樂天皇朝 (雅蘭中心)

營業中

休息中

前幾日約左班姊妹去樂天皇朝食晚餐酸辣湯，賣相幾靚，但份量好少蒜泥白肉，細細件，一口一啖上面既辣醬好正白灼秋葵，餐廳將一條秋葵分開兩份既，越食越有健康既感覺水煮魚，超大碗！入面仲有d粉，豆芽同雲耳等，全部吸滿曬辣油，雖然好辣，但好好味主角：8色小龍包呢籠小籠包可以一次過食到八種口味當中黑松露係最特別，而綠色既係人參味，食落仲有甘苦味宮廷驢打滾，見個名禁特別就叫左一份試下，食落其實係豆沙糯米滋好普通，仲要三十幾蚊得三件，有d貴

環境不錯，光猛，整潔，裝修企理窩貼: 唔熱，微暖，一咬落去個皮係硬的，感覺好似係整左好耐，咬開無肉汁的，太乾涼伴黑木耳: 小小麻香味，唔辣，個汁幾好味海哲頭: 個醬汁太淡，伴底的青瓜都入唔到味。海哲頭好爽口炸饅頭: 不過不失。好彩唔會好似窩貼咁。呢個係熱辣辣的蟹粉炒飯: 個蟹粉汁太咸，本身呢樣野係碟飯值得食的地方，但最後我無要啲汁，浪費左啲蟹粉呀小食: 粟子，花生，反而小食做得幾好，成碟食晒上海菜來講，窩貼整得咁差真係好失望，有好大改善空間

餐具，有污積係上面，換左都仲係有。Order紙上面無價錢，寫之前要睇下餐牌幾錢。主打的八色小籠包，普通，不值得專程排隊去試，原味較為好食。其他食物份量偏少，味道還好，豆腐都算幾好，如果不吃前菜記得取消，因為都要成廿蚊碟。但如果多人吃，再加上有限時，就不建議，今晚訂了6位，安排左張細枱比我地，上菜時已問有無額外枱可以放側邊，侍應話無，之後另一個侍應拎住碟餸企左係到，佢都見到跟本無位放，之後佢都勉強執到個位出來 (碗筷差d跌落地)，之後再黎多碟菜，個侍應搭係其他餸上面！我問點佢點夾下面d野，佢黑住面完全唔理走左去！之後完全無心情食！比張細枱已經無出聲，仲要黑面，間野都唔平，比d咁嘅態度😡😡

終於試咗樂天王朝 〰👩🏻‍🍳八色小籠包$98〰每顏色有不同嘅味道，但係餡料係一樣嘅。〰🔻只係小籠包皮有以下嘅味道:🔻原味人參鵝肝黑松露芝士蟹粉蒜香麻辣🔺我同同事以俄羅斯輪盤嘅方式選擇小籠包嘅味道。蟹粉味，外皮呈粉橙色。個人覺得蟹粉味偏淡。芝士味，這一款較有驚喜，將小籠包咬開一半，有芝士的拉絲，所以一定要趁熱進食。黑松露味，顏色是炭灰色，和蟹粉味一樣，味道偏淡。小籠包的餡料肉汁尚算豐富，但係每一隻色嘅餡料味道都係一樣，呢一點令人有啲失望。另外要讚一讚餐廳有一張溫馨小提示，如果唔記得咗每一隻色分別代表乜嘢嘅味道，都可以參考一下。

說真的，八色小龍包真是一般般！沒有鼎太豐咁juicy，D肉汁其實唔算好鮮味，只係俾D調味料蓋住！反而其他嘢好食D喎！三色蛋，上面係蛋白，下面有皮蛋同蛋黃，蛋白淡淡哋但襯托上皮蛋同蛋黃，好香！而且涷食，更好食！燉雞湯，好清但係雞味好濃，真係燉出味嘅雞汁！海鮮酸辣湯麵，名不符實，只得一隻蝦，冇其他海鮮，似係撈麵多於湯麵！其實係好食，只不過如果冇海鮮，又冇乜湯，咁就改返名做酸辣撈麵就算啦，無謂好似厄人咁！不過真係幾好食！麻醬油麥菜，夠fresh，D菜好爽脆！整體，小龍包唔算精彩，不過未食過可以試吓！最欣賞都係燉湯！

午餐同男友黎食 皇朝小籠包：其實無食過既 試下可以 食過既 我會食返原味京醬肉絲：正常味道，都可以一試爐打滾：意外地 我覺得系咁多個最好食最有驚喜既一道擔仔面：可以總括黎講 服務就真系一般，食物可以一試，環境舒服星期一至五黎 會抵食些，下午茶有五折

成日都聽人講樂天皇朝有幾好食, 一直都未試過;放工放得夜, 黎到既時候人龍不絕, 太夜都廢事等;今日拎左AL覆診, 六點幾就o係旺角, 造就左黎呢度食飯既機會。咁早當然係直入無誤, 呢度開左都一段日子, 裝修都算係幾新淨。我地點左擔擔麵, 山煎包, 原味小籠包同李白醉雞。山煎包肉餡幾多汁, 個底煎得幾香脆;擔擔麵不過不失啦, 花茶醬味偏重, 麵條都幾彈牙;李白醉雞好好食, 酒味出得黎, 味道好清香, 雞肉夠滑, 正;原味小籠包係呢度既招牌菜, 好多湯, 個皮仲係好濕潤, 認真唔錯~~食過咁多間小籠包, 呢間算係最岩我心水~~水準唔錯~

對樂天皇朝八色小籠包聞名已久 難得約到朋友仔當然要去試一試 可能係晚飯時間 去到門口已經見到有好多人喺度等位 好彩我哋醒目一早book定位 完全唔需要等就可以入去 一坐低個職員就同我地 講限時食1.5個小時 好彩我哋只係三個人但如果一班人既話就唔可能夠時間食啦 特色皇朝小籠包 （八色）$98很貼心 值得一讚 佢會有張紙仔教點順次序食 由淡味到濃味 比客人一次過感受晒八種小籠包不同既口味 但如果一班朋友share嘅話就一定會撈亂次序嚟食 其實裏面最好食都係原味 佢個皮夠薄入面有濃濃嘅湯汁 其次我最鍾意嘅係黑松露味 但係黑松露唔係每個人都接受到 如果本身唔鍾意嘅話會覺得好難食 最後唔食得辣嘅我挑戰左麻辣味 佢好神奇地完全唔麻亦唔辣 李白醉雞 $78嫩嫩嘅雞肉夾雜住淡淡的酒香 雖然份量有啲細但值得一試川味涼皮 $48川味涼皮 味在四川 味道頗辣又帶點麻香 爽滑嘅口感配上麻麻辣辣嘅味道 令人胃口大開 夏天食消暑一流蟹粉炒飯 $128蟹粉味好淡 而且芡太濃稠 個人唔太鍾意 但食完川味涼皮再食一啖蟹粉炒飯 即刻緩和左涼皮嘅麻辣

要數我最喜歡吃的始終是中餐，在旺角中心地點的雅蘭非常方便，而且在商場鋪位，裝修環境都夠體面，位置亦非常多，但到了晚飯時間，人流爆滿，有機會需要等位。點餐是有圖的餐牌，然後找出數號在紙上打勾。先來前菜醋海哲，酸酸甜甜，非常開胃，而且夠爽口，酸得來帶香。醉雞基本上是必點的，肉眼都看得出肉質的鮮嫩，清楚分明的肥瘦雞肉，還可以選擇是雞脾還是雞胸，我選擇了雞腿肉比較嫩，還有透明的膠原者喱，最滿意之作。招牌小籠包每粒都脹卜卜，每粒都有滿滿的湯汁，肉質夠嫩而且熱哄哄，充滿鮮味，外皮夠薄，一口下去小心燙到口。蔥爆牛肉配上包填鴨的皮，價錢比起填鴨便宜很多，肉質夠嫩，醬汁濃郁，加上京填調節口感，本人非常喜歡，抵食！桂花丸子加了酒釀調味，優香的桂花香撲鼻，丸子煮得剛剛好，不會化開，渺汁稠度適中，飯後吃是個非常好的結尾，份量算多，可以２位一起共享，這餐非常滿足。

我最喜愛上海菜館非樂天皇朝莫屬。今日一行五人黎聚個舊，揀左食樂天皇朝。最好早D到黎拎位，因為閒日晚市都幾多人排隊。個人覺得呢度既性價比幾高，雖然唔係以份量取勝，但質素的確令你覺得值得。我地尤如放監一樣，鍾意食邊樣就點，結果一台都係。原味小籠包皮薄多汁，幾好食。紅油抄蝦，比較特別，配蝦其實都幾夾，蝦肉新鮮彈牙，紅油上有好多香菜，好香口。上海拉麵湯底比較清，麵條幾有彈性。炸銀絲卷幾脆，配煉奶無得輸。蒜泥白肉，幾鍾意佢入面包青瓜，又甜又爽，令味道更上一層樓。最後飽到食唔落任何野，都只係每人夾左百幾蚊，價錢好相宜，而且服務都好好，朋友全部都話要帶屋企人黎食。

聽就聽得多，但久久未能一試。咁啱諗唔到食咩又係旺角，就諗起樂天王朝嘅七彩小籠包。星期五晚的旺角，估唔到樂天王朝唔使等位！去到就可以直入，可能熱潮已過！七彩小籠包個樣同相一樣，佢仲有張紙教你食的先後次序，但因為果兩個人只叫了一籠，所以就冇跟嘅先後次序啦！ 味道就如想像中般，沒什麼特別，七彩小籠包其實都係一個gimmick 姐。

好耐冇食個樂天王朝原來旺角雅蘭中心都開咗一間雅蘭中心而家整到好靚 好多餐廳 仲有泊車優惠不過要泊到去家樂坊嗰邊嗰個停車場看來坐地鐵是比較方便一點很可惜 咁大間舖 茶沒有選擇的 應該係普洱 一款比較深色的茶 冇其他 或者係水當然係有其他飲品 好像是啤酒 凍檸賓⋯小籠包都係叫返完原味比較穩陣都幾好食嘅 湯夠熱 完全忽略咗枱上面有一罐薑絲 無落到整體全部小菜都比較細碟賽螃蟹冇咩特別夫妻肺片味道惹味蒜泥白肉份量少 外表算精緻陳醋骨味道酸酸的 只是肉和骨的比例差不多沒有什麼肉食沙拉骨相對比較好味最可惜嘅係限時坐1.5小時 一大班人食嘢仲係坐個半鐘的話真係好少時間覺得應該根據人數放寬食飯時間

八色小籠包，成日都係朋友圈中睇相見到，亦成日睇街上嘅廣告見到，今日黎到樂天皇朝，先終於一試。兩個人，分享一盤八色小籠包，每人試到四款口味。我地亦有跟據指示，順序由淡味食到濃味，確實幾創新。小籠包皮做得好，夠薄身，不同餡料亦帶出不同口感。當然，老餅如我食完仍然忠於原味。再叫左碗擔擔麵，不過就唔太合我口味。好期待擔擔麵中嘅麻醬，醬汁係濃厚嘅，可惜醬汁較甜，亦無想像中嘅辣。麵條係好食嘅，硬度適中，有時有啲上海店煮得好淋，加上麻醬會一pat pat，但呢度唔會。風頭可能都被八色小籠包搶走，但我相信呢度嘅其他食物亦係值得發掘嘅。

銅鑼灣的樂天皇朝是我蠻喜歡的食店。知道旺角分店開了一陣子，但總没機會去試。今天趁著妹妹生日，來個family dinner。星期五晚一定多人，所以一早book定枱。訂枱時店員說booking有規定時間: 6:30､8:00 (下刪其他時段)。6點半趕不及，就book了8點。準時8點去到，原來還要排booking。What?! Book枱/confirm booking時職員也没提過喎⋯⋯ 如果book枱還要再排隊，那我為什麼要book? 最後等了差不多20分鐘才有位。 皇朝小籠包 $98 - ★★☆☆☆ 每枱都叫的皇朝小籠包，賣相與銅鑼灣店的差很遠。東歪西倒、一岩一忽，一點也不吸引。除了原味，其他特色小籠包味道毫不相干。綠色無人參味，黃味也無芝士味。深紅色的麻辣味道也大不如前，味道太淡。 蟹粉小籠包 $108 - ★☆☆☆☆  很後悔另外叫了一客蟹粉小籠包，是我吃過最差的。湯汁不算多，蟹粉也缺缺，完全没有蟹粉味道。非常另人失望的小籠包。 成都口水雞 $78 - ★★★☆☆   口水雞夠辣，很惹味。但雞肉不有點鞋口，不夠嫩滑。 瑤柱芙蓉賽螃蟹 $82 - ★★★☆☆  賽螃蟹口感

泥呢度又有乜可能唔食七色小籠包呢？佢仲有個餐牌教大家分返啲味同食嘅順序，令到大家嘅味蕾有更好體驗。 見到個皮都幾薄，入面又有啲湯，都唔錯㗎。麻辣幾特別。人蔘味道都重。我好喜歡麻辣呢，開胃又夠惹味。生煎包都唔差，個底香脆又唔硬。不過肉可以多啲同更juicy就更好啦。醉雞好滑好滑。又係幾入味，好重好香花雕呢。個上海面都唔錯。in general, the quality is not bad with reasonable price.