樂天皇朝 (雅蘭中心)

營業中

休息中

👉🏻特色皇朝小籠包(八色)💲98(中間係原味，橙色係蟹粉味，之後逆時針開始係芝士、黑松露、鵝肝、人參、麻辣、蒜香)個人認為蒜香同黑松露幾香🤔其他味就比較淡，合埋對眼食要食一陣先估到係咩味😹不過小籠包本身嘅味道就一般🤔個湯唔夠多🤣〰〰〰〰〰〰〰〰〰〰👉🏻蟹粉炒飯🦀💲128呢個幾好食😗真係有蟹膏仲有少少蟹肉🤣個飯都有好香蛋香味🥚👍🏻〰〰〰〰〰〰〰〰〰〰👉🏻李白醉雞🐔💲78雞肉幾滑🤣啲酒味唔苦仲甜甜地(唔係troll係酒甜味😹)雞皮都幾爽口👏🏻〰〰〰〰〰〰〰〰〰〰👉🏻宮庭驢打滾💲38煙煙韌韌🤤豆沙甜度啱啱好😽如果個糯米味再香啲就好lu😆(原來呢碟嘢係北京好出名 要外賣做手信tim😹)

要講平日放假嘅小確幸，除咗唔洗好似Weekend咁逼之外，就一定係可以食一啲平時先有特價嘅超值野食喇！老實講如果相同既食物可以用一個便宜啲嘅價錢去享用，why not？今次我同女朋友就去左旺角嘅樂天皇朝喇，諗返起原來都有年幾無黎過。佢平日下午茶時段(3:00-5:00)，點心、涼菜同埋拉麵都有六折，係咪超值先，絕對唔介意食飽啲當early dinner去樂天皇朝又點可以唔叫佢地嘅招牌菜 – 皇朝小籠包呢？一籠有８款唔同味道，為咗可以令客人完全體會各款小籠包獨特嘅口味，咁你一定要依照佢教你嘅次序去享用喇！真係有種fine dining試菜嘅感覺，十分講究！每一顆小籠包嘅皮都好夠薄，豬肉肥瘦適中，而且每一粒咬落去都有湯汁，配以８種各具特色嘅口味，真係食過呢間之後應該都唔會覺得出面嘅小籠包值得一試。個人最鍾意黑松露、蟹粉同埋蒜香味，相信依幾種味坊間應該比較少食得到！今日晏左食早餐嘅關係，所以一人一籠皇朝小籠包之後，就無再好似平時咁叫多碟醉雞喇。希望好快再有機會兩個一齊平日放假去食好西啦！

為食嘅我成日都鍾意周圍食，樂天皇朝我係第二次嚟，上次食過佢個特式七彩小籠包，老實講麻麻地。今次再嚟多次，主要叫前菜，貪佢食咗唔會飽到頂住肚，其實上海菜有好多冷盤小食，樣樣我都好鍾意！酸辣湯對我嚟講，第一啖入口覺得醋味多咗d d ，但飲多兩啖又覺得ok，不過略嫌料少咗d，整體上都唔錯。上海油燜筍上海人好鍾意食竹筍，尤其是春筍。而油燜筍係江南地區嘅一道特色名菜，以新鮮竹筍為食材，竹筍走過油再用醬油、生抽、上湯同麻油燜煮，口感清脆爽口。招牌小籠包個人覺得始終都係鮮肉小籠包好味！食之前企喺門口數過師傅包小籠包，十八褶嘅小籠包，圓潤嬌小身形就好似藝術品咁。熱辣辣啱啱蒸起，皮厚薄適中，連皮帶湯汁一併啜入口，果陳帶肉香嘅鮮甜味，真係好好味！撈拌海中寶呢個海中寶主要係海蜇加咗幾隻蝦仁同鮮魷，重點係個汁！唔係一般嘅醋，而改用柚子醋！柚子醋一般係使用柑橘類果汁製作嘅日本料理調味料，味道酸May May 帶點柚子香，又冇上海菜慣用的浙江醋味道咁刺激，食咗特別開胃，食落好清新！李白醉雞醉雞是江浙地區嘅傳統名菜，醉雞以黄酒、紹興酒作為基本調料，不但可以去腥、解膩、添香、發色、增鮮，而且還具備了容易消化吸收嘅特點

記得好耐以前香港店未開張時，去曼谷會食呢間樂天皇朝，今次就同朋友相約旺角食lunch，一齊回味下當然要點呢個八色小籠包啦！同朋友一人4隻，其實食過幾次，全部口味都已經試過哂。最鐘意係🖤黑松露，本身係黑松露迷 味道好好！其次❤️麻辣都唔錯，味道好香，但食落唔會太辣，幾惹味！當然唔少得原味 ，點少少醋已經好美味，小籠包既皮夠薄，咬開都有唔少湯汁另外點了膽膽麵，又係經常會點既。麵既湯底好濃辣度好夠唔食得辣既人可能會覺得太辣而麵既硬度都適中，唔錯！

朋友之前食過，話小籠包好食，係旺角約飯局就決定試下。餐廳裝修好有氣派，果然無改錯名。餐廳主打八種唔同嘅小籠包，我地點左招牌原味小籠包同蟹粉小籠包，仲有紅油抄手、李白醉雞同木樨肉炒拉麵。首先黎嘅係紅油抄手，本身以為會辣，menu又附有辣椒圖案，點知原來唔辣，d油唔算紅，不過味道可以，算係不過不失。之後黎嘅係李白醉雞，酒味香濃，而且保持到雞嘅肉質鮮滑，唔錯！終於到主角出場，首先試嘅係招牌原味小籠包，皮薄多汁，湯汁肉味鮮甜但唔油，囗感一流。之後再試橙色嘅蟹粉小籠包，味道較原味濃，食得出兩者有分別，個人而言比較鐘意原味，可能食慣左傳統小籠包。最後試木樨肉炒拉麵，本來睇相以為係上海粗炒，後來上菜先發現原來係炒幼嘅拉麵，麵質唔錯，而且炒得唔油，又唔會太咸，但食完我都唔知木樨肉係咩，可能係豬嘅某一部位...總括而言，小籠包整得好食，不愧為招牌菜，鐘意嘅朋友可以去試下。

基本上呢一間上海野都係旺角雅蘭開咗一段時間....唱時間呢一間鋪頭都係比較多人去食嘅多數要排隊等候，而食物方面係唔錯嘅只不過係份量比較細碟，價錢方面亦唔算太平，中高價，不過食物方面都算唔錯，假如兩三知己吹水食個半小時，一定要再搵下一個地方Hea吓傾計！叫咗一個鮮肉卷豬骨湯拉麵個賣相同個餐牌，確實相差很大🤪

因為小籠包是幾個人share 所以食唔到所有味，我食左黑松露、芝士同蟹粉味，講真真係有d失望，首先小籠包唔夠熱同裡面無咩湯汁，亦無咩好濃的黑松露味、蟹粉味同芝士味。我朋友同我講就算麻辣味都無辣味😂這道菜配不上是招牌吧！京醬肉絲有點重口味至於炸鏝頭 一般水準吧 算是脆口香奶味最後係豆沙鍋餅，用紅豆泥做成的煎餅外皮煎的酥脆，搭上內部軟嫩的紅豆泥，幾好食。外皮不會油膩，紅豆泥也不會太甜，吃起來很有層次感，算是不錯的甜品

今晚突然好想食小籠包, 即拉埋男友去食, 諗住有排要等, 可能有D夜, 接待員好快就比我地入去, 好Surprise! 平時有排等架!即刻點左"特色皇朝小籠包"(八色) 8粒/$98因為8種味道有濃, 有淡, 所以MENU果度都有講,最好由淡至濃味咁食, 隻隻都好JUICY! "上海風味醬鴨" $48/碟, 有D乾又帶點咸, 不過鴨肉都幾腍。"刀切小饅頭(炸)"3粒/$28, 配埋煉奶, 無得彈再另叫多幾隻原味既"小籠包" 6粒/$58, 皮薄餡靚, 肉同湯汁既比例岩岩好!如果成日唔洗等位既話, 我應該每星期都會黎1次

這間新加坡過江龍樂天皇朝食了很多次，水準一直保持👍🏻小籠包熱辣辣既小籠包，點薑絲醋，一啖放落口好滿足，鮮肉加湯汁好正，皮薄餡靚👍🏻蒸饅頭饅頭奶香味撲鼻亦很軟熟當然也要熱騰騰食配以煉奶簡直係人間極品！鮮肉卷拉麵拉麵都係手打，食得出煙韌，鮮肉卷都不錯，個湯底都好匹配好好味，還有半隻半熟蛋、昆布、小棠菜、木耳楊州炒飯上桌已經香噴噴好有鑊氣，有蝦、叉燒粒、蛋絲、菜粒、蔥花，而且飯粒唔會炒得好乾好硬👍🏻沙拉骨排骨炸過再加沙律兜勻，排骨鬆化，沙律醬不會太酸

初頭睇間鋪頭名，以為係韓國某個大集團推出既新餐廳，了解之下先發覺佢係食上海菜既一間餐廳。等位既人數都好多，等左差唔多30至45分鐘先可以入座。呢間出名既係一籠8個既8色小籠包，我地緊係唔執輸嗌左一籠，呢8色分別係原味，人參，蒜香，芝士，黑松露，蟹粉，鵝肝，麻辣。呢8隻味各有特色，但如果嗌2籠又太飽啦，所以我同朋友每人都只係食左4隻味有少少可惜。而我食既蒜香同黑松露係最令我印象深刻，以為剩係小籠包外皮染上色素，但原來入面既湯汁都有個款既味道，而黑松露都算係西方既用料，但配埋小籠包又有意想不到既夾，黑松露反而將小籠包肉汁既味道昇華而口水雞亦都係值得推薦既一道，市面上既口水雞經常做出死辣既味道，就咁淋上由辣椒油同辣炒醬溝埋既醬汁，但呢到既口水雞絕對唔係咁簡單，佢唔單止有辣椒既味道仲有麻醬，佢既口水雞醬汁係經由烹煮而成，味道好濃郁而雞件亦都好滑份量好多送飯送麵一流！ 比較失望既係鮮蝦抄手撈麵同上海抄年糕，味道較淡溫度亦都唔太夠，鮮蝦抄手亦同普通鮮肉抄手無異，軟為普通。但總體黎講，都係值得一班人繼續去食既餐廳之一。

跟朋友兩人去吃這間樂天皇朝～點了八色小籠包、酸辣湯、炸饅頭和蟹粉炒飯🤤🔸八色小籠包八款不同顏色的小籠包賣相吸引，主打用天然食材，有八款不同口味，一籠小籠包可以試齊咁八隻口味，小籠包皮薄，鎖住肉汁。而這麼多款口味，我覺得只有原味和蒜味好吃，下次直接單點就好了😋🔸酸辣湯這碗酸辣湯很醒胃，濃稠度適中，酸的味道調較得剛剛好，辣味偏辣，但我自己喜歡吃辣，所以覺得這個酸酸辣辣的配搭恰到好處。 🔸刀切小饅頭 (炸)這個炸饅頭很好吃，炸到金黃色，外層酥脆，裡面軟綿綿，沾上香甜的煉奶吃，更美味。 🔸蟹粉炒飯上面鋪上滿滿的蟹粉醬汁，好鮮甜～好吃！

我的午餐系列-第13篇今天約了人見面，選了這間食遲來的午餐，即是下午茶。這間我之前巳試了出名的小籠湯包，所以，今次試下其他的食品。推介青瓜油麥菜卷，爽脆清甜，配了胡麻醬，口味清新。醉雞我加了$10要了個雞髀位，充滿酒香而且肉質都滑，好味。點了個豬肉卷拉麵，湯底濃味，不會過鹹。海蜇海中寶，如果鍾意食海蜇，就一定會點這個。最後，點了個鮮肉餃子，咬開會有肉汁流出來，食時候要小心。現在逢星期一至星期五，下午茶由3時起入座，在做凡點餐紙上有打圈嘅項目的食品，就有六折優惠，真是超抵食，又好味。

Weekend當然出去食返個好lunch😜突然好想食小籠包，就諗起想食呢個專門店好耐一黎到當然叫皇牌推介--皇朝小籠包入邊有哂8種皇朝獨有的味道👍我食左鵝肝，芝士同麻辣放入口個陣唔會有好大陣味不過食緊個陣就會有種回香湧返出黎尤其芝士都做得幾出色但鵝肝就唔太食得出同麻辣就少左種麻香味有個牌係枱會介紹有乜味道，很方便再黎見過手工菜睇下出唔出色--鬆花皮蛋豆腐個豆腐真係片得好薄(好功夫👍)，而且十分嫩口個汁都不會太濃，沒有取走豆腐本身的豆香而且皮蛋味重，點綴了本身淡味豆腐整個菜都雪得凍，作為一個涼點👍食上海菜點少得賽螃蟹呢蛋白炒得幾滑 不過撈埋蛋令整個菜好稀而且味道較淡 沒有醋味之後食d熱葷---京醬肉絲配薄餅個皮做得都薄，而且熱辣辣👍個汁比較濃味，但配上薄餅皮包住食可以中和一下但略嫌薄餅皮不夠😭單食肉絲就比較咸最後當然黎個炒飯--雪菜蝦仁炒飯個飯炒得乾食，而且幾香，不會太油蝦仁份量都多，而且很爽口👍總括黎講: 一間普通的上海餐廳而每碟份量都較少，大食的要叫多d不過就環境舒服，食得舒服

見唔係太餓就去排下隊等下呢間分店係可以見到師傅包小籠包，仲可以見地佢地一路包一路傾計，仲邊拎銀包出黎，拎完錢再手都唔使繼續包點左三個麵，一份十個小籠包，一個菜，加個小菜，份量有少少多皇朝擔擔麵，每次去都會點，麵質軟硬適中，但都有少少辣，晤食得辣嘅要留意五香牛肉豬骨湯搵麵，有辣同晤辣選，選左辣，但無加到辣，同無豬骨湯味，塊牛肉就還可以京味炸醬拉麵，好大碗，醬汁偏濃小籠包，叫左原味，皮薄，餡滑，又夠湯👍🏻清少白菜苗，正常菜式官保雞丁，雞肉偏熟，唔滑，腰果脆口好食

與家人聚餐，所以好大手筆地來了這間都幾貴的餐廳一嚐。好可惜的是⋯我只顧住食沒有拍下那最美味的8色小龍包⋯所以只能描述一下了。8色小龍包真的是十分推薦，由其是人參味的那款，它那種回甘味十分厲害，食落喉嚨是十分舒服的，其他的小龍包口味都很特別，值得一試！這個是蒜泥白肉，辣油沒有很多，不是太辣，很香，肉質滑（不錯👌🏻）醬烤鴨，沒有很多肥膏，可惜的是肉質較韌，份量較少⋯炒上海年糕，不會不夠味，味道不重不輕剛剛好，年糕煙煙韌韌炒得不錯。生煎包，肉汁超多（讚👍🏻）煎得外脆內軟，必須熱食！涼了就不及熱的好吃！