樓下冰室

營業中

休息中

回 妨 系 列 …無錯！我又嚟食樓下冰室啦😊 今次唔係食招牌瑞士雞脾啦，試下其他野，走出自己既comfort zone😄😂-☆ 自家製叉燒滑蛋飯 HKD$50嘩！估到份量超大碟，叉燒同滑蛋超級多，足足鋪滿成隻碟，遮到完全一粒飯都見唔到，一個女仔一定食唔哂！滑蛋賣相十分吸引🤩 滑蛋炒至非全熟，保留左好多蛋汁喺上面，睇見已經好想食🤤 而叉燒屬半肥瘦，少少肥膏夾雜喺叉燒內，不錯的，但略嫌有部分太肥了，有少少油膩。但整體滿不錯的，滑蛋同叉燒本身都好夠味，加埋甜豉油一齊食，非常滿足💕

茶餐廳應該是香港人一星期至少會去一兩次既地方。*蕃茄湯通粉滑蛋配麻辣脆雞粒（$50）蕃茄湯超濃而且好多蕃茄，酸酸地好開胃；通粉嘅份量好多；炒蛋煮得很滑；麻辣脆雞粒新鮮炸起，辣度尚可接受。*咖喱牛腩飯（$48）朋友點的咖喱牛腩飯；牛腩煮得不夠，所以肉質不算太淋。*瑞士雞髀（$28）瑞士雞髀煮得超入味；味道甜甜鹹鹹的；雞脾肉亦超滑！*阿華田脆爆（$10）超濃的阿華田味，味道較甜。*綠椰冰（$11）朋友點的，由綠豆冰和椰漿製作。

這家冰室在我家樓下開了也有一段日子，但今日才為大家介紹，是因為它的裝潢實在特別，特別在於舊式香港風格呢！潮流興懷舊、記掛昔日情懷，大概人老了，年紀大了就會開始想當年吧？舊日的足跡又豈止在店內的懷舊裝潢，其招牌菜也令你回想起兒時的快樂！大大隻瑞士雞脾，我想每一位小朋友兒時也會嚷著要食！雞脾愈是大隻就愈覺美味，瑞士汁更是取其諧音，Sweet,Sweet，成為香港獨特味道，咸中帶甜，令人回味！蕃茄湯通粉，味道濃郁且帶有鮮茄蓉，色香味皆有，如此真材實料令我聯想以往童叟無欺的街坊食店，更加令人懷念！再加上滑滑的炒蛋、爽脆的鮮豬膶，新鮮的味道令人垂涎三尺！忌廉紅豆冰，本次去冰室的目的絕對是衝著它而來！以往閒餘的時候，相約朋友飲杯紅豆冰，就像今日朋友相聚於連鎖咖啡室一樣平常！粒粒飽滿的紅豆配上奶香，加上鮮忌廉的甜滑，一如以往受到街坊、小朋友們的追捧！

近期呢一類比普通茶仔質素高一點嘅冰室，盛開嘅程度猶如雨後春筍，其中有間喺我公司附近，喺駿業街街市對面嘅，每逢星期一至五嘅食飯時間，門口都會有三四十人喺度排隊等食，有次星期日下晝經過見佢唔使排隊，入去試過一次，感覺確實係幾高質嘅，不過又覺得唔值咁貴，同事話喺佢屋企樓下有間高質過公司附近嗰間茶仔嘅茶仔，重點係無人地咁貴，今日過開嚟荃灣，點都要嚟証實一下。揀咗幾樣招牌中嘅招牌，咁就唔怕嗌錯啦。華田脆脆，呢杯華田脆脆貌似我至愛嘅美祿恐龍，估唔到連味道都非常似樣，有住滿滿嘅華田味道，上面係脆卜卜嘅脆粒，比起淨係落美祿粉嘅美祿恐龍，口感層次更加豐富。招牌瑞士雞髀配粟米雜果沙律，瑞士雞髀作為餐廳嘅招牌，果然不同凡響，雞髀滷得異常咁入味，雞髀肉超級嫩滑，咬落蘊含豐富嘅肉汁，配合著瑞士汁微微嘅甜味，我幾乎想嗌多一隻。焗芝士肉醬意粉，肉醬意粉上枱嘅時候香噴噴，醬汁味道香濃，廚師將芝士焗到微微焦脆， 意粉嘅口感係我哋港式嘅Al Dente，侍應細心提醒意粉啱啱焗起，個碗好熱。自家製滑蛋叉燒飯，見到隔離枱個滑蛋咁滑所以忍唔住嗌，滑蛋嘅滑溜程度確實係無敵， 叉燒方面係全瘦叉，可能喺口感方面會稍遜，不過就更加健康

間冰室位於悅來酒店對面商場，地理關係，由朝到晚人流都好多。一入舖就覺得好懷舊，成間舖大都以懷舊風裝修，掛咗好懷舊地方既名牌 幾有feel呢度早餐選擇唔多，今次叫左蕃茄餐肉通跟煎雙蛋多士+凍咖啡蕃茄湯底加餐肉係哩度招牌早餐之一，雖然個蕃茄湯好濃，好似好杰，但入口唔會漿住個口，都幾滑同有甜甜蕃茄既香味😋蛋既煮法只有炒蛋同煎蛋兩種，我叫左煎既 蛋煎得幾靚，但可惜冇乜蛋香味多士幾脆，但質地就比較實，入口較硬

香港人愛茶記，奶茶☕️、西多士🍞、紅豆冰🍧、菠蘿油🥞呢典經典項目，伴我哋成長之餘，新一代一樣咁like 👍 將70年代嘅冰室重新展現，故勿論是否懷舊，裝修元素已經好有睇頭，涼涼爽爽幾十蚊已經可以坐得舒舒服服，食物款式又多，真係愛佢❤️不分早晚🤪瑞士雞翼、瑞士雞髀靈魂就梗係個瑞士汁喇，呢度嘅瑞士汁，甜度適中，醬油香滑，雞髀雞翼入味之餘，仍然保持肉質嫩滑，除咗係美味小食，淨係個瑞士汁都可以食多兩碗白飯🍚🥢沙律就係簡簡單單嘅罐頭什果、加啲薯仔加啲新鮮蘋果，唔知點解咁好食，一來用料新鮮，二來係沙律醬嘅神奇功效，廚房果然有料👍👍👍鮮茄牛肉🍅燴意粉，碟頭夠大件，牛肉🐮多到呢，最鍾意佢多醬多汁，啖啖意粉夠晒足料，酸酸甜甜好鬼開胃，如果減肥千祈唔好掂佢 🤪🤪🤪開心兵團😍😍😍全部都係豆冰fans , 綠椰冰，紅綠椰冰，忌廉紅豆冰都係綿綿豆豆變化出來，椰汁🥥香，豆豆冧滑，大家都飲得好開心🥳茶記☕️四圍都有，如果「樓下冰室」就係你樓下，佢一定令你每天都愛佢多一些呢❤️

朋友約我話「樓下」食野，我問即係樓下邊度？佢話唔係我樓下，係荃灣熊貓🐼酒店附近嘅「樓下冰室」😂原來係懷舊裝修設計的港式茶餐廳，咦！佈置得唔錯喎，好有懷舊風情，六、七十年代嘅感覺🤗餐牌林林總總，好多嘢食，一時間樣樣都想食，樣樣都想叫，而且全部都經濟實惠😬首先叫咗佢哋嘅招牌瑞士雞翼和瑞士雞髀，淨係睇啲顏色已經流晒口水，仲配埋多士和沙律🥗，嘩！瑞士汁顏色好靚，睇落好油潤，食落夠入味，甜甜的，有番細個果時嘅味道👍🏻另外叫左個鮮茄牛肉意粉，又係兒時回憶，記得做學生時期好興食呢個，嗰時啲午餐，來來去去都係嗰幾款，不過又真係好夠味又開胃；菠蘿包更加係香港人至愛，點少得喎😬最正係呢個滑蛋叉燒飯，半肥瘦叉燒，厚薄適中，加埋滑蛋，份量十足，強烈推薦😋紅豆冰、凍飯都唔會令人失望，賣相又吸引👍🏻成枱都係美食，埋單只係三百零元，真係抵到一個點，以後又多一個好去處😍

朋友有講過這裡的蕃茄麵十分好味道，所以今日來到附近專程來食晚餐，但他沒有講這裡的裝潢都十分特別，餐牌選擇都不少，但我已給另一桌客人的咖哩吸引了，最後反而叫了金牌咖哩要了牛腩，而且仲可以用半價來買飲品，當然就了我最愛的華田，飲品首先來到，沒想到這裡仲有不少脆脆在頂，華田脆脆$11又大杯好抵飲。咖哩都好快來到，用了一個碗裝住咖哩十分方便食，咖哩十分香又惹味，入面薯仔好入味又淋身，牛腩口感剛好好濃郁牛肉味。而我小食就叫了焗芝士西蘭花，芝士來到熱呼呼在面好香，西蘭花又不會煮到太熟，仲有少少粟米。食完都已經十分飽，坐下來慢慢飲完先離開，等我下次再來試朋友推介的蕃茄系列粉麵同雞翼先。

最近每次去荃灣都會去有一個地方去，就是去大窩口的樓下冰室吃一份雞脾沙律，這次也絕不錯過。菠蘿油牛油未吃已開始溶化，令麵包味道更香濃、酥脆。招牌瑞士雞脾配牛油厚多士及粟米什果沙律肉質非常嫰滑，瑞士汁滲入雞肉裡，非常好味，而且還有牛油多士和沙律，減少油膩感之餘，也令味道不會太單調。炸韮菜餃子一碟八件，炸得外脆內軟，韮菜味道濃，超讚。自家製叉燒滑蛋飯份量十足，雞蛋不會過熟，非常滑嫰，每一口飯加一點叉燒和雞蛋，味道更為豐富滋味，紅豆咖啡紅豆與咖啡滿配的，在夏天喝一杯，份外涼快。

在荃灣有一間以港式食物出名的餐廳就是樓下冰室在這裡裝修十分有懷舊的感覺一些以前在經常用的字眼也會在這裡看到特別是小時候經常看到的的豉油餐招牌也有在這不能不吃的是由小食到大的瑞士雞翼在這裡的瑞士雞翼單點有3隻而且每隻雞全翼都份量十足味道十分好咸中帶甜而且雞翼的口感嫩滑沒有煮得太過火而變硬瑞士汁也是給了很多這汁拿來配飯一流潮洲蠔仔肉碎泡飯蠔仔鮮味加上蔥香可能會有人覺得是腥味但我十分喜歡這種蠔仔的鮮味這泡飯的湯底鮮美濃郁加上每粒也是肥肥飽滿的蠔仔令人一口接一口地吃雞湯浸什菇娃娃菜爽滑娃娃菜配上鮮味雞湯可以喝得到不是用雞粉開的湯加上菇香味更加香濃而娃娃菜沒有苦味新鮮爽滑這裡的份量真的很足而且味道很好價錢也不是太貴有很多家長也帶小朋友來這吃飯會令人回想到以前呢

朋友知道我非常喜歡食冰室，除了有香港地道味道，有時更可以吃到冰室獨有的創意口味。今次特地帶我到荃灣一家冰室，他吃過後覺得味道不錯，所以帶我去了嚐嚐。這間冰室在悅來酒店附近，非常方便。餐廳裝潢充滿舊香港的特色，除了門外的霓虹掛燈外，餐廳裡亦掛滿了舊香港的商舖招牌，非常有特色。餐廳提供了非常多款食物，有主食類亦有小食類。蕃茄迷的我點了餐廳推介的地表最強蕃茄濃湯粉麵，配上了牛乳炒滑蛋，更可多配一至兩款食物，便點了黑椒牛扒。牛扒軟稔入味，份量亦不少。蕃茄濃湯超重蕃茄味，還有粒粒的蕃茄蓉，絕非只加茄汁了事，很足料。朋友點了咖喱牛腩飯，咖哩不油而夠香；牛腩份量亦不少，牛腩炆得非常入味，伴飯一流。另外還點了餐廳另一招牌小食，瑞士汁雞脾，雞脾很大隻，入味之餘雞肉非常嫩滑，最後還另點了一份外帶，真的好好吃。喜歡吃香口東西的友人還點了一份麻辣炸雞粒，每粒雞粒都撒上了辣粉，非常惹味，而且炸粉不會過厚而沒有肉食那種，很快便清碟了。這間冰室有水準，食物質素高，難怪爆場了，一直都有保持人流，朋友果然沒介紹錯。

冰室餐廳林立街道，我想全因冰室的特色都蠻適合香港人的口味。今天在朋友的介紹下來到近悅來坊的荃薈商場那邊的一間冰室，朋友說質素也不錯的。「樓下冰室」的裝潢充滿懷舊風格，霓虹燈、燈箱掛牌等等都讓人聯想起香港的經典。有海報大大標示餐廳推介的地表最強蕃茄湯通粉，蕃茄湯粉套餐可選多款食物，更有牛乳炒蛋配送，最後我點了一份蕃茄濃湯螺絲粉配黑椒牛扒。牛扒醃得入味，肉質非常稔嫩，完全不榎口。蕃茄湯的蕃茄味真的非常濃郁，並非只有色無味的那種，而且可以吃到一粒粒蕃茄蓉，最後我把整碗湯都喝光了。友人點了一份吉列豬排飯，份量驚人，一大塊豬排遮蓋了整碟米飯的位置。豬排外表炸得非常鬆脆，而裡面的豬排仍保留了鮮甜的肉汁，肉質亦爽彈。其實餐廳的食物種類真的不少，有主食烡亦有小食類，全部價錢都非常合乎性價比。飲品方面除了一般的餐飲之外，都有提供多款的特飲，我們點了華田脆脆，即阿華田加上朱古力脆脆，口感有層次之餘，亦令整杯飲料更加濃味可口。

香港人對冰室，有特別的鍾情。冰室充滿懷舊風味，有七十年代的玩具、懷舊戲院掛牌、別緻的可樂樽胡椒粉，裝修有心思，環境舒適乾淨。蕃茄濃湯通粉配牛乳炒蛋+吉列豬扒 $50 必食新鮮番茄做的濃湯通粉，大塊豬扒外皮炸到金黃香脆，配埋沙律醬，一口蕃茄湯粉，一口豬扒，開胃又滋味。牛乳炒蛋啖啖軟嫰，浸泡在蕃茄濃湯，特別清新。金牌咖哩牛腩飯 $50牛腩入口軟腍，充滿誘人咖哩香味，咖哩汁香而不辣，薯仔入味又軟糯。白飯足2人份量，咖哩汁撈飯一流，不經不覺把整碟飯吃掉了!招牌瑞士雞髀 $28/ 瑞士雞翼三隻 $33招牌瑞士雞翼及雞髀，瑞士汁是用頭抽製成，特別惹味。雞肉入口嫩滑多汁，雞皮相當滑溜，配上蜜甜的瑞士汁，舐舐脷指數爆燈。炸韭菜餃子八隻 $32外皮炸到金黃香脆，每隻也脹卜卜，裏面填滿韭菜和肉碎，口感脆卜卜，入口充滿肉汁，散發出陣陣韭菜香氣，沾上沙律醬，更添惹味。西多士 $25西多士即叫即做，難怪馳名已久，簡直是邪惡的化身! 把牛油塗上熱呼呼的西多士，牛油慢慢溶化和被吸收，令人垂涎。西多士內層夾滿軟滑花生醬，香滑、軟綿，加上蜂蜜糖漿的升華，是我的最愛! 綠椰冰 $26去衣綠豆蓉差不多有半杯分量，起沙而口感

有特色嘅茶餐廳越開越多，而樓下依間裝修得好有特色嘅冰室。7:00多已經開始要排隊#芝士煎蛋豬扒包 $35麵包烘得好脆口，咬落去卜卜脆，豬扒新鮮熱辣煎好，再配上新鮮沙律菜，沙律醬配搭得宜。#瑞士雞翼 $33/3隻色澤金黃，嗅落已經有濃郁嘅花椒及八角的味道。滷水雞翼滷得不會過火，肉質依然嫩滑。#吉列豬扒配牛乳蛋治及粟米雜果沙律 $53吉列豬扒新鮮炸起，大約手板般大小。牛乳蛋治，雞蛋厚切🥚而且熟到剛剛好。一般起出邊好怕食到雜果沙律，因為多數都係整咗好耐，開始已經出水。但可能因為餐廳人流不斷，沙律食落都幾新鮮，而且冇出水嘅狀。#華田脆脆比起外邊飲嘅阿華田，味道更加濃郁。加埋脆脆口感更加豐富。而且呢個天氣，餐廳冷氣夠晒涼，認真覺得舒服😌

冰室愈開愈多，是香港人的恩物，全因用一個划算的價錢就能吃到大量的食物，真的很有滿足感。之前在荃灣逛街也發現了不少冰室，逛過路德圍，有不少美食在那兒，聽說一間叫「樓下冰室」的餐廳很有名，但這天不在那邊，而是近悅來坊的荃薈商場那邊，吃完晚飯後便和朋友在悅來坊逛逛。裡面的裝潢十分有懷舊風格，「士多」和「茶檔」等字眼都令人想起香港的經典。樓下冰室的蕃茄濃湯通粉十分有名，可選一餸、兩餸、三餸，也可選擇搭配各類特色小食。單點的小食種類也有不少，來到冰室當然要嚐很多款小食，有特色又便宜。不想吃小食的人也可選擇吃主食。不少冰室都會有一些特飲，這裡則有華田脆脆，其實即是阿華田表面有些阿華田粉，口感脆卜卜，阿華田則有很濃的朱古力味，不會只有死甜。除了經典的紅豆冰，這裡還有數款特飲，譬如是紅綠椰冰。紅綠椰冰即是紅豆加綠豆的椰汁冰，還真是第一次試這款飲品，紅豆加綠豆竟然真是不錯的配搭，紅豆有補血的作用，綠豆則有清熱的作用。這裏最有名的是蕃茄濃湯通粉配牛乳炒蛋，貌似沒什麼特別，其實蕃茄湯的蕃茄味十分濃郁！能感覺到不是罐頭湯，而是新鮮蕃茄弄出來的湯蕃茄湯也不會很酸。牛乳炒蛋滑溜溜的，新鮮熱辣。說是德國什腸，我當然