段純貞牛肉麵 (如心廣場一期)

營業中

休息中

結完婚.必須要投入澱粉質懷抱🤤·🍜燉蕃茄腱心牛肉手工麵（$84）係台灣食過一次段純貞，念念不忘佢既手工麵！香港開番緊係即刻去食啦（開左好耐而我都食左好耐 而家先post🤣😙）牛肉係一如既往咁入味咁軟腍但又唔會好鬆散🤤不過手工麵真係台灣既好食d!!!!香港既比較硬身欠韌性，湯底都比較咸同無咩蕃茄味😣價錢唔洗講啦，一定比台灣貴😙·🍜經典紅燒牛肉手工麵（$84）有輕微辣度🤫湯底好油·🥛薑糖鮮磨豆漿（$28）係咪好養身呢😮‍💨其實純粹想飲豆漿🤣好重料，非常多薑😃·📍 段純貞荃灣楊屋道8號如心廣場1期1樓105-107號鋪

近排睇到好多人介紹呢間叫段純貞嘅台灣麵店，見佢咁hit就一於試下有無伏🙂🍜青花椒香手撕雞乾拌麵 ($78)因為敏感嘅關係無叫到牛肉麵😢所以就試左佢地嘅雞乾拌麵個名令我期望佢會係好重口好惹味嘅拌麵果然嚟到聞到濃濃嘅麻香味🌶但撈起個下就開始好奇點解得咁少汁😮都由佢😅手撕雞味道近乎係冇醃過咁淡味😇而且仲有冰鮮咗好耐嘅味🤢隻滷蛋就好似比健身人士食咁清😅成碗麵只有有微微嘅花椒油味充滿黑人問號❓只可以話有時真係要自己試真啲比較出名嘅餐廳為准，今次進食經驗實在令我太失望，所以應該都唔會有第二次了😓

知道這間來自台灣的過江龍已有多時，但總是為了一個鐘頭的車程始終遲遲腳步，今日終於抓着個藉口（得閒），所以優游的坐着巴士去到目的地(如心廣場)。。。十二時多點點店內已有兩、三枱客人，由於商場這一邊兩間食肆都是以落地玻璃窗，所以空間感驟眼望落還以為比較寬敞，實質內裏入邊面積不是想像般大～招牌紅燒鍵心牛肉麵HK$84.牛肉好稔不過相對較細件，麵條選擇(幼麵)可惜口感較為淋有點點失望，湯底好濃好濃，整體如果麵條較硬身一點就更好~至於胚芽珍珠奶茶HK$28.由於無套餐是單點而叫，（少甜）味道剛剛好，由於（尖杯底）所以份量亦叫偏少，四啖、五口便KO了一切～整體來說路過一試不妨，特意去試的。。。。。可以慳回車錢。★此店有加一服務!★

之前朋友去了段純貞講都幾足料而且仲有我最愛的麻辣，當然去試試，在如心都幾方便到達，我和朋友各自叫了一碗麵飲品和小食，麵種有2款，粗同幼我們各自叫了一款。大約不用10分鐘食物開始來到。 首先來的是麻辣嫩五花牛肉麵(手工麵)，麻香十足，而且辣度剛好，上面的牛肉是生牛肉，將牛肉放入湯內就熟，牛肉好嫩同肉香十足，的確十分好味，手工麵粗口感十分，有點似刀削麵幾特別。朋友叫的原味牛肉麵(細麵)，湯底好香，牛肉好淋身又入味，麵質好幼細。 小食鹽酥雞份量不少而且皮夠脆口而入面的雞肉都幾嫩滑。飲品各自叫了2杯: 香芋珍珠奶茶叫了小甜剛好，芋頭味幾香，珍珠十分彈牙不錯。朋友叫的胚芽珍珠奶茶味道濃郁奶茶香，胚芽十足。2人食完都夠飽，價錢不用$280抵食。

紅油抄手大量芽菜鋪面，底下配花椒辣油調味，作為拌碟份量都唔少，芽菜同醬料混在一起香辣味勁 。抄手皮薄餡靚，肉質嫩滑。燉蕃茄腱心牛肉麵原隻蕃茄，湯底加了醋調味，湯頭酸甜味均勻，右面吸收左湯嘅精華，十分好吃可惜麵嘅份量較少。最值得一讚係牛腱肉，十分十分嫩滑，口感鬆軟，肉味濃郁亦相當厚身。

星期六放工諗住食埋lunch返屋企，兩點半都仲要等15分鐘位。入到去，一人叫左一碗麵，招牌牛肉麵同辣味牛肉麵。我碗辣既食左一啖已經要扭曲臉型，味精同鹽既結晶品，我已經唔敢掂d湯，揀左手工麵，好淋，少少咬口都無，究竟我食緊d乜。。。唯一可取係牛，份量足夠，而且軟硬程度岩岩好，好淋但又唔會散開晒，唔錯！但俾成90幾蚊食碗咁既野，我中間狂灌水，食完仲要去買水再灌，個口先感覺舒服少少，食完都仲成口充滿味精，無下次

【段純貞】麻辣嫩五花牛肉手工麵 💰$84呢個個麻辣湯底超正🌶 一開始食唔會覺得佢辣，係食食吓個後勁慢慢出嚟😋 對於鍾意食辣嘅人士會覺得超過癮🥶 手工麵好大條，幾有咬勁但份曬較小，幾條就無曬🥲蒜香手撕雞乾拌麵 💰$78麵底其實係唔錯嘅，麵條有彈性。但係個味道有啲奇怪🤔 食落去個味道好鹼🤣😂 同Expect中既蒜香有好大岀入，同fd子一食落口都覺得怪怪der🤣 呢個就最好唔好嗌啦！鹽酥雞💰 $48味道唔錯 略嫌個粉比較厚同有啲大嚿😂 一食落口會超爆熱🥵整體個精粹就係麻辣牛肉麵個湯底！鍾意食辣嘅定要試呢個😽

新開台灣過江龍🇹🇼 上年年頭去佢創始地新竹旅行已經想試🥺 次次經過荃灣呢間都勁長龍 所以今次早少少6點去食 好彩仲有空位🤤原味牛肉麵🍜 $84牛肉麵好大碗 揀左配細麵 佢唔係sell彈牙果種 而係sell索濃郁既湯汁! 牛肉有三大條 整體都好香綿彈牙 好濃牛肉味 筋位幾qq 如果再軟熟就更加正😍麻辣嫩五花牛肉麵 $84以為係麻辣味既牛肉湯啦 估唔到真係麻辣火鍋湯底果種麻辣!!🌋🌋 真係堅麻辣😳😳 雖然冇咩心理準備 好彩都食得曬🤣 secured🤟🏻 呢碗要左手工粗麵 好粗厚好煙韌😍 生牛肉好似食pho咁浸落熱湯黎食 非常軟嫩同香牛肉味 幾驚喜🥰紅油抄手 $48抄手大粒實在彈牙 醬汁味道都好夾 唔會太鹹太辣😋香芋珍珠奶茶珍珠甜甜地 煙韌有咬口 香芋味都正常 唔會好化學feel😋 食完麻辣湯 it saves my life🥲🥲💙💙

發現左一間超正宗的台灣牛肉麵專門店，就係大名鼎鼎的段純貞，佢係一間台灣人氣過江龍新店！總部在台灣，香港只有兩間分店，一間荃灣，一間將軍澳。牛肉麵超級正宗，可以比客人揀麵，有手工麵同細麵，牛肉就選用了美國牛肉。為左比較一下邊款麵更好味，我哋點左一個招牌紅燒腱心牛肉麵（手工麵）同一個原味牛肉麵（細麵）。賣相超級吸引，藥膳味的湯由顏色到氣味都反應返正宗就係這個樣子，撲面而來的濃香，令人迫不及待要來品嘗！湯底鮮甜，是用新鮮肥牛榨出黎既牛油加入香蔥，薑，蒜，豆瓣與23種中藥材，慢火拌炒加入牛骨高湯熬煮。倒入酸菜調味，酸酸咪咪好醒胃！手工麵粗條厚實，口感好正，很有咬頭，掛湯汁一流，有驚喜！牛肉軟冧入味，品質優秀，系上等食材。而另一款細麵，別有一番風味，比較爽口，十分勁道，有彈力，朋友就比較喜歡細麵，而我更喜歡手工麵。小食有紅油抄手，因為朋友不太食辣，所以店家幫我們紅油另上，一大碗芽菜，花生，香蔥鋪面，抄手在底，賣相很特別。大大粒抄手餡料飽滿，點左辣油，麻麻辣辣開胃好食。胚芽奶茶，胚芽健康好味，濃濃的奶茶都是對台灣的想念，在香港都食到咁正宗的台灣牛肉麵，真係疫情下的恩典！

餐廳環境：係如心廣場開得鋪頭既都唔會太污糟既，裝潢唔係太hea（緊係啦，收你成百蚊碗牛肉麵），目測有20張台到，但好奇怪既係我發覺佢明明有台清好潔都等成十分鐘先可以入到客。一係個前台廢、一係個廚房廢、一係佢想令客排隊。食物質素三寶麵經典牛肉麵麵質：點解要講左先，因為叫左兩兜麵都發覺一個好大既幣病！就係個麵唔好食！唔好食！唔好食！我地叫左手工麵，發現d麵好似唔熟咁（睇圖），我唔知呢隻麵係唔係要同意大利飯一樣中間要硬硬地先正宗，但我個人口味就覺得唔好食，因為唔熟既麵係會好漿口🥲。以為叫幼身麵好點？大家睇下呢度負評先，有網友話幼麵會偏淋身🤷🏼‍♀️2. 湯底：你睇個顏色以為好濃，但其實入口偏淡味，都係有少少失望。3. 牛肉：佢既肉反而好有驚喜！無論牛腱肉定牛筋都咬落軟諗仲十分入味！食得出係肉果方面係有比心機落去處理既。4.飲品：唔得，珍珠太甜太腍啦，綠茶味有點假總結：雖然牛肉好吃，但都好難一個救全家，牛肉麵得三個元素，但其中兩個都唔得，加一收我接近成百蚊碗，只好比負評🤦🏻‍♀️

知道呢間餐廳係台灣過江龍，所以今次特登去試一試。餐廳喺荃灣西一個新開商場，人流唔算多。餐廳係商場比較入嘅位置，真係搵都搵咗一陣，唔太方便。環境不大，當時是下午茶，食客不算多。裝修比較中國風🇨🇳都有啲特色。我個女叫咗一碗麻辣腱心半筋半肉面🐃食落都幾辣，要加水先食到，但牛筋牛肉都幾淋，好入味。我叫咗個紅燒腱心半筋半肉牛肉麵🍜味道都濃郁，都有幾多筋和肉，分量十足，湯底略嫌鹹咗啲。另外叫咗一杯胚芽珍珠奶茶🧋味道ok ，冇咩特別。

香港都有唔少嘅台灣牛肉麵，當中不乏台灣過江龍。之前睇YouTube介紹過段純貞，一直都好有興趣試吓，於是就去左荃灣呢間試下。首先點左個鹽酥雞。店員一上菜嘅時候，已經覺得賣相好吸引。每件雞球都非常飽滿，好想即刻就咬一啖。結果味道都冇令我失望，熱辣辣，外層揸得鬆脆，肉質仍保持鮮嫩多汁。$48有呢個份量同質素，真係非常最值。蒜香手撕雞乾拌麵最令我印象深刻嘅係啲配料真係非常充足，尤其係蒜頭同花生。我自問食嘢都有少少重口味，呢個拌麵幾啱我口味。跟住就係今日嘅主角牛肉麵。由於我無辣不歡，於是我就揀咗麻辣五花牛肉麵。第一樣試嘅當然係個湯底。據說呢個湯底用咗23種藥材加上牛脂熬製。但係我就一啲都唔覺得邊種藥材味道特別霸道，感覺非常調和。我揀選嘅粗麵條亦有助於掛汁，口感亦非常煙韌彈牙。加埋份量適當嘅牛肉，真係非常令人滿意。飲品就揀咗珍珠奶茶同埋杯牙奶茶。茶味夠濃，令呢餐錦上添花。

呢排見到好多朋友都食呢間「段純貞」，咁小編都唔執輸，走去試吓味先😋經典紅燒牛肉麵(牛𦟌切片）$84呢碗牛肉麵賣相十分吸引，但味道就一般！牛嘅味道一般，份量都唔太多😂燉濃湯雞麵 $84呢碗燉湯雞就完全唔同啦，個湯好正！啲雞好嫩！仲有一小碟酸菜送😝環境方面都算清靜！同埋 枱與枱之間嘅距離都闊，所以都食得幾舒服👍唯一一樣不太好就係店內職員，要扣少少分😔服務麻麻，問嘢唔多應🤪味道：😋😋😋😋/5環境：😋😋😋😋😋/5服務：😋😋😋/5價錢：😋😋😋/5翻食：😋😋😋😋/5

作為過江龍台灣牛肉麵店，段純貞食物出品無失真，有濃濃台灣既味道。餐廳坐位唔算多感覺上坐得都幾逼下，裝修係簡約中國風。假日無論任何時段經過都有人龍排隊，我自己未試過係唔排既情況下可以坐低🥲🥲，所以更常外帶。.試過唔少款，個人喜好：1️⃣嫩五花牛肉麵 💲84⭐️4.2/5麻麻地鍾意食大大舊牛腩所以呢個嫩五花牛肉，即係薄切肥牛就fit哂。我好鍾意段純貞呢個紅燒牛肉湯頭，有淡淡既中藥香。上網睇介紹佢地用上23種獨門藥材香料長時間熬呢個湯底，試完第一次之後就係因為對呢個湯底念念不忘所以翻單左好多次。麵底可以揀細麵(幼切)或者手工麵(粗切)，味道上無分別但我自己比較鍾意細麵因為比較輕身易夾起。.2️⃣紅燒腱心半筋半肉牛肉麵 $88⭐️4/5為左食佢既牛筋，間唔都會點呢個一半筋一半牛肉既紅燒麵。湯底同嫩五花牛肉麵一樣但好似會油少少。牛筋索湯有咬口，都係上佳之作。.3️⃣燉濃雞湯麵 $84⭐️4/5個人都幾鍾意燉濃湯雞麵，用上原隻雞腿份量十足。最重要係佢濃雞湯幾清甜，雖然明知應該幾高納，都成日忍唔住飲哂成碗。但因為次次都係外帶所以就無影相了。 4️⃣珍珠奶茶 $28⭐️2/5比較失望係珍珠奶茶(第一次忘記影相)，覺得遠唔及牛

-🚩段純貞牛肉麵荃灣楊屋道8號如心廣場1期1樓105-107號舖—————————————————————🔸餐廳推薦度：❤️❤️❤️❤️❇️每人平均消費：$150（Lunch)⭐️打卡指數：✨✨✨🔴青花椒香手撕雞乾拌麵 $78如果鍾意食花椒油香味嘅味就一定要揀呢個手撕雞拌麵，雖然睇落去唔似好麻辣嘅感覺，但食落去濃濃嘅花椒油好香口，而且超多花生同手撕雞，平時大食開嘅我就連呢碗麵都食唔晒就知有幾抵食👍🏼⭐️⭐️⭐️⭐️⭐️（5/5）🔴原味牛肉麵 $84男朋友就揀咗呢碗原味牛肉麵食，對牛肉麵超有要求嘅佢竟然連呢碗牛肉麵既湯底都招架唔住，坊間一般嘅牛肉麵味道都唔太濃，但段純貞既牛肉麵就咁望個顏色，就已經睇得出餐廳係好用心去做呢個牛肉麵嘅湯底，加埋手工麵既配搭簡直一流👍🏼⭐️⭐️⭐️⭐️⭐️（5/5）🔴新鮮豚肉鍋貼 $48呢款豚肉鍋貼有少少似日式餃子，餡料亦都好豐富，配埋餐廳既醋一齊食非常好味😋⭐️⭐️⭐️⭐️⭐️（5/5）🔴胚芽珍珠奶茶 $28我男朋友出名食嘢要求高，就連一杯珍珠奶茶都唔會放過，平時對珍珠奶茶都好抗拒嘅佢，竟然大讚呢杯珍珠奶茶好啱佢口味，佢話甜味啱啱好，珍珠又唔會太重黑糖甜味，而且好濃嘅茶味，直情係好似自己喺台灣飲緊珍