樂天皇朝 (雅蘭中心)

營業中

休息中

樂天皇朝嘅裝修都算叫做搞得唔錯 以佢呢個價錢來講食物質素真係算係非常普通 但係都要讚一讚佢嘅油麥菜 食落幾fresh好有草味 👍🏻其他食物只會話普通茶樓都食到 只不過換咗另一個容器同埋裝飾得比較好 服務頗為一般 叫咗幾次想要熱水等左好耐都冇人比 唔知係唔係因為唔夠人手嘅關係 都等左好耐先有人serve我地 但姐姐嘅態度算係唔錯 叫做打左個和環境方面坐落都舒服 張枱都大 衛生情況都幾滿意 但因為食物嘅質素太一般應該唔會再有下次 🤔

🐾 樂天皇朝 (旺角) 🐾-特色皇朝小籠包✔️$118蝦仁酸辣湯拉麵✔️$68醋製海蜇頭✔️$78刀切小饅頭✔️$26-特色皇朝小籠包:八色小籠包係佢哋嘅推介菜式，當中包括：原味、鵝肝、人蔘、黑松露、芝士、麻辣、蒜香、蟹粉，小籠包皮唔會太厚，但係一夾起都唔會穿嗰隻，入邊有超多湯汁最鍾意就係連埋薑食超好味！-蝦仁酸辣湯拉麵:啲麵唔會過淋，個湯都好夠味，唔會話落咗面就溝淡左咁，而且都係好足料，啖啖湯都飲到啲料👍🏻-醋製海蜇頭:海蜇頭好爽脆，唔會係好硬嗰啲，而且由陳醋醃製連配菜青瓜都好好食🤤-刀切小饅頭:饅頭有配煉奶，點着煉奶食真係好好食🤤——————————————(非專業,完全跟據個人口味☺)食物:8/10環境:8/10服務:8/10人均消費:$200———————————————▪店舖名稱: 樂天皇朝 (旺角)▪店舖地址:🔸 旺角彌敦道639號雅蘭中心2樓203及205號舖(星期一至日11:30-23:00)

有段時間沒有到樂天皇朝食小籠包，今日到旺角逛街後，便來到雅蘭中心的分店，遠遠已經看到樂天皇朝的廣告牌。來到餐廳門口已可看見師傅製作的過程；餐廳裝潢極具特色，座位空間寬闊，坐得十分舒適。小食 $15茶 $8/位上海風味醬鴨$58這道菜有驚喜，醬鴨十分有味道，質感嫩腍，皮香軟滑。醋醬海蜇頭$78例牌海蜇頭十分爽脆，但不算十分入味，配上醋醬都不錯。四川夫妻肺片$68例牌夫妻肺片辣度足， 牛展牛肚，腍軟入味，有嚼勁，很不錯。原味小籠包六粒$62湯汁飽滿不油膩，肉汁豐富，皮薄如紙，口感Q彈，一試難忘！蘿蔔絲酥卷$42/3粒外表吸引，厚實的一層層，輕輕一咬，滿滿的蘿蔔絲，且排辣辣，好有誠意。花蔬蒸餃$55/6粒每隻飽滿皮薄，餡料有豐富的蔬菜，調味不錯糖醋魚片$90例牌魚片厚身，掛滿糖醋汁，外表帶點香脆，配菜有菠蘿、青椒、紅椒和洋蔥。皇朝擔擔拉麵$60例牌湯底濃厚，麻醬味濃掛汁。

經常和朋友食開西餐，今晚和她食下中式野。餐廳以宮廷式裝潢，富麗堂皇甚有氣派，環境舒適地方闊落，歎下茶食個包感覺好正。而且美食創新與傳統交織，此晚的上海菜更顯不平凡，碟碟有水準之餘，充滿了驚喜。特色皇朝小籠包 $118來到必點的招牌菜，色彩繽紛望見開心，八色八味各俱特式。小籠包皮薄富彈性唔易穿，湯汁滿滿餡肉鮮美，八款味道包括原味、人蔘、鵝肝、黑松露、芝士、蟹粉、蒜香、川味。當中黑松露款式菇味香濃，食落滿口芳香馥郁。蟹粉款式油香四溢滿口甘香鮮味。蒜香款式帶點鹹香蒜味在口中核爆好好味。川味款式出奇地不辣，麻香撲鼻齒頰留香印象難忘。今次與友共享一籠未能試足八款有點可惜，下次再來一定會encore獨食一籠滿足心願愛自己多啲。醋醬海蜇頭 $78海蜇頭薄片晶瑩剔透非常爽口，墊底的青瓜同樣爽脆，撈左陳醋酸酸甜甜十分開胃⁣。蟹粉炒飯 $128蛋炒飯粒粒分明，飯粒圓潤飽滿，蟹粉汁味香濃甘香鮮美，食落啖啖滿足。芝麻醬油麥菜 $65油麥菜葉捲成條狀，以青瓜薄片扎實，咬落層層口感如生菜般清新爽脆，蘸上芝麻醬美味非常，如此簡單特別的菜式，超讚。瑤柱芙蓉賽螃蟹 $85以大火快炒蛋白的一道名菜，無論賣相味道質感相當似

一向喜歡吃中菜，特別是上海菜。這間餐廳出名8色小籠包，我一直都想試試。這就是招牌的特色皇朝小籠包，據知8色是由天然色彩提煉而成，大家可以憑色彩猜到其味道嗎？原來進食的次序是從淡到濃，所以應該跟以下次序進食：原味、人參、鵝肝、黑松露、芝士、蟹粉、蒜味和川味，很有心思的配搭呢。除了小籠包，我們還點了擔擔麵、芙蓉賽螃蟹、芝麻醬油麥菜、心太軟。這款芝麻醬油麥菜做法雖然簡單，但其實著重食材的新鮮。油麥菜清甜可口，配香純的芝麻醬真的是很新新的味道，中和了其他肉食菜式的油膩。另外這款中式的心太軟也很特別，喜歡紅棗的朋友不能錯過，會吃不住口呢！

疫情情況嚴重，出街食飯真係要好小心。呢間餐廳會幫每位客人要量體溫，如果有發燒就唔可以入去啦，可以令食客放心。小籠包外皮厚薄適中，咬開滿滿湯汁，果然係招牌菜。炸饅頭配上甜甜嘅練奶，既邪惡又好味。略嫌有啲失望嘅係酸菜魚，魚嘅份量有點小，同埋味道唔夠香濃，如果追求重口味果種酸菜魚嘅酸同麻就唔好叫啦。但想食川菜又想偏清淡則可一試，同埋薯粉有好多。至於其他菜味道不至於好驚艷，但都不過不失，諗唔到食乜都可以一試㗎。另外， 值得讚嘅係冇收切餅費，而且衛生環境都唔錯。有個開放廚房可以睇到師傅包小籠包。

今次去食上海菜，呢間餐廳個招牌八色小籠包，應該好多人就算未食過都聽過，包括我，終於去會一會🥢樂天皇朝 👑餐廳座位闊落，裝修係潮嘅中式路線，食物種類繁多。皇朝八色小籠包係特別嘅，色彩繽紛仲有八種味道，每食一粒之前都有少少期待。四川水煮牛肉份量都幾多，要小辣啱啱好，又辣又麻食個唔停。成都口水雞好嫩滑，都有啲辣㗎。龍華素鴨清清哋可以中和一下，唔使每道菜都咁濃味。蒜蓉清炒菠菜，翠綠爽脆，正。📍 旺角彌敦道639號雅蘭中心2樓203及205號舖樂天餐飲集團香港 Paradise Group Hong Kong

小籠包$62有6個，好抵呀！皮薄餡靚，湯汁剛好，不多不少生煎包$42有3個，熱騰騰真係好好味蒜泥白肉$75，我超喜歡這道菜；白肉上之辣醬真係好香辣，不過唔食辣就要講五香牛肉麵$72，好大碗幾飽肚不過前面菜式實在太好味😋，最後食呢個麵比較無咁好食但牛𦟌都有5-6塊，香味膿郁，麵條有咬口茶壺給你自斟自飲，不需要常常等服務員加水；另外茶包都是靚茶。$15=2人，唔貴啦！小食$16，粟子粒粒都好甜好大

疫情之下確診數字跌完又升，多月來少了朋友間的聚餐，兩口子就靜靜享受食大餐的空間。來到旺角雅蘭中心2樓原來有不少食店，被宮廷古典風格及製作透明度高的門面所吸引，入到一間古色古香而且是新加坡過江龍的京川菜館。進店店員先行探熱，衛生又放心，座位寬闊，燈光及空間足夠食客間能保持適當距離。一路品嚐前菜栗子花生睇餐牌，種類不少，有落單紙可以慢慢揀選，來到樂天皇朝必點招牌菜是常識吧，標榜每粒25克的創新口味小籠包，經典中有精緻新穎變化。特色皇朝小籠包(八包) $118要完全體會八種小籠包的獨特口味，餐廳建議食法的次序是由淡至濃味進食，首先是招牌原味小籠包、人參、鵝肝、黑松露、芝士、蟹粉、蒜香及川味，味道層次逐步提升。加入天然色素的皮層薄，口感不錯，豬肉饀湯汁清甜不油膩最欣賞三種味道，鵝干、黑松露及蒜香，下次再來要主攻這三種較重口味的更享受。清燉雞湯$62雞香味清甜，雞件伴湯，飯前清一清口味，暖一暖身是不錯燉品。糖醋魚片$190糖醋汁加入菠蘿洋蔥三色椒，酸甜開胃，魚塊新鮮，魚塊份量再多點較理想，整體味道不錯。蒜蓉清炒菠菜$65灑上炸蒜香口，翠綠清甜，健康之選。皇朝擔擔拉麵$60人工上海拉麵掛湯質感不錯

今天與女朋友之家人一起晚飯，選擇了一個環境與食物都有質素的地方，不能失禮，樂天皇朝一向都是這個檔次，今次與她家人一同共餐，揀這家也不算失禮。雖然疫情影響，少左好多人外出，但這家店到晚上，也人聲鼎沸，晚飯時間都坐了大約8成的人，幸好夠大，不會人與人之間太緊密，食得幾放心我們大約叫了4,5個菜，當然不少得佢既招牌八色小籠包！八色小籠包，八種不同口味，各有特色，值得一試味道特別，不過我覺得還是原汁原味最好味🤣松子鮮果桂魚 - 魚皮外脆，魚肉鮮嫩，配上酸酸甜甜的醬汁，很好味，可惜是用上罐頭雜果，如用上鮮果，咁就完美！蟹粉豆腐味道剛好，唔會腥，送飯一流基本上今晚叫既餸菜味道、外貌、質素都唔失禮，好有質素，大家都食得很開心，而且最後亦有特別既甜品選擇，為晚餐劃上圓美的句號，價錢亦算合宜，所以如果要食好少少既餐廳，值得揀呢間

樂天皇朝在九龍就只有旺角雅蘭中心的分店，今晚就帶好友來嚐嚐那個8色小籠包。餐廳門口可見師傅製作的過程。小食 $15茶 $8/位《清燉雞湯 $62/位》沒有雞油，湯很清並沒有味精。《特色皇朝小籠包(八色) $118》是食客必點的項目！賣相漂亮，各色代表八款不同味道：原味、人參、鵝肝、黑松露、芝士、蟹粉、蒜香、麻辣，跟順序吃就可以由淡到濃！皮薄且肉餡飽滿，湯汁鮮味，個人覺得坊間少有的人參味、鵝肝味、黑松露味道最吸引。《李白醉雞 $85/例》肉質嫩滑雞味濃，酒味完全滲入雞肉內，驚喜好味，推介。《香辣蒜泥白肉 $75/例》五花肉薄而味清，絕不油膩，再配上特調蒜泥醬，味道香濃帶點微辣，入口非常野清新，有驚喜！《京醬肉絲配薄餅 $90/例》京醬肉絲是出名的北方菜式，一籠熱烘烘的竹籠內放有餅皮，餅皮夠薄又煙韌，包卷著香濃的肉絲很惹味！《開陽蔥油拌麵 $48/例〉附隨一碗熱湯拌麵，令麵入口濕潤不黏，味道清淡，忽然覺得配搭京醬肉絲會不錯。《桂花酒釀丸子 $36/位》丸子每粒都煙韌有口感，但麵粉味重。桂花清香，甜度適中。下次要試試下午茶。

近期我盡量只會去衛生管理做得好d、味道keep到水準嘅餐廳，呢間都算係我心水list之一。呢碟菜嘅醋醬好容易沾上清新青瓜，同脆口海蜇頭，真係好開胃！四川夫妻肺片，迷你版冷盤黎講，味道不過不失。用盅上嘅蝦仁酸辣湯，美觀、料足、酸辣度亦十足，唔錯唔錯！點可以唔叫呢度嘅招牌原味小籠包，皮薄，比其他地方食到嘅更煙靱，肉汁清甜，即叫即蒸，仲有好多特別味道選擇，超級推介！極度推介呢個蟹粉炒飯，本身個炒飯已經炒得乾身又香蛋味，配上師傅精心泡製嘅蟹粉，個種鮮味撈埋食真係好味到不得了！蒜蓉炒菠菜，蒜味ok，可惜菠菜略嫌有d老，有渣。桃膠紅棗桂圓湯，少甜、好香紅棗味，好食！餐廳對防疫工作認真，量度體溫，設搓手液，每檯用消毒劑清潔，廚房師傅戴帽戴口罩，對客人對員工都安心d，十分欣賞！

疫情之下，有時都要出街抖下氣，食番餐好。😬 不過當然，要揀啲衛生嚴格，乾淨寬敞嘅餐廳，就會比較安全嘞。⁣⁣⁣⁣😅⁣⁣⁣⁣⁣⁣皇朝小籠包（$118）［好味度：8.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個係佢哋嘅招牌菜，簡直係嚟呢嘅必食。✅ 八件都係唔同顏色，唔係人造色素，而係卒取自唔同食材。🤓 八隻小籠包都係唔同味㗎。🎱 而佢嘅小籠包，皮都好薄，但又唔易穿，加上入面好多湯汁，豬肉瘦中帶肥，算係食過當中，非常高質嘅小籠包。👍🏻 小籠包分別就係呢啲八隻口味：原味、人參、鵝肝、黑松露、起司、蟹粉、蒜香、麻辣。😗 全部被都好入味，各有特色，但同時又覺得同小籠包嘅味道都幾夾，嚟呢度就真係必食。⁣⁣⁣⁣😁⁣⁣⁣⁣⁣⁣蟹粉炒飯（$128）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣蛋炒飯鋪上超多橙黃食嘅上海蟹粉，感覺已經好正。🥰 入面仲有啲蟹黃添。🦀 將蟹粉同埋炒飯撈勻嚟食，食落啖啖都有蟹肉，真係超級滿足，好難忘。⁣⁣⁣⁣😚⁣⁣⁣⁣⁣⁣沙拉排骨（$92）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣今次都叫咗啲熱炒小菜去試下水準，果然都唔失望。😝 沙排骨經過炸過，

食中菜又唔想食得咁悶， 個心諗住搵間 有特色的中菜廳 ， 吸引到眾人嘅眼球之餘， 仲可以影相擺上網獲取朋友的讚好， 喺宏宏餐廳之中，就搵咗以八色小籠包最出名的樂天皇朝 嚐鮮一番， 因為我喺眾多食評之中，最吸引我眼球的就是這八色 小籠包。 餐廳位於雅蘭中心， 內裏設計古色古香， 而且座位與座位之間寬闊， 尤其在疫情之下， 客人與客人能保持適當的距離， 實屬坐得舒服 ， 亦能保持衛生 。 上海風味醬鴨58 上檯時，單是從色澤和氣味就覺得像鴨做得正宗。 鴨肉外皮光亮， 大口咬下鴨肉口感特別柔軟，而且醬汁甘甜飽滿， 滋味香甜多汁。 特色皇朝小籠包（8色）118 然後到最吸睛的白色小籠包上枱了。 但是賣相之豐，已經 讓人目不暇給。 而八色小籠包八種的味道， 更加甦醒味蕾。 原味人蔘鵝肝黑松露芝士蟹粉蒜香麻辣， 豬肉餡搓得鬆化唔死實 ， 外皮摺得靚，八色都 各有特色。 綠色的人參味 有苦盡甘來的感覺。 蟹粉內裏有蟹黃及蟹肉， 讓小籠包的鮮香更上一層樓。 麻辣口味 雖然未是最高層次那種麻辣， 但當中的 辣中帶勁， 已經教人喚然一新。 松子鮮果桂魚238 師傅功力上乘，松子魚坑紋界得深，

今日一家四口經過雅蘭中心就響門口望吓餐牌，餐牌見有各式各樣上海名菜。受疫情影響，一路行上雅蘭2樓，都經過一些食店，裏面都不是太多人，但這間樂天好似好好生意，星期一都幾乎座無虛席！入座後，小孩同老媽都要點飲品，小孩點了蘋果荔枝茶，老媽卻愛喝羅漢果茶。芝麻醬油麥菜：簡單嘅油麥菜非常爽脆清甜，配合特色芝麻醬，簡直一絕，回家也可試試做👏🏻👏🏻蟹粉小籠包上枱已經非常吸精，打開蒸籠熱辣辣，小心翼翼用筷子夾起，見到湯汁滿滿，先咬開小孔已經見到同聞到湯汁鮮甜味。蟹粉味濃郁，配合鮮肉一啖一隻，冇得彈！再吵原味小籠包，就是最大眾化的口味，小孩一口氣吃了三個，不過小籠包一定要趁熱食，否則外皮不軟身。這裏的薑絲非常幼細，同小籠包一拼入口好正！無錫鮮肉鍋貼上枱時熱辣辣，一咬肉汁噴射出來，鮮肉餡料飽滿，超正！松子桂魚，一大條「橙色」魚，非常奪目，用刀叉切開魚肉見到魚肉是白雪雪的，非常新鮮！全條炸魚炸得恰到好處，外脆內軟！而且橙色汁酸酸甜甜再配合鮮果令人食指大動！老媽還把魚頭部份吃清光！真叻！瑤柱芙蓉塞螃蟹：塞螃蟹配有一大隻溫泉蛋🥚，小孩見到兩眼發光✨，蛋白分量十足，配合香醋很醒胃，大讚！上海嘅豆沙鍋餅，一碟有八件