正九清湯腩 (砵崙樓)

營業中

休息中

自己一個就買外賣喇！！！今次叫左 咖喱牛腩飯😃同一份小食 紅油抄手😃。咖喱係好港式地道既，入口唔會太辣，薯仔同牛腩燘得好淋，好夠入味，如果食材既份量可以再多D就更好喇! 白飯唔會好濕，撈埋D咖哩汁，下次一定要再叫多汁! 好好送飯。而個紅油抄手，一隻一啖，紅油夠香夠惹味，餡料充足，亦唔會好辣，怕辣既朋友都可以一試。整體等拎餐既時間都唔耐，等幾分鐘就走得，所以叫外賣都好方便，係食材方面份量再多D就更好喇…

有日夜晚睇完電影，已經差唔多10:00，呢個餐廳都仲有四五個人食緊，叫左牛腩河，+$8轉崩沙腩、肥腩，河粉好食吾會斷開，牛腩都肥瘦相間，而湯底方面吾會係好深色嘅豉油湯，係清清地嘅肉湯

上次去左佢油麻地店，今次去佢旺角站食晚飯。旺角舖舖面面積同油麻地差不多，有七張枱左右紫菜三寶丸河（$43）+雲吞（+$8）：三寶包括墨魚丸，白魚蛋同埋牛丸。墨魚丸咬落彈牙。白魚蛋滑身魚味濃。牛丸juice 牛肉味重有咬口。雲吞大粒，餡料係菜肉餡。河粉唔會一pat pat，條條分明，口感爽滑。腐乳通菜（$19）：份量都幾多。通菜好嫩。同惹味嘅腐乳醬一齊食一流。凍檸賓（跟餐+$8）：味道濃郁，唔會好稀。有兩大片檸檬，酸酸甜甜好解膩。下次要試吓佢啲牛類菜式先。

正九牛腩係九龍區數一數二出名~食過一次反唔到轉頭🤩難得經過要再食多一次😚今次仲upgrade左崩沙腩🤤👉🏻清湯崩沙腩河粉 $58崩沙腩肥瘦適中🤩食落去好爽口彈牙好香牛肉味😋雖然加$8但係真係好好食～🤤份量又多河粉唔會煮到好淋，唔會碎晒又滑加埋d牛骨清湯食下食下都差唔多飲晒d湯🫢👉🏻腩汁蘿蔔 $15啲蘿蔔煮得好淋，一啲渣都冇🤤加埋d腩汁香味，同埋份量都唔少值得一試👍🏻👉🏻 加$8 凍檸檬茶叫個粉就可以跟套餐加$8 有杯檸檬茶😆

又係一間老字號嘅清湯腩，主打牛嘅各部位，裝修簡單，乾淨衛生企理，好闊落坐得舒服。價錢亦唔係太貴。地鐵站行幾分鐘就到，勁方便👍🏼餐牌好多選擇，唔止牛腩仲有崩沙腩。我就揀咗牛三寶河。一次過滿足三種口感。一上枱已經非常之香。聞到都覺得好好味，當堂流晒口水。半肥瘦有口感唔會太韌，牛味好香濃，牛肚好爽無怪味佢個清湯係清淡鮮美，清清地好有牛骨味，無乜味精。地址旺角砵蘭街124-128號砵崙樓地下B號舖港鐵油麻地地鐵站A1出口，步行約3分鐘

大概8點去到門口都超多人係度排隊🤣無論外賣定係堂食都有唔少人🤔裡面竟然有蔡瀾先生寫的書法，門口都有唔少既報道，安排！！！🍝清湯崩沙腩撈伊面崩沙腩分量唔少，大大條咬落去口感彈牙👍🏻跟上既湯超好飲，係新鮮牛腩+牛骨既秘制配方😋🍜正九牛肉羹幼面係福建既傳統小食，製作過程都幾煩瑣，香港好少地方見到有，清爽既口感搭配秘制湯底，建議一試😆🐟炸魚皮乾身薄脆，而且價錢唔貴又大份，咬落去發出既香脆聲，簡直停唔到落來😝🥬腩汁生菜腩汁唔算好濃，搭配翠綠既菜葉十分誘人，成顆生菜的份量絕對唔少👍🏻🥤菜蜜/檸賓冰有做打碎，正常落單，冇提示小冰既情況下，冰係飲品佔比唔算多，哩點好抵贊👏🏻好吃又大份，絕對實際，試過一次絕對路過又想第二次🤩係吃既過程中門口有人係度等位，店內靚女都會盡量安排，會問過接唔接受拼台，唔會強制執行😆而且就算生意爆棚店面仲整理得乾淨整潔，門口有貼住解釋名稱對應牛的部位🤩⚠️牛腩要肥或瘦或半肥瘦記得落單果陣就要講哦😯

揸車去旺角做嘢，但搵唔到位泊車，勁肚餓之下就見到呢間清湯牛腩，好彩佢門口都可以停一陣車，立即極速order個外賣，一睇個menu仲要有我最鍾意食嘅崩沙腩✌🏼✌🏼呢間餐廳出單效率真係極快，由order到攞到外賣，五分鐘都唔使👍🏼下次揸住架車又泊唔到位，又想買外賣，呢間餐廳真係首選！侍應姐姐忙得嚟都仲好有禮貌，都幾impressive🥰之前試過買其他外賣，返到去一打開個蓋發現裏面d嘢食撈埋一堆😟 但今次拎到返公司打開個蓋，d崩沙腩仲好整齊咁排得好靚，食落心情都愉快d🥹崩沙腩湯河🐮🍜佢個湯底真係冇得輸，入口仲好重牛腩牛骨味。崩沙腩個筋膜連少少肉，肥瘦啱啱好，入口軟腍，超正推介！紅油抄手🥟最鍾意佢嘅紅油抄手皮薄、葱花加辣油，入口又滑，咬落有肉汁又彈牙👍🏼

係附近行完街，快靚正又黎到呢間分店。今次我地叫左:菜心 + 芥蘭  我自己中意芥蘭，唔苦仲好爽口，雖然份量唔算多，但真係好新鮮蘿白 入口清甜帶小小回甘，好味~菜肉雲吞 粒粒都咁飽滿，大粒，餡料充足，食起黎豬肉肥瘦同菜粒既份量都岩岩好，果然永冇令人失望!紅油炒手 好得意，係細細粒，個醬汁小酸小辣入口幾惹味，仲好有咬口，不過記得唔好擺到凍哂先食，個皮就會冇咁好食嫁喇~紫菜三寶麵 +雲吞  最中意係白魚蛋，夠哂咬口彈牙，麵條煮得岩岩好

清湯牛腩是一道香港特色的美食，以清淡的湯底和嫩滑的牛腩為主要特點，深受廣大食客的喜愛今次試這間正九清湯牛腩的特色在於它的湯汁，用牛骨、薑、八角、肉桂等香料，加上獨創的配方，經過多個小時熬煮而成！今天下午3點來到，仍有不少食客光顧，正九清湯腩必試之選就點了一個淨清湯腩品嘗，另外加$10轉為牛坑腩，牛坑腩肉質柔軟，入口即化。經過精心的燉煮，肉質鮮嫩多汁，並且沒有太多的筋膜，所以咀嚼起來非常順口。牛腩的味道濃郁，入口時散發出一股撲鼻的香氣，讓我回味無窮！紅油抄手味道麻麻香香，而醬汁又帶點黑醋味，十分開胃，令人按捺不住食完一口再接一口❣️正九清湯腩（旺角）旺角砵蘭街124-128號砵崙樓地下B號舖

牛魔王爸爸試過「正九清湯腩」後大讚有質素，於是到訪旺角店品嚐一下新式粉麵店環境舒適衛生，餐牌選擇豐富，除了清湯腩及粉麵外，還提供牛肉羮、咖喱、擔擔麵、小食及飲品店員態度親切友善==========🔹牛腩擔擔麵 $54牛腩叫咗半肥瘦牛腩份量不少，紋理細緻，入口緊實嫩滑，牛香豐富，半肥瘦連著爽彈筋膜，口感層次提升擔擔麵質感細滑，湯底加入菜脯，淡淡花生香卻毫無膩感==========🔹紅油抄手 $24外皮細滑，豬肉鹹香適中又彈牙；味道集鹹、辣、酸於一身

心血來潮想食牛腩，搵到近朗豪坊附近有一間清湯腩，步行大約6分鐘左右，咁近就去試下啦，口面是一間普通的牛腩麵店，內裡裝修都算光猛，地方亦都整潔，一入到鋪頭已經嗅到兩種味，一陣係蚊牛腩既味，一種係係枱上面傳出黎既味，係辣辣油黎，真係好香，而我咁鐘意食辣黎講真係岩晒。叫左一碗牛肚河，一碗牛腩膽膽麵，腐乳通菜，兩杯凍飲。先講講牛肚，淋得黎又夠爽，牛味都好厚，河粉夠滑！一流水準牛腩膽膽麵就幾特別，個人第一次咁樣食，都有驚喜，非常夾，牛腩都正，半肥瘦，又夠淋。下次經開都會再食

諗住直接打電話落左單先直接到店取結果我還未說完店員直接cut線我再打多次電話過去我話要轉崩沙腩，店員説原來要轉崩沙腩，完全一啲禮貌都冇最後外賣回到家看到全部都係肥肉 嘥錢！！！

不嬲食開呢度既崩沙腩但今次碗崩沙腩真心唔掂大量肥肉連住層膜同啲肉肉就得個少少 仲有幾舊係一啲肉都無食完啲肥肉仲可以鋪滿個蓋希望啲質素可以keep返好少少 唔好見係外賣就求其俾60蚊食個肥肉麵真係呃枰

二揀一下，由於此牛腩店有二人位空出，於是放棄了對面的刀削麵。唔算好特別，件數唔多，不過都成$50加指定部位加$8。試下湯，夠濃，濃得來清就是這般。辣椒油沒啥特別，不濃不香，起碼不算死辣。崩沙腩肉大而帶筋及膜，爽彈，味香濃，但不算世上罕見，和假群記的像差不多了；不過湯底的確清香，實屬較為難得的事。是否因為此店不太特別，反而附近的上班一族，都去排兩餸飯、天星米線及其他店?行過路過可一試，專程到訪實無謂

同行例牌最愛既都係清湯牛三寶河 （爽腩 牛筋 牛肚）不過今次再加小小錢 牛腩換爽腩 口感爽滑軟又唔硬一D都唔嚡口，食完個口仲會keep住陣牛味 🤓今次個淨魚旦 食落唔鬆散唔會好粉仲好有咬口，粒粒都漲卜卜，而且一D都唔睡，2個人share岩岩好!❤淨蘿蔔 蘿蔔味香濃，多汁，有少少纖維，配埋腩汁，食咁多肉，即刻refresh下菜肉雲吞米粉😋入面既豬肉唔會煮得好鞋，足料就一定嫁喇~唔食牛既朋友真係可以試下呢個雲吞！ 同埋佢地既米粉係好煙un就算放耐左D米粉都唔會一pat咁，口感好好必點腩汁芥蘭❤