殿 大喜屋

營業中

休息中

最近都好少食日本野，但咁啱朋友生日就就下佢食放題，揀咗喺尖沙咀嘅殿大喜屋，方便大家放工一齊。 地理位置真係方便，出地鐵站行兩三分鐘就到。上到去裝修都幾光猛，座位都幾舒服同闊落，一班朋友傾下計敍下舊，真係唔錯。我自己就唔太鍾意食三文魚嘅，所以冇特別點，但就好鍾意食吞拿魚。佢嘅拖羅真係好新鮮，而且塊塊都係厚切，但係厚得來都入口即溶，食完簡直覺得大滿足！帶子刺身都好有鮮味，而且帶子嘅大細都唔錯，夠晒厚肉。另外佢嘅海膽手卷，亦都係成餐放題嘅加分位。海膽嘅份量絕對唔吝嗇，最重要係佢夠新鮮，食落一啲都唔腥，難怪每個客人都要排隊拎，而且每一次只限每人每次拎兩件。壽司方面我覺得佢嘅餡料新鮮，選擇亦都多，但係個人放題比較鍾意食刺身多過壽司！小食嘅選擇亦都有好多，當中包括我最喜愛嘅茶碗蒸，佢嘅茶碗蒸加咗啲蟹肉同蟹湯，真心唔錯。佢啲天婦羅同埋啲炸物都幾好食，佢個芝麻雞翼炸得啱啱好，裏面嘅肉質仲係好鮮嫩，而佢嘅皮炸到脆扑扑，好好食！另外佢嘅飲品同埋前菜都係自助形式，款式亦有好多，包括多款日式、中式、西式小食，例如章魚燒、炒菜等。