樂天皇朝 (雅蘭中心)

營業中

休息中

樂天皇朝係一間我幾鍾意既上海菜館。生意好得不得了, 有興趣黎食既預早少少時間黎排隊吧!雅蘭都幾多野行, 等待既時間都總算過得快。呢度既價錢一向唔算貴, 所以我地都好放心咁係咁點。叫左炸曼頭, 紅油抄蝦, 生煎包, 干扁四季豆, 原味小籠包, 蒜泥白肉, 上海炒飯。樣樣野都無令我失望lol 唔係誇張有幾位朋友第一次食, 都話想下次帶屋企人食~質素同平時食差唔多啦, 今次新嘗試食紅油抄蝦仁。D蝦肉好爽脆, 皮薄薄, 都幾好味, 食厭左普通抄手都可以試試。另一個新嘗試菜肉雲吞豬骨湯拉麵,呢個清清地, 微甜都幾好味, 麵底都幾靚~ 有彈性~~叫到一台都係, 每人夾左$170.. 勝價比唔錯~

小籠包 我最鍾意就係食小籠包~要講到香港頭幾間食小籠包既 就一定會諗到樂天 聞名不如見面 不如就今晚試一試佢!-菜肉雲吞豬骨湯 首先 我真係好鍾意食湯品類既野因為我非常鍾意飲湯!!呢個豬骨湯夠濃郁 而且飲完唔會口渴菜肉雲吞皮夠薄 好食!!-上海生煎包 好少地方食到有肉汁既生煎包而且個底煎得好脆口-李白醉雞酒味香濃 雞肉嫩滑入味而且骨唔會生到見血 唔錯!-刀切小饅頭 (炸)呢個係每次必食!重點一定係煉奶 煉奶 煉奶好重要所以要講3次 如果無煉奶 簡直就係無左個靈魂!!-肉碎欖菜乾煸豆呢個炒得夠獲氣不過偏咸 反而岩送飯食!-菠蘿咕嚕肉咕嚕肉最緊要係咩 就係一定要炸得夠火喉而且呢個汁酸甜度適中-皇朝小籠包我鍾意叫佢做8色小籠包有齊原味 麻辣 蒜香 芝士 人參 蟹粉 鵝肝 黑松露個人最喜歡就係鵝肝同蟹粉-榴槤小籠包 呢個係店長推介估唔到用榴槤黎做小籠包又幾好食!!

今日去旺角行街～朋友帶我去雅蘭食担担麵～上到去～入面都好多人光顧，店舖佈置好有中國特色～枱亦有多張～坐下後，見到有特色小籠包～個個唔同味道，不過個friend鍾意食傳統小籠包，所以冇order ～我地order左醉雞、擔擔麵、炸饅頭～等左10分鐘，擔擔麵到，麵質好煙靭～唔太腍，好食～醉雞香濃～有好香花雕酒味～亦好入味～有好香既花生醬味～麵質一流炸饅頭好脆，配埋煉奶食不得了下次要一定要同老公試下特色小籠包～～

前幾日去左樂天到食飯，今次已經係第二次係樂天到食飯啦! 記得對上一次已經係 兩、三年前係銅鑼灣係啦! 點解咁耐先再食，原因唔係因為難食，而係次次去到都大排長龍，又成日唔記得BOOK位，所以我成日想食，但係食不得。不過，呢排唔知點解 個心又引起，好想食小籠包，特別係樂天好出名既七色小籠包。去到餐廳，同以前一樣都係要人齊先可以入去，不過都正常同合理既，日日個場都好爆。過左15分鐘左右，D野就開始黎啦!第一個出場既 當然係我黎既目的 -- 七色小籠包第一樣搶黎食既係 黑松露味! 一咬開佢既時候，真係有超香既黑松露味呀! 仲有，我覺得人參味都幾特別，可能有D人頂唔順人參個陣味，但係我又覺得好味同特別。另外，我地仲叫左 外婆紅燒肉雖然呢個爆晒卡路里，但係間唔中食一次，都唔係太過份姐 傳上來既時候，已經香噴噴，佢仲有刀叉比你可以切黎食，都幾細心，另外，紅燒肉既汁都幾多，咬一口再點一點汁，好濃味!!我地仲叫左個蟹粉炒飯 呢個炒飯黎既時候 比我想像中細碗，但係蟹炒同醬汁又幾多WO，不過原來摷鬆佢之後，個炒飯都幾大碟，我同FD食左一半已經好飽!! 再加上蟹粉醬幾開胃!!

好幾次行經，都見到呢間商場賣廣告，鮮明既廣告印有佢地既主打菜 - 皇朝小籠包，好似賣相幾吸引WOR，心動不如行動，約埋朋友去試下先。皇朝小籠包本身仲爭扎緊食原味好，定係叫皇朝小籠包好。既然當初係為左試新野先黎，最後都係決定左點一籠皇朝小籠包。一籠有8色唔同味道既小籠包，包括原味、蟹粉、蒜香、麻辣、人參、鵝肝、黑松露、芝士。餐廳仲好貼心，整左一張紙，係教你味道既順序，點食先最能夠感受每個小籠包既味道。可惜呢個食法只係適合一人獨享專用，同朋友食，就只能夠隔住每款味咁試 XD 其實每款味道都各有千秋，不過我個人都係比較鐘意食原味多D。上海生煎包不過不失既生煎包，包底煎到微脆，餡料幾鮮嫩，不過包內既肉汁略微不足，唔夠juicy，如果再多少少肉汁會更美味。京醬肉絲配薄餅呢個係比較失望既order，佢係炒過既肉絲，用一塊好似食片皮鴨既薄餅皮包住黎食。不過我覺得D肉絲有D”鞋”，雖然醬汁既味道唔錯，不過唔係我杯茶。宮廷驢打滾食飽飽緊係要食甜品喇，點左呢個宮廷驢打滾試一試，大大驚喜。有少少似糯米糍，入面卷住紅豆蓉，而最外面就沾上花生粉。味道好香，口感好煙韌，食落仲有D透心涼，所有份量到好處，雖然係甜品

作為一間上海菜館 兩樣招牌菜都唔好食 其他都ok 又係一間俾傳媒過份追捧嘅餐廳原味小籠包皮有啲厚 汁唔夠多 同埋上菜個陣已經係涼涼地 唔夠熱 本身都唔期望食到好似上海嘅質素 但連本地一啲小店食到嘅小籠包都不如上海生煎包唔知點解個皮可以整到咁粉 同埋個底一啲都唔脆 似係求其煎兩下 同食普通蒸包冇咩分別蟹粉炒飯哩個就整得唔錯 蟹粉都多同好香 但個份量少李白醉雞值得讚嘅係酒味重 雖然好多餐廳都可以整到咁 但總算係今餐飯嘅少少安慰

樂天皇朝第二次到樂天皇朝品嘗上海菜，場地裝修型格，環境舒適，略嫌有點昏暗。第一次嘗試左個幾乎每枱都點嘅八色小籠包，賣相靚，味道亦不錯，以黑色的松露口味和綠茶口味較特別。前菜粟子清甜開胃雪菜蝦人炒飯不會太乾身，蝦稍為小了一點，中規中矩肉碎乾煸四季豆惹味配飯，四季豆嫩滑冇渣竹筒剁辣魚片同樣惹味，魚滑無骨，配菜酸甜度適中，食得辣嘅人拎來配飯最啱，十分開胃今次同友人嘗試原味小籠包，味道一般冇驚喜，尚算皮薄多汁。價錢同與食物水準一致，如果想坐得好啲食得舒服都係一個選擇

Decided to come here for afternoon tea since they offered half price for a selected choices of food. I thought there were only 5 items which are half price as shown in the photo, but actually there are much more choices with the discount, including dim sum, small dishes, and noodles. The standardized tea is quite good. It got quite concentrated after only a few minutes, which some people may not like. But otherwise, the taste of the tea is quite normal. First we had these famous dumplings. They

黎到樂天皇朝，緊係必食招牌菜八色小籠包啦！特色皇朝小籠包 (八色) $98小籠包都可以有咁多吾同既顏色！😳真係好有創意👏🏻 驚喜之作！1.白色就原味啦, 然後店員建議食綠色2.人參味，真係吾講都吾覺係人參味😹講起又覺得有微甘。之後就順時針食3.鵝肝味, 食到個味呀！呢個幾好食 😋 4.黑松露，味道吾突出, 可能香菇蓋過了黑松露味🤔 5.芝士 同7.蒜香 呢兩隻味都冇咩特別。6.蟹粉，幾好食！最後係8. 辣味，真係辣wo， 算係幾重口味，唔怪得建議最後先食😂 不過其實同朋友share 食，吾係一個人獨自品嚐晒所有味道，所以先後次序都唔重要了😌李白醉雞 (雞腿加$10) $78雞肉好嫩滑！雞脾肉更加啖啖肉😚 不過酒味略嫌吾夠濃厚，令到雞肉味道有點淡。酸菜黃魚豆腐湯 $168 （3-4人用）原條黃花魚上！😂 幾新鮮，微甜，吾錯👍🏼 豆腐好滑，魚湯呈奶白色，感覺飲完皮膚又白又滑！😍 仲有好多酸菜同黑椒調味，小妹係好喜歡食酸菜的！😋 個湯好好飲！其實真係大鍋，不過作為湯王既我，差吾多飲光光！😂

雖然不是上海人，但就是非常愛吃上海菜，所以，每隔一段短時間，我便會帶著媽媽吃上海菜，這天就來到旺角雅蘭中心的樂天皇朝開飯。旺角這間分店，我還是第一次幫襯，舖面的裝修雖然不及銅鑼灣的壯觀，但裝修同樣極具心思，既古典又雅緻。由於這裏的佔地挺大，幾乎不用等位就可以入座，而餐廳門外的廚房位置，以透明玻璃窗設計，讓 大家清楚看到師傅製作小籠包及拉麵過程。 來這裏吃飯，又怎可以錯過它們的皇牌菜 – 小籠包，這款皇朝小籠包共有8個，分別用上8種不同口味的天然食材提煉而成，包括：原味、人參、鵝肝、黑松露、芝士、蟹粉、蒜香及麻辣，再混合鮮肉餡製成。吃時先由原味中間的開始，再以順時鐘的方法，順序享用，最後以味道較濃的朮辣味作結。 當然，我最愛是吃蟹粉小籠包，因為蟹粉與豬肉的比例控利得恰到好處，蟹粉鮮味不但突出，而豬肉味道甘香，加上湯汁豐富，吃時蘸點陳醋及薑絲來提鮮，滋味十足。綠色的外皮很難想像它是人參味吧。廚師先用上淮山、杞子、人參等藥材熬水，再混合豬肉搓成，入口會有淡淡的人參甘香味道，但並不強烈，細嚼時還會吃到點點肉香，人參味絶不會蓋過肉餡鮮味。 麻辣口味是以花椒粉及自家製麻辣油等造成，口感帶點微辣，

訂枱時及入座前侍應都再三提醒1.5小時要還枱, 所以唔好食得咁慢 (星期日都咁趕..........香港精神嘛!!).哎呀!!!! 睇餐牌都用左15分鐘, 一陣要再食快D先 (趕.....).我鍾意食麻辡, 所以點一味"成都口水雞"試O下, 仲要加$10轉雞脾($88+10%), 麻辡味唔錯, 但雞係雪雞而且雞脾應該係起走左D肉, 雞脾下面用淨骨墊底原味小籠包(10個) $88+10%,  一個一個精緻皮薄肉滑小湯包 (好正); 我都係鍾情原味, 對五顏六色呢種新潮甚麼人參味, 松露味小籠包沒甚興趣.京味炸醬麵($58+10%)用一個大大既碗盛上, 足夠睇頭而且份量不少.  麵底軟硬適中, 炸醬份量亦十分多.  我認為最抵食呢味.其他我地就只點左素春卷($38+10%); 同蘿蔔絲酥餅($38+10%).  兩者比較我會鍾意春卷多D, 蘿蔔絲酥餅雖然做得好鬆化, 但感覺太油. 本來由頭至尾都好地地, 我爭取時間叫埋甜品， 但如果你對豆沙窩餅有期望, 有要求的話， 你會好㷫😞個豆沙窩餅($46+10%)上枱時我望一眼就知唔掂(見圖), 外面成塊雲吞皮咁, 一食......(@)(#*$&

講起樂天皇朝， 一諗就會諗到八隻色既小籠包今次終於同朋友來食晚飯啦，一坐低諗都唔諗梗係點八色小籠包啦一籠八色小籠包，八隻色，每隻色有一粒黃色係咖喱味綠色係人參味啡色係鵝肝味黑色係黑松露真係食得出黑松露味既小籠包，都幾夾幾好味橙色係蟹粉蟹粉小籠包食得多，一d都唔陌生呀黃色係芝士味芝士味唔太濃，加埋小籠包有d奇怪灰色係蒜香帶有點點蒜香既小籠包，都唔錯粉紅色係麻辣唔太辣，幾易入口白色係原味8隻色入面，最喜歡既都係原味皇朝小籠包係有gimmick既，唔怪得甘多人黎食佢，同佢影相啦影相一流除左招牌皇朝小籠包，重叫左麻醬油麥菜呢個有驚喜！好好味！脆脆既油麥菜，一捲捲既放係碟上面一碟有七捲左右點埋麻醬一齊食，超夾超好味又開胃值得Encore朋友喜歡食醉雞，呢到重可以選擇要雞脾添😎瑤柱芙蓉賽螃蟹沙拉排骨食完正餐，點小得甜品叫左個叫宮廷爐打滾既甜品一碟有三件係糯米卷住紅豆，上面再加黃豆粉唔會太甜，每人一件就夠哂數。

來自新加坡的樂天皇朝，最著名的是其八色小籠包。論小籠包，我心念的还是鼎泰豐。因為皮的厚度和湯汁稍為遜色而已，味道还是好的。 蒜泥白肉和蒜蓉炒油麥菜不過不失， 驚喜是那麻醬油麥菜冷盤，非常爽口美味，很適合夏天吃。 雪菜蝦仁炒飯一點也不油膩。蔥油餅，既香脆又入口即化且不膩， 水準非常之高! 話梅骨味濃，配白飯比較適宜。 蒜香炸排骨湯麵面身稍為硬，排骨也有點炸得太過。小菜的花生粟子很【淋】，很入味!整體來說還是美味及物有所值的一餐。 難怪那麼難訂枱。

跟男友想食小籠包，終於都經過一間不用排長龍的。拿了飛，等了五分鐘就有位啦～坐低侍應俾了一壺熱茶，外形懷舊！花雕醉雞，充滿酒香夠入味最喜歡食雞胸！呢碟滿滿雞胸又夠滑！終於到食主角-八色小籠包，桌上有食用指南，介紹食用的次序，最有驚喜是麻辣味，小籠包內的湯汁真的很夠四川風味，這間的皮比較厚身，很飽肚！再叫了上湯菜肉雲吞，雲吞就正常貨色，反而係個湯真係好好味，不是味精來的！我地連湯都飲哂先收手！平煸四季豆，比較咸，但送飯真係一流！男朋友表示蟹粉炒飯是必食的，真的很香蟹粉，炒飯底充滿蛋香！中式甜品真的是我的菜，濃濃的豆沙同芝麻～真的很喜歡呢～～很滿足的一個晚上

我覺得樂天算係一間唔會令人失望既上海菜！菜色味道中上，價錢合理，而且內部裝修去到食物賣相都唔失禮！好適合約朋友黎食飯 個碟小小既前菜我覺得幾好味，一次過食曬「李白醉雞」好多人叫，我覺得比鼎泰豐更加岩口味啊 ，酒味唔會太嗆，下次去都會再點！「京醬肉絲」十分濃味，開胃佢個個醬汁配埋個薄餅一齊食 真係好開胃 我覺得呢道菜樂天比金滿庭更出色，因為個肉絲有肉味D「豬骨湯拉麵」個個湯底好清甜，可以中和返岩岩食左十分濃油赤醬既京醬肉絲，而且麵好彈牙，下次去都應該會繼續叫麵，佢D麵似乎都唔錯，最緊要係價錢好抵！（btw麵裡面有隻溫泉蛋，個隻蛋好好味，希望可以單點啦）「八色小籠包」十分適合影相打卡既菜色，你一影低分享比朋友我諗佢地都知道你係樂天皇朝食野，不過下次再食我應該唔會再叫8色小籠包，因為小籠包始終係原味好味！「豆沙鍋餅」呢道甜點我每次食上海野都會叫，不過樂天呢個就皮太脆，似食豆沙春卷咁啊，希望佢會改進下個餅皮，整軟D啦整體黎講 我都幾滿意第一次食樂天皇朝，會再回頭食多次