樂天皇朝 (雅蘭中心)

營業中

休息中

一路好想食小籠包樂天皇朝嘅小籠包一向好出名今日就黎過下口癮🥰嗌左一籠雜錦小籠包總共有8款口味每一款味道都好特別我自己最鐘意紅卜卜嘅川味微辣又帶有花椒嘅香味令人食指大動😝生煎包都非常推介包底煎得香脆但包身仍然非常軟綿唯一嘅缺點係內餡肉汁欠奉 而且餡料較少但整體而言係做得幾好.樟茶鴨一上台就聞到一陣鹹香食落非常惹味 好適合一路飲茶一路食😂.京醬肉絲算係比較普通嘅一道菜因為當時好想食片皮鴨 所以嗌黎止下癮😝

難得4人聚餐，食咩好？上海菜酸甜，開胃呀，叫左9樣，都好出色喎～松子魚魚肉新鮮，滑，但松子較少，汁太多(怕酸朋友注意)～梅子排骨甜甜地，排骨幾有咬口，我連梅子都食埋～肉絲比較甜，我唔太like，但d大蔥好香喎～皇朝小籠包8种味，我食左鵝肝&蟹粉，足料好夠味～沙拉骨豬扒嫩，加埋沙律，香口，忍唔住食左2塊～醉雞有水準，不過不失～炸饅頭比正常小饅頭會大件d，都抵食的～豆沙糕平時上海菜少食哩味，凍食，出色～豆沙餅即炸好熱，顏色淺d，唔夠脆埋單共$985，人頭250，算抵食

下午三至五點係下午茶時段，全單六折🤩呢個下午茶只有平日做，星期六日冇㗎！平日下午三點去到餐廳都幾空，唔使等位！一坐低之後就自己剔點心紙！兩個人食，總共叫左七樣野！叫得有啲多所以最後食唔哂要拎走🤪每次嚟到一定要嗌呢個皇朝小籠包，佢總共有八隻唔同嘅味。我覺得做得最出色嘅都係原味，另外芝士同蟹粉都做得好好味🤤每個小籠包個皮都好薄又爆汁，超滿足！另外都嗌左三款前菜，涼拌黑木耳都好推介識落好清新好開胃🤩🤩🤩海蜇頭就比較un咗少少，但味道都算唔錯。醉雞不過不失👌🏻呢個炸饅頭有驚喜👏🏻🤩炸得勁脆仲要係即叫即炸點住煉奶食真係一流😋💯另外都叫咗擔擔麵同炸醬麵，擔擔麵做得唔錯個湯底辣辣地超濃花生味，啲麵亦軟硬適中👌🏻買單四百零蚊兩個人（已經折咗六折）如果原價食價錢真係偏貴🌝但下午茶食個人覺得都幾抵，環境同服務都唔錯，值得一試🤪

早排星期五係旺角想搵間唔使等位嘅餐廳，搵左好耐終於搵到樂天皇朝，咁岩好耐無食上海菜👍🏻餐廳座枱幾闊落，好岩同朋友或一家大細聚一聚。叫左龍華素鵝～雪菜咸肉炒年糕～蒜香排骨拉麵～咕嚕肉同豆沙鍋餅龍華素鵝份量都唔少，前菜小食推介。主菜唔想食咁濃味可以試下雪菜咸肉炒年糕😝味道適中唔會太咸不錯。蒜香排骨拉麵勁香勁多炸蒜，一啖蒜香排骨一啖拉麵😋豆沙鍋餅係每次食上海菜必點嘅甜品😛個皮唔厚好好味。旺角嘅推介舒適好坐野食唔錯嘅地方👍🏻

貓奴們外出用膳 去食我寶貝既家鄉菜 平時都有叫開佢地外賣 味道唔錯 特別係麻婆豆腐 星期六 想住打去訂枱怕要等位 但佢地話只接受4人以上既訂枱 咁唯有walk in 去到都唔洗等位直接入去坐 good👍🏻 麻婆豆腐😋😋😋唔太辣又野味！送飯一流海蜇頭😋😋味道唔錯  但偏淋少少  唔夠爽清炒蝦仁😑平時食開係細粒既蝦仁邊有咁大粒 仲係雪藏蝦 $13x  得個25粒唔抵食  芝麻醬油麥菜😋味道唔錯  芝麻醬香雪菜鹹肉炒年糕😋味道清清地夠味  年糕口感軟硬適中生煎包😋😋好味  肉汁豐富凍菊花檸檬蜜😋😋清甜潤喉唔錯

好耐無食中菜放工同男友去雅蘭中心，食小龍包今次叫咗原味每人有3粒，夠熱，點少少醋，一啖咬落去，係個頂啜d湯，好好味，一口份量醉雞，好濃酒味，而且唔肥，皮下無肥糕，唔油膩，健康得嚟好味，補充蛋白質雞肉滑滑的，骨細多肉🦴，好味呀，下次都會再食叫咗個 $65 雪菜肉斯拉麵🍜呢啲白色麵唔油膩，好清淡，好大碗，我哋叫嚟送個醉雞Perfect match.仲有個小食，揀咗生煎包，呢個有啲普通試一次就夠，個包太大，汁唔夠，煎個底又唔夠入味，有啲dry 有代改善

原味小籠包感覺無太大驚喜既感覺,小籠包皮無想像中咁透薄,皮比起鼎泰豐較厚.內裏鎖住鮮肉汁,鮮肉汁都幾滿夠香,內裏肉餡帶豬肉香,以連鎖集團黎講,個人都係比較鍾情於鼎泰豐既小籠包.鹹肉雪菜炒年糕,份量比想像中小.年糕表面有少少糊口既口感,但咬落依然煙韌.味道帶鹹肉同雪菜既鹹香味,雪菜唔會過鹹,味道夠香.辣子雞炸得好夠脆,咬落脆卜卜,入口帶麻辣香都幾入味.食食下辣子雞果陣脆辣既感覺好似同M記既雞翼有幾分相似🤣但味道係幾不錯.驢打滾內裏用糯米搓成麵團再放入紅豆餡捲起,最後面上灑上好多黃豆粉,豆味濃又香甜.入口十分軟綿煙韌,充滿米漿既米味,內裏紅豆香而不過甜膩.

今日同左2位好耐無見既朋友黎樂天皇朝食。首先，當然要食必吃既八色小籠包！每個都有肉汁！好味！😋竹炭流沙包都好正，入面好流沙！要小心d咬，如果唔係就會流哂出黎😂海蜇好爽，好味！醉雞既有酒味，雞肉又嫩，正！😋紅油抄手麵既雲吞都好爽，好味！桃膠好清潤，滋潤一下😀呢一餐真係令我地都好滿足！👍🏻另外，因為入面無滿座，我同朋友由3點可以坐到去6點，慢慢傾計，地方又闊，樂天皇朝真係一個聚會既好地方！😀

為咗食到七彩顏色嘅小籠包，今日決定嚟朝聖一下。一坐低已經order要個八味小籠包，分別有 原味、鵝肝、芝士、黑松露、蒜香、麻辣、蟹粉、人蔘。我自己就最鍾意麻辣同埋黑松露，麻辣都唔算好辣，平時食開小辣嘅應該都會食到，而講到最有新鮮感嘅就係黑松露味既小籠包啦！黑松露嘅味道好香，而小籠包嘅皮好薄，裏面仲有好多湯汁，點少少醋食真係一流！

今日到旺角 突然好想食小籠包腦裡一諗就諗到樂天皇朝所以就決定揀雅蘭分店由於係walk-in沒有預訂 所以去到都要等等 不過都算快 大慨15分鐘我地就可以入座雅蘭既樂天皇朝裝潢具有古典特式 門口格離可以見到師傅製作過程 入座後會有小吃 侍應態度有禮貌首先 必叫八味小籠包 係依到既特色菜 八味分別有 原味、鵝肝、黑松露、芝士、蟹粉、人蔘、麻辣同蒜香 小籠包皮薄餡靚 夠多湯汁 再點上醋同薑絲 一流不過我自己就比較鍾意食原味 所以再嗌多籠原味上海菜必食東坡肉睇落去雖然好肥 但做到入口即溶 蘿蔔絲酥餅 外皮香脆 入面全部都係蘿蔔絲最鍾意鬆脆口感蟹粉炒飯這個相對 不太像炒飯 但蟹粉味道卻不錯京醬肉絲配薄餅肉絲味道濃郁 加上薄餅一齊食 口感豐富 總結食物：上海菜正宗味道環境：裝潢古色古香 有特色價錢：算中上

知道最近樂天皇朝做緊68折優惠，所以專登黎試試，都有一段時間冇黎過，真係好掛住佢個小籠包！原味小籠包，皮薄餡靚，咬落熱辣辣，好juicy 😋😋 煎鍋貼，每隻都脹卜卜，餡料甚多，香脆可口！菜肉雲吞麵，雲吞餡料醃得好，好夠味，唔會好淡！生煎包，味道ok，但如果包底煎得更脆口就更完美！楊州炒飯，炒得粒粒分明，亦有不少蝦仁🍤！總結：樂天王朝最冇得頂就係小籠包， 好食過唔少上海老店，鍾意食小籠包嘅你一定要黎試下！

樂天皇朝既上海菜一向都保持水準，好有質素，而且好岩多人share今日前菜叫左皮蛋豆腐，賣相好精緻，皮蛋切碎左，口感好特別再尼係原味小籠包，個湯好好飲，皮做得唔錯跟住係大家爭住揀既八色小籠包，衣個真係岩多人share,最少三個人食會好d，想試新野叫衣個岩晒擔擔麵湯底幾濃，份量唔算多，麵掛湯力強，質感有咬口食左咁多包同麵係時候食番條菜balance下，炒白菜仔不過不失最後係宮保雞丁，豬師奶好中意既一個餸，個醬好夠味，唔會太感，好多雞肉

認識樂天皇朝始於星加坡，相信其管理及出品也應該有穩定的水準。可惜是次用餐體驗，是感受到整體水準下降。首本名菜色小籠包仍甚有特色，可見下午茶六折時段仍甚受歡迎，但魔鬼就在細節中，以下是我的分享。菜肉雲吞。口味系OK的，但個菜系由枱尾飛過來的，這是尊重食物的態度嗎？油酥葱餅。這類型的食品貴在細節中，但觀其外貌，色澤不均，而且要留意系上菜的時候已經系震開了的狀態(非因拍攝而再排列展示)，可見店家製作烹調至上菜對食物的用心有多少。最可怕是菜仍末冷，己見托紙及餐碟上浸滿了油，這也是失分點。上海生煎包。在店用餐，觀食物其華，嚐食物其鮮。但這道菜上了，有一種在超巿連所店下單的感覺。外表凹痕，半不熱，內涵分疏不一。論裝潢是走中上食府格局，可是見店家招待甚具市井特色。問我為何不用小餐碟？又何必用呢，我不提要更換也是體諒。看看，碟上污積是什麼一回事宜。

今日見星期日 同屋企人出嚟食個Tea 下午茶優惠 十分吸引 有六折係六折呀 上菜速度非常快 唔夠15分鐘已經上齊晒 讚！今次點左1）必食原味小籠包 四個人梗係叫10粒 皮夠薄 湯汁充足 如果再熱d 就 perfect 2）鍋貼煎得好脆口 脹卜卜 應該係剛剛整起既 好快就比我地 Ko 晒 👍 3）素菜蒸餃 唔會好干身 中規中矩 可以一試4）叫返碟菜 油麥菜卷 分量充足 感覺好清新 吾駛點醬 好食😋5）排骨上海湯面 炸排骨 遠睇有d 似炸雞🍗😅 上海麵正常 6）蔥油伴面 好大碗啊 性價比超高 總結呢間小籠包唔錯既 皮薄餡靚 分重十足 估唔到鍋貼都整得好味 夠晒熱 六折黎講真係超級抵食

今晚同朋友出左旺角食飯，想食小籠包，就揀左呢間試下，小籠包皮其實冇咩特別味道，就係顏色好特別，另外仲有叫左炒飯同豆腐，味道都算唔錯，呢邊勝在人比較少，等位唔洗咁耐