殿 大喜屋

營業中

休息中

食我最鍾意嘅食嘅放題不過今次我唔想淨係食刺身就食到飽因為今次主打想食佢哋嘅熟食同埋特別嘅小食不過一坐低通常第一樣野都係點返刺身我哋一坐低就已經點晒所有刺身油甘魚同埋甜蝦油甘魚都十分之新鮮唔單止色水十分之靚個厚薄重啱啱好而且每一塊都冇咁根大大隻甜蝦就好好肉而且肉質晶瑩剔透入口落去又彈牙又爽口最後呢個大蝦encore左三次壽司類有日本連鎖店既質素件件手工精細而且比其他放題店細件易入口又可以食多D其他嘢之後小食叫咗粟米牛油蘿燒牛舌呢兩款小食都係啱啱燒好就即刻上枱而且粟米燒完之後都依然保持咁多汁重係非常香甜而牛舌就啱啱好燒走晒多餘嘅油脂所以食落口中外面脆卜卜入面十分彈牙唔會太過油膩另外再叫多咗一份蒜片牛柳粒旋片炸到脆口又香而且牛柳粒唔會煮得過火所以食落口唔會又有渣又有根之後仲有食咗好多野食嘢食得耐就覺得口渴千祈唔好睇小佢哋個自助飲品區因為入面差唔多有成20款飲品淨係揀都已經用左好多時間了

早排同朋友講起好耐冇食放題，咁講開就緊係要嗱嗱林約出黎食番餐啦！老實講依家食餐放題都２００蚊冇走雞架喇，反正都要食咁就不如比多少少食間好Ｄ嘅！聽聞殿大喜屋質數幾好，就決定去試吓！哩間放題除咗畫紙仔叫野食之外，仲有好多熟食比大家自助去拎，坐低叫完野食就出去夾少少填住肚先就啱哂～除咗沙律小食之外，最特別嘅係竟然會有章魚燒，仲要幾好食！野飲都有好多選擇，除咗啤酒汽水之外，仲有得任飲熱清酒，隔離仲要有bar位可以點cocktail，作為酒鬼哩個位真係加好多分呀！食放題點少得食刺身！哩到三文魚、帶子、甜蝦就不在話，哩到仲有得任食拖羅同大大隻赤蝦，赤蝦仲要又甜又彈牙，真係好滿足！不過可能自己對拖羅抱太大期望，所以入口就變到好失望，因為完全食唔出拖羅果種油香同入口即溶嘅感覺。海膽手卷都唔錯，唔腥之餘仲食到甜味，不過就唔係畫紙嘅，要自己出去排隊攞。壽司就細細件一啖一口，味道都唔錯！而全日驚為天嘅野食就係明太子玉子燒同芝麻雞翼，玉子燒足料又好食，食完真係忍唔住要ENCORE！芝麻雞翼啱啱炸起超脆，咬落去仲要有肉汁，真係一個人啪一打都可以呀！甜品嘅選擇都比般放題多，連生果足足塞滿四個雪櫃，仲有好多款雪糕h

終於試到這個品牌號稱最高級的一間放題。一入門口已經感覺與別不同，樓底高，好似高級中菜廳！門口有沙律吧，飲品區，熟食同甜品任攞，款式夠晒多又新鮮，推薦海蜇同淮山仔好食，仲有最愛嘅蜜桃點菜紙印刷精美，圖文並茂，分類清晰，唔怕叫錯野食食物款色比其他放題多左好多高質選擇，例如刺身有拖羅同池魚王！甜蝦大隻又鮮甜，赤貝比一般店的大，刺身質數可見較其他的高，仲有各種不同配搭的刺身杯，有驚喜，最愛當然是海膽杯，小小一杯口感豐富必食的選擇仲有和牛薄燒！油香十足，配埋香脆蒜片，好好食，encore幾轉先夠重點環節之一，係即叫即製海膽手卷！要自己去排隊拎，不過都好快有得食，每條手卷都有成排海膽，非常足料，其他放題不能相提並論！而且海膽一d都唔腥，只有甜味，更加難得雖然無限任攞，但費事太飽食唔到其他野，食左三件算了另一重點環節，食雪糕！竟然有三款唔同貴價牌子雪糕任食！雪糕愛好者一定回本！總結而言，食物質數與環境都明顯比其他放題高，不負品牌的宣傳，價錢只比其他放題貴少少，但絕對物超所值！

大喜屋食過好多次，殿。大喜屋就未食過，一於去試下質素如何5:30p已經開始，我地 book 左6:00p，已經有一半滿呢間大喜屋都幾大間，兩個人可以坐四人沙發位，坐得舒服。枱都隔得夠遠，唔洗聽住隔離枱既對話先叫第一round刺身，赤海蝦同甜蝦特別好食鰻魚勁好厚，食左幾轉牛舌推介，好味道和牛薄燒好有驚喜，啱啱好，勁有牛味，正某啲時間有海膽手卷，啲海膽好新鮮，食左兩件除左自已點，仲有自助既食品櫃，熟食，沙律，飲品等，選擇都唔少最最最正係三款貴價雪糕任事值得一讚，無論係第幾轉，上菜都勁快樓面收碟，收點菜紙都好快，而且態度都唔錯，值得一讚

殿真心推介，環境服務都較其他放題店優勝，食物貭素就同其化大喜屋相若，不過另設沙律＆熟食 bar, 有好多小食及前菜沙律供自取（仲有熱湯）,食喱啲都可以飽哂，而清酒亦係自取任飲，當值吾係咩靚清酒，但放題店的價錢可任飲，真係好超值啦（supermarket 買支細的都幾十蚊啦）。值得一提係海膽手卷，以為吾會好得去邊，竟然甜滑新鮮，令我喜出望外！Ps.食物種類多到爆，應該係全港放題店中最豐富（個榴槤波好正）PS. 座位一定係全港放題中最舒適PS. 需然最一次食無兩年前第一次食咁熱情，但已較其他放題優勝

殿 大喜屋其中一個大賣點是Haagen-Dazs同Movenpick雪糕任食，平時零售價要三十元左右一杯，現在是任食，真的食多幾杯已經可以回本！飲品和其他甜品的選擇豐富，有酒精無酒精都任飲！最驚喜的是餐廳有部熱Sake機，連Sake都可以任飲！刺身選擇相當豐富，當中帶子和三文魚最鮮味！刺身當中吞拿魚更是拖羅級數，拖羅任叫任食亦都是餐廳另一大賣點！餐廳的火炙壽司亦有一定的水準，最重要每件壽司的份量不多，顧客可以試多幾款其他食物！熱食當中，個人最喜愛的是蒲燒鰻魚！蒲燒鰻魚肥美多肉，配合香濃鰻魚醬汁，非常美味！蒲燒鰻魚絕對係必試的！和牛薄切燒得剛剛好，質感軟淋，配合燒肉汁，不錯！放題竟然有海燕窩椰汁燉木瓜，真的令人驚喜！吃完後感覺滋補養顏，很適合女士們品嚐！

之前成日都聽朋友話殿好正 今次終於有機會一試🤤一入到去已經覺得裝修好grand 而且舖面非常大 所以我地都坐得好舒服由飲品開始已經同坊間大部份既不同 多多選擇 我地就簡左清酒黎試下次次食放題一定係由刺身開始😂 三文魚厚切 而且蝦同帶子都鮮甜 有水準👍🏻呢度仲有即叫即製既手卷 店員話開始有得拎海膽手卷既時間大家個個都唔執輸去排隊 每人限拎兩件 海膽非常creamy 正呀👍🏻我地仲encore左鐵板燒肥牛 牛味重而且配埋蒜 非常夾😆仲叫左海膽杯同拖羅壽司 係其他餐廳都比較少見當然都有叫到不同既炸物黎試下 樣樣都幾有水準甜品方面仲有movenpick同沖繩海鹽雪糕任食 簡直係大滿足呀☺️

第一次寫食評，因為真係忍無可忍！所有剌身不新鮮，蝦更是又腥又梅！同經理反應，佢答”咁我幫你收走佢，你叫番普通甜蝦可能無咁腥” 👈🏻😂諗住叫鮑片壽司無死啦，開罐頭咋喎，尼到乾到豬皮咁😖全餐最好食既係KFC味炸雞翼+各式雪糕+各式飲品(回本之選啊)我2位朋友話從未試過食放題係餓住走🤭加上係最貴既大喜屋，完全無諗過會咁！隨post 附上精彩食物照，真心不新鮮！但見其他負評只話服務差，要排隊等等，也覺得好神奇，定係我地5好彩這日特別罷了？(黑人問號問號❓)

又同匯豐同事見面啦! 慶祝好姊妹生日晚飯🎂🍚...主角想食日本放題，所以今晚揀左殿大喜屋食足2個鐘45分鐘🍡🍨🍣🍤，真係超級大滿足。不過我地食頭輪17:30，但未到17:15 已經楼下派飛mark 定边張枱。咁都好，慳返好多時間，等你真係食足時間。而且上食物時間吾会等好耐，吾会漏單，侍應清走食完d碟又快。呢飱生日飯飽到超滿足，食物多到数吾晒，就連飲品都好多選擇，連清酒，梅酒都任飲……朋友仔超滿意。

有朋友試過後對殿 大喜屋放題讚口不絕，話一定要試，加上5:30食到7:30有85折，咁去試下啦。依家食放題，即使book左位都要早幾個字去排隊係常識吧。準時5:30pm開始食，第一round入單永遠係最快到，點知等左15mins先食第一round. 講下食物先，魚生的新鮮程度只可叫soso,;壽司係爭鮮的水平；羊鞍真係唔可以repeat,咬落去冧，又無羊味；天婦羅食到成口粉；咖哩蟹d蟹肉係梅；sake任飲，伏到呢，一飲落去嗱喉，咁樣我寧願無sake任飲；有顏色飲品都係伏，勇者可以一試。全晚最驚喜係花膠湯，芝麻雞翼，榴槤炸彈，雪糕，某d甜品味道都ok最後講下價錢，話就話85折，加一是以原價加一，overall都係得95折

殿大喜屋，我細細個就已經聽過呢個名食放題嘅終極真係佢，成日聽我D身邊嘅朋友去食，真係羨慕死我，但佢係放題裡面價錢算係比較高，所以一路都唔係好捨得人日戈女。最近努力工作，辛苦完就梗係要獎勵下自己～於是就係朋友生日嘅時候揀去殿度朝下聖～一去到門口已經比個甜品櫃吸引到無論係放題定係自助餐，總係要留返個肚食甜品嘅叫完第一輪野食之後就即刻衝去攞野飲～呢度嘅野飲選擇好多，如果係鐘意飲酒之人就更加岩～有清酒梅酒白酒，啤酒仲有好多款，仲有好多唔同嘅酒精飲品，雖然我唔係一個太鐘意同識飲酒嘅人，但見到都真係好驚訝～超多前菜同小食可以夾～野食未黎到嘅時候就岩晒～真係多到想試都試唔晒，有機會嘅話下次再食～重點黎啦～刺身好厚切，帶子大大粒，仲有拖羅食～怕腥嘅朋友都冇話腥，證明夠新鮮～呢度真係有幾多海膽嘅野食，高級野果然唔同D～如果係鐘意食海膽嘅人好適合黎呢度～呢個海膽杯好精緻，份量唔少，又有拖羅蓉，好多層好食口感。呢個松葉蟹散壽司嘅蟹肉好鮮甜，岩晒我呢D想食蟹又唔想慢慢剝殻嘅懶人好欣賞呢度嘅壽司好細件，唔會為左撐飽你就比勁多飯。最近偏向鐘意食一D燒過嘅壽司多過純魚生嘅壽司，燒完嘅香味真係好正。係呢D壽司之中，左

為咗同朋友慶祝生日就去咗大喜屋食放題喇，之前黎過都知道有好多好正嘅嘢食今次就睇吓有冇啲新嘅特別野啦首先一定要叫番返轉刺身，所有魚都好新鮮油甘魚，帶子同埋呢度獨有嘅拖羅就一定要試啦另外仲叫咗幾款刺身杯，都係之前未見過嘅，好好味好特別，有好多唔同刺身加埋一齊好特別另外當然唔少得要食鰻魚啦，食多幾轉都仲得另外仲有呢度特別嘅薄燒和牛，燒到入口即溶，燒得啱啱好。炸物就一定要食芝麻雞翼，味道真係正過其他嘅雞翼食完刺身仲要記得出去拎呢個即制海膽手卷啊，用料完全冇手軟，好重本呀之後到甜品時間喇，有三個靚雪糕牌子樣樣都好食就決定同朋友一齊食哂咁多種喇最後仲有呢個木瓜甜品，原個木瓜真材實料好滋潤亦都好岩女士

殿的其中一個賣點是海膽手卷同埋三文魚腩手卷任食，手卷即叫即做，保證新鮮，不過要排隊拎。殿的另一大賣點是Haagen-Dazs同Movenpick雪糕任食，平時出面賣緊廿幾卅十蚊杯，依家放出黎冇上鎖任我哋拎，無花無假。嘢飲同埋甜品嘅選擇都好多，有酒精無酒精都係任飲。最犀利嘅係有部熱Sake機，自助冇煩惱。酒精味夠嗆，麻甩做最愛。刺身份量出得齊，當中帶子和吞拿魚最鮮味。其中吞拿魚係拖羅級數，有少少筋，肥而甘香。拖羅任叫任食亦都係殿嘅一大賣點，其他放題場唔會有。殿的火炙壽司亦很有水準，最重要嘅係每件壽司都係細細舊飯，唔洗驚俾啲飯塞飽咗而食唔落其他嘢。蒲燒鰻魚肥大肉厚，醬汁香濃，非常惹味！創意菜Parma Ham焗薯蓉，出奇地好味。

放題其實食唔少，但高級放題真係第一次。好耐之前已經想食殿，但一直約唔到班朋友一齊食，所以特登早幾個星期就約齊人，終於食到我朝思暮想既殿放題。🤤刺身新鮮又肥美，而且仲有平時食放題好少會有既拖羅同長腳蟹，當中最驚喜既係拖羅，入口即化且油香好重。赤貝亦相當唔錯，鮮甜又爽脆。其他則不過不失。食殿放題點可以錯過海膽手卷，好彩有侍應既提醒先冇miss到。平時食放題好少會食海膽，因為質素參差，好驚會食到好腥既海膽，但殿既海膽手卷一向好出名，咁就梗係要一試。果然冇令我失望，呢度既海膽非常鮮甜，一啲都唔腥，而且紫菜仲好脆。我同朋友食完一個都唔夠，又排隊拎多個！🤤因為呢度既長腳蟹、海膽同拖羅實在太正，我地梗係唔執輸叫埋呢幾款夏日精選，一樣係咁好味。壽司卷物類既就叫得唔多，個人最中意香蒜燒牛肉壽司。燒物方面例牌叫咗燒牛舌、燒帆立貝、燒菠蘿，味道不過不失。其實平時食放題比較少會叫燒羊架，因為驚好羶，不過今次朋友話叫件一齊share，點知食落有驚喜喎，唔會好羶，而且燒完都仲有肉汁唔會好乾，我同朋友都幾滿意。炸物都係樣樣嗌啲，我個人幾中意香芋丸同榴連炸彈🤤。話明係雞翼怪又點會錯過食雞翼😂，熱辣辣，超正！梗係要en

之前有食過大瀛喜、大喜屋嘅自助餐，已經覺得幾唔錯，但朋友叫我一定要試埋殿大喜屋先好下評論，令我好好奇究竟佢有啲咩咁突出。喺自助吧位嘅飲品小食已經好唔同。飲品方面有唔同酒類嘅選擇，今次我飲咗熱清酒入口暖暖地，味道純！每次必點嘅魚生。今次我嘅首選係拖羅😍每一塊都好肥美甘香，入口即溶！呢幾款刺身小食都好好味，淨係殿先有架咋！我最愛嘅羊架🤤味道唔會太so，連唔係好食羊嘅朋友都話呢個好味！呢啲迷你壽司食成盤都唔會飽，所以唔使驚會嘥位xd牛舌用嚟配頭先嘅清酒好夾芝麻雞翼酥脆香口，而且入邊仲有肉汁！我哋食食吓嘅時候聽到店員話出面有得攞海膽手卷，好多食客都衝咗出嚟攞。我哋都唔執輸去咗攞，睇見海膽份量唔少，而且味道鮮甜新鮮，所以我哋食完之後都encore再攞🤤🤤雪糕除咗有Haagen-Dazs同milk top之外竟然仲有movenpick！