正點心 (已結業)

屋企人最鍾意嚟呢度飲茶，貪佢夠平，點心又做得出色，平日好多街坊客捧場～今次試咗幾款最近新出嘅點心～不過1月1號開始，茶芥貴左一蚊，$5一位黑松露野菌香梨酥（$28），外型似梨，其實係鹹水角，裏面包着黑松露野菌，誠意十足！馬友鹹魚肉餅飯（$28），一如既往好食，不過肉餅厚度好似比以前薄左少少，份量無以前咁足，有點失望～薑汁千層糕（$22），薑汁味濃，口感煙韌但係唔會痴牙，好味！沙律炸蝦角（$26），超級抵食，每隻都好足料，蝦肉爽口彈牙！最後唔記得咗影清香綠茶餅（$24），味道同名字一樣清香，裏面係芋頭餡，少甜，外層好多芝麻特別香！👅好食：⭐️⭐️⭐️⭐️⭐️💰抵食：⭐️⭐️⭐️⭐️⭐️🖼環境：⭐️⭐️⭐️⭐️⭐️🙇🏻‍♀️服務：⭐️⭐️⭐️⭐️（最高為五粒星）

午餐 7人 見周圍都等位就試下呢間！ 首先野食價錢絕對係便宜，每個都係20蚊左右。我地係當放題咁叫，7個人，好飽！ 我最欣賞係距有好少酒樓而家都仲有的香煎黃金糕！雖然冇話真係煎得好好食。但能夠食到失傳小吃已經好好！ 其次，呢間的風爪，好大隻，好入味！ 炒面啊，炒飯都好抵食，特別我地有男同事一齊食，真係要叫呢d! ☺️而春卷，天鵝🦢酥，都好足料！ 而且呢間地方夠大，唔會話要等好耐位！我地見員工餐都好正，一個炒野，一個菜，一個個點心。證明老闆對員工都唔錯，良心小店！

美孚係老人區，好多長者得閒無事會去飲茶，包括我! 平時我地多數去京都薈。富苑，但媽媽吾行得遠，甘啱我地樓下開左呢間正點心，位置吾算理想，吾係美孚街坊好難知囉!今日等埋媽媽覆完診，我地2：45去試下下午茶，星期一至五點心紙有8折，茶4蚊位仲要無加一，我覺得好抵!!下午茶twins (45蚊)銀魚滑雞飯，個雞幾滑，有銀魚所以飯都有d咸香個飯伴一點心，我地選左自製翡翠豆腐，係蛋加豆腐煎成的玉子豆腐，上面有d菠菜??我飲茶只喜歡食蝦餃燒賣蟹子燒賣皇(28蚊)正點心蝦餃皇(31蚊), 表面掃金箔，立即變上菜蝦餃皮不厚good!海皇米網腸粉(27蚊), 外面腸粉裡面係米網，外軟內脆囉yummy用米網比起春卷皮好食得多!蟹子長春卷(25蚊)黑金剛流心奶黃包(23蚊), 賣相幾靚嘩! 家姐一摵立即爆漿裡面係咸蛋黃奶黃!好好味!下午茶時段所有點心有8折，沒加一埋單164蚊，3個人好飽! 下次再試其他點心先!

作為美孚街坊還是第一次幫襯，點心嘅水準比我預期的好，有幾個點心如流沙包、咸水角、炸竽角等等都有驚喜。特別係流沙包，真係好好味😋。不過服務水準及對食物嘅知識有待改善。朋友不吃海鮮的，所以會問清楚餃子內有冇海鮮。問一位waiter的回覆是豬肉，但最後我食到的係蝦😓。希望我的朋友唔係因為食物敏感而唔食海鮮吧😓😓😓。食物敏感可以係幾嚴重嘅事，所以樓面理應要清楚了解佢哋出品嘅食物。唔好意思，通常食完先記得無影相😓

今日同屋企人落樓下試呢間係美孚開業不久既點心專門店～～中午12時來到，唔需要等位就入等～點心選擇種類唔算少，而整體價錢唔貴，難怪咁受街坊歡迎～蝦餃賣相靚，而且味道不錯，但圖中可見其中一隻蝦餃爆開左，有待改善荔芋蒸排骨就做得好好，荔芋先炸過，再蒸好稔～而排骨肉質嫩滑，誠意推介！上湯鮮竹卷較為失色，完全夾唔到，一夾就散哂～睇黎呢到做法係唔將腐竹皮油炸，所以令塊腐皮比湯浸到變得容易爛，呢點我唔太明～呢碟油菜中規中矩，都唔錯～菜遠牛河唔太得，牛肉醃得唔夠入味，仲係腥腥地，而且鑊氣唔夠，好快凍哂～雖然價錢唔算貴，但整體食物質素名過其實～另外，服務就真心麻麻，樓面明顯人手唔夠，例如坐底左叫左3次先提供點心紙，問侍應拎一隻匙羹又係問左3次如果唔係有優惠券，睇怕未必會再過黎食啦～

美孚嘅酒樓不少，但點心做得好嘅真係無，所以一家人已經好耐無喺美孚飲茶，最近見呢間新開主打點心就即管試吓。環境算闊落坐得舒服，服務亦算不錯，午市點心選擇不多，無論蒸點、煎炸及甜品嘅款式同酒樓比較真係差好遠，反而腸粉嘅選擇就相對多，希望將來食物款式可以增加。整體食物質素尚算不錯，不過豉油王炒麵就偏鹹但又無豉油嘅香味；叉燒包煎過，餡料乾身無汁，但個人都係偏好傳統叉燒包；其他蝦餃，燒賣，腸粉等味道唔錯。點心價錢算合理，茶錢$4/位，無加一，可以再幫襯。

在美孚工，每天到了午餐的時候最煩惱的就是商討吃什麼，之前發現這個位置進行裝修工程的時候，便第一時間跟同事討論，一定要裝修好後第一時間去試一試！終於這天來臨了！店內環境很舒服，坐位非常舒適。不過每隻碗都有好多塵一行三人，各自點了一個蒸飯，另外再各自點了一個點心。點心包括荔枝皮牛肉球、龍蝦湯鮮竹卷、鳳凰煎珍珠雞，而我點了的蒸飯是最普遍的鳳爪排骨飯。先說一說蒸飯，配料很足夠，但略嫌排骨的味道比較濃味。而龍蝦湯鮮竹卷的龍蝦湯，味道感覺很像羅宋湯，龍蝦味完全感覺不到，但鮮竹卷很美味。鳳凰戰珍珠雞其實是珍珠雞外有一塊煎蛋皮，味道也很好。整體味道雖然好，不過不知是否蒸飯的豉油味精過多，吃完這一餐十分口渴。

美孚開新食肆，邨友好快知道并分享。今晚和hubby去完醫院探訪番到美孚已經晚上8點幾，為食嘅我於是建議去試新嘢食點心，畢竟平時在美孚只可早上或中午去酒樓才可食點心。去到門口，發現「正點心」和「蒸選」係同一老闆，進入餐廳，侍應會問你食什麼，食點心坐右邊，食蒸餸飯餐則坐左邊。這裹只提供一款茶，茶水每位$4算平；點心款式比酒樓少，但基本種類都有，且有特別點心。我哋兩個人叫咗五個點心一個蒸飯，整體味道唔錯，自己最欣賞巴東牛肉包和馬友鹹魚肉餅蒸飯。個人比較有意見就是腸粉和蘿蔔糕，其實兩樣味道都不錯，只係覺得腸粉內黑虎掌菌和蘿蔔糕上小棠菜魚膠均沒有發揮增強該點心味道的作用。可以考慮選用其他食材，或完全減去以把定價調低。整體滿意，相信我會再幫襯，尤其是晚上。

最近經濟下行，酒樓結業消息不斷，作為香港小市民支持下新開食店啦！朋友推介鄰近這間剛新開"正點心"，美孚以前是朋友打躉好地方，現在就有點😕……完。新裝修有點奇怪，一店分兩面，左中式套餐右蒸點心，喜歡飲茶朋友可多點選擇，食物方面味道也算不錯，黑虎掌菌牛肉腸很嫩滑，松露咸水角外皮雖然比較厚，卻很鬆化少肉有松露香味，咸魚肉餅飯有口感，咸魚清唔太咸肉餅滑溜，其餘蒸鳳瓜和虎皮尖椒味道中規中矩，朋友本想來試晚飯，原來暫時衹有預訂套餐🤣結果第二天又在這兒飲茶。OMG

新食店開張，今天抱著嘗試的心態，去食lunch，比預期中好。雖然點心的款式不算多，但是比一般酒樓好吃，比較少油，感覺上健康一點。而價錢方面亦相較便宜，而且不收取服務費，抵食。特別推介蝦餃及蘿蔔糕，個人認為味道不錯。賣相有驚喜，上碟形式跟傳統酒樓點心不一樣，簡單點說，就是西式化的點心。雖然店鋪比較細，但環境尚算舒服，店員的服務態度不錯，上菜頗快，新開張的關係，中午12點也不用等位。會再光顧，再試其他菜式。

這店好特別，從外面看有左右兩個招牌，右邊的是正點心，左邊的是蒸選，但只有一個入口，而且用的是同一張餐單。入內後，發現左右兩邊的裝潢也不同，左邊是淺色的簡約風，右邊則是深色的傳統風，右邊的最入面好像還有一個小禮堂，不過這天是食店首天營業，小禮堂還未開始使用。這天店員向我們推介蒸選套餐，可以選一款肉類，一款蔬菜和一款前菜，另外還可以選一杯飲品。我們選了：鮮蟲草花蒸雞：味道有點淡。薯仔牛柳粒：很惹味，牛柳粒和薯仔粒也好吃，不過頗油膩。菜心苗和芥蘭苗：是灼菜，菜味清甜不過份量很少。蜜餞甘薯：有紫薯也有黃薯，非常好吃。金沙南瓜：外面是脆漿，裏面是南瓜，味道一般，吃過後才發現碗底全是油，超油膩。降脂桂花國寶茶：味道怪怪的，結果沒飲完。店子的環境和服務也不錯，吃過這蒸選套餐後，發覺味道一般，看到鄰桌在吃點心，看來比較吸引，有機會可以一試。