橫水渡小廚

營業中

休息中

炸墨魚餅好食，好足料，又厚又彈牙；小炒皇好夠鑊氣。遊客區，兩個餸加一支青島3百幾，夠去尖沙咀食個上好既sashimi ，黎一次就夠。個洗手間好恐怖好dirty，我吾敢去，忍到返東涌（食完我就走）。大澳亦係個好悶既地方，因為我吾行山

今日第一次嚟大澳, 嚟之前先做功課, 決定試呢間. 三人行叫咗蝦乾荷葉籠仔飯, 煎墨魚餅 及魚湯蝦乾雜菜煲. 總括味道不錯, 樣樣上枱熱辣辣. 之前見人comment 話店員態度差及等得耐. 我又唔覺喎, 店員有問我哋有咩需要 , 是否要開大個冷氣？ 態度幾好👍👍今日係星期日嘅中午, 上菜都好快但餐廳環境一般, 洗手間應該裝修下 😅埋單共 $500. 唔算平. 但如果有機會我都會再來. 見佢哋嘅燒鵝好似唔錯, 希望下次可以試下

weekend諗住入大澳行下，發現呢度都幾多野食上網search到呢間橫水渡小廚，見到有幾款招牌菜都好心水，燒鵝，籠仔飯，墨魚餅，避風塘茄子，全部都好想食，所以決定幫襯。由於得兩個人，又未肚餓，所以叫唔晒所有心水選擇，最後叫左兩樣籠仔蒸飯，見到係用蝦乾，魚仔，豬頸肉，魚再加蝦醬放上荷葉蒸味道ok但冇好驚喜避風塘茄子，其實招牌菜入面係冇佢，但我見介紹話茄子入面釀左墨魚滑，滿足左我食墨魚餠嘅願望，又有避風塘茄子食一啲都冇失望，炸槳好鬆脆，茄子夾墨魚滑好正，超出預期

一入去有個好好態度嘅員工安排我地上2樓，又問我地飲咩茶咁好快就送上嚟叫我地睇陣menu轉頭再幫我地落單。睇咗陣見都係無人上嚟落單就等下啦，無突燈行返落去搵員工。隔咗陣有個員工兇神惡煞咁上嚟勁大聲係到問你地落得單未㗎？！又叫我地坐埋一邊唔好阻到佢張枱因為一陣會好多人有朋友話想要凍奶茶，佢勁惡咁話佢依度唔係茶餐廳喎，無依啲野 其實好聲好氣咁話無係咪咁難，無啦啦又要受氣！價錢又唔係平、又加一服務費，啲野又唔係好食，仲要受氣真係不了一開始個員工幾好態度都救唔返，另一個咁趕客。

入到大澳，少不免當然要食蝦乾、蝦膏之類嘅餸菜，先會覺得不枉此行。見到差不多每枱都叫招牌菜 - 籠仔飯當然都要點啦！由於得兩個人，可以點菜有限，我哋叫咗：籠仔飯 - 好香咸香味！蝦乾、魚仔乾加埋個蒸飯簡直一流！唯一美中不足係唔太覺太荷葉香氣同啲飯比較硬身少少🤏小炒王 - 正！炒西芹蝦乾魚片腰果等等，不油膩，夠鑊氣！用嚟送啤酒最正！蝦膏蒸肉碎豆腐 - 結果除咗肉碎仲有豬頸肉，豆腐同肉都蒸得好滑！用嚟送飯相當唔錯！值得一提嘅係：姐姐們服務態度良好，又會定時幫你添茶，上菜速度快，收碗碟時都會禮貌問聲是否食完，可否收碟 - 我覺得出面茶仔都無咁好嘅禮貌啊！

每次黎到大澳都好想試，今次終於放假入黎試吓佢。首先我先講食物(1) 叫左個鹹鮮蝦乾荷葉籠仔飯（2）酥炸蝦醬豬腩肉，先講個飯我懷疑個飯係用煲好嘅白飯直接放上荷葉,再放咗啲銀魚仔兩三條蝦乾同放咗一劈蝦醬喺飯面，嗰班完全冇荷葉味唔覺得有喺籠仔蒸過。 之後不得不講就係個酥炸蝦醬豬腩，雖然我知道而家嘅豬肉係好貴不過我真係唔介意俾多少少錢（其實都成百蚊碟）可以食返豬腩肉而唔係食碟都係炸粉，仲有成碟野一滴蝦醬味都冇（基本上我哋食咗兩舊之後成碟野冇掂過如圖）。至於服務更加係不得不提，食物過咗30分鐘都仲未嚟只係提一提侍應但係換來一句..”吹咩吹唔吹咪嚟囉”, 仲要俾人啤🤦‍♀️

上網睇呢間野幾出名所以試下👄​佢出名籠仔飯 勁大碟 好足料​好多大大隻嘅蝦乾,魚乾仔,魷魚乾等等❗️​離遠已經聞到好香嘅蝦醬味👃🏼​鹹鹹地嘅蝦醬同配料一齊撈飯食🤤好正呀😍​仲好有大澳特色👍​​

橫水渡小廚 Tai O Crossing Boat Restaurant+港式+中菜館+ 大牌檔🏠overall/環境/ 服務:+ 價錢偏貴 茶8蚊位 又有加一服務費 D餸多數 $100-200起+ 冇冷氣 坐裏面吹住風扇都覺得熱+ 睇咗OpenRice 以為係大澳最正常 點知中大伏 ‼️ 椒鹽鮮魷 $98好食指數：⭐️打卡指數：⭐️大份指數：⭐️抵食指數：⭐️✅ 最近食過最差嘅 椒鹽鮮魷.... 仲衰過妹記....✅ 炸漿厚 又開得好奇怪 食落去 D 炸漿會痴住個口咁 口感似病人糊餐✅ 魷魚冇 魷味 似食香口膠‼️ 蝦醬炒芥蘭 $ 78好食指數：⭐️⭐️⭐️打卡指數：⭐️⭐️⭐️大份指數：⭐️⭐️抵食指數：⭐️⭐️✅ 呢樣正常好多.... 起碼蝦醬幾好幾香 又唔會過咸✅ 不過芥蘭質素差.... 唔爽口 似食菜心 好失望📍大澳吉慶前街33號地下33 Kat Hing St, Tai O, Lantau Island, Tai O⏰星期一至日11:30 - 19:30☎️ 電話號碼 29858343📩喜歡我的文章，可以關注我及讚好以作鼓勵

生日唔想返工對住啲煩人，放日假去大澳半天遊，即刻上OpenRice睇食評，於是試試，只得兩個人唔想格硬食，所以點兩樣餸，又唔想太炸，於是叫炒嘅小炒王同焗蛋。小炒王唔會好鹹，就算空口食都可以，材料同一般嘅小炒王大不同，大量炸銀魚仔仲有腰果同鮮魷，有西芹、韮王、本菇、青紅燈籠椒，無平時食嘅嗰種咁惹味，感覺健康啲，蝦膏味唔太出，驚喜不大。雞蛋焗黃花魚子，魚子唔多，而且大多是碎碎的，少許肉碎，有少許果皮，味道適中，魚子只有口感，味道沒特別，價錢有點貴。

昨天下午兩點幾才到大澳，相當肚餓，二話不說，直接走入這家餐廳。到咗傍晚，離開大澳嘅人超多，巴士站大排長龍。所以決定先食完晚飯才離開，同一日又幫襯這家餐廳。兩次都沒有失望。回顧開飯嘅食評，有人負評招呼唔好。其實在大澳水鄉嘅地方，要搵五星級酒店嘅招呼嗎？同一日兩餐飯，我覺得伙計已算不錯，正如標題，是恰如其份。言歸正轉，中午飯點了漁家蒸四寶，脆炸蝦醬豬腩肉。白飯。兩道菜嘅評語，請參閱相片內容。而白飯比較硬。可能已經焗耐咗，乾咗。晚餐點咗簡單嘅燒鵝下庄，豉油皇炒麵。唔明有啲網友話無炒粉麵。每次入大澳，其實都係喺這處食飯。每次都無令人失望，肯定會再之光顧。

大澳馳名小炒睇完好多網上介紹，有介紹這間在大澳的小菜就算疫情，假日都要等位的叫了招牌小菜鹹鮮蝦乾荷葉籠仔飯見到食評上好多人都有推薦這個飯真的不錯，而且很大份入面除咗有蝦乾之外，還有一些海鮮配料仲有豬肉同埋魚肉而且蝦膏非常香濃入味撈飯食一流招牌香煎墨魚餅真係煎得啱啱好，非常爽口彈牙好有墨魚味香芒蝦球這款真的不是很推介，首先不在推介菜式上面本身以為真的有芒果鮮肉配上蝦球原來只是芒果醬，而且蝦球上的炸粉比較多味道真是一般本身還想試試馳名的炭燒燒鵝但晚上七點多已經一早賣晒了

因疫情冇得去旅行，唯有去大澳一日遊當度假。夏日炎炎入到大澳，唔少得掃下街，食吓特色美食。但係因為天氣實在太熱，行咗一陣就決定搵間室內食肆休息一下。三點幾鐘，餐廳裏邊坐咗大約一半人。我哋一行兩人就叫咗咸鮮蝦乾荷葉籠仔飯，同埋炸墨魚餅。對於兩個人來講，份量足夠。荷葉飯大概有六個碗仔嘅份量，墨魚餅亦有八舊。荷葉飯好有風味，配料有豬肉、蝦乾、白飯魚乾同埋魚柳粒，飯面淋有蝦醬，好香好野味。不過食到最後，覺得有啲鹹得滯。另外墨魚餅，略嫌炸得唔夠香，同埋好油。但食落裏面有一粒粒墨魚肉，有咬口。整體來講，價錢稍貴，但如果下次再去大澳，都應該會再encore。

上個月因疫情放緩了，就和朋友前往大澳走走，我們在東涌乘搭11號線巴士前往，我們在中午時段前往，朋友已經訂了“橫水渡小廚“這餐館，因網上很多去過大澳的人都有介紹，所以都不妨試試心態，我們大約中午12:30便到，侍應帶領我們進內，入內冷氣已經很微弱，最後帶我們入到最入的位置，這裡好像用帳幕搭成，而且是沒有冷氣的，只有幾把大風扇，但當天的温度是34度， 真的不好受呢？但沒有辦法下只好坐下，我們點了 “魚香茄子煲“，“ 香煎墨魚餅“，“ 咸鮮蝦乾荷葉籠仔飯“， “香芒芝麻蝦球“， 當然少不了幾支凍汽水，不過最可惜是汽水不夠冰凍呀。說實話當天真的熱到沒有心機吃，就算味道不差也沒有胃口呢？“魚香茄子煲“都有咸蝦味的，如撈飯都是首選的。“香煎墨魚餅“，墨魚餅內真的有一粒粒的墨魚肉，除了在口感上作出貢獻，味道也特別鮮甜。“香芒芝麻蝦球“我嫌佢炸得太乾身，所以有小小硬呢？。“咸鮮蝦乾荷葉籠仔飯“加入鹹鮮去蒸，飯就更添鮮味。總括來說食物是不差的，但如果大熱天氣下去吃大家要有心理準備呀😌

📍#橫水渡小廚 📍Tai O Crossing Boat Restaurant #TaiOCrossingBoatRestaurant.🇭🇰香港大澳吉慶前街33號地下🇭🇰33 Kat Hing St, Tai O, Lantau Island, Tai O, HK.🌐📌大澳.人均消費: HKD350 (包自來海鮮).味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆🔆.好幾年無去過大澳，大澳俾我嘅印象係好寧靜但要暴曬的水鄉🔆🔆🔆今日一行11人，舟車勞頓，10點出發，又坐車又坐船，差不多1點入到去就可以食午餐😂入到去係小魚檔買咗蝦，蟹，同一條海方利去加工！今次選擇橫水渡小廚，食下人家的水上人菜式！.💯炭燒燒鵝 (半隻)🦆HKD288見到炭燒燒鵝已經流口水🤤皮薄仲要燒得好脆！入口一陣陣的炭燒味，但一啲都唔燶！肉帶肥帶瘦，口感好軟好鬆化，一點都不膩，愈食愈想食！蘸酸梅醬一流！.💯椒鹽脆皮豆腐 🔥HKD95本來無點，見到隔離枱食又點咗碟😂好正！外層炸得好脆好薄，豆腐滑到不得了！雖然豆香不算好濃，但食個滑度已經值回票價！.⭐️豉油皇大蝦🦐蝦

今日真係不似預期因為夥計話啱啱送走左80人訂餐夥計話係叫就快啲叫啦因為收工當時係晚上6:30嗱嗱臨打開張餐牌叫咗幾樣餸冷氣入去嘅時候好強勁嘅⋯正喇！點知坐坐吓到食嘢嘅時候我覺得冷氣已經好似閂細左！唔緊要最緊要好食⋯但係今日已經好似唔同咗！西檸雞真係可以唔使再叫粉多過雞肉！份量大都無用⋯魚香茄子煲都叫做OK嘅！不過明顯係沒有鹹魚粒！肉碎都非常少反而茄子就OK！蝦醬腩肉片可以！炒飯好食嘅蝦醬炒飯！就唔會太鹹飯吵到粒粒鮮明！唔講咁多啦自己衡量一下啦！