120
9
0
港鐵美孚站 C1 出口, 步行約4分鐘 繼續閱讀
電話號碼
23885399
營業時間
今日營業
08:00 - 23:00
星期一至日
08:00 - 23:00
*最後點餐:22:30
付款方式
現金
食評 (135)
等級4 2021-05-20
546 瀏覽
自從有個朋友搬咗去美孚新邨之後,我就多咗喺美孚出沒,今日去完佢屋企之後,就落咗去樓下嘅「正點心」飲夜茶。呢間點心專門店全日免收加一,晚市時段仲有九折,價錢非常相宜。嚟到當然要點番啲特色啲嘅造型點心。呢個「三隻小豬」其實係流沙奶皇包,賣相精緻,拍得住迪士尼酒店入面中菜廳嘅點心。由於呢度嘅點心係即叫即蒸,所以上枱嘅時候係熱到出晒煙,店員仲好細心咁提示話入面嘅流沙奶黃好熱,要小心進食,所以其實我哋都等咗大概5分鐘先食呢三隻小豬,雖然如此,但都真係俾佢嘅超流心奶黃餡嚇親,一撕開小豬,入面嘅流沙奶黃已經湧出嚟,非常澎湃,而奶黃就充滿鹹蛋黃嘅鹹香,絕對係必食推介!而另一個小豬造型嘅點心「黃金小豬嘜」,就係用鹹水角嘅糯米皮包住紫薯蓉,食落唔太甜,鍾意紫薯嘅朋友一定唔可以錯過。金箔鴛鴦蝦餃有兩黑兩白,再掃上金箔,黑色嘅外皮係用咗墨魚汁搓成,黑配金顏色相當搶眼,蝦餃外皮夠煙韌,入面嘅蝦就夠爽滑。露筍鮑魚鳳眼餃嘅鮑魚同鳳眼餃大小匹配,蝦肉內混入露筍粒再釀入蝦餃皮入面,將蝦餃嘅味道昇華咗。木魚燒汁茄子有三件,茄子上釀入魚肉,再煎得香口,然後淋上燒汁,灑上木魚絲,感覺有啲港式X日式嘅風情。幾年前食過紅米腸粉一直念念不忘,但香港嘅酒樓比較少有,難得喺呢度見到,所以一定會叫呢個紅米脆皮鮮蝦腸粉。用紅米做嘅腸粉除咗滑身之外,口感仲稍有煙韌嘅感覺,而且紅米有股獨特嘅香味,係一個令人懷念嘅味道。加上入面係包住炸得脆脆嘅蝦卷,口感層次更豐富。最後食咗個一籃紫,造型真係好似一個外表平凡至極嘅番薯,而原來佢係紫薯外皮包住黃心番薯嘅餡料,食起上嚟充滿驚喜!依家食點心除咗去傳統酒樓之外,仲有呢啲點心專門店,而且性價比更加高,下次想食點心嘅時候,都不妨留意吓。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-17
288 瀏覽
餐廳佈置簡潔明亮, 座位舒適, 點心造型趣緻吸引, 天花板的蒸籠造型吊燈, 趣緻 吸引。盆滿缽滿$88盆滿缽滿,十分豐富,有鴛鴦蝦餃、鮑魚餃、鳳眼餃、香芹金魚餃、奶黃千層糕,各有兩件, 款款令人食指大動 。 黑白色的鴛鴦蝦餃, 造型吸引, 飽滿的鮮蝦餃, 餃皮煙韌配上爽口的蝦粒, 口感鮮味清爽。 橙紅色的金魚餃, 金魚造型超級可愛, 脹卜卜 金魚餃包裹著滿滿鮮蝦,爽口彈牙, 是最吸引我的點心。 鮑魚餃, 配上一口size的鮑魚, 賣相變得矜貴, 鮑魚鮮味帶嚼勁, 津津回味。 心形的奶黃千層糕, 令人心心眼 , 千層糕鬆軟香甜。三隻小豬(流沙奶皇包)$39 流沙奶皇包, 用上可愛小豬的造型, 賣相討好,鬆軟的流沙包,大口咬下去, 金黃色的奶黃, 緩緩流出, 帶淡淡鹹蛋的甘香。安格斯牛肉腸粉$28 格斯和牛腸粉皮白滑、 薄身, 晶瑩通透, 包裹著滿滿安格斯牛肉, 嫩滑鮮味, 沾上甜甜的豉油, 增添吸引。金銀菜乾燉白肺$30原盅金銀菜乾燉白肺湯, 真材實料 ,經長時間熬製, 夠曬 火喉, 飲後令人口舌生香, 仲有清熱潤肺的功效,滋潤養生。 蒜香蝦春卷$28即叫即製蝦春捲,外表炸至金黃色, 熱呼呼 , 令人垂涎, 咬下去“吱嚓”聲,外皮十分酥脆, 內裏包裹著彈牙的蝦肉, 還散發著迷人蒜香 , 令人停不了口。齒頰留香 (3D貓山王榴槤奶凍)$393D 榴槤造型的奶凍, 維肖維妙,超級可愛, 入口滑溜之餘 還充滿榴槤的甜香, 食後令人齒頰留香! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-09
546 瀏覽
身邊嘅朋友都知道大食妹最鍾意周圍食周圍打卡, 大家見到得意嘅餐廳都會同大食妹分享大食妹今日又趁住放假, 行遠少少去美孚嘅正點心探探可愛嘅三隻小豬<三隻小豬>而家唔少飲茶嘅地方都會加入一啲可愛嘅元素, 吸引人過嚟打卡, 但係做到好似正點心咁可愛嘅三隻小豬真係要啲功夫三隻小豬其實係流心奶皇包睇相就知道超級流心第一次滅嘅時候出咗啲小意外, 奶黃噴到成手都係, 再附上成功嘅一張相<日鵝夜鵝>第二樣都幾有特色嘅點心就係日鵝夜鵝整呢樣點心嘅師傅細個嘅時候一定成日比阿媽日俄夜俄日鵝夜鵝嘅外皮係蘿蔔酥嗰種千層皮, 裏面係超濃郁嘅榴槤蓉, 真材實料<櫻花蝦脆皮鮮蝦腸粉>櫻花蝦脆皮鮮蝦腸粉都唔錯薄薄嘅腸粉皮, 裏面包着脆卜卜嘅鮮蝦春卷, 色彩繽紛櫻花蝦量都幾多, 香噴噴<盤滿缽滿>盤滿缽滿即係點心拼盤, 咩都有啲盤滿缽滿包含鴛鴦蝦餃、鮑魚鳳眼餃、香芹金魚餃同奶黃千層糕一次俾你滿足多個願望<秘製醬皇蒸鳳爪>最後當然要食埋大食妹至愛嘅秘製醬皇蒸鳳爪秘製醬皇蒸鳳爪好入味 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-26
551 瀏覽
三隻小豬(流沙奶黃包)豬豬嘅造型非常立體可愛,賣相加分唔少。包鬆軟煙韌,一咬開流沙流晒出嚟,熱辣辣粘度啱啱好,香甜可口。馬友鹹魚肉餅籠仔蒸飯鹹魚同肉餅份量好足,馬友鹹魚鹹香惹味,肉餅爽口,裡面嘅馬蹄清甜,送飯一流。黃金小豬嘜(酥炸糯米紫薯角)呢個豬嘅造型都幾QQ,外皮的確炸到好酥脆,不過就有喺油膩。裡面嘅紫薯蓉軟滑香甜。一籃紫(安納糖心紫薯酥)外皮係一層層紫薯味嘅酥皮,餡料則係黃色嘅甜薯,味道適中唔會甜到漏,口感都唔錯。盆滿缽滿有鴛鴦蝦餃、鮑魚鳳眼餃、香芹金魚餃,好黃千層糕各2件。造型非常精美同有心思,尤其係金魚餃,栩栩如生,蝦餃皮爽口彈牙,餡料原隻蝦好足料又好味。秘製醬皇蒸鳳爪鳳爪又香又淋又入味,醬汁惹味,係中上水準之作。珍菌濃湯鮮竹卷腐皮新鮮爽口煙韌,餡料有豬肉、木耳、西芹等,味道唔錯。花膠海皇灌湯餃湯頭好鮮味,有花膠、魚翅同蟹柳,灌湯餃大大隻餡料好足,有豬肉、蝦仁等。咖喱烏冬蒸土魷咖喱唔太鹹同辣,味道適中,土魷爽口,但烏冬有小小淋。山竹安格斯牛肉球牛肉球牛肉足料,嫩滑爽口,裡面溝咗香菜,熱辣辣食,香口惹味。齒頰榴香(3D貓山王榴蓮奶凍)非常有心思嘅甜品,專登整個迷你榴蓮嘅模,都幾逼真。聞落榴蓮味唔太濃,但食落就好香濃,榴蓮味喺口腔徘徊,真正齒頬留香。 繼續閱讀
(以上食評乃用戶個人意見 , 並不代表OpenRice之觀點。)
和朋友去了美孚新邨恆柏街6號地下正點心食飯。這是一間出售新派特色點心的餐廳,裝修整潔光鮮,給人衛生乾淨的感覺。店員服務相當殷勤有禮,而且很主動,讓客人感覺被受尊重和賓至如歸。店員我們招呼我們到一卡位安座,檯凳寬闊,讓人坐得舒服,感覺自成一角。餐廳是食新派特式點心,點心名也相當特別,我們點了日鵝夜鵝,盆滿缽滿,三隻小豬流沙包,一籃紫,蟹籽黑毛豬燒賣,珍菌濃湯鮮竹卷,咖哩烏冬蒸土魷,櫻花蝦脆皮鮮蝦腸粉,金銀蒜海蝦籠仔蒸飯,和甜品夏日透心涼。日鵝夜鵝造型相當精緻,黑天鵝和白天鵝,裏面是榴槤餡,齒頰留香,好香濃的榴槤味,如果喜歡吃榴槤的話,這個是必食推介👍👍盆滿缽滿是點心拼盤,造型精緻,賣相好,有黑白蝦餃,金魚餃及鮑魚餃等。味道好,適合與朋友分享。櫻花蝦脆皮鮮蝦腸粉,內面鋪滿了脆脆的櫻花蝦, 腸粉皮包住的,也是脆皮鮮蝦腸粉,好香口,而且蝦肉彈牙,十分好味。三隻小豬是流心奶黃包,造型十分可愛,裏面的流心奶黃餡美味😁👍甜品是夏日透心涼,造形象是一片片西瓜,上面是西瓜味的糕點,下面是椰汁與啫喱,雪得夠凍,吃下是十分清涼可口。總結:正點心是一間坐得舒服又整潔的新派點心餐廳,點心造型精緻好味,尤其是他們的日鵝夜鵝榴槤酥,第一啖吃下已經覺得這餐廳相當有水準,榴槤酥齒頰留香,外皮鬆化令人一吃難忘,必食推介。 繼續閱讀
(以上食評乃用戶個人意見 , 並不代表OpenRice之觀點。)