樂天皇朝 (雅蘭中心)

營業中

休息中

今晚🐽🐽話想食上海野！係旺角見到呢間上海菜館好似唔錯wor。咁就去試吓先！特色皇朝小籠包（八色）呢個小籠包好colourful呀！有8種味道！（原味、蟹粉、黑松露、鵝肝、川味、芝士、人參、蒜香）各有特色好味道😋松子桂魚松子桂魚酸酸甜甜配咗啲菠蘿粒好醒胃👍個魚炸到岩岩好。鬆脆好味加埋啲松子好正呀！雪菜咸肉炒年糕咸肉好夠咸、啲年糕又煙韌好有咬口！蘿蔔絲酥餅新鮮熱辣！咬開仲出緊煙、真係要慢慢食呀！小心熱親😉

成個新年都冇乜點出去食飯，難得終於約到朋友食開年飯，梗係食返中菜啦之前一直上網睇話樂天皇朝出咗一隻不同口味嘅小籠包，我哋決定今日嚟朝聖下7:30入座，人流唔算多，可能好多人都好早返屋企菜式選擇好多，花多眼亂當然最緊要都係試咗個招牌菜先#八色小籠包 $118小籠包即叫即蒸大約10分鐘就上枱啦，肉汁鮮嫩，湯汁豐盈，而且熱辣辣。店員好細心咁樣同我地解釋，要順着次序去食個人其實比較鍾意食人蔘味道，覺得少少金金甜甜中和左小籠包嘅油膩。另外覺得鵝肝小籠包，鵝肝味幾濃郁，但感覺上食一隻就已經夠喉啦到食蟹粉時，可能已經凍咗少少，入口感覺有少少腥芝士味道有幾新穎，值得一試。#蔥花皮蛋豆腐 $55它是一個很開胃的涼拌菜，皮蛋食落甘香軟綿及配合豆腐的豆香，自然地融和一起。#心太軟 $58其實佢係紅棗包裹着糯米粉團，再用蜜餞包著與其話佢係一個涼拌菜，不如更像一個甜品#沙拉排骨 $92其實上枱佢嘅感覺似炸豬扒上邊有啲沙律醬，雖然味道酸酸甜甜都幾開胃，但係因為啖啖肉嘅關係，食咗兩件開始覺得飽。#桃膠桂圓紅棗糖水 $42被譽為平民燕窩的桃膠，食落勁滋潤，食碗熱辣辣的糖水，便令人暖入心頭。

今日突然間好想食”小籠包” 👅 所以就決定去👉🏻樂天皇朝👈🏻 食超有特色既小籠色先🙈..🗣必點”特色皇朝小籠包(八色)” (HK$108) 八色包括原味、蟹粉、芝士、蒜香、人參、麻辣，鵝肝同黑松露等多款口味‼️ 食落粒粒都皮薄多汁，一咬入面既湯汁即流出嚟💦 另外, “麻醬油麥菜”(HK$62) 菜好鮮甜又爽口，配上麻醬好開胃呢😍..“香辣蒜泥白肉”(HK$68) 香辣鮮美，蒜味濃厚，爽脆嫩滑，係幾正架👏🏻 “皇朝擔擔麵”(HK$82)同 “京味炸醬麵”(HK$58) 麵都好彈牙，只係有小小辣🙈 “上海紅燒肉”(HK$88) 色澤就好好喇，食落肥而不膩，味道偏甜，唔錯既😋..

我係為咗依個八色小籠包以來。八色小籠包夠晒色彩繽紛,一籠有齊晒原味,人參,鵝肝,黑松露,川味麻辣,芝士蟹粉同蒜香味嘅小籠乜,鍾意重口味嘅我當然最愛就係黑松露同鵝肝味。刀切小饅頭其實就係炸饅頭,雖然好多茶樓或者點心店都有炸饅頭,不過唔係間間都好食,但係依個炸饅頭令我忍唔住食咗兩個,新鮮熱辣辣外脆內軟,而且完全冇任何油膩感。蘿蔔絲酥餅依家真係見小賣小,最愛酥脆嘅外層,內裏又有香甜軟淋鮮味嘅蘿蔔絲。上海炒飯夠晒有鑊氣,粒粒分明。餡料又夠多,幾乎每啖都食到蝦仁。皇朝話梅骨係店員推介嘅招牌小菜,酸酸甜甜嘅口味超開胃。食完正餐當然要食甜品作為結尾,諗都唔使諗就order左香煎豆沙鍋餅,外皮煎得超香脆帶有少少QQ嘅口感,包住香甜嘅豆沙蓉簡直天衣無縫。

上海菜一向都是家人喜歡吃的，之前好友得知我和家人每逢聚會都會選擇上海菜，所以介紹我們去樂天皇朝，這餐廳是新派上海菜，特色又美味，真的回味無窮。入到餐廳感覺設計時尚雅致，亦帶點古典風格，環境舒適，地方闊落，整潔舒服，很不錯。餐牌裡除了有我最喜鍾意的八色皇朝小籠包，亦有特色小菜、蒸餃、湯品、海鮮類、炒拉麵、甜品、涼菜小食等，每樣都很不錯，很特式的上海菜。樂天皇朝屢獲殊榮的小籠包，共有八款口味 :1. 原味   2. 人蔘   3. 鵝肝    4. 黑松露   5. 芝士    6. 蟹粉    7. 蒜香    8. 麻辣顏色漂亮的小籠包，是用天然材料製作，既健康又美味。皇朝八色小籠包  $118，皮薄多汁，每款口味各有特色，用筷子夾起不會穿漏餡料和肉汁，較為挺身。餡料鮮美的小籠包，湯汁豐富，肉味鮮嫩，香濃美味，加上有八款不同口味，簡直百吃不厭。李白醉雞  $85，每逢吃上海菜，這個是我必點，帶清香酒味的雞肉，味道適中，不會過濃，適合我口味。雞肉爽滑，入口冰涼的，鮮甜多汁，好味。木樨肉炒拉麵  $82，這碟看起來似新加坡式的製法，黑醬油炒拉麵，味道帶少少甜，亦有少少鹹，吃起來很鮮，肉絲很

久違上海菜，今日比朗豪坊對出的八色小籠包廣告吸引左🤤，心血來潮就入左樂天皇朝食晚飯。-1⃣ 招牌菜皇朝小籠包 💰118（👅: 7.8/10）8種顏色，8款味道味道，由淡味食到最濃味，原味、人參、鵝肝、黑松露、芝士、蟹粉、蒜香、麻辣。基本上每款都能食出其味道，而且皮包得好實，唔會容易漏汁。特別推介人參、鵝肝和黑松露👍🏻。-2⃣ 京醬肉絲配薄餅 💰90（👅: 7/10）薄餅拎上手仲有暖度，夾上京醬肉絲一起吃，配塔唔錯,，但略厭肉味唔夠出。-3⃣ 鮮蝦抄手拌麵 💰68（👅: 7.8/10）抄手餡料十足，有爽口鮮蝦和豬肉。麵條較為煙韌有口感，帶有麻辣香味，很惹味。-4⃣ 瑤柱芙蓉賽螃蟹 💰85（👅: 7.6/10）食上海菜我必點的菜式。蛋白配瑤柱，和蟹肉，配埋一齊食，鮮甜又帶點咸香。-5⃣ 上海炒年糕 💰85（👅: 7/10）正常發揮，年糕煙韌，但較易變涼。-6⃣ 桂花酒釀丸子 💰36（👅: 7.5/10）丸子香淋入味，淡淡的酒香。-7⃣ 桃膠紅棗桂圓湯 💰42（👅: 7.6/10）滋潤清甜，養生養顏必備。

嚟過好幾次了，每次都無令我失望，抵讚既！先叫左個我最愛既麻醬油麥菜$65，菜鮮甜爽口，夾埋青瓜同麻醬一齊食，係一個超夾既組合👍🏻之後再叫咗個夫妻肺片$68，食落爽口，惹味得嚟微微帶辣，幾開胃！呢碟沙拉排骨$92又係我最愛😚排骨炸得好酥脆，唔會韌，加埋好邪惡既沙律醬一齊食，正最後再叫左個新出既酸菜魚$238，係大陸食得多，不過係香港都係第一次食😎魚肉軟滑，另外佢入面仲有啲粉絲，吸收晒啲湯汁，食起嚟酸酸甜甜咁，食慾大增！

十二點幾到，基本上食到兩點都無乜人。坐得好舒服。之前試過八色小籠包，但唔係粒粒好食，所以都係叫返至傳統呢隻。皮薄，但有小小黏住塊布，有一兩粒爆底穿水。至欣賞餐廳將薑絲同醋放響枱等食客自己加。比起其他餐廳得幾條薑絲，隻小籠包即刻好味好多。叫左擔擔麵同蒜蓉炒菠菜。麵唔會太硬，湯小辣。菠菜夠滑。京蔥肉絲，肉太甜同埋唔夠京蔥，配起上黎就麻麻地喇上海炒年糕唔會太咸，配料足夠炸鏝頭夠晒外脆內軟，加上厚厚一層既煉奶三個人咁樣食一個午餐都十分豐富。而且午市呢度無擠迫感，絕對可以再試。

之前吃過一次這家店鋪 覺得素質不錯🤤所以再來去了位於雅蘭中心的分店 在商場2樓店鋪環境挻大店鋪裝修環境中國風格 燈光比較柔和感覺挻舒適的決定來幾個小菜食 再來多一份皇朝8色小籠包食才行·李白醉雞 HKD$85 ·皇朝8色小籠包 HKD$118 ·皇朝酸菜魚 HKD$198·竹炭流沙包 HKD$42 ·擂沙湯圓 HKD$42 ·桂花釀丸子 HKD$32 皇朝8色小籠包裡面共有8款味道 由淡味到濃味也有分別是原味/仁蔘/鵝肝/黑松露/芝士/蟹粉/蒜香/川味小籠包我喜歡黑松露和芝士 兩者的味道很香濃挻不錯另一款靜靜喜愛的食物是李白醉雞 賣相像一個球形狀而且聞到陣陣花鵰酒香味 雞肉肉質鮮嫰不會感到太韌在餐廳看到有通常我會點來吃 是我很喜歡的菜式之一其他食物素質不過不失 份量/價錢中等但可以再來食不知道下一次再來食東西的時候 會否有新菜式呢?

今日約咗班friend去到旺角食樂天皇朝，我哋係特登嚟為咗為咗食佢嘅皇朝特色八色小籠包，咁當然仲叫咗幾個小菜一齊食啦，一入到黎嘅裝修十分舒適，我哋先叫咗兩個小食，一個係陳皮五香牛肉，淡淡的陳皮味，令到牛肉味更加突出，而且賣相非常精美，另外我哋嗌左一個四川夫妻肺片，充滿四川嘅香辣，食得辣嘅朋友必定要試吓，前菜嘅份量都算十足，絕對足夠五個人一齊食，再嚟當然係特色小籠包啦，八種顏色賣相相當吸引，我個人就試咗黃色嘅芝士小籠包同埋橙色嘅鵝肝小籠包，芝士小籠包芝士味唔會搶晒小籠包鮮味，味道配搭啱啱好，鵝肝小籠包有鵝油嘅香味，好想試晒咁多款，但係都要留肚食其他嘢，再點左一個酸菜魚，呢個酸菜魚唔算好辣，適合大部份人士享用，魚片份量好夠，而且爽甜肉滑，加埋酸菜薯粉，食到個人真係好飽，再嚟叫咗一個沙拉骨，呢個真係非常好味，沙拉醬嗰種酸甜味零舍開胃，排骨又多汁，之後炒咗個油麥菜，中和下之前啲比較濃味嘅嘢最後叫咗兩個甜品，就係蕾莎湯圓同宮廷驢打滾，雷沙湯丸我就冇食到，宮廷路打滾10分特別，煙銀嘅糯米皮包住豆沙餡，再加埋啲豆蔻粉，口感層次非常豐富，極具特色，一定要點呢個！

晚飯時間坐無虛席，幸好提早訂了位，到達後便可進入，用餐時間一小時三十分鐘。小籠包：這裡的其中一樣招牌是小籠包，有多種味道選擇。經過一番掙扎，我們點了原味，其他口味下次再試吧！小籠包皮薄多汁，一口一滿足，值得一試！京醬肉絲：京醬肉絲是配上麵皮一起吃的。肉絲非常惹味。芝麻醬油麥菜：少見的一道菜，油麥菜非常鮮甜、清新爽口。配上我最愛的芝麻醬，是不錯的前菜！皇朝招牌擔擔麵：麵質不錯。不吃辣或吃不了太辣的朋友要留意了，這款麵頗為辣！

好耐好耐都未食過小籠包, 今日終於按耐不住與友人去樂天皇朝一解自己嘴饞。八色小籠包黎到樂天皇朝就一定要試下八色小籠包, 當中八色代表不同既口味, 當中蟹粉,黑松露, 鵝肝以及原味覺得味道不錯: 蟹粉鮮味十足, 蟹的味道唔算太腥; 黑松露幽香味道與小籠包十分夾, 提鮮十足; 鵝肝濃郁幼滑味道係冇搶到小籠包既鮮味用油膩感, 反而食落去一啲都唔覺得好滯, 帶動食慾. 原汁原味既小籠包最能夠食到鮮甜既味道, 而且每隻小籠包裡面都有濃濃湯汁, 皮薄, 值得一試。上海炒年糕上海炒年糕中既材料都算多, 份量亦都岩岩好, 年糕食落去一啲都唔鹹, 年糕完全吸收哂鼓油同埋肉絲既味道, 再加上白菜同埋冬菇絲, 解膩之餘味道再豐富。三鮮鮮肉水餃本人對於水餃情有獨鍾, 所以見到有水餃就一定會點黎試試. 三鮮鮮肉水餃皮都算薄, 當中的餡料塞得滿滿, 而且味道不錯, 只可惜當中既三鮮食唔到當中既味道, 有小小可惜。上海油燜笋上海菜經典涼菜之一, 亦都係我的最愛, 笋完全入哂味, 而且冇草青味道, 食落爽脆再帶絲絲甜味, 十分開胃。

平時愛食上海菜既我今次同朋友黎樂天皇朝試一試呢度最出名既皇朝小龍包，午飯時間人流唔算太多可以直接入座。我地二人點左炸刀切小饅頭、皇朝小龍包同雪菜咸肉炒年糕。等左一陣，現炸既饅頭就到，饅頭炸到熱辣辣金黃色外脆內軟，點埋煉奶甜甜地非常惹味。炒年糕煙韌，雪菜比較咸，味道一般。終於到皇朝小龍包出場，賣相幾好打卡一流，又可以試到唔同味道既小龍包，皮唔算太厚亦唔會好易夾穿，小龍包亦保留到湯汁，肉餡適中，建議３—４個朋友一齊食。個人都係偏愛原味小龍包。兩人食既野有限，期待下次同多些朋友一齊試試其他菜式。

之前食過呢度嘅小籠包覺得味道OK，於是就來試下其它菜式，結果大失所望。我地點佐4個餸，竟然有3個係冷盤，但係菜單上沒有任何說明，D食物端上來才知道係凍冰冰嘅，似係直接從雪櫃拿出來。D餸味道太咸，唔係一般嘅咸，醬牛肉吃起來口感好柴，醉雞嘅酒味太濃完全掩蓋了雞肉味。總結：呢度只有小籠包好食，其它食物都好重口味，非常失望！

又到星期五，約左女朋友出去食飯。雖然去到餐廳時已經七點幾，但好彩等左5分鐘位就有得入去。上海炒飯個飯好香，賣相都幾好，D飯炒落粒粒分明，食落口感唔錯，唔太油又唔太鹹。入面仲有幾隻鮮蝦，幾爽口彈牙。李白醉雞雖然無加十蚊要全脾，但都有幾件脾肉食下，幾好。雞肉好嫩滑，好入味，有幾濃的酒香，但又唔會話好難入口，唔鍾意飲酒的人應該都會接受到。原味小籠包皮薄但結實，唔會一夾就穿，每粒都有湯汁，餡料味道一流。加少少醋同薑絲落去食，正。甜品方面，叫左一個桂花酒釀丸子同桃膠紅棗桂圓湯。桂花酒釀丸子依個一般啦，雖然丸子食落幾好味，有淡淡的酒香，但個糖水帶少少酸，唔太好飲。桃膠紅棗桂圓湯依個聽講係新出。幾好飲，好清甜，桃膠食落幾滋潤，冬天飲好適合。整體都唔錯，食得都幾滿足，下次可再黎食下。