，佢嘅茶碗蒸加咗啲蟹肉同蟹湯，真心唔錯。佢啲天婦羅同埋啲炸物都幾好食，佢個芝麻雞翼炸得啱啱好，裏面嘅肉質仲係好鮮嫩，而佢嘅皮炸到脆扑扑，好好食！另外佢嘅飲品同埋前菜都係自助形式，款式亦有好多，包括多款日式、中式、西式小食，例如章魚燒、炒菜等。

日本菜絕對係我最鍾意既菜式，臨近生日，我啲朋友特登揀咗呢間日本放題，同我慶祝生日。好彩訂咗位，準時入座，過多10零分鐘，見到門口有勁多人等緊位，成間餐廳都坐滿人。一坐低我已經忍唔住出去睇吓有咩前菜同埋飲品，飲品嘅選擇有好多，而且好多都好特別，不過個人來講都係鍾意飲返啲茶，解膩，先可以食更多嘅嘢！雖然有好多人覺得食放題，食壽司好唔抵，但我偏偏鍾意食壽司，而且呢間壽司嘅用料非常之新鮮，而且仲有唔同嘅創意壽司選擇。佢嘅海膽鮮蝦壽司，海膽嘅份量絕對唔少，而且鮮蝦幾鮮甜，真心唔錯！另外特別推介嘅就係佢嘅黑松露左口魚邊壽司，亦都係我其中一款好鍾意壽司。佢嘅燒物都非常唔錯，翠玉瓜、大蝦等等，上到枱嘅時候仲係熱辣辣，而且佢冇落好多調味料，啱晒啲唔鍾意食濃味既人。平時都比較少嗌蟹粥，但見到隔離枱個煲咁新鮮，好似好好味咁，又忍唔住自己都嗌返一碗。最後當然唔少得我最鍾意食嘅甜品啦，甜品有各式各樣嘅糕點，雪糕嘅種類亦都唔少，有我最鍾意食嘅海鹽味雪糕，基本上總有一款啱口味！

家人生日，當然要食得豐富、高興D啦！姪女介紹呢間放題，佢哋食過幾次，都話幾好，於是，鍾意食…嘅我，當然要試啦！因為係第二輪吧，等安排入座嗰位接待員工小姐，可能做到燥晒，態度麻麻！入到去，D招呼都係麻麻，不過，可能真係太爆棚，做到個個都冇停手，明白嘅。只係，感覺唔太舒服啫。我哋十二個人，分兩張枱，第一輪，已經每人兩件海胆手卷……正，然後……刺身啦，壽司啦，炸物啦，湯啦……乜都試下，講真……湯就……唔飲都冇損失，不過，就真係好多款式，赤貝、帶子、池魚都有，我最欣賞都係海胆&赤貝，其他……還可以吧！仲有推介……竟然有Movenpick 及 Haagen dazs 雪糕,飲品種類都好多。

我身邊有一位大食朋友強烈推介一間任食日本任食餐廳，有見及此我約三五知己一齊食放題。入到去到幾高級,有水晶燈，我們安排座卡位。第一碟要點一定刺身，有大大隻甜蝦、帶子、赤貝，三文魚外，仲可以任食三文魚魚腩，非常新鮮， 我們再番叫了好幾次， 同樣新鮮。仲有即叫即包的馬糞手卷、非常肥美creamy,令人一試難忘，回味無窮。蒲汁燒鰻魚也同樣出色，厚厚的鰻魚不是次等貨式， 仲要無限叫。仲有得食凍蟹腳， 充滿海水味，幾新鮮。芝士焗凡立貝,入面有芝士外，仲有蟹柳洋蔥，不錯熱洪洪。仲有燒羊扒，啖啖肉，又不會太乾好入味。就連避風塘炒蟹都有得食， 真是不話得。 仲要幾大碟。出面水bar 櫃做有些小食及美點自取，一定啱心水。花膠冬菇我都食左少少，非常入味及滑。講到野飲，除了罐裝飲品外、仲有梅酒、燒酒、果汁等飲料自取，一定可以番本。雪糕方面有haagen-Dazs 外仲有milk top 及movenpick 任食，我最少食了三杯。所以可以番本。

屋企人好喜歡殿的放題。因為有海膽手卷和各式各樣的雪糕。海膽手卷不是每一間放題都有。殿的海膽都很新鮮，不會腥。雪糕隨了我們常看到的H牌和M牌，還有好多外面買不到的雪糕，每隻都好好吃。刺身壽司都不錯，跟其他中上的放題一樣好吃新鮮。殿的熟食有一但題椰子雞湯，非常好喝。我見很多人都點了才試。試完我明白為什麼枱枱都點了。

心情唔好, 最好的方法都係放任地食.所以揀放題就唔洗怕食到荷包無錢, 殿 大喜屋一直都係我想食的放題list之一今次仲唔係一個俾我好好放肆的藉口餐廳實行半自助的形式, 各類飲品、清酒、梅酒任飲甜品都係自取, 而且款式特別多,細細一件的, 可以一次過試幾款.仲有沙律吧, 熟食、煎炸食物樣樣齊款式都唔少, 當晚的瑞士雞翼好搶手,好多人都一碟幾隻咁拎.我食左, 味道果真唔錯.刺身款式都唔少, 而且都幾新鮮, 特別三文魚、甜蝦、赤貝最好味,可以叫多幾Round.普通食味就唔介紹啦, 因為味道都真係唔差.而我最欣賞同最驚喜餐廳有唔少特色食物.呢個水煮魚, 魚片肉質滑嫩, 辣味唔太重,雖然口味唔係太正宗, 但放題有水煮魚食, 仲想點?花膠可說是回本之選, 多吃可以美顏.花膠質地唔算薄, 有咬口, 味道同出面酒樓食的相似, 如果個肚仲有位, 我會食2碗.呢個啤酒啫喱+龍蝦汁蝦好有睇頭,啤酒啫喱味道更似梅酒, 但我鐘意食蝦就普普通通, 不過個龍蝦汁係正嘅.仲有無限量供應的海膽, 不過要睇時段, 因為係某個時段才會有的.海膽再多D再多D再多D就會食得滿足好多.最後食埋個甜品, 哈根大師,MOVENPIC

友人升職加薪, 為左同佢慶祝一番可以豪食又唔洗肉赤金錢,  一於食朋友最喜愛既放題 今次揀咗好出名的殿 大喜屋, 呢間book位唔容易,平日夜晚都有九成入座率, 所以想食的朋友真係要早少少book位我地一坐低即刻睇下有咩好食, 選擇算好多. 而且特色食物都唔少, 可以試到出面放題無的款式.餐廳有自助區提供食物, 而飲品、甜品、小食都可以自取.甜品款式選擇好多, 細細件的, 可以食多幾款唔同的.飲品自取, 而且有清酒、梅酒任飲.沙律熟食煎炸食物樣樣齊, 小食區就有中華沙律、味付螺肉、八爪魚等等,供應很充足, 侍應不時會refill, 而且唔係普普通通的食物, 睇得出有用心思去做.一開始當然必食就是刺身, 先每款點少少, 等最後肚子有空位時再encore都未遲.  刺身大致都好新鮮, 而甜蝦食得出鮮甜味. 三文魚夠柔嫩，.北寄貝和赤貝不錯,可以再encore.壽司細細件的, 一口一件. 食完唔會令人太飽, 而且味道很好特別喜歡火炙三文魚壽司, 放入口中, 有入口即溶效果又有魚油香必食推介有薄燒牛肉、蒲燒鰻魚同花膠薄燒牛肉燒到剛剛熟, 口感真係好柔軟, 一點都不韌, 牛味足, 好好好味.蒲燒

講起食放題應該唔少人都會諗起大喜屋，殿大喜屋就係大喜屋集團入面質素最高而且服務好嘅餐廳。食物種類比較多，而且都係以精緻食物為主，刺身方面嘅質素都會比較靚。加上仲會有沙律吧同埋手卷櫃檯俾我哋自己拎嘢食，有少少半自助餐嘅感覺。講到刺身方面最高質嘅一定係拖羅刺身同埋甜蝦，依兩款刺身嘅質素都幾高而且非常新鮮拖羅做到有少少入口即溶嘅感覺而甜蝦嘅味道都好鮮甜，好值得encore!更新值得一提既就係有海膽手卷,呢度非常之鮮甜而且一次可以令兩份,可以不停咁樣encore!然後餐廳仲推出左新出嘅夏日料理，係一啲刺身杯，我哋分別叫咗一個海膽刺身杯同埋雜錦刺身杯，份量唔會太多但係刺身嘅款式都幾豐富所以食落去都幾有驚喜。然後我比較嘅熟食就係浦燒鰻魚，肉質會比較冧同埋鰻魚汁都會好香甜，我哋都分別叫咗兩至三次。全消方面有時我覺得都做得幾好味，同埋芝麻雞翼都好受歡迎。最後甜品方面我最欣賞就係有三款比較精緻嘅雪糕分別有haggen daz, movenpick 同埋milk top，真係淨係食雪糕都食到回本啦。最後一個甜品都好值得大家去試就係木瓜雪耳甜品，係用半個木瓜加熱整成嘅甜品，木瓜嘅味道非常之香甜，而且感覺好養

比之前食過幾次差左好多，第一上野食速度真係好耐，第二食物味道真係冇之前咁好食，第三甜品方面冇哂幾種甜品都唔補充下食到得番3個甜品，比起之前食過4次都冇咩問題，今次食唔係好掂

同姊妹係尖沙咀血拼完、再上殿大喜屋食日本放題六點嚟到已經好多人，好彩一早book咗位入門口已經見到個裝修好有格調，坐低睇下個餐牌、好多嘢食選擇，有刺身，壽司，串燒，炸物，熱食⋯等等行到好頸渴第一件事去攞野飲，嘢飲都有好多選擇，汽水咖啡果汁不特止仲有有梅酒清酒，呢個西柚味啤酒好少放題會有得飲，正！前菜螺肉，八爪魚等等可以無限食刺身新鮮，螺肉赤貝北寄貝爽口，三文魚，吞拿魚腩，蝦，鮮味。左口魚壽司，和牛壽司，炙燒三文魚壽司，入囗一陣炙燒香味白松露拖羅赤身飯球，柚子雜錦海鮮杯，千層海膽杯，蟹鉗魚子飯、各有特色。日式燉蛋，椰子雞湯，清甜可口。燒牛舌，好香牛味，一啲都啊唔韌蒜片燒牛肉，蒜片夾住牛肉再沾上燒汁食，好味焗元貝，大粒爽口食飽飽最後揀雪糕做甜品， 因為好多特別既雪糕，連榴槤雪糕波都有得揀，我就揀咗杯沖繩海鹽牛奶雪糕，好姊妹就揀咗杯有桃肉既雪糕。今日真係大滿足！

小弟牛一，老婆好好咁book左殿大喜屋同我慶祝～仲好醒目咁book左5:30-7:30，因為7:30前埋單有折。其實都好，食放題肯定飽到嘔，食到太夜未消化就訓實變肥仔肥妹，所以早食都有好處～一如一般大喜屋的情況，係餐廳樓下條街無度排長龍等入座。其實都係造勢的一種方法。一坐低即刻劃一轉刺身。味道鮮甜，感覺新鮮～真係高於一般放題的水平。仲有大量唔同種類的熟食，如炒薄片和牛、榴蓮炸蛋（必食推介！）、芝麻雞翼、一口牛柳粒、焗元貝等等等等。水準都係唔錯。另外仲有咁上下時間先開始供應的海膽手卷。生果櫃亦有車厘子（遺憾見到時已被一掃而空），雪糕有movenpick 同Haagen dazs 啦。不過缺點始終都係張櫃太細，放唔哂d食物～不過食物質素而言係值得推介。

好耐無去過食放題啦, 係時候又要約齊三五知己去拆番餐啦, 上次食過殿大喜屋幾好食, 所以今次再番去幫襯黎到食放題, 緊係要先食左刺身拼盤先啦, 不過餓既關係吾記得左影相, 刺身好新鮮甜美, 加上解凍時間恰當, 吾會仲有冰粒影響口感味道放題仲設有自助區, 有部份熟食, 而且飲品, 甜品, 雪糕都可以自己出去攞, 岩哂我依D坐吾定既人自助熟食不過不失, 不過都係D非常飽肚既野, 可以吾食都得之後仲叫左其他熟食, 牛肉燒得岩岩好, 吾會太韌, 牛味非常濃厚, 正呀我另一個推介就係浦燒鰻魚, 我番叫左3次, 實在太美味啦, 入口十分肥美, 配上特制鰻魚汁, 真係一絕炸物都係放題必食, 雖然知道間間放題來貨大致都相同, 但係都好題放題功力, 有好多都係一係太耐, 一係就炸到個心都吾熟, 但依間就岩岩好, 吾錯

小秘書今日第一次嚟到「殿 大喜屋日本料理」🍣 上到一樓，lift門打開，成棚人企哂喺度等安排座位，店內裝飾極有八十年代感覺👀 不過既然係朋友仔揀嘅，就試吓啦！食物方面，係幾多選擇嘅，「巨型魚生拼盆、花膠湯、海膽手卷」都好吸睛，至於小秘書至愛嘅「炸榴蓮」亦用料十足，香🌪到吖🤣 不過講到其他菜式，又真係唔覺比「極尚大喜屋日本料理」有幾大分別，我反而覺得佢哋嘅人手極之唔夠，枱面上嘅吉碟層層疊都無人嚟清理😕 反而就成日走嚟追我哋埋單先（但當時起碼仲有50分鐘先到鐘⏱）... 好大壓力呀😖

殿大喜屋嘅質素 一向都係放題界數一數二貴價高質嘅食材 絕對容易回本餐廳地點方便就腳 就喺the one對面幸好今日有訂位 如果唔係真係唔知等到幾時 熟食區之中 我最欣賞呢個辣酒煮花螺 非常鮮味 辣道柔和 又惹味， 另外清蒸黃立倉 白灼蝦都係必食之選藥膳雞腳千萬不能錯過 藥材味十足 雞腳又淋又入味 可連湯飲用 真材實料食日式放題又點可以冇刺身呢 刺身選擇多 而且夠新鮮 賣相仲好美觀油甘魚肥美甘香 甜蝦鮮甜肉嫩 帶子清甜另外壽司杯 不但賣相極吸引 材料嘅配搭亦相當奢華 份量少少的 可以試多D唔同款大排長龍嘅海膽手捲 又一亮點海膽份量多 色澤金黃亮麗 口感軟綿綿 鮮甜又唔腥 食多幾舊好快回本燒鰻魚 肉質肥美啖啖肉 完全冇骨燒牛舌 口感非常正 勁彈牙 燒得一啲都唔乾 仲係好juicy燒海蝦 外殼有鹽巴 咸鮮味相當突出 蝦肉扎實爽口燉木瓜糖水 木瓜size細細個 椰汁同木瓜味非常夾 仲有雪耳 滋陰又養顏蟹肉蒸蛋 蟹肉鮮甜 蒸蛋滑不溜口椰子雞湯 奶白色嘅湯底一睇就知係老火湯 飲落去有驚喜 完全冇味精 下火又解渴第一次見到放題有椰子汁飲最後留肚食埋甜品 甜品款式多籮籮 放滿幾個雪櫃 我最鍾意食泡芙