殿 大喜屋

營業中

休息中

約大食既fd食飯，當然要搵d任食吾嬲既放題/自助餐，自助餐太貴out左bud，一般放題又驚滿足吾到饞嘴既佢地，所以就揀左呢間聽聞係大喜屋最高級既放題。我地坐底就立即點野食，然後最大食既fd就一支箭飛左出去......竟然去拎甜品 。佢話既然野食未到，拎d甜品熱身下個胃喎，好似幾有道理。仲好有心咁幫我拎左兩件cake仔。朱古力味道正常，甜度適中，size細，吾會太濟。紅莓蛋糕甜甜酸酸，一層moouse，一層海棉蛋糕，吾會太乾身，口感同味道都另人驚嘆，必食。甜品種類應有盡有。另一食貨fd好識貨，幫我拎左我既favorite Movenpick瑞士朱古力雪糕。仲有哈根大師、Milk top同比較少見既波波雪糕。好似淨係係呢度同美食展見過。到今晚既重頭戲海膽手卷。海膽鮮甜吾腥，紫菜夠跪。每人一次可拎兩件，撞正平日，幾時出去拎都吾洗點排隊，正。呢隻蝦壽司好鮮甜，仲有一舊仔海膽係上面。鮮味同層次感立即提高。估吾到海螺同凍蟹呢d係酒店自助餐先見到既海鮮，呢度都有提供。魚生有我鐘意既希靈魚。厚度適宜，有口感同食得出係新鮮既。燒菠蘿好juicy，出面有汽水，可以整菠蘿冰。炸物都無令人失望，無油溢味，炸皮

雖然放題在港九新界都遍地開花，選擇多籮籮，始終胃口有限，總要挑一些性價比高，質素好，才值得光顧。今次吃午餐，有驚喜位，而且又是抱著個肚皮走！ 刺身 先上拼盤「拖羅、三文魚、油甘魚、池魚、北寄貝、赤海蝦、北海道帶子、赤貝、希靈魚」 全都新鮮甜美，大家的焦點都落在「拖羅」身上。放題可以任吃肥美拖羅屬少見，因為成本貴，回本位之一，我吃了兩 rounds。 「鯨龍薄切伴海葡萄 (土佐酢水雲) 」 驚喜位，很久沒吃過海葡萄這沖繩特產，估不到在放題中吃到這「齋魚籽」，配酸汁及薄切白魚刺身，清酸開胃。 壽司 / 手卷海膽份量不欺場，鋪滿整個手卷面和內，而且新鮮，明顯見到一塊塊完整，甜美： 蔥拖羅蓉的份量也下得很豪，加上脆紫菜片包著，要立刻食： 「雪昆布松葉蟹羔軍艦」，第一次吃雪昆布，坊間少見： 三款卷物「牛油果蟹肉卷 / 拖羅蓉火山卷 / 蜜桃三文魚加州卷」，均以水果搭配魚生，食落無咁膩，不會成件「飯冰冰」： 「燕窩魚籽花之戀 / 鵝肝帶子 / 龍蝦鮮果花之戀 / 魚籽拖羅煙薰鰹魚」圍繞中間的「鮟康魚肝鱆紅 / 海膽赤蝦」。手功壽司一向是這裡的招牌，飯細細粒，花款多多，賣相也漂亮： 凍

好耐無食放題了，想起殿，大喜屋。就回味了一番，所以決定再來每次再來都有點小驚喜。 食物種類差不多，不過款式就每次都有點改變。可給客人多點新鮮感。都不錯嘅。。。因年紀越來越大，就越來越吃得不能多，所以每樣都只可以吃一點點。 俾大家看看環境先。。。先睇有咩嘢飲先，很多啤酒類，喜歡飲啤酒嘅朋友不錯選擇，今次有解。綠茶。 仲有梅酒，清酒，要大家不醉無歸，哈哈。有點食品是不用點的，冷盆是自助，可以自己拎都幾方便。 呢個係甜品同水果區，就一般般。急不及待要去看看有咩雪糕食先，係我嘅至愛雪糕，今日仲有桃味嘅yogurt 清新唔想食咁多刺身，所以叫左小小，甜蝦不錯，刺身不過不失。 呢幾款壽司都好好味呀，芝士蟹棒必食，除了鰻魚就可以不用叫了，飯細細，不過如果飯可以再少點就更加好了今期推介，拖羅手卷粉紅色拖羅見到都想一大口咬落去，雖然不是很肥美，不過呢個質素都算不錯。牛舌呀，呢度燒牛舌真係不錯，不會燒得太韌，又不會太薄，剛剛好，夠味道，夠重口味。呢個炸紫薯不得不提，真係好好味，外脆內軟，超有紫薯味，煙煙韌韌，正。 最後甜品要介紹呢一款，如果你係愛奶味嘅朋友，一定要食，超牛乳香，又滑，堅正。 超滿足的一個晚

難得放假，仲要係平日，當然要食d特別野慶祝下(又一食好西藉口)。幾年前食過殿大喜屋晚餐放題，果時超難book位。見呢日平日，就決定同係尖咀做野既朋友，食午巿放題，貪佢平d同易book位d。天婦羅炸皮吾會過厚，熱辣辣，食得出係即叫即炸。炸芝士最外果層微脆，中間好似麻薯咁煙un，最入面既芝士呈流心狀，口感好豐富，又重口味，芝士迷必叫。出面仲有即整既海膽手卷同香蔥藍鰭赤身手拎，是日平日午餐時段，吾洗點排隊，拎左幾轉，回哂本。燒菠蘿吾會死甜或太燶，甜甜酸酸，開胃醒神。燒物好juicy，吾會乾曾曾，配埋上面既醬料，好開胃。壽司用料豐富，飯細細舊，吾會哂好多quota。刺身肥美新鮮，特別係甜蝦，朋友話可以KO 30隻。同幾年前一樣，甜品雪糕都係應有盡有。貴價既Mövenpick、Milk Top同Häagen-Dazs都係任食吾嬲。我就食左最鐘意既Mövenpick朱古力雪糕，夠凍夠實，影陣相先食都無有怕。估吾到呢度既甜品都幾高水準，甜度適中，而且細細件，吾會浪費食物同胃quota。

見之前公司咁多嘢做，都冇時間食一餐好嘅午餐，今日終於有時間同同事食番一個好啲嘅午餐，去咗大喜屋-殿食放題。去到餐廳之後，餐廳面積也算大，眼見都有4-5000尺；最初以為要自己出去搵食物，原來只需要填紙仔再給服務員，等兩三分鐘之後魚生壽司炸物天婦羅等食物一一送上。但係有少部份食物及飲品需要自取，例如：啤酒、汽水、甜品及海膽手卷。最令我驚喜的是：梅酒、清酒（熱/凍）及雞尾酒可以無限添飲。喜歡飲酒的朋友可以慢慢享受！講到食物質素方面我最欣賞是串燒、生蝦、海膽及吞拿魚手卷、tempura及炸蠔。串燒、tempura 及炸蠔全是即叫即整。魚生方面，帶子、甜蝦、海膽比較新鮮，我哋都食咗好多海膽壽司及toro。甜品選擇亦十分多，雖然我本人不太喜歡甜品，但係各位女同事已經不停走去雪櫃攞各式甜品及雪糕！有同事一次過試咗三款不同牌子嘅雪糕！勵害！提醒各位巴打絲打要有充足午飯時間去慢慢享受，因為放題時間為中午十二點至三點，可以有三小時內任飲任食，而我哋因工作關係只有90分鐘時間享用，感覺有些意猶未盡！

同朋友慶生，簡左呢間放題，坐得舒服，野食又唔錯，幾好。啲裝修好靚呀我好中意食蝦刺身，呢到既蝦超大隻又甜又爽口，一個人食左5 隻呢個海膽手卷係自助區拎，無得點嫁，記得出去拎，好新鮮，一啲都唔腥，飯又少，好抵食自助區好多野食，有章魚燒，菜，薯角都有，好多選擇呢到仲有蟹食! 好少放題會有，佢仲幫你鉗開，好易食我至愛既芝麻雞翼，去親邊間放題都點又脆又多汁。 格黎個芝士年糕厚粉左少少，食一粒好啦，好飽肚。呢個明太子玉子燒不得了，出去食起碼都要5，60蚊，呢到有得任叫真心正。個蛋好嫩，仲有流心，加埋上面既木魚紫菜，encore!!!蒸蛋都好味，入面有塊魚糕。呢到好多甜品選擇，我就最中意呢3 款，如果唔係控制緊體重，我一定會食多杯movenpick呀仲有呢個飲添，好少放題會有，值回票價。

「殿大喜屋」，一聽個名就知道夠晒霸氣。嗰日朋友生日話想食放題，難得去食好西，於是就諗住食啲高級、好味嘅放題，喺google大神嘅指導下，就決定試下呢間「殿大喜屋」，聽人講係「咪嘥嘢食店」，都幾環保，唔錯。入返正題先，間嘢係旺區，好近尖沙咀地鐵站B1出口，五至十分鐘就行到過去，係喺THE ONE斜對面，星期日午餐嚟講，我哋果日唔算多人，所以唔迫，攞嘢食好方便，叫嘅嘢食有嚟得幾快。佢嘅嘢食分咗兩部份：自取區同點餐區。其實，如果叫嘅嘢食未嚟，而又好肚餓嘅話，係完全唔洗等嘅，可以出去攞定前菜、小食、甜品或者飲品先。自取區嘅選擇非常多。講咗前菜同小食先啦，淨係呢兩樣，已經好多選擇。前菜有沙律、中華沙律、煙三文魚、芝士等等，而小食就有炸薯塊、薯條、薯格、瑞士雞翼、雞肉丸、日式小丸子等等，個人最推薦嘅係瑞士雞翼、雞肉丸同日式小丸子，三樣都幾好食，不過唔好食咁多住，因為仲有其他好野未食，唔好咁快食飽住。呢度本人最欣賞嘅就係甜品同飲品，因為呢度嘅甜品同飲品係我去過嘅放題中最多款，而且最唔hea嘅，飲品大約有二十款，有奶類（有椰奶同維他奶）、有汽水、有果汁，仲有酒任飲，唔單止普通啤酒，仲有水果酒、梅酒、清

今晚同朋友結伴食晚市放題，場內地方大，座位多。場內裝修光鮮，雖然枱與枱之間沒有太多空位，但座位尚算舒服。二人情侶、四人家庭和一大班朋友的組合也十分適合。點餐紙有九款，分別是刺身、壽司、火灸壽司、一品料理、蒸焗、鐵板、炸物、天婦羅及麵鍋煮物等。除了點餐紙上的食物外，外邊還擺放著大量自取項目，有如半自助餐似的，款式也十分多元化。連日式章魚丸也有，味道也認真不錯。一大盤刺生，刺生除了一般三文魚蝦之外，還有北海道帶子、赤貝、希靈魚和較名貴的吞拿魚拖羅、池魚王之類，還有北寄貝，不是每間放題店都有提供的。最能吸引我的就是赤海蝦，夠晒大隻，蝦肉夠鮮甜，口感夠彈牙。最後終於食甜品，另一個胃也預備好了，甜品數量眾多，令人花多眼亂！幸好全部也製作成一小件的，可以多嚐幾款。而我就試了焦糖燉蛋慕絲、Tiramisu 、木糠布甸、忌廉巴夫、草莓蛋糕等。味道不會太甜，而且頗有層次，甜品控一定要試了。另外，生果部分擇放整齊，款式也十分時令，並不普通，有荔枝、西瓜和山竹，夠特別有驚喜。

是晚二人世界，搵間靚放題食一入場就見到好多人不過地方都算大，唔會覺得好逼坐得ok舒服前菜、小食、飲品、水果、雪糕選擇相當多自己去拎就得👍🏼刺生、鰻魚、海膽我最愛既三寶全部都好正👍🏼要encore!另外，我就最想試下餐牌上既特色食吉品鮑汁燴花膠盛宴好入味！雪昆布松葉蟹膏軍艦第一次試，yummy! 推薦！火炙壽司系列，飯既份量好少好體貼一啖岩岩好，味道唔錯😁特色壽司系列，都係一口size,好味👍🏼鯨龍薄切好特別，值得一試👍🏼卷物系列Yum yum yum 😋😋😋最後食番三杯雪糕Milk top 海鹽味有驚喜，非常好食👍🏼呢度order既份量係會照出唔會變少俾你所以真係食幾多叫幾多食物味道有水準👍🏼

近年多左好多間放題餐廳，不過水準參差之前食過大喜屋同極尚大喜屋今日終於試到想食好耐既殿大喜屋😃一入場就俾個雪糕櫃吸引😋😋😋Milk top , Haagen Dazs, movenpick全部都係靚野😆每樣食一杯都夠本自助區有超多選擇，直頭目不暇給👀勁大個飲品櫃，除此之外仲有清酒、雞尾酒等真係任君選擇😆仲有唔少時令生果同甜品自助區既食物種類好多，唔可以睇少賣相相當吸引，流曬口水🤤不能不提既係呢個海膽手卷，現場整要排隊拎架每次拎兩客，絕對新鮮而且製作速度相當快，不需幾分鐘就拎到Encore list 👍🏻除左刺生好味之外，其他食物都唔錯架Yummy yummy 😋 服務都好好，收野快，食物都快是次晚餐無漏單情況👍🏻整體黎講係高質既放題，誠意推薦俾朋友👍🏻

久未與舊同事相聚。一諗佢地就話要去有sake任飲既放題。呢度book位要deposit先會confirm booking.去到拎飛8點半就可以入去了。一來就梗係食魚生先！最新鮮肥美既係拖羅🤤蝦都幾甜。至於燒野最欣賞就係鰻魚。encore 再encore ! 仲有呢度既玉子燒都幾特別，有咸牛肉同有芝士！普通d既燒波羅都好好味。炸野有天婦羅🍤同紫甜薯都好得！至於甜品方面就有movenpick 既朱古力味同haagen daz既士多啤梨乳酪味而今晚既主角其實係任飲既sake 同梅酒。已經數唔到飲左幾多😂正呀！大家都好高慶呢度係除左坐得有少少逼之外其他都幾好。可能今次太耐無見掛住傾計都唔太記得d野食😂埋單$360 一個人，飲甘多sake可以坐兩個幾鐘, 抵曬

大喜屋之中，最高級之選。第二次吃殿，一樣高質。果然是殿堂級，環境富麗堂皇！但當晚人數眾多，場面熱鬧。首先，點了一大盤刺身，水準果然不俗，拖羅肥美，池魚、油甘魚及北寄貝都好新鮮，三文魚🍣也是，赤蝦亦相當爽口。之後，點了不少款式的壽司，每件也少少的，最啱放題可以試好多款，擺盤也有心思飲品的選擇也十分多，有咖啡機亦有hooegaarden！重點還有常溫飲品可取，十分考慮周全。甜點雪糕和水果都不少，可以就試試！

一直聽聞這間放題比較優秀，朋友們都推薦我來，故今晚一早預訂好6點的座位。我們5點45左右到達，裡面已經有大半間餐廳的人在吃了，真得很受歡迎。這裡座位很舒適及寬敞，店員們服務很好，總是會在附近等著，一舉手就馬上過來了。除了有紙張選食物外，外面也有不同種類的前菜、小食、飲品及甜品。飲品種類很多，連梅酒及清酒也有👏🏻整體來說食物質素很好，刺身新鮮，而且有拖羅及赤貝，這些一般放題比較少見，熟食類有燉湯、和牛薄燒及花膠炆菇等高級點的食物也很好吃。到了6點多店員也提醒我們可以出去排隊拿海膽手卷，最後7點半前結帳會有85折，每人大概三百塊，這個價錢非常優惠，難怪朋友都推薦這裡😋

見到個樓面大大聲咁係到鬧個侍應 食緊嘢都吾開胃啦雖然一睇就知個侍應係新人係抵鬧 但係我覺得吾需要不斷咁鬧 作為食客都係想要一個舒服嘅環境食嘢 餐廳嘅環境因素更加係提升食客好感度嘅重要一環 嘢食再好食都好 呢啲行為的確係令到我好反感 當然食評係好主觀嘅 我同朋友一大班一心諗住慢慢食有講有笑 放工輕鬆下 點知見到呢啲蝦新人嘅高層真係覺得好不近人情 我覺得做事應該要多一點包容 作為食客嘅我哋都會感動到一份人情味 內外都高質先係真正嘅好 但係呢間係我心目中已經完咗 相信吾會再有下次

鍾意食放題既人，一定會追求更好既放題。今日欣女食左最豪華既日式放題。欣女主要係黎食海膽手卷。新鮮既海膽係見到成塊完整無溶化既跡相。而呢個海膽就係正正好新鮮既海膽。食落係有陣甜味，約食約開胃既鮮甜。手卷放左好多塊海膽，毫不吝嗇。海鮮方面，今次主要食蟹鉗，青口。任食既新鮮蟹鉗，欣女把握機會食左好多。蟹鉗甜，食落陣蟹味濃，新鮮程度係難以置信，仲要可以keep住叫黎食。太多野食，所以揀野方面要好謹慎。刺身我淨係食拖羅。拖羅新鮮，肥美，入口即溶，已經不停咁叫，我諗得呢間先有得拖羅刺身任食。high tea set既壽司。帶子鵝肝壽司係欣女最鍾意既壽司。鵝肝油脂味道同帶子融為一體，肥美既口感真係好獨特。其他壽司都新鮮，海膽蝦好彈牙鮮甜。卷物都好多種類。芝士鰻魚卷味道配搭好，鹹中帶甜。牛油果軟殼蟹手卷好脆口，俾人好fresh既感覺。第一次食海葡萄刺身。海葡萄同刺身加埋調味醬一齊食，口感好爽口。好有層次感既口感。蒲燒和牛肉質仲有少少紅，加埋和牛醬就超級好味。欣女瘋狂叫左好多碟。最後有一大櫃既甜品等緊欣女。我不嬲早有準備，留低另外一個胃食曬啲甜品。當然movenpick既朱古力雪糕都唔可以放過。