殿 大喜屋

營業中

休息中

9月朋友生日，一行5人book左網上好多好評既殿大喜屋試下壽司，剌身都好多種，岩哂我地呢D刺身控！每款都好鮮甜肥美，食到停唔到口！仲有海膽手卷 卷卷都滿滿既海膽，令我地懷疑佢會唔會蝕本飲品又係超多種類 清酒凍熱都有，仲有橙汁，蘋果汁，一D酒精特飲等熟食方面，好多樣都好岀色！燒物串串都熱辣辣，證明即叫即燒芝麻雞翼同樣係熱到出曬煙雞肉好滑，完全唔乾身酸辣香麻滑魚煲好有驚喜，估唔到麻辣隻味做得咁岀色 我地食左3煲都唔多喉豬骨拉麵嘅叉燒好淋好入味拉麵份量唔太多，剛剛好香菜花甲湯，超鮮甜，隻隻花甲都脹卜卜好新鮮，食完再食最後一定要試埋佢呢個花甲蟹粥，一啖食落去所有既海鮮鮮味岀哂黎作為食左成晚既結尾就最滿足啦甜品係另一個胃，3隻雪糕再試下，當中沖繩海鹽味好正，鹹鹹甜甜咁！推介總結，我覺得呢間放題物有所值！一定會推介俾朋友、家人

今日同男朋友約咗黎尖沙咀食放題，我哋揀咗一陣先決定食一間，因為呢度嘅食評實在太吸引我哋啦！決定要來試吓我哋食六點呢一輪，人流唔算好多位置闊落坐低梗係即刻睇吓刺身Menu先好開心呀因為池魚王！唔係間間放題都有㗎！果然冇令到我失望，刺身新鮮池魚王，必食第二輪，梗係食依度最出名嘅海膽手卷啦！要出去拎嘅，但係排隊好快就到啦！每人有兩卷即包嘅手卷！超級滿足呀啲海膽新鮮到呢！！絕對值會票價！熟食時間，我男朋友到係愛熟食之人燒海蝦、帆立貝-好好食啊！用心烹調！不用説的juice～～pama ham薯蓉-好香濃既忌廉味日式蟹肉蒸蛋-好龍蟹肉味呀，而且蛋超滑！瑤柱冬菇扒西蘭花-蔬菜都整得好入味厚厚嘅燒鰻魚食唔停口！甜品仲有海燕窩燉木瓜細細份忍唔住食咗兩份愛酒嘅男朋友-表明要大讚呢度嘅清酒，係真正嘅清酒再加熱，佢話有啲放題係直接加水溝浠，呢度就唔係啦！總括嚟講，除咗呢度大熱嘅海膽手卷之外，無論係熟食、甜品、飲品都好，都係好多選擇而且高質素！絕對冇推介錯㗎

今日要帶爸爸媽媽去食好野，所以搜尋左一間好高質素嘅放題餐廳位置喺尖沙咀The One對面，非常顯眼嘅位置可以搵到。上到去大大加分，因為環境闊落，非常舒適！位置坐六人都唔會好迫！而且乾淨企理然後，你呢間放題最重要嘅環節，就係任食海膽手卷！！而且出名係新鮮、高分所以先點-千層海膽杯試試佢，果然冇令我地失望，精緻又好味！海膽真係好鮮啊其他嘅精選都唔錯！海膽手卷分咗時段拎，但係平均等2分鐘就拎到啦， 師傅即做即包！鮮味到無話可說真係大大加分！另外我哋嘅心愛，火焰、軍艦壽司，亦係必必必推介！滿足滿足！火炙三文魚腩冇得頂去到熟食環節～繼續地滿足的吃花膠冬菇，真係好正！好香濃，而且花膠炆得好林，入口即溶呢個麻辣水煮魚柳，真係令我好驚喜！麻辣湯底加酸菜做得好好！推介！飲品方面-薄荷7喜雞尾酒係我最推介嘅！好好飲最後黎到甜品環節- 雪糕超多種類！仲要全部係最好食嘅大愛！總括嚟講，呢間放題性價真係好高！淨係海膽手卷都覺得完美。非常推介！

其實佢就係個環境唔錯但食物整體來講就真係麻麻刺身刺身帶子是碎上，揾唔到一粒係完整三文魚刺身，叫咗兩次佢都係比筋部熟食佢嘅牛肉&牛舌唔錯可以一試再試海膽手卷都可以不過佢就要帶出去排隊拎而且每人每次限攞兩份喜歡食嘅人就要行多幾轉啊不過覺得整體來講，呢個價錢依啲依啲質素其實唔係太值同埋一啲服務人員，亦都比較冇禮貌，本來我哋book咗6:45, 差不多時間問佢幾時入得，個女職員態度敷衍同我地講，你哋book咗45分等下先啦

同男朋友係尖沙咀行左成日街 晚餐搵個舒服既地方坐下食下飯，就試下呢間殿大喜屋啦可能時間仲早，食6點呢場唔需要等位。其實我地係比佢既海膽手卷吸引上黎，一定要試清楚佢先排左一陣就拎到2個即包海膽手卷，滿滿既海膽，師傅絕不手軟好滿足，一啖咬落去鮮甜到不得了！！刺生好新鮮，池魚王都係第一次試，估唔到咁好味！壽司有好多款式，火炙，卷物，軍艦！而刺生杯都好特別，好靚好精緻，可以一啖試到唔同口感！見到有清酒梅酒任飲，仲有D酒精特飲，薄荷酒精特飲唔錯可以一試之後就食熟食啦，燒羊架好正，燒得好好，外脆內軟燒翠玉瓜好juice，食到停唔到！咖哩蟹好濃郁，辣味足！最後一定要食埋甜品先叫完滿，佢呢到有好幾個甜品櫃，一定滿足到甜品達人！結論呢間放題比其他放題貴少少，但係佢啲質素真係唔錯絕對超值～下次約埋朋友再嚟食過先得！

半自助餐加不同款式食品選擇，整體上選擇都多嘅，我特別鐘意芝士黑松露龍蝦汁炒飯，我見銅鑼灣極尚大喜屋都冇嘅，相信係尖沙咀殿大喜屋獨有，值得一試！其他食品，一口牛柳粒都唔錯！餐廳環境夠大，最特別係雪糕任食！正！

見到網友的評論，於是決定與好友訂位慶祝中秋節。網上可以訂位的餐廳我最like, 唔駛打電話多數忙到冇人接聽，訂某時段又有折扣😄。餐廳在入座前致電確認，俾左個訂位號碼，在預定時間早到，原來要先取枱號，然後在樓下排隊等夠鐘入場。入座後，立即在點餐紙上選食物，頭盤全點魚生、壽司，刺身🦐好新鮮，好甜，特色刺身杯四款也好味。餐廳有一個中央食物區，有少數前菜，熟食，也有任取飲料區，甜點區及雪榚區吃過頭盆，點取熱食了。燒物、炸物也有多款，連炸榴槤也有。我點了致愛的燒菠蘿、燒雞翼，牛舌及鯖魚。菠蘿好甜、雞翼好香脆。餐牌還有粥品及湯，叫了椰子雪耳雞湯，唔咸真好。還叫了一個炆花膠，小小兩塊花膠加上𧐢油汁好味道到特定時間，每位客人可以取一個海膽手卷，一個手卷內有一小排海膽，一咬下去，好黏好甜其實餐紙上還有很多食物選擇，但我和朋友已經吃得飽了，最後用雪糕來作中秋節晚飯的句號。全店食品新鮮，不太咸，店員有禮貌，出餐快，收碟也快，值得一試。

之前都有食過大喜屋其他分店，今次男朋友生日，下於同佢黎試下殿。大喜屋睇下係咪真係咁正先😆一入到去差啲以為去錯地方，呢到啲位好闊落，又光猛 😂雖然我地得兩個人，但都有得坐四人卡位👍🏻出面仲有唔少沙律熱盤以自助形式供應🤤仲有清酒&梅酒任飲！打開menu睇發覺呢到食物選擇好多同埋好多元化。一黎到當然要試下刺身啦，整體黎講都新鮮&鮮甜，特別中意拖羅個口感👍🏻松葉螿腳，有淡淡既鹹香食食下聽到店員講有海膽手卷，見啲人一聽到就出晒去拎xd真係好受歡迎，海膽新鮮而且份量好足，飯同海膽既比例都岩岩好，唔洗擔心食得多飯會飽。食完個味道濃郁既虎蝦再食個啤酒啫喱就岩岩好中和番虎蝦既油膩，而且感覺仲好清新整體黎講都有好多特別既食物而且味道都唔錯，果然高質👍🏻下次會再黎試👻

今日食好多人推薦嘅殿大喜屋放題。食物質素高而且上菜速度快！首先梗係食刺身！三文魚油甘魚吞拿魚件件都好厚切同新鮮！好食！另外好推薦嘅就係北海道帶子，肉厚而且味道鮮甜，食得出好新鮮。仲有各款精緻嘅刺身杯同埋壽司，細細件唔怕食濟，咁就可以試多幾款啦。最好食就係海膽杯，海膽好甘甜！燒左口魚邊壽司都唔錯，魚肉滑嫩，入口即溶。仲有呢個必食嘅海膽手卷！每次都好多人排隊拎，而且仲每人限拎二件。但真心好食！海膽非常新鮮，味道甘甜，而且入口即溶！一個人食兩件都冇問題。另一個必食嘅就係燒和牛啦！好香好濃牛味，燒得啱啱好，肉質好滑！唔加醬汁都好好食。不過一口牛就一般般，有d老。天婦羅方面推薦南瓜天婦羅。南瓜出乎意外嘅甜！口感綿密，好食！另外呢個燉香菇花膠都好足科！有兩花大花厚身嘅花膠，而且仲唔會有陣雪櫃冷藏味。香菇都好入味同厚身！好食！除左雪糕之外，中式甜品都唔錯！個人推薦呢個椰汁木瓜燉海燕窩。木瓜好香甜同埋稔，配上椰汁好好食！女士們記得試下啊！

曾經食過大喜屋，覺得食物款式多又高質，今次去食最高level的殿 大喜屋，自然有更高期望。好彩無令我失望，厚厚的點餐紙，近百款式任點任食，淨係揀食邊款都有排揀！點完餐就出去拿飲品，除了罐裝汽水還有鮮果汁、梅酒、最驚喜的是有支裝綠茶！食放題最緊要都係魚生新鮮，加上大大件厚切，果然係高level高級美食享受！海膽魚生杯大大啖海膽加碎切呑拿魚及蛋絲，層層滋味，口感十足。壽司類亦同樣出式，特別在賞花宴果頁點餐紙，將壽司卷成玫瑰花，在擺到好似時鐘咁上碟！熟食類精選啤酒蝦及啤酒啫喱，夠晒啤酒味，大蝦惹味，啫喱入口即溶。另一款推介parma ham 薯蓉，味道一流！甜點方面，名牌雪糕一定走唔甩，但最驚喜的是燉木瓜，濃濃的椰汁香味加上香甜軟滑的木瓜，超級美味！殿 大喜屋果然夠高質，高水準！

這裡的環境舒適，不會太逼。上菜速度快，食物種類很多，問題是自己的肚子真的吃不下這麼多。先說刺身，整體水平不錯，拖羅很肥美，蝦🦐很鮮甜和有口感，帶子也美味。至於壽司🍣也不錯，飯量較少，有用心為食客設想，海膽手卷要自己排隊領取，職員會提示呢！海膽的份量大，入口即溶，完全不腥。燒鰻魚味道可以，但略嫌骨還是有點多。燉花膠的味道也不錯，夠「林」夠滑，可以一試。個人來說，我很喜歡這裡的燒菠蘿，很清甜、吃得到的新鮮感覺😋大堂有很多款的蛋糕🍰、雪糕、飲品，真是的全出現選擇困難症。如果要食放題，我覺得這是最好的選擇。

都超過一年無食放題，上openrice睇見到呢間好多好評既餐廳，見到咁多人讚，一於試下點知........一如其他評論book左位，都係要係下面排隊先再上去，上到去都已經出哂汗....上到去一入去已經覺得成浸腥味味好唔舒服外面啲野食一樣都無食，唔吸引😂魚生同一般放題無分別炸物 燒物選擇都唔多 海膽唔臭 但都唔好食最可取既地方就係有movenpick/haagen daz任食服務都抵讚既 勤力換碟 出野都快食左一個鐘到就叫我地埋單簡單啲講 想食放題無要求 可以一戰既如果有要求唔洗試架啦🤐埋單328+1我真係寧願食元氣/立鮨

今日朋友生日, 幾個人去咗尖沙咀殿大喜屋日式放題食生日飯, 點解我地係雲雲放題中揀中佢? 點解? 因為佢有MOVENPICK 任食, 淨係食MOVENPICK 回本啦~ 哈哈~, (資料: MOVENPICK一田做緊199蚊8杯) 即係食到3杯以上你個餐已經好扺架啦~ 日式放題黎黎去去都係刺身, 串燒, 鍋物, 同炸物, 所以我要重點講下佢邊D正~ 刺身--赤貝, 甜蝦, 兩哩款係我心水~ 赤貝鮮甜程度可以同活赤貝比美, 仲好爽口, 海水味重, 甜蝦甜, 膏香~ 串燒---牛舌, 雞翼, 牛舌不嬲都係串燒必食, 但係食過好多間都係薄EE咁~ 燒得好乾~ 但係一樂切得幾厚下, 焦香之餘, 牛舌中間仲保留咗應有既肉汁同油脂, 所以越趙越香~ 炸物-- 榴槤波波贏哂~ 真係好食到不得之了, 趁熱食流心效果出色, ORDER咗 3 ROUND~ 甜品--- MOVENPICK 唔講LU~ 大家睇到個名都知佢係好食啦~ 今次跑出係一隻北海道雪糕, 好好味~ 好香濃奶味? 我未見過~ 大家去到記得食多杯~

好耐冇食過放題啦，其實而家嘅放題質素真係好高，可以任食又食到咁多款質素吾錯嘅方題，呢間尖沙咀殿大喜屋應該都數一數二吧。入到去地方好大舒服，好似食buffet咁，有吾少自助區，有沙律吧， 甜品吧等，好多種類。先點左刺身先，好新鮮，三文魚都係我最愛，佢好新鮮肥美，仲有油甘魚，大大粒北海道帶子，松葉蟹鉗等等好正，yummy丫，上碟都冇點漏單，幾好。再嚟壽司， 花之戀係我必點嘅，好食，另外仲有鵝肝帶子壽司，我覺得都幾正，幾好食。手卷一定不要錯過，海膽手卷好正，又多海膽，又鮮甜，要上碟就即食，咁樣食，紫菜仲脆脆嘅，最好食。基本上刺身壽司都已經回本，不過熟食都好多回本位，例如厚厚嘅燒海鰻，海燕窩椰子木瓜，椰子雞湯等，都好正好甜丫，岩晒父母嚟食。價錢都不會貴，同一般嘅方題價錢差不多，不過呢間質素吾錯，又多款式，難怪成日都咁多人食啦。

想同屋企人食好食嘅放題，所以就黎到尖沙咀食殿。大喜屋！食物嘅質素果然冇令我地失望，好好食！！係未上菜之前就去左熟食拎左d小食同飲品先。鴨胸肉質滑嫩，而且有肉汁唔會太乾，味道不錯。飲品方面拎左梅品，酒精濃度唔會太高，容易入口，甜甜地，不太能喝酒嘅朋友也可以一試。咁啱有呢到好出名嘅海膽手卷，咁梗係要去排隊拎啦！真係好好食！平時不是海膽迷嘅家人都話好食。味道十分鮮甜可口！好新鮮而且不會腥！不過每次限拎兩件。中意食海膽嘅朋友記得要排多幾次啦！好精緻嘅三款刺身杯。最推薦嘅就係海膽杯！同樣d海膽好新鮮好好食，配上蟹籽同埋吞拿魚蓉好正！同樣係精緻嘅壽司，呢四款都好好食！而我自最中意食嘅就係黑松露油甘魚壽司！黑松露同油甘魚簡直係絕配！之後就到刺身，全部都大大件啖啖肉，三文魚吞拿魚都好新鮮。不過d蝦就一般般。另一個必食嘅就係薄燒和牛。非常嫩滑，而且好香牛味，油脂比例剛好！而炸物方面，天婦羅好脆身，炸漿唔會太厚。至於中意食雪糕嘅朋友就一定要試下以下呢幾款啦！Haagen Dazs 嘅桃味乳酪雪糕好清新唔會太膩，最啱食完放題食。而沖繩海鹽咸咸地奶味好出，都唔錯。Movenpick 好好食！好重朱古力味，令人