正宗山西刀削麵皇

營業中

休息中

入荃灣上堂,特登黎試試刀削麵餐廳比較陳舊,算乾淨,但還可以再改善....我點左個榨菜肉絲刀削麵仲特登坐係近廚房個D位,一路等,一路睇佢表演削麵D刀削麵即叫即做,個師傅真係好好功夫一刀就一大條麵落去湯到,又快又準,好勁麵條好有嚼勁,份量又多,一個女仔未必食得完一碗.總括黎講$26一碗,有咁好水準又夠份量,值得一試.

我一向覺得刀削麵麻麻地，原因是如果削得不好，會好像食緊粉團一樣，而小弟好不好彩地，食過大部份既刀削麵都係咁。這間正宗山西刀削麵皇是少數的例外，今天聽完講座就同老婆黎晚餐。九點幾黎到，叫埋野食，黎埋，已見伙計在收檯拖地，原來呢度關十點。先叫了一個雙拼刀削麵套餐，雙併麵要了一個榨菜肉絲五香牛肉刀削麵，飲品則要了豆漿；另一個單點要了炸豬扒刀削麵。刀削麵果然是即叫即削，每次黎見到都係咁，呢度既開放廚房很開揚，完全看到師傅在刀削，是否正宗不知道，但觀能刺激是絕對有的，也適合遊客來看看。這裡的刀削麵優點，除了削得平均不會過厚，就是即削這點，不要少看，新鮮削好再煮，絕對要比其他削定的彈牙得多，薄削位也滑得多，也令到麵是好味了。榨菜肉絲五香牛肉刀削麵，蔥用匙羮裝，不吃也不用左挑右選；榨菜有點點辣，肉絲入味，不錯；五香牛肉則只是一般，味道夠，但硬了點，筋位多但不腍，未能做到溶化感。豆漿不錯是正常，這個雙併餐叫得過。炸豬扒刀削麵，豬扒是另上的，沒想到炸得頗香口，點點的鹽花，完全是只吃香酥鹽味，而且體貼地切了件，女士吃起上黎都方便。「削」，除了解用刀切去或割去之外，近年還成為了潮語。這裡的刀削麵，連招牌也是

店子門面雖然平平無奇~但刀削麵的確好吃下午途經這裡~記得這店在openrice的評價不錯所以就試試了吃了醉香牛肉刀削麵 刀削麵入口qq的很彈牙有點像吃上海年糕~好吃另外牛肉是牛展來的~有啖啖的酒味~比單是鹵水的好味和有層次味道不錯的確是荃灣食麵的首選

好多次行過呢間舖，真係唔敢入去，燈光暗暗的，裝修又老老土土上泥openrice至知原來係好野是晚終於走去一試，兩人叫左兩個雙拼刀削麵餐加兩杯凍檸茶 $35雪菜肉絲拼鴨腎　雖然無乜肉絲，但雪菜味道幾好，唔係太咸；鴨腎滷得好入味又夠林，好出色。兩者份量頗多上海水餃拼五香牛展　水餃三隻，係椰菜豬肉，無乜味，好普通；牛展好多片，滷得入味，不過有ｄ硬湯底清清的，又有幾條唐生菜，最好係唔油 刀削麵好chewy，好有嚼勁。個人覺得係荃灣最好味的刀削麵另外叫了涼拌青瓜 $12，好醒胃，如果凍ｄ仲好個麵做得太出色喇，本來想追加一個淨刀削麵，可是吃完第一碗已經飽到不行 從份量來看，感覺到老闆的大方，真係抵食又好食，唔怪得咁多人幫襯，全場坐滿

因男友住荃灣既關係，我就間中去荃灣~每次兩個人諗唔到食乜，就會去食依間刀削麵家~我喜愛西餐、日本料理，中華料理就唔多上眼，特別係麵食，但係依間我唔抗拒，因為真係幾好食~每次黎都會食拉麵，拉麵即叫即拉，唔粉又唔硬~湯底又清甜，加上擔擔麵醬就更好食~不過對我黎講有一個幾大既缺點，就係配料選擇少，或者係因為佢d配料都唔係我喜歡食吧~

在香港要吃到堪稱我國五大麵食之一的山西刀削麵，真的是談何容易，只得幾所專門的店子，全都不是在元朗，就是在荃灣等新界地方，求其一點就去「大家食」吃，要不就當住青藏牛肉麵是其代替品，是日有正事要到荃灣，一支公找吃的，就簡單來個平時對我來說遙遠的刀削麵吧。晚上七時左右的星期天，店子人流不絕，本來坐了一個位可以看到店家打麵的，怎知在點餐之前，已經被店員要求搬到另一座位搭枱，但已經見到師傅努力的在搓麵團，然後將麵團弄成一個枕頭狀物，然後左手抱麵團，右手不斷的在削阿削，一條一條的麵條被地心吸力扯了到熱水之中，大家就有刀削麵吃了。由於入開來荃灣很是難得，所以想留力吃另一所店子，所以只點了一個麵餐，也不敢再點小吃了，麵餐包兩餸及豆漿只是三十三元，最後我選了紅燒豬手及五香牛肉。先來杯豆漿，份量真不少，甜味輕怡夠健康，但豆味也同樣輕盈，這就不太好了，幸而大熱天時一杯凍豆漿，真的是無比受用。等了一會都有麵吃了，此處標準的刀削麵是用湯上的，不是加了炸醬、小炒肉及大鹵等，湯看上來很清，顏色呈淺啡色的湯看似是用了鹵水泡製出來，可惜喝下一口只帶丁點鹵水味，對於刀削麵來說，一個好的鹵汁對其味道是最為重要的，而此店在此

I have a thing for wonderfully chewy handmade noodles, and this place gives me just that.I ordered a bowl of hand shaved noodles in beef broth with sliced beef shin and pig intestine, the noodles were wonderfully chewy, the uneven thickness made every single piece even more interesting. The broth's aroma is rich with beef and spices and if pig intestine is your thing, you'll love these ones. Too bad the beef shin is a tad too dry for my taste.The dan dan noodle from this shop is a bit too garli

見到openrice這麼多好評，就跟風去了~餐廳還算乾淨，進去的地方可以看到師父在裏面從麵團上削刀削麵，功夫了得。我倆一人點了一個刀削麵。感覺是湯的味道很鮮美很好喝，麵條的味道也都一樣鮮美，每一根麵條都比較均勻可以看出師父手藝很好，吃起來很有嚼勁又軟軟的，口感很好~~~~~~~一碗下肚真的好飽。下次一定還會再去。

今日放工後特登約朋友黎荃灣食炒刀削麵. 上次食過湯刀削麵都覺得唔錯, 加上刀法正宗. 但炒刀削麵可以話聽都未聽過, 見到有人話哩間野有炒既刀削麵, 真係要黎試下.叫左個黑椒爽肚刀削麵. 本以為係牛肚, 原來係豬肚至岩.豬肚真係整得幾爽, 但個人喜歡食牛肚多d刀削麵炒得均勻, 每條都上色. 麵質好彈牙.$32 好大碟, 真係趙到有點支力, share 食就硬好. 一個人食就太多啦. 飽晒!

其實好耐之前巳有同事向我推介呢間刀削麵, 但一直都無機會去試試, 今日出去拍拖睇戲, 食飯呢個咁重要既工作(男友話)我梗係要做番d功課, 一於就決定睇下呢間刀削麵是否合格!如果無記錯好似曾試過刀削麵, 但我記憶中既刀削麵好似食一團粉, 唔好食!! 所以相信呢個應該都係我一直無試呢間店舖既原因, 但今日終於鼓起勇氣同男友一齊踏入呢間店來會會出名既刀削麵.一坐低, 我就點了碗麻辣手撕雞撈刀削麵, 一個麻辣肚絲湯刀削麵, 一客小寵包(呢個不能少, 男友至愛), 一客秘製勳魚, 一個宮廷餃子, 點完餐男友問我是否有信心食得晒, 我才發覺點得開心過頭原來叫左咁多樣野食秘製勳魚首先出場, 男友因為唔食魚, 所以坐係對面睇住我食, 呢碟魚我就唔識欣賞, 因為好多魚骨, 我好小心食都幾次差d哽到而且好咸, 好努力食左兩舊都係擺去一旁.跟住到的麻辣手撕雞撈刀削麵睇個樣都好多雞絲, 一於亂撈一通, 撈勻即時食一啖, 有驚喜!!味道麻中有辣(雖然唔係好麻辣), 但都幾香, 最令我驚喜的是刀削麵簿得來好有咬口, 好好味!而小寵包趁我不為意時悄悄的上了枱, 雖然無食開的那間好味, 但一間小店舖黎講巳很不錯, 咁

荃灣真係好多唔同嘅麵食，乜麵都有，今次輪到試吓刀削麵，同個朋友哩，我唔食辣所以叫五香牛展刀削麵，哩依度刀削麵梗係首選啦，因為夠膽叫自已做山西刀削麵皇，又晌一入門口就被你睇到師傅係度削麵，大大方方俾人睇，唔怕貨比貨，都應該係對自己有信心嘅表現；再者，唔單只刀削麵即叫即做，拉麵都係，有單先拉好麵條落去煮，所以，老友叫咗碗麻辣牛展拉麵！講真，招呼無乜，環境一般，志在佢碗麵！五香牛展刀削麵，牛展炆得足時間鹵得夠入味，所以腍身又嗒出鹵水香；刀削麵睇住師傅即削，左手托住一大大舊麵糰，右手一刀刀咁削落去，盡顯功架，更重要係出哩嘅麵條大細相差無幾，條條咬落煙韌而唔會一舊粉，覺得全因師傅動作快，所以令全部麵條所煮嘅時間都差唔多；湯底係濃湯，雖然無問，估佢係牛骨湯！麻辣牛展拉麵，唔好以為同上面嘅五香牛展一樣，只係加咗花椒辣椒就變成麻辣，首先，佢個麻辣牛展係分開上，另外用小碟裝住，屬於涼食，而牛展切得非常薄身（比上面五香牛展薄好多），所以食落有種爽口感；麻辣，唔多食得辣嘅我，淺嚐一小塊就夠晒皮，果然又辣又麻；老友話拉麵都好彈牙，即拉當然係唔同D啦，而且好大碗，勁飽呀！

這晚竟然再來刀削麵早後嚐過聽說與這間山西刀削麵有淵源的蘭洲拉麵店，男友和我都發覺自己還是情牽山西刀削麵皇，這晚又再光臨。我點了淨刀削麵加油菜全走，男友又再點了麻辣雞絲菜飯淨刀削麵 : 可能是我一向口味比較清淡，一碗淨刀削麵對我來說異常美味，刀削麵厚度剛好，不會充滿粉味，煙煙韌韌，很滿足。而且份量很多，我每次都只能吃一半，餘下就要靠男友了...油菜全走 : 唐生菜很新鮮嫩綠麻辣雞絲菜飯 : 男友見過鬼後怕黑，這次叫了走辣，見他吃得很開懷，應該不錯，吃了我半碗刀削麵還清碗！這個男人忘記了自己正在減磅嗎？

18/4(日) 7.30pm為刀削麵而來的晚餐,走運地,此麵店的出品準沒教人跌眼鏡!七時許,正當周邊的食店大多已遭圍剿,此店的冷清場面,猶如被排擠的一員.輕取一四人桌後,以水餃鴨腎刀削麵$33,醉雞菜飯$32及小籠包$15五隻作果腹之物.水餃鴨腎刀削麵--水餃外皮薄滑,白菜豬肉餃青翠汁甜.入味鴨腎爽中帶腍,份量奇多!刀削麵條強而有力,是令人神往的韌度!醉雞菜飯--醉雞肉質平平,酒香卻昭然而見,肆意滲入雞肉中;菜飯以湯碗盛上,小棠菜不修邊幅,隨意稍作切碎,賣相殊不討好!味道方面,似乎不能為庸碌的白飯提香!小籠包--一客五隻的小籠包皮厚且粗糙,內心的豬肉餡倒味鮮汁清!豆漿--清淡如水的豆漿,無謂勉強肚皮!食味稱心的一餐~

在荃灣不只一間刀削麵,但這間確實與眾不同!最初光臨此小店,只是吃湯刀削麵及套餐,這次看看餐牌,試點了胡椒爽肚炒刀削麵,一試難忘呢胡椒爽肚炒刀削麵黑椒味濃,香口,爽肚好彈牙,又夠入味!湯刀削麵湯底清,再配一味自選餸,剛剛好!但湯餃子皮太厚

正宗山西刀削麵皇荃灣沙咀道245號坤德樓地下刀削麵、冇坐近個廚房冇即時睇到佢點做不過唔緊要醫飽個肚先再講其他事叫左個上海餃子、五香牛肉刀削麵等左陣個麵就黎喇我一黎個麵左影右影都啱心水最後頂唔順肚餓放棄影相既熱誠然後咬落果D麵條煙韌到非常而且浸好耐好耐都唔會軟趴趴添食落好實在啱晒D食量加碼既朋友跟住食個五香牛肉勁牛五香味係有不過冇蓋過晒所有牛肉味非常欣賞然後個上海餃子都好好味好似有蝦味但又食唔到有蝦係嫌個皮真係厚左少少既唧$33 送杯豆漿食飽飽豆漿清淡左少少不過接受到