樂天皇朝 (雅蘭中心)

營業中

休息中

每次食中菜一定會諗起樂天，因為實在好食+底食+坐得舒服，今日我又去左旺角雅蘭呢間大快朵頤😋😋😋😋😋招牌必食8味小籠包😍皮薄得黎煙軔有彈性，摺得好靚大顯師傅功架🔥隻隻味都好特別好好味，我最like麻辣😋水煮牛肉拉麵😋😋😋😋熱辣辣食得好滿足好開心牛肉香嫩，小白菜爽口，面條彈牙，湯底香辣開胃🔥🔥🔥🔥正呀！紅油抄手🥟一貫既高水準🤤皮薄餡靚，入面大大舊有蝦有肉，一大啖一粒超爽皮！蟹黃炒飯🍛蟹黃蟹粉落得超慷慨，毫不留情幅蓋成碟飯🔥呢碟名物🥗不得不點爽脆新鮮，配埋芝麻醬剛剛好炸饅頭又香又脆，沾上煉乳，為呢餐畫上完美句號樂天皇朝真係掂👌🏻👌🏻👌🏻

細細個的時候，屋企人經常會帶我去上海舖，我最有印象是門口會有很多上海包點，紅豆包、菜肉包等等，但時而世易，這些老店已經被取代。而這間樂天皇朝卻令我想起這些老店，門口又是開放式廚房，望到廚師製作小籠包的過程。黑松露小籠包夾起小籠包時，外皮又韌性，點夾都唔穿，咬開裏面肉汁爆出，皮薄肉鮮還有黑松露香味。上海葱油大餅芝麻舖滿了整個餅，香葱味道濃郁，大餅外層帶點甜，不過有點油膩。龍華素鴨腐皮的產物，不是平常吃到的炸過的，反而以汁煮，完全不油膩。李白醉雞醉雞浸得入味，花雕味道濃郁，雞肉嫩滑充滿酒香，雞皮無油脂且爽口。皇朝擔擔拉麵帶點辣香及花生香味，拉麵較幼身，爽口彈牙，簡單好味。松子鮮果桂魚桂魚切花後炸至金黃香脆，一條條金黃色的魚肉配上酸甜汁，吸睛又開胃，魚肉嫩滑且新鮮，完全沒有魚腥味，反而有桂魚的清秬。宮廷驢打滾以為是熱既原來是凍的，糯米煙韌偏腍，但完全無因為凍了而硬，質感軟綿綿，加上紅豆蓉不會太甜，比豆沙窩餅更好吃。

上海菜是其中一款我最喜歡的菜式，今晚就帶了屋企人去了旺角這間樂天皇朝。晚餐時間大排長龍，好彩一早㩒定飛仔排住隊，基本上等了十五分鐘就有位。蟹粉小籠包外皮又薄又有彈性，唔怕一夾就穿，一咬開蟹粉汁爆出，鮮味充斥整個口腔，是小籠包中的首選。上海風味醬鴨鴨肉較乾身，所以比較硬，味道都一般。無錫鮮肉鍋貼鍋貼煎得外皮帶脆，裏面有肉汁滲出，豬肉汁新鮮美味。蘿蔔絲酥餅外脆內軟，蘿蔔味突出。炸饅頭表面不太油膩，裏面鬆軟帶甜，加上煉奶平凡中帶點色彩。上海炒飯炒飯飯粒分明但比較腍，裏面有些蝦仁及肉粒，以頭抽炒飯，不算油膩亦不太咸。香煎豆沙鍋餅外皮較油膩但香脆，豆沙餡不會太甜。整體食物高質，小籠包更是不得不讚，皮薄餡靚，花款夠多，必食之一。

講到中菜館我心目中最鍾意嘅事樂天皇朝，今晚同媽媽去咗旺角分店，平時都係去銅鑼灣分店多，今次去呢間雖然環境無銅鑼灣裝修咁華麗，但係服務態度超好！由頭到尾都係帶着笑容，食都食得特別開心！一坐低店員就先送上前菜，係滷水花生同栗子，好淋好入味！今期嘅廚師推介已經轉左，點左其中幾款松子鮮果桂魚$238呢個賣相真係好靚，原條桂花魚炸到好似花咁，手功唔錯👍🏻桂花魚新鮮，炸得好香口，仲有唔少松子增加口感！不過就略嫌炸得過乾身，失去左嫩滑口感，但係就好適合鍾意食香口嘢嘅朋友。同埋魚頭仲有好多肉！魚鮫超好食！話梅元蹄(半) $98佢有兩款味道，一個係走油淮揚、一個係話梅味，滷豬手滿滿膠質會比較膩，配話梅嘅微酸嘅醬汁剛好可以中和，果然無揀錯！豬手係我食過最淋最好食嘅，食唔到有豬毛，肉質鮮嫩，毫無乾韌嘅感覺！豬皮都係入口即溶，好多膠原蛋白！而且睇落完全唔似半隻，我仲以為係一隻🙊兩個人半份都已經好足料，軟腍肉質配軟滑豬皮，啖啖都好正！瑤柱芙蓉賽螃蟹$85瑤柱份量唔多，蛋白炒得滑溜，加上少許醋汁嘅味道更能突出蛋白嘅香氣！蒸手切饅頭 $24熱辣辣、好鬆軟！入口軟綿綿，可以做到口感綿到似蛋糕唔容易啊！唔一定要係炸嘅先

小妹今次去左旺角, 目的係食小籠包! 於是就黎左呢間"樂天皇朝" 由於係晚飯時間又冇BOOK位, 等左45mins 先有位 食既都係傳統上海野 小食同茶, 一坐低就有, 都幾好食 招牌小籠包($62): 皮薄仲有好多汁，小妹一唔小心就整穿左 湯汁鮮味 酸辣湯拉麵 ($65): 份量算多, 味道正常, 略嫌配料唔夠多 菜肉雲吞湯($55): 雲吞同小 籠包一樣都做到皮薄, 湯清甜 香辣蒜泥白肉($68): 唔洗怕佢好辣, 雖然白肉上面好多辣蒜泥, 但都只係好香口, 而唔辣, 怕辣既朋友仔都可以食. 中間仲包住青瓜絲, 有種好清新既感覺, 呢碟蒜泥白肉, 可以成為小妹既TOP 3 呢間餐廳, 小妹一定會再黎食, 價錢, 食物, 環境都不錯, 不多就要等得耐左D

朋友話想食小籠包，網上有推介呢到既小籠包幾抵食又好味，於是第一次同朋友幫親。叫左刀切小慢頭$24點連奶的，曼頭的確十分鬆軟呀!清炒白菜苗$68白菜炒一炒，有少少調味，唔會太清。醋醬海蜇頭$68呢個幾爽口，不過用海蜇腳會口感好d ，但醋汁都很好。招牌小籠包$62芝士小籠包$68芝士小籠包加左芝士絲，比原味既多左口感。蒜香排骨$88呢個似豬扒多，肉好彈牙，調味都好好，蒜香勁重。特色皇朝小籠包呢個係唔同口味既小籠包，芝士，黑松露，蟹子，人参等等，味道都幾夾，可以一試呀。

開放式廚房就喺門口，可以清楚睇到小籠包嘅誕生［皇朝小籠包，$108］皇朝小籠包係呢間餐廳嘅招牌菜，幾乎每枱都至少一籠。一籠有八隻小籠包，口味分別係原味、人参、鵝肝、黑松露、蟹黄、芝士、蒜香同麻辣我就試咗黑松露同麻辣味，兩者都好多汁，而味道都唔會太過濃烈，唔會話蓋過咗肉嘅鮮味［麻醬油麥菜，$62］油麥菜原來可以生食！味道方面佢同生菜相近，唔會有草青味，咬落又爽脆點埋麻醬就好似變成中式沙律咁，好好味［醋醬海蜇頭，$68］呢份海蜇頭真係會令人食唔停口。海蜇頭非常爽口，亦醃得入味。除咗有醋之外，仲有淡淡嘅蜜糖味，酸酸甜甜好開胃［重慶水煮魚片，$188］呢份水煮魚片份量十足 - 除咗魚片外，入面仲有大量薯粉、大豆芽、豆皮同埋木耳我哋叫咗小辣，香氣十足，除咗辣椒、花椒，仲有好香嘅孜然味。而魚片滑溜冇骨，啖啖肉送飯一流［鮑魚炒飯，$118］原本以為係炒飯入面加咗鮑魚落去炒，原來係面頭加一隻原隻鮑魚，賣相一流。面頭嘅鮑魚雖細隻，但非常有咬口。而炒飯嘅蛋香十足，只不過太淋咗太多汁，令炒飯整體唔夠乾身，影響口感［宮廷驢打滾，$42］黃豆粉、糯米皮、豆沙嘅三色分明，食落唔會太甜，而且煙韌，但如果可以係暖暖哋

平時喺旺角見到廣告牌都覺得幾特別，唔同顏色，又唔同口味，上去見到無人排隊，可能因為都9點了，就入去試下8色小籠包打開餐牌本以為係以上海菜為主，但原來都有唔少川菜選擇。香辣蒜泥白肉見佢一卷卷幾特別，比佢吸引左，作為前菜真係唔錯，小清新嘅感覺，都幾開胃京味炸醬拉麵對麵情有獨鍾，眾多款入面選擇左尼款，個汁有少少咸，但都唔錯。皇朝小籠包佢有埋個食法提供佢建議嘅食法係由淡味到濃味，但因為個炸醬麵味道都好濃，所以我地都無跟佢個次逐去食，我地一人簡一粒食，成個過程好開心雖然覺得原味最好味，但都推薦叫哂8味試下香煎豆沙鍋餅最後食個甜品，我地要求後上但我地食到中段已經上左，上枱襯熱食左一舊，好味但之後因爲等食哂啲野再食，凍左就覺得有啲膩。總括而言，食物唔錯，都幾特別

上次去雅蘭中心食飯，見到商場另一邊有間吃中菜的樂天皇朝，門面有大大幅小籠包圖片，餐廳老闆是新加坡人，以新加坡的製法做中菜，對於我來說就更有興趣啦！所以我們一於入去品嚐下最喜歡的特色小籠包，相信肯定會好好味。進入餐廳裡，裝修帶有古代 + 時尚的設計，感覺懷舊同摩登結合而成，這裡地方寬闊，環境整潔，坐在這裡用膳舒適舒服，享受的感覺！餐廳屢獲殊榮的小籠包，共八款口味 : 1. 原味  2. 人蔘  3. 鵝肝   4. 黑松露   5. 芝士   6. 蟹粉   7. 蒜香   8. 麻辣，以天然食材提煉而成，色彩繽紛的小籠包，賣相非常吸引。餐牌上除了特色小籠包，還有湯拉麵、小炒、蒸餃、涼菜、甜點等，款款吸引，有特色，真的很不錯。皇朝小籠包  (8 pcs )     $108共有八款口味  :  1. 原味    2. 人蔘    3. 鵝肝    4. 黑松露    5. 芝士    6. 蟹粉    7. 蒜香    8. 麻辣皇朝小籠包色彩繽紛，個個面積一樣，賣相已經非常吸引。侍應說由淡味開始食，由1號至8號順序，每個小籠包味道不同，外皮很薄，餡料新鮮，肉嫩多汁，先吸入小籠包的湯汁，

今晚同媽咪一齊來試下呢間店出名噶小籠包，整體食物味道都不錯，環境都👌，但⋯⋯⋯⋯但員工噶服務態度就好差，6.30左右到店，當時店內都唔算好多人，員工都唔太忙。我地一坐下來，冇人招呼，冇人服務，個個員工都背住客人（所謂PP向住你），叫得到員工來只想做一樣也，多一樣都唔想做，冇心服務客人。落餐揮幾次手先有員工理你，真係好無奈。幾好吃都冇用，冇服務。對呢間餐飲噶品牌失去民心，都冇下次！⋯⋯⋯⋯⋯⋯⋯⋯

點都唔會再幫襯呢間野囉啲嘢又普通服務超差我平時都唔會寫食評但忍唔住要留言未試過食到一肚氣 仲要order完等左好耐先有得食見住自己籠小籠包俾個阿姐攞黎攞去凍左先俾我食

晏晝黎到旺角，唔知食咩好，去左雅蘭既樂天皇朝食，呢間野講明食上海野，最出名係八色小籠包！平日中午12點半，都幾多空位，同朋友兩個人叫左一籠8色小籠包、一碗炸醬面、一碟糖醋魚片，都幾飽下。首先一黎到佢會有餐前小食一份，今日係鳳爪，辣辣地幾開胃，要收$15，個炸醬面好大碗呀，我地兩個人各自勺左兩三小碗都仲有淨，碗面都係辣既；糖醋魚都幾好食，酸酸甜甜，不過略嫌佢炸粉厚身左d, 同埋乾左少少；至於重中之重的小籠包，黎到既時候岩岩好熱度，可以成粒啪入口唔會燙到，佢有個次序咁食既，不過兩個人share , 順唔順都冇咩關係，原味當然無懈可擊，但最正係黑松露同鵝肝，味道好濃呀！蟹粉就淡味，失色d, 芝士入面有粒粒芝士架! 呢個值得再encore!埋單二人合共315，午餐黎講價錢都唔平，不過都幾好食既～

對於樂天皇朝一向不陌生 ，好早期銅鑼灣的舖頭開張我已經試過他們的小籠包 。今次來到旺角的樂天皇朝，第一件事都係叫皇朝小籠包， 還有醉雞，上海炒飯，京醬肉絲配烤餅。皇朝小籠包， 相信這一款八色小籠包絕對是樂天皇朝的必食推介。 除了色彩奪目之外，還有八款不同的口味，原味，人參，鵝肝，黑松露，芝士，蟹粉，蒜香，麻辣等等。每種口味各有特色， 小籠包內多汁餡靚， 雖然有唔同味道但絕對冇蓋過原有小籠包的特色。李白醉雞，肉質夠滑，酒味香氣撲鼻。京醬肉絲配烤餅，肉汁稍為有點鹹，烤餅都算薄身易入口。上海炒飯，賣相好像重口味，但食落又不算太鹹， 飯粒控制得唔錯，不會太硬。樂天皇朝都是我幾喜愛的上海餐廳，每逢想食小籠包的時候， 都會諗起佢！

座位太迫貼，與隔離不相識的貼得只有一條線之隔，感覺一點私隱都沒有。是次朋友買了5張團購100元的現金券使用。點了6樣菜想著剛剛好500元，怎料算錯了只要499元，應該一點關係都沒有吧，但某侍應大大聲說我們還欠1元才夠500元，所以有一張券不能用，並維持大聲，叫我們加一個外賣盒(好似好為我們著想似的)，好讓帳單足夠500元，我們想了很久都不明白她的意思，金額不是多除少補嗎？就算是埋單499元，為何不能用500元的券呢？因為我沒留意細看券上的條款，所以最後因為不想跟她吵鬧，就加了2元外賣盒，好讓帳單過500元，之後侍應還大聲說:「帳單幫你加大了銀碼，你仲要唔要個外賣盒?」，真係態度惡劣不堪，還令旁邊客人聽到，感覺暗笑我們很cheap的樣子，大佬啊！我係用錢買你啲現金券，唔係乞兒求你請我食飯，實在太過分了。同埋團購券星期日用一定要人訂8點半枱，未到10點已催人埋單，個個好似趕收工咁，又收哂每枱醬料，賽螃蟹都未用完枝醋，急急急要攞返收埋。另外，菜單都改了很多，以前都係以上海菜為主，改了餐牌，變了一半都是辣的四川菜，味道都變得不再好食了。

今晚同幾位舊同事食飯，其中一個同事話想試八色小籠包好耐，所以一早我就致電餐廳訂位!致電時店員表示只有兩個時間可以選擇，晚上7點及8點半，於是選擇了8點半這個時段。我們放工後大概8點已陸續抵達餐廳門口，於是我先去跟接待員登記，起初她表示要8點半後才可安排入座，但最後我們等了大概10分鐘便帶我們入座了!其實餐廳都算幾大，我們4人安排坐4人枱！不嬲我呢班同事都食量較多，於是我地就叫左幾款食物黎試下!重慶紅油抄手，微辣，抄手皮薄，餡料都算多!刀切小饅頭(炸)，一直都好中意食炸饅頭，而這裡的饅頭比出面的店舖大少少，炸得不會太油太硬，外脆內軟，配埋煉奶一齊食，絕配!龍華素鴨，素鴨即是炸腐竹，吸收哂醬汁，甜甜的，咬落去醬汁係口裡面潄潄下，都不錯的!雪菜鹹肉炒年糕，年糕本身冇味，雪菜散發淡淡的咸味，令到這道菜清清地，而我覺得就淡左少少。蒜蓉炒菠菜，菜面有一些炸蒜，菠菜既味道清清地又咸咸地，感覺幾清新!特色皇朝小籠包(8色)，8種味道，包括: 原味、人蔘、鵝肝、黑松露、芝士、蟹粉、蒜香、麻辣，而當中個人覺得較為好食既係黑松露同埋麻辣味!黑松露味咬落去有濃濃既黑松露味滲出黎，而麻辣食落去真係麻麻辣辣的!其