樂天皇朝 (雅蘭中心)

營業中

休息中

樂天皇朝是來自新加坡的前三大中餐集團，今次約咗老師聚餐，想搵一啲中菜同埋坐得舒服嘅餐廳，所以就選擇左樂天皇朝！大約11點嚟到，唔係太多人，環境十分安靜，適合溫馨小聚服務態度亦都很好！早已久聞這裡經典的八色小籠包，所以一定要點返過八色小籠包試下！⭐️八色小籠包8色小籠包有8種口味，分別是原味、人參、鵝肝、黑松露、起司、蟹粉、蒜香、麻辣，口味非常特別，餐廳用心的連吃的順序都幫你想好了！原本以為八色小籠包只是外皮顏色較特別而已，其實內有乾坤，內饀都好有料！小籠包肉汁甘甜，一口咬下去仲會爆汁，而且小籠包內餡調味十足，再添加薑絲醬油十分正，每個味道都有唔同嘅感覺。仲嗌咗其他前菜同埋小菜，味道都唔差，三、四個人食啱啱好。樂天王朝仲做緊優惠，提前訂咗仲有六折優惠，很超值！每道都好好吃，非常推薦一起來用餐

對上一之來吃也有快半年的時間，因為媽咪是上海人，雅蘭中心又十分近，想吃上海菜都會過來，之前幫襯過不下十數次，每次印像也滿良好，不知是什麼原因今次用餐體驗只能用四字形容「大不如前」，主要說說這次我點了蝦仁酸辣拉麵和豆沙鍋餅，整碗蝦仁酸辣湯拉麵，最令我吃驚是蝦仁數目只有兩隻，如手指公大小。酸辣湯裡肉絲也只有兩條，之前幾次來也沒點過這道菜，所以估不到份量那麼少。而大不如前的是豆沙鍋餅，之前每次來也是必食之選，即叫即整香脆可口，豆沙甜度也啱啱好，但這次十分明顯是整定。大大令我對這店的印象打了個折扣，我相信我下次再來的機會應該不大。

呀仔好鍾意食小籠包，所以專登帶佢去樂天食下好多種味嘅小籠包有好多味道選擇賣相好色彩繽紛因為有D味我無食，我講下我食既款黑松露比我預其中夾，都幾好味但唔會話黑松露味好勁。鵝肝就我覺得麻麻地，有D失望人參老公先前食過話唔好食但我又覺得唔係丫，唔會係難食而蒜香同芝士我仔食，佢話好好味另外叫左炸饅頭炸得都好脆，但包唔夠鬆軟

掙扎左好耐去唔去旺角食，始終較方便所以都係決定去，黎到樂天皇朝，本人我好鍾意食中式嘢，特別小籠包，普通小籠包已經好好味，黎到芝士小籠包真係嘩嘩聲，有芝士流出黎，生煎包都好食，價錢一般般，我哋六點幾食到八點幾，座位非常梳落

之前見到佢哋買依間餐廳賣廣告賣得好行嘅五顏六色小籠包，就覺得好得意。今日約咗朋友嚟MK食飯，我都唔知道原來依間餐廳，就係食呢個彩色小籠包嘅地方！既然一場黎到，當然要好好試一試啦。叫咗一份彩色嘅小籠包，我記得係有就係有原味，蟹粉味，麻辣味，鵝肝味之類嘅，仲有人蔘味，芝士味咁，有啲就比較正常，其實都算係食得出佢咩味道嘅。個人覺得最深刻印象係麻辣味，個味幾出，幾香，又唔辣。其他仲叫左一Ｄ小菜同埋包點啦。依一味蟹粉豆腐都唔錯，份量都幾多，豆腐好滑，應該係用左盒裝豆腐。不過個蟹粉汁就鹹咗少少，可能係師傅落味落重手左，攞嚟送白飯就好。甜品呢就叫咗一個驢打滾，佢應該係糯米卷之類嘅嘢，夾埋裡面係豆沙，外面再在沾上黃豆粉，係非常之軟糯有咬口。旺區黎講，依度食物都唔錯，又坐得幾舒服，位置又非常方便，感覺都食得過嘅，如果下次約朋友喺依頭食飯，佢都可以考慮吓。

今晚同家人一齊到旺角樂天皇朝吃飯，見到點菜紙字體太小睇唔到；只是細細聲講，服務員即刻話幫我劃,亦解釋得很詳細。水煮魚又滑又辣，唔錯嘅選擇。我們都覺得這地方是唔錯嘅，會再來

今日同同事来旺角雅兰食小笼包。一落單就係兩籠。一籠原味小籠包。一籠皇朝小籠包。多味多汁，水煮魚片又香又辣，服務員服务唔錯，每每留意到我地需要加茶等，親切有禮，我一定會支持，值得推介。

宜家要搵間岩食嘅中菜館真係好難，咁岩要同奶奶食生日飯，想搵間好坐好食嘅。咁岩今日要喺附近開會，又係新加坡公司，就揀左呢間。環境唔錯，野食精緻，味道又好，最緊要唔限時，唔洗食到趕頭趕命。下次會再黎

久聞嘅8色小籠包，試左川味同原味，小籠包皮薄餡令，湯汁十足。跟足佢建議先食原味後食川味。原味最好食，川味夠特色。另外仲叫左擔擔麵，湯底好濃好正。沙拉骨夠脆夠香，又唔油膩，值得再食。

想搵個坐得舒服嘅地方慶祝生日覺得樂天皇朝係一個唔錯嘅選擇一行八人一坐低就叫嘢食太肚餓 未影相已經食晒小籠包多汁青瓜海蜇不錯好爽甜品幾好食推薦大家嚟！！！！！！！！

今日7時多來到，人不算多，一行8人坐得好舒服，可以坐好耐，服務亦唔錯。食物方面，選擇都幾多。招牌小籠包一籠10個，味道不錯。另外炒年糕，涼拌黑木耳，醋醬海蜇頭都推介。最後薑茶黑芝麻湯圓都好食，薑汁味夠濃。

今日一大班朋友聚會，想搵間坐得舒服啲既餐廳，又想食上海菜，係openrice睇過之後決定試下都幾出名既樂天皇朝。菜式選擇都多，味道都好好，呢張係唯一一張相，因為啲野好食，所以大家都無相機食先🤣唯一可以改善既係份量有啲細，不過就變相可以叫多啲唔同菜式。環境好，好適合想坐耐啲慢慢傾計既聚會，服務態度都好好，絕對會推薦朋友再黎。

中午同朋友午餐😋就揀左呢間旺角樂天皇朝食上海菜入到去環境都算唔錯夠大用餐既位置夠曬舒服落單時服務員都細心聆聽，有問必答服務ok我每次食都必叫既小籠包因為多肉汁夠熱，好好味

蘿蔔絲酥餅鬆脆，餡料豐富新鮮，推介小籠包不錯，皮薄醉雞嫩滑擔擔麵麵質爽口，湯底味道適中，但略嫌湯量少手拍青瓜略嫌味道有點淡服務員態度出色，有禮貌地方清潔，唯略欠燈光

同幾個朋友行經旺角，去到雅蘭醒起都好耐冇食過樂天皇朝，就決定入去啦。記得呢度啲小籠包幾出名，一口氣叫咗五六籠，真係超好食！另外個醉雞都係必叫！希望樂天皇朝繼續做出水準！加油！