樂天皇朝 (雅蘭中心)

營業中

休息中

喜歡吃小籠包的我們有時都會來這間餐廳來吃， 因為這裡的小籠包款式真的十分多而且顏色都好吸引，但又未至於好好食， 整體都可以啦。這裡的待應服務都不錯，好快就比餐牌和茶， 我們當然叫回每次都來吃的小籠包加小食和炒飯吧！皇朝小籠包，這裡八款的小籠包顏色都是用天然食材整成，所以都不用擔心，當然我地由原味食順時針食，味道就最好。蟹粉，蒜香，麻辣，人參，鵝肝，原味，黑松露，芝士這八款味道各有不同，但覺得麻辣不夠辣，人參比較淡少少，另外的款式味道都不錯而且都夠新鮮和熱度夠。喜歡吃小辣的我們，就覺重慶紅油炒手味道剛好，辣度不多但幾香口，雲呑皮都幾滑而材料都夠。之後蝦炒飯就來到，蝦不叫十分多但口感可以，炒飯都炒得幾香口而且都幾乾身。

又黎瑜伽前在附近搵食, 呢排食得西餐多. 轉轉中餐, 見食評評價唔錯就試下呢間樂天皇朝。午飯時間滿得八八九九, 好彩唔駛等位, 門口側有玻璃窗位可以望到廚師整小籠包。 餐廳內裡係比較暗既格調, 眼見店員都唔多, 想叫野食或者茶壺加水, 要舉咗好耐手先有店員過黎。🔸前菜花生🔸超好味, 好入味, 仲有少少粟子。令人回味既花生。🔸香辣蒜泥白肉 $68🔸非常精緻嘅前菜, 顛覆咗平時食蒜泥白肉嘅形象, 香辣蒜泥加紅油舖喺白肉包住青瓜條, 賣相一流, 蒜泥係炒過, 味道比平時多咗好似xo 醬既味道。🔸皇朝擔擔拉麵 $58🔸食上海擔擔麵就係鍾意食勁多花生醬, 可惜呢碗並唔係我鍾意食既擔擔麵, 而且味道太辣搶過哂其他味道。🔸蒜香小籠包 $68🔸八色小籠包的確好吸引, 但有一半以上既味道我地都唔食, 所以最後揀咗蒜香。 薄薄嘅黑色皮, 內裡有剛剛一啖既肉汁, 仲有第一次食的蒜香味小籠包肉饀。🔸蘿蔔絲酥餅 $42🔸很少地方有這款點心了, 新鮮炸好就上碟, 熱辣辣, 蘿蔔又夠甜同無渣, 表皮炸得勁酥脆, 好好味。🔸炒年糕 $82🔸肉絲加娃娃菜炒年糕, 幾鍾意個娃娃菜夠甜同夠淋, 味道不錯。總括價錢唔算平,

每逢假日都會與家人共聚天輪，今次揀左係雅蘭中心，家中老一輩想吃的中菜樂天皇朝，而我就被門口相中的招牌八款小籠包吸引。首先介紹八款口味小籠包有 : 原味、人蔘、鵝肝、黑松露、芝士、蟹粉、蒜香、麻辣，顏色色彩繽紛而賣相亦十分吸引。侍應會建議由淡味開始食，小籠包外皮很薄，款款各有特色雖然味道唔出，不過都可以一試。除了特色小籠包外，點了原味小籠包作比較，原味亦顯得十分出色！正宗重慶水煮魚超級辣，但味道一般。另點了一碗麵、紅燒肉和甜點幼身麵條，爽滑順口 ; 紅燒肉肉質鮮嫩，質感軟綿 ; 味道不過不失。

呢間出名食唔同口味嘅小籠包，賣相仲好吸睛，有唔同顏色 由於第一次食，所以都唔知邊隻味好味，一於叫個咩都有嘅 最鍾意食係蟹粉、 鵝肝及黑松露，味道好香好食另外仲嗌咗海蜇頭，海蜇非常厚身，而且好爽口，分量都算好多。陳醋味超級濃，夠入味，呢個真係一流另外當然唔少得要叫個銀絲卷，仲要係炸嘅，一客有三件，炸得好金黃咬落去外脆內軟，點埋奶油好好食，最佳配搭另外仲嗌咗個炒豬肉絲，佢一客仲有埋粉皮畀你包住食，呢個味道比較偏咸，但係都尚算ok兩個人食咗三百幾蚊，其實都算幾貴，不過小籠包係必食

一直都想食八色小籠包，一試果然係招牌菜，必食！皮薄餡靚，仲有好多肉汁！我食左黑松露同埋蒜香，黑松露味好出好香濃，正！蒜香味道有啲淡，唔夠入味。其他食物質素都唔錯，例如炒飯都好入味，又唔多油。

6.30左右到店，當時店內都唔算好多人，座位太迫貼，與隔離不相識的貼得只有一條線之隔，感覺一點私隱都沒有。咁岩隔離有坐得好近而又私事, 結果成餐都被逼聽隔離苦水。。員工的服務態度就好差，員工都唔太忙。我地一坐下來，冇人招呼，冇人服務，個個員工都背住客人, 服務員是真的差,最差係服務員，個個黑口黑面,落餐揮幾次手先有員工理你，雪菜黃魚麵淡而無味，而且偏貴,只有 好小的魚，非常離譜,個賣相同個餐牌，確實相差很大麵如開剪吓會易夾D菜肉雲吞豬骨湯拉麵,湯淡而無味,雲吞 咬落有少少怪味冷氣太冷了

同兩位同事提早去食團年飯，好耐無去過樂天皇朝，近近地就行過去。無人等位，餐廳又唔算多人，都比較靜。特色皇朝小籠包（八色）- 皮薄多汁既，但唔係每款味道都咁好味，如：蒜香味，川味就一般；其實最好味就係原味，八色都係影下相就靚。李白醉雞 - 雞肉都好嫩滑，但唔太入味，酒味都唔算濃。四川酸辣湯 - 足料，有好多蝦添，少酸而且辣，啱我口味，因為我喜歡辣。龍華素鴨 - 多汁，汁偏甜，但加埋d素鴨（腐皮），又幾好味！上海炒飯 - 唔算油，但無乜配料，所以無乜特別！平均一人都$200， 感覺唔抵係因為味道唔係十分特別，真係比較一般！

早前已經係咁聽到班friend講起，呢間野每日下午茶都有折扣，無論食小籠包定係拉麵都有六折。所以襯weekend同家人嚟食下咁出名嘅小籠包，點知發現...... 原來星期六係無優惠一場黎到無理由唔食，所以我地都硬住頭皮咁入去食飯間野都有好多選擇，剩係拉麵都有好多款可以揀。最重要嘅係，拉麵就算無優惠其實都唔算話好貴，70幾80蚊就有一碗大大碗嘅。跟住我地再叫咗啲小籠包，果然聞名不如見面，啲小籠包真係好好食！皮薄之餘，入面嘅湯汁美味有鮮味，果然係小籠包專家！呢間我真心推薦！不過下次就都係等佢有優惠先食啦！

海蜇頭好食，不過下面墊左唔少青瓜；前菜花生栗子好食, 好入味；蘿蔔酥ok，唔夠酒樓賣相好；酸辣湯面太過辣，是我吃過最辣的，平時少食辣的人勿試，直情辣到頭暈，好彩食完面再食個涼菜海蜇青瓜救左我，可以降到辣，不過嘴唇都係辣到興，辣油應該俾客人自己掌握落幾多🥵；雪菜黃魚餵面本人覺得好味，不過先生覺得淡而無味，而且偏貴；甜品蜂蜜桂花賣相太一般，先生鐘意食桂花糕先幫佢點呢個甜品；驢打滾唔錯，正宗(本人北京人，自細鐘意食此小吃😋)。

已經是第二次食樂天皇朝，兩次都是為小籠包而來 <3 一籠八色八款八個味道，光是賣相就夠哂特別，小籠包雖皮薄但湯汁少左啲，不過仍然推薦試試❤︎另外有驚喜的是，香辣蒜泥白肉！蒜蓉麻辣味會食上癮

今日同同事lunch去了旺角樂天皇朝，因為book了位，所以去到不用等位，一去到就有位。 之後坐低就開始叫野食， 聽講依間舖頭的小籠包幾出名，所以點了兩籠試一試，然後點了生煎包、煎餃、官保雞丁、外婆紅燒肉、酸辣湯、炸饅頭、海蜇、口水雞、蔡螃蟹、雪菜蝦仁炒飯。先講失望的菜式，炸饅頭和生煎包是令人失望的。首先，我以為它的生煎包的底是脆的， 內面的肉會有汁，可惜底是軟的，完全不像有煎過。 第二， 炸饅頭很硬，不是外脆內軟，而是整個都是硬的。其他菜式都不錯，出名的小籠包是還好的，未算太出色，是有湯汁的，但肉餡未夠香， 官保雞丁味道不錯，不會太辣，唯雞肉的份量太少。 而有幾道菜是做得好的，首先是外婆紅燒肉，吃到口中不覺得油膩，甜度亦有，不會太鹹， 點完第一碟立刻再點第二碟。酸辣湯亦是意想不到地出色，它的酸和辣平衡得不錯，湯有木耳絲，豬肉絲，香口。最後，這間餐廳是值得再光顧，但你認為它做得好的菜色，它做到合格水平，但意想不到它做得好的菜色，它會有意外驚喜。

OK喇, 依間嘢.下午茶時間, 大部分嘢6折, 見咁窮, 去食喇.叫咗個酸辣湯面, 小籠包, 乜嘢擔擔面, 醉雞.醉雞OK既, 唔特別好, 唔特別差, 好普通好味的醉雞, 仲俾咗隻雞脾我地.小籠包, 合格, 多湯, 鮮, 皮薄, 合格.擔擔面, 我食得辣, 我覺得OK, 好食, 裡面有豆皮乜乜乜, OK.酸辣湯面出事, 我同枱唔多食得辣, 佢話超辣, 我試過.... 又真係辣咗少少.其實整到咁辣, 唔係生意經, 如果要咁辣, 點解唔問吓客要乜辣度呢?

食物係好味的，但是服務員是真的差！8色小籠包好好食，但因為冷氣太冷了，我一行三人影完相，食到第三件的時候小籠包已經冷了。甜品方面驢打滾可以一試！呢間野服務員令人印象深刻！我不知道佢係咪耳仔有問題還是不懂得俾反應人，面對面同佢講野好似聽不到咁，唔俾反應人，叫他拿野不會停低對你講聲好呀，而是掂行掂過而空氣中隱隱約約好似聽到一聲’好呀‘咁。😂😂😂😂姐係你聽到啦但做人最基本的禮貌都無呀。哩樣野要改善一下啦😂😂

因為工作關係，中午一個人在旺角，腦海中浮現之前見過的八色小籠包，決定去試一試。一送過來，見到是熱辣辣的，表面也有光澤，加起八種唔同嘅顏色，看起來是吸引。跟據店家推薦，食這個菜是有先後次序，先來原味，味道是一般上海小籠包貨色。跟著是綠色人參，食起上來怪怪的。灰色的是鵝肝，一口食落去不太感覺到是有鵝肝味道。黑色的是黑松露，食落去也不是有太大松露味道。黃色是芝士，食到芝士味道。橙色的是蟹粉，味道正路。深灰色的是蒜香，也食到蒜香味。最後粉紅色的麻辣，食到麻辣味。食完這個八色小籠包，感覺好一般，試完就算，不會再食。食完小籠包，不夠飽，再叫一個擔擔拉麵。擔擔麵湯底香濃，拉麵彈牙，不錯。

每次經過樂天皇朝的廣告板，都睇到八色小籠包既相，今日終於入黎坐得食。最近天氣又有啲凍，我地仲叫咗幾碟辣野暖下。「皇朝小籠包」總共八隻顏色的小籠包，每隻色既外皮都係用唔同既食材整，而啲係唔同口味嫁，由清淡到濃味都有，但個皮略嫌有啲厚。要依次序食啊《白:原味、綠:人參味、啡:鵝肝味、黑:黑松露味、黃:芝士味、橙:蟹粉味、灰:蒜香味、紅：麻辣味》雖然呢間係上海菜餐廳，但川菜嘅味道亦都唔太差。而且仲有不同辣度可以選擇。「皇朝擔擔麵」都幾辣，但麻醬味唔夠濃「川味涼皮」作為前菜唔錯唔錯！「成都口水雞」夠麻夠辣，雞夠滑「紅油抄手」有點失色，醋味太濃，無咩辣味