正點心 (已結業)

黑金蟹肉小籠包皮薄餡靚，入面真係食得出有蟹肉！點埋紅醋酸酸地更開胃滋味！花膠海皇灌湯餃賣相好靚。湯餃隔離整齊地擺放左蟹柳。好多時喺其他酒樓食灌湯餃，上枱嘅時候湯餃塊皮已經穿曬，但呢度冇，隻湯餃重好完整，所以話佢靚～😍👍🏻睇相就知有幾靚啦～隻湯餃好大隻！有成隻碗咁大！😱薄薄嘅皮包左好多餡料！勁抵食！皮雖然薄但一d都冇穿到。湯餃隔離重有蟹柳，蟹柳滑嫩。重有花膠！花膠夠腍身，滑溜又彈牙，有豐富骨膠原，啱曬女士呀！倒埋d紅醋落去味道一流！😋豬腳薑見住店員喺個煲度「北」出黎，新鮮滾熱辣！有好多嚿豬腳，嚿嚿豬腳都大大嚿！啖啖肉！入口黏黏的，好多骨膠原呀！食完覺得好補～D汁夠辣，夠薑！冬天飲啱曬，飲完成個人暖晒～🥰金網鮮奶卷呢款點心好特別。啱啱炸起好熱，我見好似好食咁，即刻擺入口，爭d辣親嘴！炸成一條條金黃色，好似金條，😍賣相精美。一咬，「卡」一聲，外層好鬆脆呀！好有空氣感，輕輕一咬已經咬開左。入面嘅鮮奶軟腍味甜。家鄉煎釀虎皮椒虎皮椒好大條呀！有辣有唔辣。朋友食果隻好辣，加上椒面上撒左黑椒，辣上加辣。佢話辣到心跳加速、雙唇微痺、辣味滲透每一個味雷添！見佢講到咁誇張，我好奇試下。點知我果嚿又唔辣喎，椒

平價高質點心店👍🏻👍🏻👍🏻矜貴吸睛之選；鮮甜汁多皮薄黑金蟹肉小籠包、足料爽口卜卜脆嘅蟹籽黑毛豬燒賣飲茶必食三寶；彈牙又有牛味嘅山竹安格斯牛肉球、濃甜惹味秘製醬蒸鳳爪、香軟多汁蒜香🧄蒸排骨必食香口推薦；蒜香蝦春卷、家鄉煎釀虎皮椒款式豐富選擇多多、重質又重量👏🏻👏🏻👍🏻😋😍🥢真心抵食同好食，呢度做到價廉物美嘅出品！優惠段段有🤩👇🏻08：00-11：00點心八折11：01-14：15指定點心$ 100任選5款14：16分入座至16:00，全部點心八折👏🏻👏🏻👏🏻👏🏻👏🏻

今日係美孚收工，好懷念呀..這裡是我預科畢業的地方呢🥰舊地重遊行左一圈搵倒這間正點心。原來下午才有點心，晚餐是食小菜。卡位非常闊落舒適。我們點了花膠醉雞煲＋安格斯牛（$328）嘩嘩嘩...花膠有手掌咁大😍😍再配上走地醉雞，真係好補身呀🥰啱曬秋冬季食你再睇下碟安格斯牛份量幾多幾新鮮，脂肪的紋理好平均，睇倒我流曬口水🤤職員教落醉雞煲3分鐘焗3分鐘食得😋果然咁樣煲出黎既雞剛剛熟透非常之咁滑😍花膠好厚身好彈牙💋煲完雞之後個湯面好多雞油，但因為有酒味，飲落去一啲都唔漏，仲好暖身😆食完雞飲埋湯最後先食牛肉，牛肉片厚薄適中，滾約10秒，牛味濃郁，無喳，份量超級多，食極都食唔完😂非常推介這個SET，食完我已經問老公下次幾時再黎食😂😂

疫情好嚴重🤧，又準備第四波爆發喇，我都唔敢去人多嘅地方👩🏼👩🏼，所以今晚就去咗樓下呢間中菜館食晚餐😅，大家要記得盡量戴口罩啊！😷😷-今次我同爸爸食，叫咗個黑醋咕嚕肉😋同埋海味雜菜煲，始終老人家鍾意食中菜嘛！-黑醋咕嚕肉（$88）原本以為呢碟菜係有少少黑色嘅，點知原來都係平時食開嘅橙色咕嚕肉🤗，咕嚕肉先油炸再炒上黑醋汁。肉質脆皮，酸酸地咁好開胃，撈飯一流！👍-海味雜菜煲（$88）份量好多，有唔同種類嘅菜，有菇，蝦仁，蘿蔔，啲湯都幾甜，值得一試！-人均：$113Janna 翻撻指數：6/10🥢🥢🥢🥢🥢🥢

今日係美孚新邨放工，經過見到呢一間點心店就入去試試。食物款式都幾豐富，價錢都係合理範圍之內，全日免收加一服務費，而早市、午市同下午茶有其他額外優惠。我叫左牛油果煎香蝦春卷、金箔鮮蝦餃皇同金瓜蒜香蒸排骨。本身以為三樣野可以一個人輕鬆食完，但每份點心都幾大份，最後好唔容易先勉強食曬。牛油果煎香蝦春卷既牛油果味唔算重，上枱時依然係熱辣辣，脆卜卜，口感不錯。金箔鮮蝦餃皇每粒都份量十足，蝦肉新鮮爽口。金瓜蒜香蒸排骨食落有淡淡蒜香，味道層次更加豐富。排骨肉質香軟，多汁。食物味道整體不錯，路過值得一試。

今日夜晚就簡簡單單食晚飯途經美孚新邨，見有一間正點心 就入去試吓啦😝呢間餐廳中午時候係做點心～夜晚就做小菜 小菜有四人套餐選擇因為今日得我哋兩個人就簡單啲叫兩碟小菜加飯食🎶我哋叫咗個南乳粗齋煲$78同埋梅菜蒸黑豚肉餅$98再加多碗白飯 ～南乳粗齋煲好快就嚟到 好大煲！同埋好多唔同種類嘅蔬菜 包括有茄子丶生菜丶菜心丶腐竹丶粉絲丶白菜仔丶菇類等等 可謂相當豐富 加上南乳醬 鹹鹹地 非常好送飯 用煲上枱 所以非常夠熱 鍾意食蔬菜嘅各位不要錯過！！另外個蒸肉餅亦都超級大碟～落咗啲豉油熟油再加上很多蔥😜肉質彈牙😆配上梅菜食 又係另一樣好好送飯嘅飯菜呢度價錢唔貴，適合兩小口嘅溫馨晚餐！🎈

我覺得係我咁耐以來食過最好食嘅一間點心好有驚喜入去鋪面第一下感覺好唔錯坐低佢會問你飲咩茶佢話食物係即叫即做 但我對呢樣嘢一早冇感覺 好多時咁講但係都係得個熱字大概落單10分鐘所有食物已經到齊而且你見到佢係出煙好期待咁樣試咗個流沙包先紫醉金迷流沙包上面有啲金箔 賣相唔錯一咬啲奶黃餡流晒出嚟要小心啲食唔係真係會食到周圍都係好香嘅奶黃餡 奶黃好多又熱辣辣 好正🤤🤤🤤🤤櫻花脆皮鮮蝦腸賣相都係好靚見到顏色咁鮮艷食落都開心啲面頭既櫻花蝦唔孤寒腸粉裏面包左脆脆再入面係鮮蝦脆脆入面嗰啲鮮蝦真係好足料唔會有空位 而且蝦好爽口👍👍👍溫室蘿蔔千層酥出爐都係熱辣辣咬落去第一啖勁脆啲酥脆到開始散 好正好中意然後會食到蘿蔔絲係蘿蔔絲 唔係打爛咗嘅蓉好足料 每啖都食到蘿蔔呢餐絕對係大滿足店員服務又唔差絕對唔係為打工而打工而且我見佢好多熟客仔最鍾意呢啲人情味舖頭

收工後去左美孚搵個朋友拎D野順便一齊食晚飯，佢知我中意食中式野，就帶我去左附近新開既點心舖，但去到先知原來夜晚無點心得小菜😂😂 不過唔緊要，我都岩🤣點心舖黎講座位都幾闊落舒適（因為我以前係土瓜灣同元朗去開果Ｄ都好鬼迫🙈）我地叫左黑醋咕嚕肉，海味什菜煲同一碗白碗～平時食既咕嚕肉都係橙色多，酸甜味比較balance，今次轉左黑醋有另一種味道，酸味更加突出👍咕嚕肉岩岩炸起就算有黑醋汁都好夠脆，肥瘦均勻亦唔韌～海味什菜煲超大煲😅 有蝦乾同唔同種類既菇類所以好鮮味，粉絲索曬啲汁好好食，菜同粉絲都唔會住得太耐搞到淋晒，火喉時間控制得好好👍不過下次我想試呢度既點心就要下午唔可以夜晚去探我朋友先得🤣

呢一間食點心嘅酒樓，其實價錢可以的，服務態度就差，not quite nice, 講返去啲點心其實都係好普通，價錢就… 我去食唐記包點好過啦，人哋啲點心仲平過佢。 唯一可取之處就係茶錢五蚊雞。 另外佢個流沙包我以為好好食點知嗰啲蛋漿仲希過啲乜。 I Highly not recommend. Worst service ever.

以為正點心係單純一間點心店？當然唔係啦，晚市有小菜供應！叫左一客拔絲咕嚕肉（$98）及一客椒鹽鮮魷（$88），其實呢度晚市選擇有好多種，單係咕嚕肉都有幾種煮法，另外有海鮮供應，仲要售完即止。我估美孚街坊都應該會鍾意嚟呢度食晚飯。椒鹽鮮魷新鮮食炸，炸粉薄薄地包住魷魚，彈牙好食。拔絲咕嚕肉酸酸甜甜，小朋友一定鍾意，而且咕嚕肉冇骨啖啖肉，比生炒骨更方便！小菜選擇多，又有鑊氣，美孚一帶嘅街坊夜晚諗唔到食乜都可以嚟呢度叫小菜。

咁啱喺呢頭探親，經過見到呢間大排長龍，就即刻試吓～ 午市$100就有五款自選點心，下午茶仲有八折優惠，抵食又好食！😙蟹子黑毛豬燒賣（$31）燒賣黑毛豬肉質彈牙，仲有幾隻大蝦係入面，感覺好足料！金箔鮮蝦餃（$32）蝦餃有四隻，蝦餃皮整得晶凝通透，仲加入金箔裝飾，賣相唔錯，蝦都好大隻好新鮮👍 京式優汁小籠包（$31）小籠包皮薄餡靚，仲有勁多湯，一咬就爆曬出嚟😍 牛油果蒜香蝦春卷（$26）呢度春卷幾出色，炸得好香脆😋 加埋牛油果都幾特別千島醬脆皮蘿蔔糕（$22）呢個幾驚喜，外面係好香脆嘅外皮，入面係人見人愛嘅蘿蔔糕，外脆內軟～ 加埋千島醬，味道幾夾！流沙黑芝麻煎堆（$24）一開始嗌嘅時候以為係流沙奶黃，原來入面係黑芝麻，啲芝麻幾濃郁🖤肉鬆炸兩腸粉（$27）腸粉整到好滑，油炸鬼整得好香，再加埋上面大量肉鬆，食落都唔錯！正點心 (美孚)📍美孚美孚新邨恆柏街6號地下N29A號舖抵食指數：😚😚😚😚/5舔舔脷指數：😚😚😚😚/5

本身以為喺度早午晚都係供應點心，點知發現晚市有小菜。價錢同區內酒樓差唔多～地方裝修得骨子企理！有套餐，亦都可以散叫。選擇唔算好多，不過大路的、多人鍾意食嘅小菜呢度都算有。問咗侍應，佢哋推介海鮮同牛肉嘅菜式！蒜片牛柳粒用咗安格斯牛肉，食落牛味香濃，肉質鮮嫩，油脂豐富！加上濃味嘅醬汁，送飯真係一流！另一個小菜係咕嚕肉！咕嚕肉肥瘦分明，肉質又爽又滑；調味酸酸甜甜，亦都係一個濃味嘅菜式，非常好送飯。下次要試吓蟹蒸飯，睇吓佢哋啲海鮮好唔好食！

放左工係屋企附近搵野食, 知道美孚開左呢間點心店,裝修幾乾淨同光猛, 感覺唔錯!諗住黎飲下夜茶食下點心~原來夜晚食無點心食既, 不過一場黎到就試下小菜~2個人叫左2個餸2個飯, 200蚊左右~椒鹽黑豚肉排都幾大碟, 每人都食左好幾舊, 又大舊, 同埋幾香口, 椒鹽味唔會太勁太咸, 好食~紅燒豆腐都幾滑, 唔會好勁生粉芡, 又夠味, 唔錯!食物係唔錯, 不過一心想試點心, 下次LUNCH黎試埋佢既點心先!

呢間點心店，之前下午嚟食過點心，原來晚市係食港式小菜架～今晚兩個人食，所以就揀兩款小菜啦～小菜份量好足！豉汁蒸排骨$88半肥瘦嘅排骨，食落軟綿綿，一d都唔鞋架另外，個豉汁撈飯直頭係100分！海味什菜煲$88有蝦米、雜菇同雜菜，值得一提嘅係蝦米係分開炸到脆左先，保留脆口，唔怕浸耐左會淋晒，雜菜都好新鮮，食呢個什菜煲就唔怕出街食飯食太少菜啦～米湯蒸飯$15白飯係另外架啦～蒸飯飯粒會分明d～

< 🥟正點心 > 📍美孚今朝同母親大人去咗美孚飲茶😋 呢間新派茶樓質素都幾好 唔洗去啲大集團食🤣❣️$5位茶芥 全日免加一❣️早市、午市同下午茶都有唔同優惠 早市11:45前賣單就有八折 午市仲有$100 五個點心 超級抵食😛😛🧡蟹粉小籠包 $35 一隻好大隻小籠包😍😍 入面全部都係蟹粉 好甘香 橙黃色嘅蟹膏好吸引🥰 有半個拳頭咁大 好足料😆 對得住個價錢👍🏻 🥟花膠海皇灌湯餃 $36呢個都好抵食❣️灌湯餃大大隻 入面仲有蟹柳、素翅同花膠😛 花膠好綿滑 富有膠質 湯底清徹而且唔乜味精味 好飲😋 灌湯餃餃皮偏薄 餡料豐富 成隻都好飽滿🥟 仲有淅醋俾你加落湯到 減低油膩感🤣 💚露筍鮑魚鳳眼餃 $34呢個其他酒樓都比較少見 上面嘅鮑魚都幾大隻打卡一流😆😆 入面有露筍同蝦 我覺得露筍加喺點心都幾特別 同蝦都幾夾 可以一試😛🦐金箔鮮蝦餃皇 $32上面有金箔好吸睛😍 蝦餃皮同樣好薄 入面有幾隻蝦肉🦐 都好足料😋😋🤎香煎瑤柱臘味蘿蔔糕 $22呢個有驚喜❣️同一般酒樓食嘅唔同 煎得好香脆 而且食到有一條條蘿蔔絲 每條都幾粗🤣 仲有佢嘅辣椒醬都好惹味 鍾意食辣嘅朋友唔好錯過😛