段純貞牛肉麵 (如心廣場一期)

營業中

休息中

來自台灣新竹的過江龍，海外首間分店就開在荃灣西如心廣場。台灣牛肉麵來說，這間是我心目中全港top3，已翻食幾次，當中以紅燒腱心牛肉麵最好食。紅燒腱心牛肉麵 (總分8.5/10)🍲 湯頭(8.75/10)：呈深黑色，據稱是用24種藥材熬成，濃郁得有像肉骨茶的感覺，不油膩，無味精，可以一飲到底，遠勝程班長之流，湯頭暫時是全港最好。🥩 牛肉(8.25/10)：不要點原味牛肉麵！因為腱心牛肉好吃得多，筋腱炆得入味，肉質鬆軟，有膠質。🍜 麵(8.25/10)木點了手工麵，手工麵大條闊身，煙韌有咬感。另外，酸菜也很醒胃好吃。———————————————————————————⭕️ 總結：台式牛肉麵全港top3，手工麵闊身煙韌，湯底濃郁不油膩可一飲到底，酸菜好吃。已翻食幾次 ✅💵Budget: $90 pp 📍 段純貞牛肉麵 (荃灣)荃灣楊屋道8號如心廣場1期1樓105-107號舖

小編週末係荃灣行完街，想揾啲新野試下，見到有台灣過江龍段純貞，今次要試下佢龍與鳳☝🏻◾經典紅燒牛肉麵(牛𦟌切片) $84湯底少少辣，但味道好濃郁，完全有係台灣食緊牛肉麵感覺，但手工麵一般，造得太粗身，吸唔到湯底味道，牛𦟌都做得幾好，不過不失。◾招牌紅燒腱心牛肉麵 $84湯底不辣，但湯底都濃郁，而且牛肉做得好好，煮到偏軟身，唔會好韌好難入口。兩款都推介大家試，但可能食幼麵會好啲，因為手工麵真係太粗啦，吸唔到個湯底味道。▫️食物：4 / 5▫️抵食：4 / 5▫️環境：4 / 5📍地址：荃灣楊屋道8號如心廣場1期1樓105-107號舖

今次叫了麻辣蒜味腱心半筋半肉牛肉麵，首先湯底樣式已經有別於一般台灣/一般麻辣牛肉麵，樣子有一點像四川擔擔面；湯底味道方面果然很不同，除了有紅燒湯底裡面花椒八角豆瓣醬酒味道外，還多了一份四川擔擔辣味，花生醬味很出，而這個辣不同一般台灣麻辣，沒有辣在唇上的麻，是辣在喉嚨的辣，感覺很特別但配合上來很和諧。至於牛方面，炆得很腍 ，筋很膠，如果肉及筋的分配再均勻一些就更好了。麵方面，不愧為手工麵，果然很彈牙，每一條面都很爽身，長度剛好。另外叫了鹽酥雞，這個比較普通，炸得比較乾，好在粉薄脆口唔燶，但鹽酥味偏淡

之前見L佛有介紹過間過江龍牛肉麵見肉dee都有講牛肉其實係用美國牛咁見佢地講到唔錯咁就去試下段純貞係台灣好似幾出名係幾個城市都有分店但好似就只有新竹係直營其實地區就由六角代理我就一次都未食過而家由峰景餐廳集團同六角合作係香港開左三間我今次去既係荃灣店餐廳開係如心廣場一期個位有少少入五月去果時開業其實只有半年左右門口裝修係唔錯平日夜晚七點左右黎到都幾多人排隊佢話只得45分鐘用膳時間大約等左三個字左右入得座位都叫做闊落有二人檯同四人檯距離都算開話like左可以有小食送但完全唔吸引所以慳番個like餐牌大部份係牛肉麵可以揀細麵或者手工麵小食同一款台式餐廳有少少唔同飲品亦都無因為有跟餐而有平香芋珍珠奶茶芋味都夠不過杯就比較細三十蚊就真係唔抵飲紅燒腱心半筋半肉紅肉麵有選擇困難見呢個好似最大路又乜都有咁麵條揀左手工麵麵條係寬麵口感就一般亦都無話特別吸汁始終都唔係好似沾麵果種杰身湯底牛肉份量算多湯底話係以牛大骨慢火熬幾個鐘再靜置一晚煮成甜甜地算係比較有特色可能門口都多人排隊食完無耐就比佢收左碗唔夠半個鐘就出番黎台式餐廳同拉麵店一樣就無咩要加一既呢間段純貞要自己出門口比錢但竟然係要加一圍番個麵都差唔多

燉濃湯雞麵Price：$84📌雖然鋪頭主要係牛肉，但都係有其他野食的，味道絕對唔差架😎雞湯味好濃但唔會好油膩，仲有好大嚿雞髀同雞胸食超級滿足😋雞肉好嫩滑唔會成條柴咁，而麵底揀左手工麵👍🏻麵身比較闊食落好有咬口，平時比較少食試下都唔錯架🤩但呢個價錢黎講就唔係咁抵食啦🤔原味牛肉麵Price：$84📌今次叫咗段純貞最出名嘅牛肉麵，佢地用嘅肉嘅部位係牛腱肉😋咬落去好軟熟，唔會痴牙，又有啲咬口，牛味好出☺️😉手工麵吸哂個湯底精華，湯底主要係中藥味😝但又帶點微辣，令到個中藥味無咁重，小妹好鐘意😍愛玉蜂蜜西檸特飲Price：$30📌好大陣蜜糖既味道，但又唔會好死甜到好漏😚飲落仲有少少啫喱添，好適合夏天既氣息😌

終於一試台灣過江龍 — 段純貞牛肉麵🥢呢間人氣過江龍真係好受歡迎，平日2:00幾去到都排緊隊😯入到去睇menu睇左好耐因為實在太多款想試🤣款款睇落都好吸引，麵同小食既選擇都好多！⭐️原味牛肉麵🥢麵黎到，好香，見個湯顏色咁濃，飲一啖，嘩，好濃郁喎，睇下佢menu 介紹，原來湯底係用左牛骨熬煮，加入了牛油蒜、薑、豆瓣等23種中藥材以慢火烹調熬製多個小時😍 唔怪之得咁濃咁好味，我揀左牛肉麵配細麵，可以將濃厚的湯底做到掛湯，每條麵條都充滿湯底嘅香味😍牛肉好大件炆得好淋，牛肉味也很濃👍🏻，正！！！加埋碟酸菜落去食更加惹味！⭐️麻辣蒜味腱心半筋半肉麵🥢湯底香辣而且蒜味很香濃，我覺得幾特別！相信喜歡重口味一點的朋友會愛上！我最愛就是半筋半肉了，估唔到份量都咁多😍 牛腱心的確比較少見出面有得食，牛味濃肉質嫩滑，牛筋也非常軟淋入味，漿口既感覺，係重重既膠質呀👍🏻配上手工麵，有點像刀削麵外型，一大片的！手工麵有質感，口感煙韌，有咬口！新鮮豚肉鍋貼 🥟呢個小食鍋貼同出邊食嘅鍋貼有少少唔同，佢唔係煎到外皮非常脆口！不過入面個餡都幾驚喜，佢個豬肉好新鮮有肉汁，仲食到入面餡既椰菜好爽脆😯👍🏻係呢一點已經加咗分！唔會覺

經典紅燒牛肉麵 $84啲牛都幾淋，係好食，不過整得覺面比較少，有分手功面同幼面，上圖是手功面，好似啲刀削面但再簿咁。招牌紅燒腱心牛肉麵 $84香芋珍珠奶茶 $28比較細杯，哈哈這間好吃過屯門食的老媽拌麵，上一次食嗰間真係好不行。不過呢間就都唔錯可以接受，但整體是份量比較少吧

常客，一星期lunch總有一兩次過來食。食材絕對上乘，湯底很接近台灣風味但質素不穩定，今天吃的手工面(類似闊面)，太薄，師父煮既時間過左龍，成個面淋曬，無咬口，無彈性(普通話說法就是糊了)，湯底也不夠熱。我是星期一下午3-5點去食，不算繁忙時間。這出品確是令人失望有上好材料，沒用心做，確是浪費。但我確實前幾次吃，面條都是彈牙，有咬口，湯底熱辣辣。但失手次數都差不多50%，店鋪真係要專注一下穩定性，專門賣牛肉面，但面條質素不穩定，很可惜

燉蕃茄腱心牛肉麵 $84麻辣蒜味腱心半筋半肉麵 $88餐廳主打牛肉麵的湯底以及麵條，蕃茄湯底都有幾濃既蕃茄味，但我覺得有少少鹹；麻辣湯底見到一層厚厚的辣油，無想像中咁辣，但真係飲唔落。麵條我幾喜歡手工闊麵，較有咬口嚼勁，而且幾索湯。牛腱幾大件幾腍，但唔係入口溶化的口感。另外有碟酸菜，拌麵食都幾正。燙季節蔬菜 $42 半碗麵既價錢，份量都算係咁，大大塊椰菜浸湯白，幾鮮甜，幾爽脆。另外叫左杯酸梅湯特飲 $28，好飲。台灣過江龍係有點台灣風味，但係價錢非常香港（大家都明白係交租既…），飲品要散叫，食碗麵飲杯野連埋加一埋單成$150，值唔值真係見仁見智。

一直聽朋友講好好食終於有時間過黎荃灣試一試過江龍段純貞平日六點多抵達餐廳，填了紙仔直入。餐廳的裝潰充滿古典味看到介紹話用上台灣秘方製作，再配上多種藥材跟牛大骨等燉製湯底的確讓人期待原味牛肉麵，細麵湯底帶著藥材味厚切大牛肉滷得非常入味和骨軟腍細麵也非常掛湯，吸盡精華麻辣嫩五花牛肉麵，細麵比原味多左一份麻辣香，非常惹味五花牛肉也很嫩，牛肉味濃鹽酥雞鹽酥雞次粉唔會好厚，入口啖啖肉底下還配上炸九層搭胚芽珍珠奶茶珍珠軟硬度亦都適中，口感很好荔枝乳酸飲料有新鮮荔枝，整體不錯

過江龍台灣菜！幾次經過都排長龍，今日專程早啲嚟試試佢！紅燒腱心半筋半肉牛肉麵：麵底可揀幼麵或手工麵，梗係要試下手工麵啦！果然好唔同，麵條非常粗身，好有咬口！湯底濃厚，有少少藥材味道！故名思義牛腱肉一半係筋一半係肉，肉質好腍有肉味，又無一般牛肉嘅羶味！三寶麵：如果想試多幾款部位就揀三寶，有牛腱，牛肚，牛筋。牛肚非常爽口。青花椒香手撕雞乾拌麵：手撕雞滿佈麵上，配以花生碎，拌勻碗底充滿胡椒味嘅湯汁，有種微麻辣嘅口感！每碗麵都附有一細碟嘅酸菜，爽口，不太鹹不太酸，配以麵一齊食，中和牛肉嘅肥膩，開胃菜！新鮮豚肉鍋貼：鍋貼皮不脆不香，外皮顏色白色多過啡色，好似無煎過一樣，敗北一道菜式，難食！

晚飯時間見有半條人龍，但都係排左十五分鐘就入到👍🏼地方比較淺窄，坐有少少逼，不過為左食個麵就無麥所謂😛.🔸原味牛肉麵 （$84）💎排隊排左十五分鐘，雖然已有人龍但都唔算等好耐。出哂名嘅牛肉麵都算無令人失望，一黎就飲幾啖湯先🤤個人覺得藥材味可以再出d，藥材控🕺🏼湯底由新鮮牛脂、香蔥、豆豉、薑、蒜同23種中藥材再加牛骨高湯秘製而成，飲落有微辣暖胃嘅感覺。我地選左一碗細麵一碗係手工闊麵，中意手工麵多d，比較有口感而唔韌。而細麵無想像中彈牙，不過友人偏好細麵質感。即使粗幼不一，吸同掛湯能力都好好。🔸胚芽珍珠奶茶 （$28）呢個無咩味有點淡口，珍珠太淋了🥲亦爭左少少胚芽香🔸冰糖醬花生 （$15）裝到滿滿嘅一碟花生小食，甜甜地花生又好淋😛食哂成碟最後就覺得咸左少少，但可以接受。

星期日帶呀女上完playgroup，之後我同老公不約而同地想食台灣野，search到呢間台灣牛肉麵鋪頭，於是就過黎試吓睇完成個餐牌，大部份牛肉麵嘅湯底都少辣，剩係得雞湯抄手啱呀女食之後我地叫左兩個麵同一個雞湯抄手雞湯抄手三寶手工麵紅燒腱心半筋半肉牛肉細麵個牛肉細麵真係不得了，湯底夠濃味，牛筋牛肉好軟腍好惹味，但個手工麵就普通咗啲，細麵可以掛多啲湯，雞湯抄手呀女一啖接一啖咁食，仲好鐘意飲個雞湯呢餐下午茶我地都好滿意😄

每次經過如心的段純貞都是堆滿滿的人排隊，難得今天三時多，人流不多很快就按排了坐位。嫩五花牛肉麵愛好牛的我就點了嫩五花牛肉麵，上枱時是生牛肉，朋友很驚訝，但我就很期待,因為對於牛確是有點要求，輕輕用湯燙一下，就開始起動，牛肉很嫩口，牛味濃郁，湯底很濃，是我杯茶。酥炸排骨麵(嫩雞湯)朋友的炸排骨即是炸豬扒，有點厚度的豬扒，炸過後一點也不乾身，反而留有肉汁，確是有點驚喜。朋友配了粗麵，說也不錯。鹽酥雞件小食雞件也有五，六件，份量滿滿，外脆內軟味道足夠香芋珍珠奶茶/胚牙珍珠奶茶胚牙珍珠有點咬口，珍珠彈牙，點了少甜，口味剛好在台灣有多間分店的段純貞，味道確有正宗台灣風味，下次會再來

呢間之前都見過唔少foodie推介，仲見過有朋友參加佢個大食比塞😆今日黎開荃灣終於有機會一試😀紅燒腱心半筋半肉麵 ($88) - 我自己好鍾意食牛筋所以必點半筋半肉，牛牛同牛筋都炆到好淋同的確好入味，係一碗唔錯嘅牛肉麵，只係無d人寫到咁神奇啫🤔 同埋我叫左手功麵，都幾彈牙幾得意，都值得一試麻辣腱心牛肉麵 ($84) - 呢碗朋友嘰嘅，我試左一啖，牛肉麵都係紅燒原味好食d，個麻辣味會搶左個湯本身嘅味🤔 不過佢嗌幼麵，份量就都幾多👍🏼🥤香芋珍珠奶茶 ($28) - 坦白講呢個幾失望，好似好淡味嘅芋頭雪糕，d珍珠又唔彈牙，唔太合格😕Overall黎講如果想食台灣麵係可以一試，只係唔好太期望有咩驚喜，standard嘅貨式，不過野飲就唔洗試啦😥