橫水渡小廚

營業中

休息中

大澳水鄉有東方威尼斯之稱，假日到此一遊，簡直心曠神恰。但原來這裡還有美味的蜑家菜，可供品嚐，更是一個好理由來此。這間店舖其貎不掦，若不是幾年前來過，一定不會找到。它的餐牌提供很多選擇，並且圖文並茂，可能是為了方便遊客。望落去很多餸都好吸引，因為只有2個人，最後揀了咸鮮蝦乾荷葉籠仔飯（$178-）及豉油王梅菜蒸豆腐（$95-）。籠仔飯一上枱，已聞到陣陣咸香味，口水都流埋。橫水渡用料靚，飯面鋪滿了咸魚仔丶魷魚乾丶大蝦乾及蝦醬，充滿海鮮味及咸香。它還有很多豬肉片，拌勻來食，一啖海鮮，一啖豬肉，再一啖飯，簡直是人間美味。難得的是，這個飯一D都唔咸，卻充滿海鮮鮮味，yummy yummy!😋😋😋呢個梅菜蒸豆腐亦出色，豆腐滑溜有豆味，梅菜甜甜地又唔咸，加埋佢地自家製豉油，味道香甜，好味！👍🏻👍🏻👍🏻總結而言，橫水渡小廚是每次去大澳都值得幫襯的食肆。

黎大澳必須要食下有蝦醬既野，仲有墨魚餅！今次黎到「橫水渡小廚」，叫左4大招牌菜試試！炭燒燒鵝嗌左例牌、要下莊。食得出炭燒味，油脂味道甘香，肉質都唔錯，唔會係梅個隻香煎墨魚餅總共有8塊，熱辣辣，好香口，亦都彈牙！個醬就似快餐店個雞翼醬😂椒鹽豆腐外脆內軟！夾既時候要用陰力😂 個心好熱，食個時要小心、唔好心急 haha蝦乾荷葉籠仔飯好足料！有蝦醬、蝦乾、魷魚乾、魚仔乾、魚塊、豬肉片，有蝦乾蝦醬應有既咸香味，但唔會覺得過咸👍🏻

是日一行三十人，行分流及煎魚灣，終點是大澳。不過，行山是配角，主角其實是這裡的炭爐烤鵝。店子的主店位置不多，反而在斜對面的舖位是大得多。三檯人坐在靠水渡的位置，沒有空調但也頗舒適。預早訂好每枱一只，講明何時入席。鵝烤好，rest一小時，準時入席就第一時間先吃鵝。皮微脆，有炭烤香味。肉味濃郁且肉汁充盈。只見各人不語，只專心吃鵝。還需要什麼？就是一支凍啤酒。店子就只賣藍妹，不過夠冰凍的啤酒就是好啤酒。大杯酒大件鵝，爽！其餘十一道菜式都精彩，煎墨魚餅彈牙又鮮甜，生炒骨的醬汁用上紫貝天葵，天然的酸甜味令其更好吃。脆皮蝦膏豬腩肉及蝦醬小炒皇都是一等一的下酒良品，前者的豬腩肉以蝦膏及南乳醃過，炸脆後真的十級惹味。芝士海皇焗南瓜更是意料之外的好吃，海鮮加入芝士再釀在南瓜中去焗，千萬不要錯過又稔又甜的南瓜肉。單尾是籠仔荷葉蒸飯，舖滿魚仔乾及蝦膏，能不好吃？不枉我們專程而來。 

入鄉隨俗，大澳之旅第一晚，未夠六點，去了橫水渡小廚吃early dinner。因為，民宿老闆提點，餐廳會早早關門休息。老舖員工，叫我們去對面新舖用餐，會坐得舒適點。星期五晚，只有我們一枱客人。四大菜式，想吃燒鵝，卻售罄了，要來了一碟八件的招牌香煎墨魚餅。外層金黃的墨魚餅，內裏盡是粒粒鮮爽彈牙的墨魚肉，口感十足。醒神開胃的京都骨，醬汁入味，肉質軟腍，伴飯吃一流。cc，卻嫌肉多骨少。蝦醬炒春菜，鹹香且鮮嫩。黑豹，整頓飯虎視眈眈地望著我們用餐。。。。。。

農曆新年前患上感冒，在迫不得意的情況下才倚賴西藥的我，寧願採取自然療法！不經不覺搬離開東涌一年了，以前每當腳痕身痕，但又不想遠行的話，我們便會從東涌走到大澳去。這段行山徑難度不高，以我們的腳步，三小時左右的腳程便可抵達富有美景與美食的大澳！ 雖邊行邊「包雲吞」，可身心感到異常的暢快！久別的大澳，依然是水鄉的老模樣，只是國內遊客多了！ 大澳小吃特別多，到埗後，我們吃過沙翁與蛋撻，不過知道老公對「橫水渡」的風味菜式念念不忘，所以不可能過門而不入！ 記得上一次到大澳，「橫水渡」棚屋那邊的舖位仍在裝修中，我們在老舖上層用膳。這回工程完成，相信已營業好一段時間，發現餐牌變得很精美， 圖文並茂，可價錢亦調升了！ 炭燒燒鵝是 Day 1 認識「橫水渡」後，每次到訪的必吃，人多的話會提前預訂原隻燒鵝，以便可享熱燙脆皮燒鵝的滋味。兩個人就乾脆點了燒鵝下庒 （HK$168）。燒鵝雖不是剛剛出爐，但皮還是脆身，一咬多汁嫩口，入味程度佳，此料不到竟多添了濃厚的煙燻味道，加上本身的鵝香，來杯啤酒或威士忌更一流！ 老公愛燒鵝，而我則特別喜愛充滿豆香的椒鹽豆腐，可惜感冒不宜吃上火食物，於是換上了豉油王梅菜蒸豆腐

是日遊大澳~識食既友人話呢一間既墨魚餅好出名~於是就入去食個lunch~裡面有個位係可以坐在裝飾的船上食影相一流可惜已有人用餐我地點左一個墨魚餅、例牌燒鵝同蝦醬炒芥蘭墨魚餅一共8塊咬落塊啖啖都係墨魚唔似出面粉多過墨魚～真心一流反而燒鵝有點失色，可能叫半隻會靚好多（價錢當然亦是double)至於芥蘭我想講係未食過咁淋咁好食既芥蘭！蝦醬超級香口，真係食極都唔厭！值得一提既係我同友人都唔食煙但坐後面那一枱有男子食煙我地覺得好臭就問小二可唔可以調位佢二話不說就同個哥仔講食煙麻煩佢出塊食呢度唔係得佢一個食野要顧下其他人既感受嘩！大大加分呀！！有機會一定會再幫襯

今天是初六，聽朋友介绍我們2人預早幾天book了半隻炭燒燒鵝，奇待了幾天，歡天喜地去試，當時好早我們book了5点，準時入坐，而店鋪只有2台客人，我們点了3个餸，都合共$800左右，坐了一陣見到傳菜員拿着半隻燒鵝去隔離台，奇怪……原來傳菜員把我預早訂价值$288/半隻燒鵝比錯了隔離台沒有訂的客人，當時隔離台說我們沒訂喎……而我們都跟傳菜員說是我們訂的，這个傳菜員不理会我們說，便放下了我預訂燒鵝给隔離台吃了，這時他才發現比錯了，便向我們說过錯了現在沒有多餘……叫我們再点过餸，我們2人十分激動說主角不在，我們什麼不要😡😡🤬🤬，最後走了沒吃……這間大澳横水渡小廚大家不好去吃，因為這店只做多人生意，2人生意不在乎……大家只有2人就不好去啦…劣店

今日即興同家人遊大澳, 下午黎到呢間食午餐, 因為被門口的燒鵝吸引左入黎.整體食物好好味, 係坐得冇咁舒適啫. 我地被安排上角樓坐, 叫左佢既四大名菜, 又真係好夠鑊氣, 好好味!香煎墨魚餅 : 爽口彈牙, 入面仲有墨魚粒, 好有趙口, 外面又唔會煎得太燶, 記得配埋泰式酸甜醬黎食.大澳咸鮮籠仔荷葉飯 ($158): 入面好多配料, 大部份都係大澳名產, 魚干仔, 蝦干, 蝦醬豬肉等, 令到D飯都好有味道, 米香好煙靭乾身, 冇將飯蒸到爛晒.金牌炭燒燒鵝半隻: 份量都好足, 皮脆肉嫰, 好好味! 當然油份好重, 好肥膩啦, 不過真係好有鵝味!椒鹽山水豆腐: 外脆內滑, 皮脆又薄, 有足夠既椒鹽味道, 入面既豆腐滑嘟嘟.魚湯蝦乾什菜煲 $108：呢個湯超好飲, 好濃海鮮味道, 小朋友飲完又飲, 絲瓜好爽口.爸爸同細佬出去橫水渡既艇仔買左斤蝦黎灼, 因為新鮮, 所以蝦好爽口!招牌菜果然名不虛傳! 唔該!!!

難得假日、去咗大澳玩，今次終於比我地見到粉紅色的白海豚！全家人都好開心😃！到咗晚上六點幾，晚餐時間、 我哋就去咗一間當地人到介紹的橫水道小廚，上網就睇到好多食評,都係讚好，咁我哋就一試啦！一坐低諗住叫佢嘅招牌燒鵝、 點知、 佢話要預訂囉⋯⋯所以冇得食，跟住就叫咗個炸墨魚塊、 係唔錯嘅！另外佢有個咩咩鮮荷葉飯、本來都諗住叫，但係因為太多餸所以冇叫。叫咗條斑兩食，三百幾蚊到，菠蘿生炒骨都正常，椒鹽豆腐就一定冇死啦！是朝炒蜆都係正正常常、冇話特別好味，椒鹽鮮油係我哋後加的餸，冇乜特別。總結,唔係話特別好食、因為我本身係諗住有出乎意料的水準，點知原來都係普普通通，又唔係話唔好食，正常囉只可以話。

行完大東山，又累又餓☹️，好友話去大澳食d 好野補返d energy, 佢強推橫水渡小廚既墨魚餅😋去到原來有兩邊鋪面，我地初初去其中一邊以為冇人，點知老細過黎叫我地，一望另一邊，今日平日都好多人幫襯！四個人叫左四個菜，😍墨魚餅！之後再叫左蝦乾荷葉籠仔飯加兩個菜。墨魚餅❣️熱辣辣，好香好脆☺️果然名不虛傳兩個菜就中等水平，冇咩特別。蝦乾荷葉飯！！好入味，好有大澳特色😆強推！最後叫埋杯可樂，正😝老細話普遍大澳既鋪頭好早收，不過我地可以坐到9 點都ok.如果再黎大澳都可以試多次。

大澳位於香港新界大嶼山西部，是香港現存最著名的一條漁村。橫水渡小廚出品充滿大澳漁村的獨特海味料理。據說餐廳老闆堅持使用本地新鮮食材炮製佳餚，花盡心思去找創出各款新派菜式，成功在大澳的芸芸美食店中脫穎而出，今次冒名而來光顧。室內裝修風格充滿海洋氣息。貝殼🐚掛飾散發出海洋的味道。雖不是豪華裝潢，但充滿本土風情。主打菜式都是大澳特產，蒜蓉開邊蒸蝦、避風塘炒蟹，𦍑蔥蒸筍學魚，炸蝦餅等等海產來自大澳，特別新鮮。

假日走進大澳 ⋯⋯第一次入黎這裡，格外興奮，想要食到不同特色美食，ig見好多人推薦，果然沒有錯 一個字 正！二人都細食，共食兩樣餸，加每人一罐可樂 驅走悶熱天氣的熱。炸墨魚餅——果然足料，全塊都係墨魚，仲係薄薄一層呈金黃炸面，最怕勁厚炸粉，一d都冇偷工減料，全塊啖啖肉。唔點酸辣醬都好好味，正！咸鮮篚籠仔蒸飯——當地大澳文化氣息馬上湧現出來，有咸香蝦醬，伴著蝦干、魚干、魷魚干、豬頸肉、加埋用荷葉包住蒸飯，雖然荷葉香不太香，不過勝在充滿特式，值得一試。正！

出發大澳前不停search有咩好食/必食,山長水遠入去真係唔想放過任何食美食的機會。可惜胃就只有一個,想食多D餸都唔得,食完lee餐,又要忙住掃街...只係隨便叫左幾個招牌餸,墨魚餅係用新鮮墨魚打,彈牙爽口,美味可口要預先訂,有炭火香味,皮脆肉嫩好多魚仔乾,荷葉味重配料充足,但油多左D一味簡單的餸豆腐好滑,有輕微燶味,所以好香味坐得唔舒服,餐具不潔,店員尚算殷勤

『媽咪，週末想去邊呀?』『無所謂啦！』其實爸媽最喜歡旅遊，作為24孝仔囡今次plan定行程到大嶼山逛逛，帶他們吃中菜，每次來大澳都會吃！不能不吃招牌菜籠仔飯，份量足，夠3-4人食！蝦膏、蝦乾和荷葉香是很配的，必食！例牌燒鵝一份，還分了一整隻鵝腿來，超香，真的聞到炭烤的味道，太正了吧！看著大澳水道兩旁的景色食飯，保證其他地方都沒這個景，大澳獨有！我們一家2時許來到，食了快兩小時，很relax！這就是我們最想過的週末假期！

在大澳留宿一夜，臨離開酒店的時候酒店職員叮嚀要早一點食晚飯，因為大澳人生活簡單，餐廳、店舖都早收，六點多到餐廳最好。當晚選的晚餐地點是橫水渡小廚，它的門面裝修簡單，甚至可以用破舊來形容，但大家不要被這嚇退，皆因小菜味道絶對是起班。香煎墨魚餅－墨魚餅貨真價實，口口都能吃到墨魚，配上酸甜的醬汁，令人開胃。避風塘茄子－表面鋪滿辣椒、炸蒜，味道鹹鹹辣辣，十分惹味，最特別的是茄子上釀了墨魚滑，令其口感和味道層次豐富。大澳蝦膏小炒王－配料有腰果、白飯魚仔、西芹、蝦乾、豬肉等，口口都充滿蝦膏香味。