正九清湯腩 (砵崙樓)

營業中

休息中

實在諗唔到食乜嘢，決定買碗牛腩麵返屋企，簡單食個晚餐之前都幫襯過正九佢哋都有好幾間分店，出品品質夠晒穩定👍🏼👍🏼有時越簡單嘅食物，就越容易成為大家心目中嘅comfort food 叫咗碗清湯牛三寶河粉，加菜心打開蓋見到青BB嘅菜心，夠晒清新變成餐飯感覺更加健康😄😄食湯河，當然唔少得辣椒油！行緊返屋企嘅時候都擔心，我冇問店員拎辣椒油，好驚佢冇俾我，好彩！都有一包李錦記辣椒油附送❤️牛三寶係包括牛肚、牛筋、牛腩牛肚超級厚身！但完全唔影響佢嘅入味程度，成舊都好入味，超正！牛筋軟熟程度恰到好處，唔會就溶就溶咁，好膠，口感好好🫶🏼🫶🏼牛腩就更加係驚為天人，牛味超突出，好好食！就係咁，簡簡單單食咗個非常好食嘅牛三寶河粉，絕對值得推薦！

正九清湯腩（旺角）😘😘😘好味牛三寶清湯旺角砵蘭街、最旺的中心點、集團式「清湯腩」旺角分店、人流川流不息、落單、上菜、超快！食物質數有水準👍🏻清湯牛三寶河粉（升级$6崩沙腩、牛筋、牛肚）$64原汁原味清湯底、崩沙腩、清香牛味、肉質軟綿綿、入口溶化、皮帶煙韌有嚼口、層次分明、豐富味蕾口感😍牛肚、厚肉質、原色無添加、原味清湯、超軟腍😛牛筋、軟綿綿、香腍夠彈牙、豐富骨膠原👅👅河粉配三寶、粉質幼細軟滑、飽肚滿足😌跟餐追加特飲$8凍檸賓、黑加倫子利賓納、加檸檬🍋片、甜美中幾分酸、幾爽⋯⋯😘😘正九清湯腩（旺角）旺角砵蘭街124號至128號砵崙樓整咗啦地下B號舖港鐵油麻地去站A1出口、步行約4分鐘

佢哋除咗牛腩好出名之外，其實佢哋嘅小食我自己不嬲都好鍾意❤️今次外賣返屋企加餸，所以我哋叫咗紅油抄手❤️同 酒味醉鷄 轉鷄脾加＄5❤️🤣 抄手皮薄嫩滑，餡料唔算好多，但係一件一啖份量啱啱好！食落亦都唔會覺得好油膩，口感實在！醬汁亦都非常惹味香口。而醉雞更加唔使講，轉咗雞髀，雞肉嫩滑，酒味小甘帶醇，一啲都唔苦❤️成個過程又係等幾分鐘，又有得拎！絕對係快靚正之選😎如果人多嘅話，其實佢哋仲有其他淨食都可以試吓㗎

今天陪媽咪去旺角買嘢，肚子餓就搵地方食下午茶。在砵蘭街和登打士街交界有一間門面比較堂皇的麵食店，原來是正九清湯腩。這個牛腩店是粉麵店，但是選擇比一般粉麵店多很多，也有飯類，也有不同的麵，除了河粉、米粉、生麵的粗麵和幼麵，也有上海麵和伊麵。清湯牛三寶上海麵加墨魚丸，墨魚丸有兩粒，非常好味鮮甜有着勁，三寶牛包括牛腩、牛筋、牛肚，全部都很香濃，而且煮炆得非常入味和腍。上海麵不是我們食開的白色那種，而是有少許黃黃地，算是拉麵的一種。都很好味而且份量很多。我們點了醉雞米粉加菜，蔬菜青綠，這是生菜，但是煮得很適當沒有太老，米粉也是幼的那種，不會太滯，醉雞的花雕很足夠，而且雞也很滑，雞胸肉部份又淋又滑又鮮甜。菜肉雲吞一大碗九大粒，粒粒皆大件多豬肉。總之全部食物的份量多、味道好，價錢也實惠。怪不得要等位了。

收工經過呢間餐廳，見到有牛腩，忍唔住入去試試😋6點幾餐廳已經好Full，餐廳多卡座形式座椅，坐得都舒服，而且冷氣好足夠！▪️清湯崩沙牛腩河粉 加生菜本身想試牛腩河，但餐廳服務員話崩沙牛腩好正，決定加$8轉崩沙牛腩😋一上枱，已經被崩沙牛腩吸引住，崩沙牛腩係牛嘅橫膈膜位置，所以每片牛腩面頭都有一層薄薄嘅筋膜連住，牛腩肥瘦分明又均勻，肉質軟腍又帶點爽，口感有層次，配埋清湯，牛味濃郁😋！本身清湯湯底好清甜，但個人比較喜歡辣味，所以加咗辣椒油，食落近惹味，而河粉嘅麵質好爽滑！成碗崩沙牛腩河粉真係好出色！絕對值得再回頭！▪️凍檸茶正宗檸檬茶，茶味好香濃😋！

係旺角收工搵食真的不難。難在想食咩。同埋好唔好食！想搵食更係由街頭行到街尾。都唔諗到食什麼時候。但開始感覺自已飢餓感時。就見到一間幾靚既餐廳食清湯牛腩。本人就二話不說的奪門而入啦！炸排骨。即炸即食真係好食。見到都賞心悅目！肉質入口鬆化。外皮脆而不油膩。最重要肉質調味十足崩莎腩。河粉嫩滑。油與肉分明。肉質鮮嫩加上獨特調味。令肉味更鮮更甜。再配上蔥花。配上獨有清湯牛腩必備神絮「鮮甜清湯」。更加相得益彰！

揀左間做野附近 知道呢間係朋友成日慣食推介嘅清湯腩面專門店 再黎呢間馳名清湯腩面店 試試😊係油麻地 做野附近位置好就近 方便！📌清湯崩沙腩上海麵比較細嘅麵條 崩沙腩幾鮮嫩肉、湯料一齊搭配 個湯底清爽👏👏都幾有口感 夠+紫菜蠔油菜心📌紫菜湯📌牛叉飯原來牛叉係牛腩 有叉燒汁 幾特別 📌凍檸蜜📍旺角砵蘭街124-128號砵崙樓地下B號舖🏷️正九清湯腩 (砵崙樓) #正九清湯腩 #油麻地

一個人係油麻地附近做野，交低文件。快食個午餐，食過佐敦正九，眼見呢間旺角正九坐滿人，就幫襯。崩沙腩雙拼雲吞 加蘿蔔 飲啖湯底，夠曬清甜，飲咗大碗湯都完全冇口乾。蘿蔔大件好甜，崩沙腩先係重頭戲！ 非常入味，帶一點咬口，牛嘅部位係半肥瘦，份量好多。下午茶時間只要消費$40 ，下午兩點至六點, 就送支裝汽水或者熱飲。真係好抵食。天氣咁熱我就叫凍檸水 , 都只係加三蚊 。兩點之後人流不絕都係滿座。牛腩又好食，又大碗，唔怪得知咁多人幫襯。

出賣年齡系列，如果細個有睇過Do 姐同子華神嘅<<男親女愛>>嘅話，子華神係裡面嘅其中一句金句係：「中國四大發明，粥、粉、麵、飯。」岩岩發左幾日燒，就聽左子華神講，去搵呢D粥粉麵飯醫醫肚，甘唔想食粥同飯，就去左旺角有間打正旗號專門食清湯腩粉麵嘅鋪頭。GG 有時都幾百厭ga，今次一於反其道而行之😏😏😏，試下佢menu 上面其他野先😈😈😈📌紫菜營養湯 $15紫菜有勁豐富嘅營養，例如有止咳化痰等嘅作用，真係連咳水都唔使飲😂另外紫菜仲蘊藏Omega-3脂肪酸，可以降低發炎、患心血管疾病嘅風險。消炎藥都慳返la😱紫菜仲含大量維他命B雜，成日覺得攰食就會精神返。又可以慳返我d B雜supplements 😆😆😆勁抵📌排骨上海麵 $48GG就勁鐘意食上海排骨麵，上海排骨其實係豬扒泥嘅，即叫即炸，用一層薄薄嘅麵漿包住落油炸，件件都金黃鬆脆而冇油膩感。豬扒醃得夠入味，將佢放落湯度浸下就唔使驚熱氣la。一啖豬扒一啖上湯麵簡直係一流。麵質剛好唔會淋身，不知不覺就好食到成碗食曬🤭🤭🤭而GG 最鐘意食粉麵店嘅丸類，今次都📌加我至愛嘅墨丸 $8。食得出新鮮手打，夠爽夠彈牙。果然係粉

今日喺旺角返工，中午又係落雨真係唔知去邊度好😩😩😩。一落雨天氣唔想去得太遠，真係好想來一碗熱辣辣有湯麵🥰🥰🥰。咁就去咗旺角砵蘭街（正九清湯腩）呢間店出名軟淋淋好咬口牛腩🐮🐮🐮，湯底重要煲好耐，所以特別濃郁清甜， 最適合我而家來返碗。咁我就點咗牛腩麵配碟油菜！飲番杯凍檸茶真係好好味✌️✌️✌️！ 📍正九清湯腩 (旺角)旺角砵蘭街124-128號砵崙樓地下B號舖#香港美食#香港探店#食貨日記

餐廳地理位置方便，服務都很周到，環境企理，冷氣夠涼快😊食物選擇又多，除了清湯腩及粉麵外，還有牛肉羹，擔擔麵，咖喱，小食及飲品。 下午茶時段還送枝裝汽水或熱飲😊非下午茶時間都可用 ＋$8 有枝裝汽水😋▪️清湯牛三寶河$64選三寶河就可以一次過食晒牛腩，牛肚，牛筋，一上枱個碗見唔到d河粉，呢碗粉分量十足😋河粉選用幼身河粉很滑溜，煮得剛好不會過淋，唔會煮到碎濕濕👍牛骨清湯底清甜不肥膩，帶有濃濃嘅牛肉鮮味😋牛腩燜得夠軟身入味唔會韌，肥瘦適中帶著香濃牛味😋 落單時牛腩可以選擇要肥/要瘦/半肥瘦🤩很貼心🥰 如果想轉崩沙腩/爽腩/坑腩只需＋$8😊牛筋燜得剛好不會太淋，Q彈有咬口充滿著滿滿的骨膠原蛋白😊牛肚燜得淋夠入味，容易入口😋▪️正九牛肉羹$52是褔建傳統小食，唔係間間都有得食，嚟到想叫細碗，點知依家得返一個size, 分量之多足夠我做一餐😋 牛肉羹有濃郁牛肉味，羹嘅口感比湯傑身d ，亦比清湯底濃郁更重牛香味😋 牛肉新鮮彈牙有口感，很少筋，一口一粒配上薑絲及蔥花超好味。 配埋有白蘿蔔新鮮燜得恰到好處唔會過淋，入晒湯嘅牛肉味，食落無渣清甜。 店員姐姐放底枝陳醋，建議加入陳醋味道會更添層次更佳😋

今日出旺角, 因為好耐都冇食過牛腩, 諗住搵間港式牛腩粉麵 ☺️ 俾我發掘到呢間好正斗嘅正九清湯牛腩! 😄牛腩真係好多學問, 係我心目中嘅世一港式美食, 遲啲有機會再分享多啲關於對牛腩嘅睇法, 不過基本食牛腩就要有啲要求! 一定要知自己食緊咩, 因為都有分牛筋腩, 坑腩, 爽腩, 崩沙腩等等今次改咗一碗牛腩河一碗魚蛋米嘅小習慣, 嗌咗兩碗牛腩河, 因為正九有得食崩沙腩同爽腩! 先嚟一碗崩沙腩, 牛味重炆得夠腍, 份量都好足! 湯底好好唔會搶咗牛腩嘅味, 值得一試!再嚟一碗爽腩, 爽口滑身, 我自己好鍾意! 另外嗌咗蘿蔔同腐乳通菜, 蘿蔔揀過冇根, 好味! 腐乳通菜新鮮腐乳味粥唔會太鹹, 我都好鍾意❤️加$8仲可以加嘢飲, 連平時茶記收開20幾蚊嘅檸樂檸賓, 都係加$8有得飲!

📍 正九清湯腩 (旺角)旺角砵蘭街124-128號砵崙樓地下B號舖最近好似開多左好多唔同品牌嘅請湯腩，不過最令我記得嘅都係呢間正九，每次都必點佢地嘅牛三寶😋😋牛三寶份量唔少，有牛肚、牛筋、牛腩，全部都煮到好淋👍腩肉肥瘦相間，牛肚、牛筋又腍又彈牙🤤蘿蔔又勁清甜，無根😋加埋佢地清甜嘅清湯底，用嚟當湯飯都好正😋😋下午茶買任何粉面飯，仲有飲品送👍👍佢哋仲有多間分店，旺角油麻地各一間，觀塘都有，行開可以去試吓☺️#牛腩 #正九清湯腩 #高質 #旺角 #旺角美食 #美食推介

想食清湯腩來左📍正九清湯腩🥡買外賣勁多款牛肉湯粉麵飯為左一次過食哂牛腩、牛筋、牛肚叫左清湯牛三寶飯 ～ 個清湯腩湯底好清甜🤩好味啊配埋牛味濃香牛腩、爽口牛肚同彈牙牛筋味道唔錯😌跟餐仲可以$8 加配飲品🥤天氣禁熱叫左杯凍檸檬茶🍋牛腩要瘦、要肥/抑或半肥瘦都可以落單時講聲廚師會盡量幫忙安排～真係幾好📍旺角砵蘭街124-128號砵崙樓地下B號舖#香港好去處 #旺角推薦食品 #油麻地美食#kol #koc #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodie #hkfoodblog #hkfoodblogger #hkfoodstagram

我同朋友健身完去食正九清湯腩叫左份淨牛腩 兩個碟頭飯 兩碟菜已經講到明要瘦腩 一上到黎全部肥腩仲有蘿蔔仲多過牛腩 叫兩碗麵都冇一個淨牛腩貴淨牛腩仲少過兩碗麵嘅牛腩上菜單一直漏野 俾小碟菜我哋 仲話俾齊我哋我話去睇返CCTV好唔好 先肯比碟菜 離晒譜俾碟淨牛腩又係 係咁問我哋真係有叫㗎唔會有下一次去 份量又少態度又差真係俾錢買難受 俾錢食嘢仲要係咁俾人質疑有冇叫呢樣嘢？最離譜浮牛腩 130幾蚊仲少過兩碗麵嘅牛腩 真係好過去搶