段純貞牛肉麵 (Tower 535) (已結業)

《青花椒香手撕雞乾拌麵》- 有手工麵同㓜麵選 要左手工麵 麵身十分粗厚 有咬口 青花椒汁清甜 灑上大量脆脆花生粒 更香口 手撕雞有咸香 帶出雞肉香味《麻辣嫩五花牛肉麵》-都係選左手工麵 麵質煙韌 掛湯能力好強 麻辣湯底香濃藥材味 唔算辣 反而蒜香好重 配合五花牛肉肥美 牛味出 份量十分多《紅油抄手》- 皮薄 雲吞飽滿 大大隻 秘製紅油辣汁有粒粒蝦乾 香口 辣勁度夠晒 醋香解膩 開胃《珍珠奶茶》茶味夠濃，珍珠唔會太爛👍🏻唔算太甜整體依家如果食辣既值得一試

好耐冇食台灣菜啦！間唔中都會掛住台灣🥲而家冇得去旅行，唯有食下牛肉麵頂下癮🤣麻辣嫰五花牛肉麵（$84）就咁睇個湯已經feel到有幾濃郁🤩飲落藥材味都幾出，鹹度適中，麻味慢慢滲出，如果辣多少少仲正🥳肉係薄切牛肉，味道就正常啦～ 麵質幾彈牙😋青花椒香手撕雞乾拌麵（$78）手撕雞份量幾多下🥳配料仲有溏心蛋同埋表面嘅花生碎，令到味道更加豐富🤩手工麵口感煙韌彈牙，索埋啲醬汁食，食落好惹味！小編比較推薦呢款🥰鹽酥雞（$48）鹽酥雞外層炸到酥脆可口😋 一啲都唔會乾，值得一試～

2021年4月8日 星期四放埋呢幾日假又要開始準備返工既節奏，所以今日當然要出街食返餐好既，原本打算食銅鑼灣一間餐廳嘅自助餐，可惜去到先發現已經full左，唔接受walk in，咁唯有喺附近睇吓有咩好食點知去到Tower 535嘅時候，見到原來段純貞牛肉麵係果到開咗新舖，咁當然點都要去試吓啦，畢竟已經太耐冇返台灣啦，已經好掛住當地嘅食物好快就已經安排到入去坐低，睇返餐牌發現真係好正宗嘅台灣段純貞牛肉麵店，因為裏面既食物同台灣當地的店舖提供嘅食物差唔多，都係一樣可以選擇手工麵或者細麵，而且淨係牛肉麵都有好多選擇，我哋好快手已經每人揀咗一款麵，再加小食同飲品等咗一陣首先嚟到嘅係我點嘅拌麵，蒜香手撕雞乾拌麵，成碗麵俾上面嘅配料完全覆蓋晒，有好多大小不同的花生粒同碎葱，撈埋手工麵同醬汁一齊食，有好多口感，味道好豐富，食完唔會太口渴或者太鹹，麵條好掛汁，所以每一啖都好夠味老婆就要咗原味牛肉麵，我見到湯汁好似好濃郁所以就試咗少少，果然好重牛肉味之餘湯底都好鮮甜，老婆話牛肉仲好腍添！！我都見到每舊牛肉筋同肉既部分佔一半半，所以口感應該唔錯小食方面，唔於老婆唔食得辣，所以我哋將紅油抄手轉咗做雞湯抄手，

無諗過，唔堂食，外賣自取都一樣咁好。LUNCH TIME，唔夠時間堂食，就去咗段純貞買外賣返去。選擇好多，唔食牛都一樣有好嘢食。叫咗個招牌牛肉麵，加咗個炸雞。喜歡外賣包裝，比發泡膠更環保。外賣回公司，一樣咁好食。湯頭夠濃，牛腩都夠晒淋。外賣返公司，麵都唔會糊咗，夠晒彈牙。鹽酥雞夠味同炸，值得一試。想不到，外賣回公司，同事無即時食，都話KEEP到炸雞既脆度。這是意料不及的事情。朋友叫的餐，都話水準夠。雞絲夠足料，估唔到同樣好味。流心蛋更是一絕！以後外賣又多一個選擇啦~

今日放假就嚟到銅鑼灣行下💕見到前排新開嘅段純貞都幾吸引就入去試吓啦！.叫左個麻辣牛肉手工麵😜 湯底麻辣味十足，又唔會太over食唔到，牛肉夠腍亦有口感的。另外手工麵非常值得叫，食落厚d又有咬口！仲要幾掛湯，食落其實好飽☺️.另一碗叫左蒜香手撕雞拌麵🤩 蒜香味撲鼻而嚟，手撕雞都幾多又夠滑嘅😛 而且加上酸菜食味道更豐富😍😍.小食嗌左雞湯抄手，湯味都濃的，抄手材料足又夠彈牙👏🏻👏🏻.飲品點左香芋珍珠奶茶😌 又唔會太甜，珍珠幾煙韌！另一杯叫左荔枝乳酸🥂 幾refresh!! #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

冇得去旅行既日子真係好難捱啊，唯有食返啲正宗既台灣菜，感受一下去旅行食好野既感覺。呢間喺銅鑼灣既台灣餐廳都唔錯。餐廳既環境都唔錯！我地一人點左一碗麵，分別係原味牛肉麵同埋蒜香手撕雞乾拌麵。原味牛肉麵既湯底好正，夠香濃，牛肉又煮到好腍同入味，係正宗既台灣味道！手撕雞乾拌麵都好高質，麵上面有滿滿既手撕雞，仲配上我至愛既溏心蛋，又有菜，夠哂健康。小食方面，點左鹽酥雞，好香脆，雞肉又嫩滑。飲品點左香芋珍珠奶茶同埋胚芽珍珠奶茶，唔錯！

段純貞@ 銅鑼灣謝斐道535號B/F B01招牌紅燒腱心牛肉麵$84麻辣蒜味腱心半筋半肉麵$88新鮮豚肉鍋貼$48加一$22——————$242食物味道幾好，湯底正，不過香港近年開咗好多台灣過嚟嘅台灣菜，有好多都做得好好，呢間加埋一就有少少貴，唔洗加一就合理啲。份量夠飽，一人一碗加個鍋貼，飽飽。環境環境唔錯，本身個場就靚好新，但呢個價錢嚟講會覺得啲位有少少迫，整體都OK。服務服務員都正正常常咁，冇乜特別深印象。價錢有少少偏貴，不過味道係OK嘅。

知道段純貞係銅鑼灣開咗分店，今日落開銅鑼灣心思思又去咗食。上次係荃灣食完食過番尋味😋我地等咗sofa 位坐得舒服啲。我地都叫咗原味牛肉麵原味既湯岩哂我呢啲唔食辣既人原汁原味，牛肉又淋又好味，每碗都有四舊牛肉。配埋碟酸菜個味道又幾match。我要咗手工麵，麵條係闊身食落好有口感。鹽酥雞好耐無食鹽酥雞啦！炸到好鬆脆，食落淡淡雞肉。😋😋😋香芋珍珠奶茶（左）珍珠奶茶（右）香芋珍珠奶茶好香芋頭味甜度適中唔錯。珍珠奶茶啲珍珠淋淋地又煙韌好有咬口。

終於食到段純貞既台灣麵😋餐廳開咗一排，一直都好想試下。lunch時間嚟到，唔使排隊👍😬 餐廳佈置好有書香味，古色古香😊😊 服務好好。蒜香手撕雞乾拌麵 $78可以揀手工麵或者細麵，我揀咗手工麵，麵質煙煙靭靭，幾特別。 撈手撕雞，花生食好香。我最鍾意跟埋酸菜，開胃啲。小食我揀咗紅油抄手 $48 一碟有六粒, 每粒都好飽滿，裏面嘅蝦肉好彈牙。🥤胚芽珍珠奶茶 $28 珍珠彈牙，奶茶叫咗走甜，健康啲，胚芽有口感。

段純貞呢個名好熟，一查之下原來係台灣過江龍牛肉麵，咁一定要黎試下啦✨麻辣嫩五花牛肉麵 $84兩款麵都揀左細麵，因為個人鍾意入味啲軟身啲嘅麵，店員話要盡快食，因為細麵會索哂啲湯。湯好濃郁好香牛肉味，重口味人士會好鍾意🤣牛五花係類似肥牛但又唔太肥，幾香牛味青花椒香手撕雞乾拌麵 $78比上一款淡味但仍食到花椒香，手撕雞亦幾嫩，仲有一隻半熟蛋添～鹽酥雞 $48炸得香脆，雞肉嫩滑👍🏻珍珠奶茶 $28香芋珍珠奶茶 $28珍珠奶茶比較普通

Taiwanese Handmade Beef Noodles🐮🍜🥢..之前係荃灣食過他家分店，知道係CWB 新開另一家分店，當然要來試試台灣🇹🇼 正宗牛肉麵🐮🍜。喜歡呢度既裝橫，木系風格，感覺好舒服🖤。地點亦很易找呢，一場到訪當然要試試出名 & 招牌牛肉麵。ll $92Beef Noodles w/ Shank, Tripe & Tendon來店必點❤️ 配thin 細麵🥢。配料有：腱心、牛肚、牛筋，全部都滷得很入味呢。而且牛肉湯底亦用上中藥熬製而成，滿濃郁有風味。ll $88Spicy & Garlic Beef Shank Noodles w/ Tendon & Shank麻蒜🌶 配handmade 手工麵🥢。喜歡吃辣，可以上試他家既微辣，而且半筋半肉岩晒喜歡吃筋位既我，更合心意。自家手工麵更煙韌，喜歡呢種質感更有咬勁呢。ll $78Assorted Marinated Mest Platter(Beef Tripe, Beef Shank, Braised Egg, Dried tofu, Mushroom)豐富既滷味：牛肚、牛𦟌、滷水蛋、豆干、鮮菌，全部都好入味呢。ll $32

無得飛就嚟轉味蕾小旅行啦！講起台灣美食，除咗掃街夜市，又點少得紅燒牛肉麵呢？今次同A姐去到源自台灣新竹市，位於銅鑼灣嘅段純貞牛肉麵分店，創辦人為紀念已故祖母段純貞所創立嘅品牌，而呢度嘅代表當然就係濃郁嘅牛肉湯底啦！紅油抄手紅油抄手色水夠晒紅，聞落仲充滿麻香味添！食落唔算太辣，香料豐富，好有層次。抄手裏面除咗豬肉，仲有蝦仁，令口感大大提升。三寶麵呢度嘅招牌菜當然係牛肉麵，但貪心嘅我哋就試咗三寶面，除咗腱心之外，仲有牛筋同牛肚，夠晒豐富。至於上枱嘅第一件事當然要試吓個湯啦，呈深啡色嘅湯底，視覺效果已經感覺到佢嘅濃郁，原來湯底用咗23種唔同嘅中藥材、天然牛脂、老薑、八角、紅蘿蔔、白蘿蔔等熬製而成，味道非常香濃，甚有層次。至於配了方面，份量非常足，牛筋入晒味，滑溜軟腍；牛肚爽口彈牙；腱心夠嫩滑，好驚喜。麵底方面揀咗手工麵，由於麵條厚薄長短不一，所以食嘅時候好有口感，非常掛湯，好滿足。燉濃湯雞麵除咗牛肉湯，呢度嘅雞湯亦非常充料！雞湯湯色清澈，雞味濃郁，絕對係精華所在。大大隻雞比預先斬半，食嘅時候非常方便。另外雞嘅生熟度啱啱好，雞肉非常嫩滑，好juicy！珍珠奶茶、抹茶珍珠奶茶食台灣野又點少得叫番

段純貞是台灣著名的牛肉麵店 近來在銅鑼灣開了新店 坊間的牛肉麵大多數用上牛腱或牛肋條 但這裡所用的是牛腱心🥩聽說一頭牛只能分出五份牛腱心肉 相當稀少珍貴 這次一定要來試一試.牛腱心肉質軟嫩 牛肉有三大塊 花紋狀的油脂分佈均勻 吃一口已足以令你念念不忘💆🏻‍♀️另外湯底用上牛大骨 並加入二十多種藥材慢火長時間熬製 濃郁醇厚 .這裡的湯底和牛肉這麼用心烹製 難怪這間麵店在當地被予以五顆星牛肉麵的高評價 質素絕對有保證🏅

呢間餐廳嘅創辦人以袓母段純貞手藝，自家新鮮製作秘方湯底、風味麵餐同川味小吃👵🏼牛肉麵更被「台灣美食教父」焦桐參與編製嘅《臺灣牛肉麵評鑑》中獲選為「5 顆星牛肉麵」🌟💗燉蕃茄腱心半筋半肉麵($88)牛骨湯底用上牛大骨🦴、23 種中藥材🌱、紅蘿蔔🥕、白蘿蔔、八角、老薑、天然牛脂等慢火熬8-9個鐘，湯底濃郁不含味精，温而不火。加入新鮮燉番茄，添加微酸鹹香🍅嚴選矜貴美國牛腱心，筋肉比例分佈均匀，肉質軟腍但未止於鬆化，肉香醇厚。牛筋軟滑Q彈，充滿膠質🐃配搭自家製手工麵，麵質闊身滑溜，但唔夠煙韌🍜💗蒜香手撕雞乾拌麵($78)細麵質地較幼身濕淋，拌麵醬惹味香口，唔會過鹹，加入炸蒜🧄、花生粒🥜同蔥花增加口感。有大量嫩滑雞絲，充滿雞肉鮮味🐔配菜有小棠菜同一隻滷水糖心蛋，附上一碟酸菜中和油膩感🥬💗滷水拼盤($78）牛肚爽口唔痴牙🐮；牛腱片筋肉分佈呈花紋狀，食落軟腍有牛香🥩；滷蛋嘅蛋黃呈半透明膏狀，入口香淡🥚；豆干最吸收到滷水汁嘅鹹香，豆味亦明顯🟤；鮮菌爽脆清甜🍄💗胚芽珍珠奶茶($28)奶茶味偏淡，胚芽粉較少，麥香唔突出。用上細粒珍珠，食落煙韌有嚼勁，甜度適中🧋💗冷泡涷頂烏龍茶($30)入口茶味清幽香純，冇

呢間嚟自台灣嘅牛肉麵店所有湯底同麵條嘅製作，都係跟足台灣總店秘方製作！即使無得飛去台灣，都可以食咗當去咗喇🤪-🍜三寶麵（$92）湯底用咗牛大骨，以及多種藥材及香料慢火細燉8個鐘⏳飲落藥材味唔重反而牛味較濃郁突出，帶dd辣味！三寶分別係牛腱心、牛肚及牛筋....厚切嘅牛腱心肉質軟腍，非常入味💕牛肚爽口；牛筋有嚼勁麵底揀咗刀切手工麵比起平時食嘅意式闊條麵仲要闊🤩咬落口感煙韌，掛湯力強喔！🍜麻辣蒜味腱心半筋半肉麵（$88）聞落蒜辣味十足🧄但入口蒜味唔重，辣勁充足食完個口唔會好大陣蒜味喔😁牛腱心筋多肉嫩，膠質非常豐富💕麵底揀咗幼麵，吸湯力超強呀！🥟雞湯抄手（$48湯底同燉濃湯雞麵嘅一樣所以無食到燉濃湯雞麵嘅話...不妨可以試嘅呢個雞湯抄手呀！湯底以60斤雞骨熬製兩日，味道清香鮮甜抄手皮薄多餡，口感令人滿足💕🍹冬瓜薏仁檸檬特飲（$30）無額外添加糖份，夠哂健康呀！而且薏仁檸檬具美白功效✨女生必愛呢！🍹愛玉蜂蜜西檸特飲（$30）同樣無額外添加糖份，正喔👍🏻蜜糖味香甜濃郁🍯配上檸檬，清新開胃夏天飲就最啱喇！