7
6
0
港鐵美孚站 C2 出口, 步行約3分鐘 繼續閱讀
電話號碼
23885399
營業時間
今日營業
08:00 - 23:00
星期一至日
08:00 - 23:00
*最後點餐:22:30
付款方式
現金
食評 (15)
等級8 2020-06-09
2176 瀏覽
早一個星期前,因事同老婆出到尖沙咀,所以,午餐就專登同佢去食壽司;呢個周六,無咩特別事,唔會點出街,但晏晝都專登落咗去食點心當午餐,因為又喺好耐無食過喇,老婆嘅點心癮起,故此,就去咗區內嘅「正點心」。雖然,知道呢間嘢都開咗一段日子,但今趟喺第一次光顧。睇門面,睇落好似喺兩間鋪「蒸選」、「正點心」,其實喺一鋪「兩味」,同一個門口入,左右兩邊嘅裝修格局喺明顯唔同,左邊「蒸選」喺淺色木系簡約風,右邊「正點心」就喺深綠色系中國風。晌「正點心」嗰邊,再入啲屈個彎,有少少別有洞天嘅感覺,因為裡面仲有個龍鳳小禮堂。睇天花嘅路軌,應該可以間成一個小廂房。離開餐廳後,晌鋪面嘅玻璃窗,都發現佢哋喺有供應啲12人餐,但賣到3、4千,都唔喺平。雖然話好似兩間鋪賣唔同嘅嘢,但基本上,你坐邊度,都可以嗌到兩邊餐廳嘅所有嘢。主餐牌就無影到,不過,晌門口就貼咗張各類菜式嘅菜譜,相信店家賣嘅嘢都喺咁多。而午市方面,仲有午市小炒、午市孖寶、午市客飯,不過,星期六、日、公眾假期不適用。之但喺,我哋一心一意嚟食點心,所以,無供應對我哋嚟講都無所謂。至於講到點心,一張A4嘅點心紙,就睇晒有啲咩選擇,選擇唔算多。其實佢哋嘅定價都唔平,比起同區幾家中低檔酒樓,粗略評估可以講貴兩、三乘,因為嗰啲酒樓推出好多特惠點心、乜乜孖寶之類,所以,你見正值午飯時間,都唔多客。順帶一提,茶錢每位$5,但就全日都免加一。除咗張點心紙,就仲有一張「蒸選粉麵」,但定價都幾高吓,賣$98-$128,都用上啲貴價食材,明顯喺想走高檔嘅路線,雖然美孚都算喺中產區域,不過,就唔知有多少晌午市舍得食到咁貴。鳳凰鮮蝦腸粉 $29早前試過啲潮式腸粉,腸粉都喺粵式啱我口味啲。眼前碟鮮蝦腸好對辦,腸粉皮拉得薄透,仲專登切成一件件,每件都包住隻大鮮蝦。的確,外皮好滑,啲蝦就極之爽口彈牙,食得出喺真材實料嚟。招牌潮州粉果 $27晶瑩嘅外皮又薄又透,賣相就蠃晒,真喺頗吸引,加上餡料塞得滿滿,唔喺得個樣。入口外皮軟綿唔黏牙,裡面有沙葛粒、西芹粒、花生粒、蝦仁粒……等等,都令到口感豐富,整體食味感覺好。招牌蜜汁叉燒包 $28叉燒包喺點心嘅經典之一,食蒸包亦喺考驗到師傅嘅手勢。包身鬆軟唔黏牙,啲叉燒餡塞滿包身,而個蜜汁底做得香濃,叉燒鬆化惹味,不過,剛巧咬到其中一個有嚿大肥膏,之後食另一個就無喇,老婆就嫌汁底過多。香濃薑汁千層糕 $22最後,試試佢哋啲糕點,順便以甜點作結。一層又一層做得細緻,唔難做,但都喺功夫嘢,入口糕身煙韌而有彈力,又唔黐牙,薑味亦比預期濃,做得有水準喎。品嚐過4款點心,個人嚟講就覺得做得有水準,不過,要跟附近啲酒樓競爭,唔喺件易事,一來點心選擇相對少,二來價格相對高。其實,店員嘅服務唔太差,但餐廳明顯喺對防疫漠不關心,唔會為客人量體溫,整個環境更無任何間隔措施,故此,服務及衛生兩方面就肯定俾低分,而整體評分亦被拉低晒。 繼續閱讀
等級3 2020-06-29
135 瀏覽
經朋友介紹就試吓美孚呢間,位置比較偏僻難搵,佢個雞煲翅我哋六個人食每人都有一梳,而且湯頭香濃,抵食,佢隻霸王雞真係好食,皮薄又好有雞味,其餘幾個送貨全部都係揀特價紙上邊的,仲有叫咗一個原隻肉蟹荷葉蒸飯,呢個飯真係超香,蟹又多蟹膏,雖然係特價佢完全冇縮水,而且仲有一碗白飯送,六個食人每人都係$150 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-09
381 瀏覽
母親節,諗住坐得好啲,食好啲,揀了這一間,是第一次嘗試,點知失望到一個點:首先每一碟餸都唔夠熱算啦,聽佢講叫文昌雞,點知直頭係凍嘅!買單嘅時候仲唔收信用卡最後想攞張手寫單,都話連手寫單都冇!好難再有下次 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-16
610 瀏覽
次次都酒樓食點心有啲悶,今次就特登去美孚呢間點心店。一黎到就有卡位坐,鋪頭裝飾都有一番心思,地方都唔算太逼。點心方面,本身想食黑松露野菌香梨酥,但可惜今日無。首先係黎左個鹹魚肉餅飯,一黎到即刻聞到好香既鹹魚味、份量都算大舊,肉餅份量就算夠撈飯食。跟著黎碟青椒,如果再加啲魚肉釀落去就無咁dry,就咁齋食青椒我就一般。之後黎個腸粉同蝦角,腸粉就唔係太覺有牛肝菌味喇,至於蝦角就炸得幾好味,炸漿薄薄地加上大隻既蝦,配合得唔錯。至於兩點甜點,流心奶黃包入邊好多奶黃流出黎,食既時候要小心啲,趁熱食仲正!煎堆入邊就有流心黑芝麻,一定要趁熱食!最後罐湯餃就熱辣辣上,啲湯好似食到有啲藥材味,味道非常夠,湯底的確係呢個點心既精粹。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-19
536 瀏覽
屋企人最鍾意嚟呢度飲茶,貪佢夠平,點心又做得出色,平日好多街坊客捧場~今次試咗幾款最近新出嘅點心~不過1月1號開始,茶芥貴左一蚊,$5一位黑松露野菌香梨酥($28),外型似梨,其實係鹹水角,裏面包着黑松露野菌,誠意十足!馬友鹹魚肉餅飯($28),一如既往好食,不過肉餅厚度好似比以前薄左少少,份量無以前咁足,有點失望~薑汁千層糕($22),薑汁味濃,口感煙韌但係唔會痴牙,好味!沙律炸蝦角($26),超級抵食,每隻都好足料,蝦肉爽口彈牙!最後唔記得咗影清香綠茶餅($24),味道同名字一樣清香,裏面係芋頭餡,少甜,外層好多芝麻特別香!👅好食:⭐️⭐️⭐️⭐️⭐️💰抵食:⭐️⭐️⭐️⭐️⭐️🖼環境:⭐️⭐️⭐️⭐️⭐️🙇🏻‍♀️服務:⭐️⭐️⭐️⭐️(最高為五粒星) 繼續閱讀
(以上食評乃用戶個人意見 , 並不代表OpenRice之觀點。)