樂天經典 (奧海城二期)

營業中

休息中

上茶樓品茶和一盅兩件是老媽的習慣，當天突然想到為老媽轉換活動地點，攪攪新意思來到她甚少到訪的大角咀。 跟老媽說提議不上酒樓，換換口味好了，於是兩母女在商場裡玩著覓食遊戲。老媽問「樂天」吃什麼的？我說是小龍包，於是我倆對望了一下，然後互相點頭內進！ 剛中午十二時，「樂天」的客人較疏落，在坐食客大致是街坊的捧場客，環境安靜。侍應先給我們端來老媽愛喝的普洱重，閃亮亮的懷舊銅壼，非常耀眼！ 一會老媽架著眼鏡在投訴找不到小籠包，這樣一說腦海中出現無數問號，然後我把餐版搶過來，翻了好幾遍，真的沒找到小籠包，細閱介紹後才得知「樂天經典」是主打懷舊南洋菜式，非平日所接觸小籠包的「樂天」，哎喲.....完全不一樣！ 脆醬美人魚 HK$52 看來懷舊南洋菜式挺合老媽眼緣，還自行發辦了好幾道菜式。先來的是冷盤 — 脆醬美人魚！脆醬美人魚由一尾尾小魚堆起，小魚質感香脆，吸收了甜甜辣辣的醬汁，口感與味道恰似坊間小吃的魚乾，不單開胃，佐酒亦是一流，可惜當天沒喝酒！ 招牌扣肉包 HK$44 （HK$22/個） 招牌扣肉包帶點邪惡，愈邪惡，便愈能吸引老媽！ 招牌扣肉包 將白包子夾上五花扣肉和生菜，邪惡正式燃燒。白包子

賀一賀表姨甥女考完晒試，專登約佢食番餐，仲記得佢好似未試過南洋菜，所以，約佢嚟「樂天客棧」試試，因為食過有信心。但原來靜悄悄咁改咗名，新店叫「樂天經典」，不過，走入店內，印象中個環境跟上次嚟嘅一樣，咁其實唔知點解好哋哋佢哋會改名！言歸正傳，7:00pm嚟到客人唔到，但到8:00pm就差唔多坐滿，今晚都只喺閒日，相信周五、假日更喺絡繹不絕。咪睇佢哋門面細細，入面其實好大，枱與枱之間無一般中菜館嘅弊病排得過密，空間感足，讓人感覺舒服。而裝潢樸實而摩登，光猛整潔，少少古色古香嘅木架櫃用作襯托，帶出少少南洋風。打開餐牌，有餐廳嘅自我介紹，而餐牌印刷相當精美，圖文並茂，別類分得清晰，有湯品、冷盤、豆腐、肉類、海鮮、菜類、飯粉麵、星洲米線、飲品及甜品，概略計一計有近90款食物，不愁無嘢唔啱食。最貼心喺大部份菜式都設有大、中、小份量供選擇，可按人數選取適合份量，又或多心想試多啲嘢，可以揀晒細份。後頁仲介紹吓南洋中菜嘅起源，而菜式揉合南洋風味及東南亞香料，例如醬料上加入娘惹咖喱醬、參巴醬、冬蔭功醬、南洋咖啡漿……等等，有不少頗有心思嘅菜式！醬油花生、栗子 $15等表姨甥女期間，除睇睇餐牌，就吓咬吓小食

之前帶爸媽來過，近來媽媽又再提起，所以再次光臨，但發現餐廳已經改名為樂天經典，但也沒有令我們改變主意。基本上裝修沒有變，還是一樣寬敞舒適又光線充足。至於小食仍然是我們喜愛的花生和栗子，稔身入味很不錯。家鄉鹵元蹄 $148店員很輕鬆就切開，相信一定好腍軟，吃下去果然，外皮好軟好有膠質，不過肉質沒有想像中嫩，比較有口感的，很入味。金銀蛋浸時蔬 $83上湯味道夠，但不會咸，莧菜很新鮮不會老。油浸銀雪魚 $162不愛吃魚骨的就必點這道，外脆內軟魚味濃，沒什麼可挑剔的。三色貴花班蘭糕 $38賣相漂亮的三色相間，桂花糕清甜、斑蘭糕香、椰汁味濃的椰汁糕。職員依舊有禮，食物亦保持到水準，我想我們一家不久後又會再來！

今晚在奧海城看戲，所以便看看有甚麼美食在商場，經過看到這家樂天經典，好像不錯很對胃口，便進去試試看。店內裝潢雅緻，座位之間有空間感，感覺寬敞舒服。我們剛好坐在卡位，感覺也很不錯，店員態度亦有善。小食是很腍的花生和栗子，個人十分喜歡。《淮山杞子鮮螺頭湯 $168》餐前點個老火湯，潤潤喉暖暖胃，湯料多火喉足很夠味。《聚寶海鮮豆腐鍋 $108》上面鋪滿肉松，數粒蝦仁，醬汁濃稠度剛好不會太稀，豆腐吸滿醬汁帶點微甜，最好配上一碗白飯。《香脆灣月黃立鯧 $98》菜如其名灣月，賣相漂亮整条魚都是彎起來的，像跳出水面一樣，很生動，真佩服廚師的功夫，外皮好薄好脆很干身，而裡面非常的汁潤，肉質嫩滑。《古早魚香老鼠粉煲 $98》老鼠粉這名字我也是第一次聽，跟銀針粉不一樣嗎，用砂鍋上能保持熱度，店員會把醬和蛋撈混，令人更加有食欲，又香又滑，粉和蝦同樣夠彈牙。《招牌酸甘香茅凍 $28》果凍冰冰涼涼很Q，不會太飽而且味道帶酸很消滯，不錯！ 《椰子西米露湯圓(熱) $35x2》椰香味濃，芝麻湯圓皮薄餡靚，不過等得有點久，後來準備走的時候，貼心的店員已經為我們打包好，服務很到位。餐廳整體很不錯，食物質素、環境、服務都

唔記得影個海鮮炒飯。海鮮炒飯蝦子味超香，海鮮粒好多，全部海鮮都好新鮮！銀針粉個汁好好味，連湯食埋都冇口渴，唔覺有用味精。下次一定會再見因為真係好好味。麥皮蝦，同新加坡食嘅一樣，最正係啲蝦冇殼！一啖麥皮一啖蝦，又爽口麥皮又甜！煎王立倉魚，賣商超靚！好似高級餐廳酒店咁！魚味冇太重，但一啲都唔腥！肉都算柔嫩。金銀蛋莧菜，好普通嘅餸！但係果汁竟然好好味！最欣賞lee 一味，冬菇扒海參！海參多到你唔信！冬菇超彈牙！個汁又好正！湯，有得一路熱住！

由湯，到餸到飯同麵！每一味都令我回味無窮！我本身唔鍾意食中餐，但佢每一味都整得好精彩！當歸雞湯，超甜！唔鍾意藥材味嘅老公都忍唔住飲左2碗！當歸味好重，雞味好濃！唔洗200蚊嘅冬菇海蔘！海蔘食極都有！超正，入口爽，個汁味夠濃！大愛！麥皮蝦，麥皮好甜，超多麥皮、蝦爽脆新鮮！老鼠粉，即系銀針粉。佢有一小疊鹹魚加桔仔汁，撈埋一齊食。鹹魚味道不會太重，桔仔味好正！小小酸味，好開胃！仲有隻溫泉蛋！撈埋一齊食真係好正！冇諗過銀針粉都可咁出色 。魚，有人幫你開埋！服務好好以為唔會有特別嘅甜品！竟然都係好出色！唔識講，推薦大家叫黎試！必定會覺得好好味！

媽咪一向都好鍾意食喇沙，所以就帶咗佢嚟樂天經典，好肚餓呀！一坐低即刻點左個喇沙海鮮米線，好好味而且好足料，媽咪仲話好有星加波嘅感覺，另外在點咗個老鼠粉煲，口感煙煙銀銀好得意。苦瓜排骨嘅苦瓜不太苦。招牌扣肉包有三份材料：一.包皮，二.扣肉，三.生菜。肉質夠淋，食完都覺得好飽。最後點左個砂煲花菇西蘭花海參同媽咪補一補，雖然係點左個細煲，但份量都相當十足。同媽咪都覺得都覺得好味道。環境氣氛舒適，所以下次會再嚟。

人離鄉賤是無法避免的，當你在某個區域形成一定的勢力，人際網絡建立起來，又夠時間左調去另一個區域，令人傷心，上班也失去動力。但這家新加坡集團，好像卻在港越開越多，越來越盛行，本人當日來吃還看見東張西望女主持梁麗翹😏一坐低就有一碟小食，有些花生及栗子，栗子非常之軟林，都是化境，一口咬下，會散開，微甜美味，非常開胃。特選溏心皮蛋，中間部分呈流質狀。報道說這是古早風味，搭配小碟酸柑汁，上桌時才把鹹魚泥加入。老鼠粉，像銀針粉，兩頭利。以中式粉麵而言，算是較粗身而具彈性。煲仔端上，較能保暖，煲內有蛋、鹹魚碎、椰菜花，微微魚香，鹹酸味般☺️。荔枝咕嚕肉好像只找到兩三顆荔枝，咕嚕肉肉大粉薄，味道還不錯，酸甜度剛好。腐乳空心菜，「菜框」部分比較硬，還是比較喜歡吃菜葉，黏著較多醬。豆腐與蛋，蛋漿在鐵板上熟了，豆腐像大塊西多士在鐵板中央。鐵板中央，有豆腐一磚，仿似立在湖上。豆腐外皮脆，內裏滑溜，但沒甚麼味道，卻也不像百福豆腐，沒甚麼豆味🤔香茅凍酸中帶甘桔甜香，清新醒目，滑溜口感，甜品佳品。楊枝甘露，看似膏狀，實際流質。

Yo...平時出街食食埋甘多野今日開始寫食評平時都係食開樂天皇朝, 之前見到同一集團係奧海城開左間樂天經典已經心思思想試.(因為菜式更加吸引)今日來到食lunch, 可能因為星期六中午未係好多人所以都唔洗等位.入到去坐低發現係可以有個無敵景觀可以望海果邊的(可惜無影到相) 好開揚, 食飯心情都好D其食有好多都想試但我哋只有2個人所以只係叫左3樣野食.最後已經食到好飽好飽.個包好軟好新鮮, 以22蚊一份有2块肉, 放曬係包入面已經爆出來了, 但如果多少少菜會更好呢個係有大中細份的,問左侍應原來細係有8只的, 我哋一人4只 雖然寫係蝦醬但我哋2個都覺得無蝦醬味似南乳鷄翼多D, 但唔緊要呢個都好好食, 鷄翼唔係平時出面食細細只而係大只仲要好入味.贊吖!呢個暫時係我食過既叻沙之中覺得最好食既, 可能本人好鍾意椰汁.呢個湯好濃,里面有半只蛋,蟹柳,豆卜(呢個淋D 仲正), 蝦同魚(個魚好滑好食)總括來講環境好--枱與枱之間有空間同開揚, 一家大細來食不錯最後埋單時發現價錢好似比餐牌既價錢平左....原來某D 面/飯有半價! 即係叻沙只係HKD32!! 正吖~價錢算係中上但食物質素不錯, 係會再來

雖然早已跟母親大人吃過母親節飯，但母親節將至，又見她是喇沙控，所以特意帶她到樂天經典嚐他們好評如潮的喇沙湯海鮮米線。帶她到這裡用膳多少也有點私心，其實自己也是一個喇沙控。樂天經典設計優雅，光線充足，座位舒適又寬敝。坐下不夠，他們便隨即送上茶來。今次點的是香片，茶味不算是濃，但卻非常清香，而每位茶錢只是七元，相當合理。小食 – 烚花生栗子 $15花生和栗子均烚至粉糯，一直以為自己只喜歡脆身的花生，想不到吃過了這粉糯的花生，發現自己也十分喜歡，而栗子除了粉糯外，還帶有香甜味，吃上去更為討好。酥炸豬肉蝦棗 $68豬肉蝦棗炸至酥脆可口，酥炸豬肉蝦棗的油份使香濃的豬肉味更為濃郁突出，每一口豬肉蝦棗都吃到濃濃的肉汁，而肉汁裡又滲透出一股五香粉的芳香，的確一流! 不知是否肉味濃郁而蓋過了蝦的味道，整體上沒有怎樣嚐到蝦那種甜美，但相信蝦的鮮味早已融合在豬肉之中才令這豬肉蝦棗鮮味十足而彈牙。馬來風光 $73 (S)由於當晚只有母親大人跟我兩人用膳，所以我們特意點了個小的馬來風光。雖然說是小的馬來風光，但份量也不少，對於愛吃蔬菜的我絕對是喜訊。馬來風光即南洋參巴炒通菜，通菜顏色嫩綠，一看便知極為新鮮，用上

黎過好幾次。可以話正宗新加坡風味！今日食咗個扣肉包，海鮮叻沙。招牌扣肉包真係好好味。但海鮮叻沙就感覺椰奶多咗啲。如果多啲人你可以嗌餸會仲好食。由於一個人食唔到咁多，唔係就好想嗌蝦醬雞同埋啲甜品。但是服務態度就差左好多！門口無人接待，入到去有個職員講緊電話又知我去咗張枱。問我飲咩茶同佢講完佢有冇攞嚟。上菜嘅時候侍應線手，賓一聲擺個碟係我張枱。上碗麵嗰時又係一樣崩一聲。

講到「樂天經典」，不得不多介紹它的背景。此為新加坡樂天餐飲集團的品牌，集團始於2008年由年僅三十多歲的蔡氏兄弟創立，竟然在短短十年內打進亞洲各地開設13個餐飲品牌！年青兄弟帶領的飲食王國，居然有如此實力。我很喜歡在這裡晚餐。它的菜餚算得上是南洋式的fusion中菜！說fusion是由於菜品的烹飪方法帶有新加坡等東南亞國家的特色，但就由中㕑用中式食材製作。除了味道獨特以外，點菜都可選大中小份，人少的點小份不會浪費掉。三杯鴕鳥肉煲（小）$116勇敢的我首次試點鴕鳥肉，對它期望不高猜想應會比較韌，想不到口感很好，有嚼頭但不會難咬開。肉味香濃！菜香鐵板豆腐（小）$90幾乎每次都會點的招牌豆腐！豆腐本身清淡，但醬汁惹味，加上菜甫夠鹹香可口，鐵板上更夠火氣。重點推薦可配白飯！金銀蛋浸時蔬（小）$83這款不過不失。順帶一提要說這餐廳缺點的話，青菜是比較遜色的，價錢貴之餘選擇不多。非不得已可不點青菜。餐廳價錢屬中高水平，但菜式的味道有保證。調味偏濃又不會感到油膩，食過還是會一試再試！

一進入這客棧， 見到這裏的裝修和鋪陳， 還以為收費會很貴。 想不到價錢親民， 和一般市井酒樓其實價位差不多， 但食物質素和 款待都做得好好， 怪不得如此出名多人幫襯！ 尤其喜歡這裏以小栗子作為前菜， 感覺上比一般酒樓採用的花生更要有誠意~ 卻沒有獅子開大口， 到時十來塊錢一碟而已。 一開始上刺激一下味道，所以來個酸辣素羹， 原本以為酸辣素羹以酸為主， 卻想不到原來是以辣行頭。 對於我這個辣椒初哥， 味道真是太辣了！ 吃了兩口，實在吃不得，也只好放棄。 天麻煲魚頭我就食得多， 以天麻入饌的就很少見。 這款砂煲天麻黃酒雞很特別， 好明顯概念是主打養生為主的食療作法。 酒意不是很濃， 就是隱隱散發著一點酒香， 和雞倒是很配搭！ 感覺很滋補， 想必冬天食會更妥當！ 這客棧的砂煲尤其出名， 眼見每一桌都有一個煲在枱上就知。這款砂煲花菇西蘭花扣海參 新年食就最啱！ 又好意頭， 食材有夠名貴！ 以超多海參炆煮， 原本淡而無味的海參因為吸收了花菇的鮮味，變得好好食。 青芥末蝦球 是特式小菜， 鮮蝦肉爽脆彈牙， 又夠大隻， 巧妙地運用了青芥末， 令鮮味大為增加！ 再加入了蟹子， 吃起來撲撲聲， 整件事

朋友係外國來香港，想食d特色野，天氣又熱又濕，最好係大商場入面揾食，嘆住冷氣等位舒舒服服。揀左黎奧海城，既可以行街，又多野食揀。陪佢地shopping完揾左呢間樂天經典，睇menu好似係中菜，又有d星馬菜,幾多野食，一於試下啦。老鼠粉煲 $98短短一條條，尖尖尾巴，外形得意既老鼠粉，而家好少地方食到啦，有少少煙un,混合左杰身既醬汁，蛋同海鮮，好有家鄉味道。脆炸淮山原來淮山沾左炸漿去炸都好好食，口感有d似炸芋頭，但滑d黏d，香脆可口，仲有d營養價值tim~星洲醬蒸大魚頭 $178魚頭肉質嫩滑，啖啖肉，秘製醬汁咸咸辣辣，好惹味！

早前走過奧海城，早已經發現依度有一間樂天集團得餐廳，看過menu 非常吸引，早已經心思思得想來吃。今天終於有機會到這裡來吃上一頓晚飯。厚厚得一本餐牌，非常多的餸菜和家庭小吃。很有家的感覺。黃金蝦仁。蝦仁非常的大隻，足足有半隻手掌那些大，先是炸熟了，再用咸蛋黃包圍著，非常的惹味爽口。咸香味十足，卻也不會太油膩，餸飯是一流的選擇。糖心皮蛋。糖心雞蛋就吃得多了，皮蛋卻是第一次。味道卻不錯。皮蛋本身已經有一種獨特得香味，加了上半熟得糖心，微甜就很是惹味開胃。雞肉喇沙。喇沙一直都是我的至愛，最愛其椰香。這裡的喇沙正正就是椰奶香十分突出的一款，只要聞一聞就已經食指大動。雞肉非常的嫩滑，入口不用怎樣咬都已經可以吃下去了。