正點心 (已結業)

好耐無去酒樓飲茶，突然想食點心就搵到呢間餐廳解下點心癮啦❣️金箔鮮蝦餃皇蝦餃皮上有金箔，賣相已經攞曬分，大大粒蝦肉好足料，鮮蝦味十足❣️珍菌濃湯鮮竹卷一籠三隻嘅鮮竹卷好抵食，浸泡住係湯入面吸左好多湯而唔係傳統一大pat 汁，咁樣反而食落唔會好油膩❣️牛油果蒜香蝦春卷熱辣辣好香脆嘅春卷，又係大大件，特別在於配搭牛油果，健康指數上升以彌補煎炸食物嘅唔健康😂❣️燒汁木魚花茄子一碟3件，好大件魚肉釀茄子，有燒汁﹑芝麻﹑木魚碎，日式食法，好有心思❣️流沙黑芝麻煎堆熱辣辣煎堆寧捨香口好味，而家酒樓真係賣少見少，芝麻濃郁唔太甜，而且有流沙口感, 好罪惡啊 ❣️紫醉金迷流沙包注意‼️食流沙包真係要好小心，因為佢真係流心，小心燙到手或燙到口，個奶皇唔會太甜，個包用左紫色皮真係好吸睛，打卡一流啦❣️3D榴槤凍布甸甜品有驚喜，佢唔單止係榴槤味布甸，仲會食到D 榴槤絲，淡淡既榴槤味又唔會影響其他食客，正

滿懷空虛好在有朋友慰解😅，即約即到去美孚食點心。我地3個女子12:30到達“正點心“，餐牌除咗點心仲有午市套餐，但大家都唔係太肚餓所以✔咗4個點心，侍應接過點心單立即提醒我地中午有優惠＄100/5個點心，正👍立即點多一個共5個點心。叉燒腸有六小件皮薄饀靚😋，鳳爪不是太濃味，脆皮蝦春卷果然脆而不膩👍，牛肉球大大粒懷舊風味，流沙芝麻煎堆～芝麻餡料好味，煎堆如果炸脆口一點就更理想。傾下食下轉眼就兩點，講下笑下真係想食埋個8折下午茶，埋單＄115(連茶錢)

過左中秋，天氣終於開始涼番，意味住行山的季節又開始喇行山之前梗秋要食飽飽先喇，去到美孚見到有間飲茶小店，裝修幾新淨，早茶價錢都唔貴蘆筍鮑魚鳳眼$34一個點心竟然會有飽魚食賣相已組嬴左，每粒餃上面都有細細隻飽魚仔，內餡系鮮蝦餃，爽口彈牙，高質花膠海皇灌湯餃灌湯餃湯頭好重要，食灌湯餃第一啖一定要試下個湯汁先，湯汁清甜非味精湯灌湯餃皮好嫩，唔肥瘦豬肉中間夾住啲好似馬蹄嘅粒粒，幾得意幾好食紙醉金迷流沙包流沙包熱辣辣，一搣開勁香嘅鹹蛋黃味，啲流沙擁晒出嚟，勁好味

今日放假去左探表侄仔，玩到咁上下就同左佢地落去食點心:）平日既中午有套餐，但星期六、日同假期就無嚕！呢度既環境都好企理好乾淨：）店內既吊燈仲係以蒸籠整架！！！因為唔想俾表侄仔食咁多熱氣野，所以只係點左兩款煎炸既點心～分别係牛油味鮮蝦春卷同蘿蔔酥！！鮮蝦春卷食得多，估唔到牛油果既味道又同佢幾夾啵～而蘿蔔酥外層酥脆，入面係滿滿既清甜蘿蔔絲！！之後我地要左5款蒸既點心：其中一樣係必食既蝦餃，四粒大大粒，正～有得蝦餃，當然要有埋燒賣啦xppp燒賣仲大粒過蝦餃，食一粒已經好滿足～之後呢款係豪華版既蝦餃：露筍飽魚鳳尾餃～加入露荀同鮑魚，令呢款豪華版既蝦餃更覺鮮味；）小籠包係表侄仔既至愛，每次有得食都必點xpp最後仲有呢籠超級流心既紫醉金迷流沙包～食到最後先食都不減當中既流心程度架！！！

平常很少到美孚搵食，一般黎呢度都係幫朋友拎啲野，是日搞掂很便來搵下食，發覺呢度都幾多西餐同日本野，再行前啲見到有點心舖添喎，自從疫情以來都好少飲茶，咁今日不如就食點心啦。開左壺鐵觀音，水滾茶香，幾好飲喎。今朝到而加都無食過野，叫個盅頭飯頂下肚先，要左煎蛋安格斯牛肉飯。唔知幾時開始無哂窩蛋牛飯而變晒煎蛋牛，煎熟蛋加牛肉餅都好食，但始終鍾意生蛋多啲，今時今日又驚生蛋有菌，真茅盾呀。講返盅飯，拎上黎熱辣辣㗎，牛肉同飯都多，份量比預期中大，牛肉軟腍多芫荽，飯粒粒分明軟硬適中，再加埋個甜豉油真好味。再點左一個香口點心燒汁木魚花茄子，上枱時真係幾香㗎。茄子厚切，鯪魚肉彈牙，半煎炸夠香口，外脆但茄子芯仲好多汁㗎，呢碟真係超級熱，會燙咀，要小心食。見個牛肉飯咁好味，又追加一碟牛肉球先，點左呢籠山竹安格斯牛肉球。大大粒牛肉球，即叫即蒸都要啲時間先有得食。牛肉球就梗係要加喼汁食，彈牙爽口，勁鍾意佢多芫荽，好好味。甜品都有唔少選擇，點左較少見的3D榴槤凍布甸，個樣好得意呀。係立體的榴槤造型，夠吸引。聞落唔算好勁榴槤味，食落甜甜地，好滑，中間仲有一絲絲榴槤肉，過左一陣啲榴槤味先係個口度散發出黎，哈哈，好睇又好

愛吃中式點心的我，午餐偶然都會去茶樓嘆個快茶，食最鍾意嘅蝦餃燒賣😋正點心呢度係新派茶樓，格局以卡位為主，座位之間有間隔有距離，相對一般開揚式座位的茶樓，自然食得更放心👍。最近仲有優惠，所以都多咗來食😆午市優惠大部分點心$100任選五款👍而且全日免收加一服務費，街坊價好抵食！#京式優汁小籠包一咬開滿滿的湯汁爆出來，我習慣唔點醋，可以將肉汁嘅原汁原味更加充分地由我的舌頭感受到😋#金箔鮮蝦餃皇好矜貴嘅感覺，而且皮薄餡靚，晶凝通透口感煙煙韌韌真係好正！蝦餃內全部都係大蝦，爽實鮮甜，係必食之選！#蟹籽黑毛豬燒賣黑毛豬肉質特別嫩滑，而且不帶羶味，食落嘅質感好似略帶彈性的棉花糖，係我食過最好食嘅燒賣🤩所以我次次嚟到一定要食佢！#秘製醬蒸鳳爪好鍾意食呢度啲大鳳爪，豉汁蒜蓉味夠晒香夠晒入味，吮得夠過癮。#蒸排骨呢度啲排骨肉質都特別嫩，輕輕一咬便骨肉分離，應該可以比我食到80歲都仲咬到👍#鮮蝦腸粉腸粉皮夠滑，而且用翠玉瓜取代韭王，口感更清新，加上蝦肉夠大隻，格外好味😋#香煎蘿蔔糕呢度啲臘腸蘿蔔糕都好出名👍一上枱就聞到香噴噴，唔使點甜醬辣醬都已經好好食㗎啦！蘿蔔糕勁多餡料，淡淡都食到蝦米同臘腸，剪得又夠晒香

不少酒樓開始轉型，改成這類專門吃點心的餐廳點心即叫即做，故製作需時水準絕對能媲美酒樓優惠比起傳統的酒樓更多全日免收加一服務費早市優惠: 點心八折午市優惠: $100任選5款點心(特點除外)下午茶優惠: 點心八點以上優惠星期六、日及公眾假期除外茶水只需$5位壽眉使用大茶包，茶葉不會沖出來，味道清爽清甜金箔鮮蝦餃皇 - $32傳統的半月形十二褶半透明餃皮皮薄而軟，蝦肉爽口彈牙，餃內有少量汁液山竹安格斯牛肉球 - $22以半肥瘦的牛肉製作，安格斯牛味更濃郁，口感嫩滑加入馬蹄和芫荽碎，口感更豐富腐竹更可吸滿喼汁秘製醬皇蒸鳳爪 - $22酥爛鬆軟的鳳爪一吮即脫骨的口感，味道鮮美更混合着豆豉獨有的香味花膠海皇灌湯餃 - $36包裹着滿滿湯汁及餡料的餃子，功序非常繁複材料豐富，包著蟹柳、魚肚、仿魚翅、冬菇、木耳、豬肉絲、高湯等口感豐富、味道清甜富膠質的湯餡，再配上略帶煙韌的餃皮翡翠鮮蝦腸粉 - $29皮薄滑溜溜的腸粉，晶瑩剔透蝦仁彈牙新鮮共六隻牛油果蒜香蝦春卷 - $26新鮮彈牙靚蝦仁混入香口無比的蒜蓉鮮美牛油果的果肉質地細膩炸至金黃，入口味道甘香可口招牌蜜汁叉燒包 - $28潔白綿軟輕盈的外皮，包

住係美孚咁耐 一直都無咩飲茶好食，呢排難得開左間新店專賣點心，就做下白老鼠睇好唔好食🤗新店裝潢當然靚，但食物同價錢都係我考慮因素，點心平均價大約$30左右，蝦餃燒賣都係$32，茶錢位位$5，全日免收加一，早市點心有8折，兩個人埋單每位唔使$100。我地叫左以下呢幾樣點心：京式優汁小籠包$31，金箔鮮蝦餃王$32，秘製醬王蒸鳳爪$22，珍菌濃湯鮮竹卷$28，櫻花脆皮鮮蝦腸$32，牛油果蒜香蝦春卷$26，榴槤凍布甸$32。 點心尤其以蝦餃腸粉類出色，皮薄餡靚，炸物亦炸得好出色👍🏻（最怕萬年油炸物），遲d限聚令完左再帶埋一家大細黎幫襯！（最緊要近我屋企🤪）

呷一口熱茶，再吃一盅加兩件，這些都是香港人日常。近年有不少點心專門店湧現，點心全日供應，因此無論早、午、晚任何時段都可以吃到即叫即蒸的點心。位於美孚的正點心，提供多個時段的點心優惠，早市和下午茶時段點心八折，午市$100可自選五款點心，部份打了*的點心除外。全日免收加一服務費，茶水每位$5。露筍鮑魚鳯眼餃（HK$34)👍👍👍👍👍賣相十分吸引的露筍鮑魚鳳眼餃，原隻鮑魚仔放在鳯眼餃上，薄薄的餃皮做成鳯眼的形狀，內𥚃放入爽彈的蝦肉，再加上一條小露筍，賣相精緻，味道和口感也十分豐富。金箔鮮蝦餃皇（HK$32)👍👍👍👍蝦餃皇一籠有四隻，餃皮晶瑩並隱約看到餃內粉嫩的蝦肉，加上點點的金箔，令蝦餃更顯貴氣。肉鬆炸両腸粉（HK$27)👍👍👍👍蔥花腸粉又薄又滑，包入香脆的油炸鬼，切段後再加上大量的肉鬆，令味道更添酥香，吃的時候，點少少豉油，更加美味。溫室蘿蔔千絲酥（HK$31)👍👍👍👍千絲酥的層層酥皮，入口鬆化並帶有牛油的香氣，熱騰騰的饀料全是的蘿蔔絲，酥鬆的酥皮跟軟糯的蘿蔔絲，先脆後軟，但不要一大口咬下去啊，因為裡面的蘿蔔絲饀料是非常之熱的。煎蛋安格斯牛肉飯（HK$28)👍👍👍👍一大盅的蒸飯是牛格斯牛肉

時日去開美孚搵朋友，發現一間食點心餐廳，鋪頭裝修有別一般酒樓感覺乾淨舒服。坐低後拿起點心紙一看見到好多好特別的點心樣樣都想叫黎試試，最後我們2人點了6款點心，飲茶當然唔少得金箔鮮蝦餃皇和蟹籽黑毛珠燒賣，蝦餃食落爽口彈牙加上小小金箔令蝦餃增加食慾，燒賣好大粒食落啖啖肉加上用黑毛豬味道濃郁，露筍鮑魚鳳眼餃賣相好精緻餃上有一隻細鮑魚令鳳眼餃好特別，灌湯餃是我的最愛，大大粒的餃加上花膠，肉松炸兩腸粉皮薄又滑肉鬆加上炸兩估到可以咁夾，最後加上煎蛋牛肉飯食到好飽。

好耐無一盅兩件 但又唔想去酒樓咁多人就揀左黎呢間小店點心種類都唔少 仲要免加一但真係即叫即整 所以要耐心等下千島醬脆皮蘿蔔糕脆皮入面係一條條既蘿白岩岩炸起又脆口 唔油膩 内餡蘿白軟身成件事好夾 好有驚喜蟹子黑毛豬燒賣黑毛豬特別軟身 特別重豬味好真材實料花膠海皇灌湯餃$36唔貴 酒樓食連加一 都唔止真係有條花膠俾你食珍菌濃湯鮮竹卷有2大舊 夠多菇金腿茸咸水角即炸既野 永遠最好食亦唔會多油 皮唔厚秘製醬皇蒸鳳爪酒樓水準 夠濃味 但唔會鹹柴魚花生豬骨粥花生夠多 但真係無咩豬骨得1-2舊 細細舊粥內有薑絲 但切到好幼的 食左都唔覺👏🏻👏🏻一盅兩件黎講 係靚裝修 但食物又有酒樓水準甚至好過酒樓 即叫即做 真係好好多起碼啲蒸點唔會吽到淋晒

美孚新邨好大，係全港數一數二嘅大屋苑，有幾個朋友喺度住，呢日來到探朋友，佢話帶我去食正點心，我話好吖，本來以為係食正嘅點心，誰不知來到間鋪真係叫『正點心』，而食完後要講聲『正點心』真係名符其實，啲嘢好正，亦唔貴，茶錢每位5蚊，而且全日不收加一。首先地方寬敞係佢嘅特色，裝修也唔錯，好過同類型的舖頭。而且點心送上枱時熱辣辣，『露笋鮑魚鳳眼餃』好高颜值，有蝦的紅色，露笋的綠色，鮑魚的啡色，味道佳，鮑魚彈牙;『鮮蝦腸粉』份量多，每份有6隻蝦，皮薄晶瑩通透;『鳳爪排骨飯』排骨勁多，感覺抵食；『香芋地瓜丸』、『燒汁茄子』、是日燉湯～『馬卡瘦肉雞腳湯』亦都好食好飲。一定encore，因仲有好多嘢未食吖。

黎開美孚，上網搵到呢間正點心都幾多好評，好耐無食點心，一於試試午市點心。全日免收加一服務費，仲分別有早市/午市/下午茶優惠，夠哂經濟實惠。蟹籽黑毛豬燒賣大大粒燒賣味道鮮美，以黑毛豬為食材，肥瘦適中，肉質彈牙，煙靭有咬口。露筍鮑魚鳳眼餃賣相吸引，迷你鮑魚仔甘香彈牙，露筍脆嫩甜美，蝦餃口感煙韌。珍菌濃湯鮮竹卷材料豐富，湯底濃郁鮮甜，鮮竹卷盡吸湯精華，好滋味。珍菌鮮美，營養豐富。蜜汁叉燒腸粉腸粉軟嫩，Q彈滑順，蜜汁叉燒口感濃郁夠足料。溫室蘿蔔千絲酥外酥內軟，蘿蔔絲相當清甜，口感酥鬆具層次，夠香口。煎蛋安格斯牛肉飯安格斯牛肉爽滑鲜嫩，牛味濃郁，配以流心煎蛋，拌飯吃一流。重口味薑汁糕薑味濃郁，咬落煙韌爽滑唔痴牙。紫醉金迷流沙包爆漿般的流沙效果勁吸引，包用上紫薯製成，皮薄綿軟。

去開美孚又想飲茶，見到呢間正點心都好多人食，就入去試下先💛金箔鮮蝦餃皇即叫即蒸，鮮蝦大大隻，好足料，好少可食到禁靚嘅蝦餃皇👍🏻💛蟹子黑毛豬燒賣同平時啲燒賣好晤同，d豬肉一粒粒,黑毛豬果然晤同啲💛秘製醬王蒸鳳爪每次去酒樓必點，鳳爪醃得好入味，連花生入曬味，好好味！💛牛油果蒜香蝦春卷必點推介，fusion 春卷加入牛油果，一脆一軟，好有口減，加埋蒜同蝦 絕配！！正點心 (美孚)美孚美孚新邨恆柏街6號地下N29A號舖

星期五下晝又係清假嘅好時候，近近哋去咗美孚食點心、行個圈。上網見到「正點心」好似幾唔錯咁，就約埋個朋友試試佢😚。餐廳下午兩點三就開始做下午茶時段喇，點心全部有八折優惠👍！另外，呢度仲全日免收加一服務費；茶錢就$5一位。點心大致上分為蒸點類、腸粉類、煎炸類、粥飯類、甜點類同其他等，基本上傳統點心佔大多數🥢，無咩新派嘢。我哋兩個人嗌咗七款點心，份量啱啱好，可能我哋大食啦。全部食物味道都算唔錯😋。翡翠鮮蝦腸粉($29)，腸粉係必食推介，因為質感超滑又夠薄，一放入口嗰吓已經Feel到！呢度嘅腸粉切件上，有六件一口Size，即等同平日三條，而每件均包裹大大隻鮮蝦🦐。煎蛋安格斯牛肉飯($28)，蒸飯以鐵盅上能夠保持溫度，🍚飯粒熱辣辣有米香。煎蛋係熟蛋嚟，而牛肉餅就厚薄適中。露筍鮑魚鳳眼餃($34)，鳳眼餃有三隻，造型同蝦餃唔同，因為係半開放式狀態。珍珠BB鮑魚除咗有個樣之外，亦同下面嘅露筍蝦肉餡好夾。餃嘅外皮就稍為比蝦餃再煙韌一啲。我自己幾鍾意呢款❤️，特別啲。金箔鮮蝦餃皇($32)，🍤蝦餃有四隻，金箔滲透咗喺塊餃皮度，華麗得嚟唔會浮誇。蝦餃嘅蝦肉同樣新鮮，肉質彈牙。蟹籽黑毛豬燒賣($31)，燒賣有