樂天皇朝 (雅蘭中心)

營業中

休息中

mazi大人好中意食上海菜，時日覆診後就嚟到樂天皇朝，裝潢古色古香，一嚟坐得舒服，二嚟mazi最中意食～ 所以今日就寫個食評⋯—首先端上壺茶+小食 （滷水鳳爪），味道不錯，夠入味！—🥟特色皇朝小籠包 $142/8隻八色小籠包終於有機會食啦 八款口味分別係(原味 、糟溜絲瓜 、鵝肝 、黑松露、芝士、蟹粉、蒜香 、川味 ）🥢建議由「原味」開始食至「川味」，味道由淡至重！ mazi大人最中意「黑松露」，好松露果種漏gas味得嚟帶點菇香！ 另一款係「糟溜絲瓜」！每粒小籠包皮薄，但唔會一夾就穿，就算手殘嘅me都絕對冇問題👌🏼🥟重慶紅油鮮蝦炒手 $85少少辣，每粒都包到有金魚尾，好靚～ 皮薄肉汁多，mazi大人大讚🥟上海生煎包$48唔厚皮，包底脆，入口肉汁滿滿🥟清燉雞湯$68味道清甜又夠大碗Overall 嚟講人均消費$20x價錢中等，但係就有好多特別口味小籠包，啱晒中意試新嘢嘅你～大家經過不妨一試！—-如果大家中意俾個like支持下🤟🏽 𝗖𝗶𝗮𝗼🥟樂天皇朝🥢旺角彌敦道639號雅蘭中心2樓203及205號舖

難得今日放假，約咗好朋友去旺角食上海菜。我哋去咗雅蘭中心呢一間樂天皇朝，想試佢嘅八色小籠包好耐，餐廳位置好方便，裝修得好靚，坐得舒服。八色特色皇朝小籠包小籠包一送到嚟，即刻覺得好靚，顏色好繽紛，店員仲會教我哋食嘅次序，由原未開始，淡味至濃味咁樣食。呢八隻味分別係原味，糟溜絲瓜，鵝肝，黑松露，芝士，蟹粉，蒜香，川味。個人最鍾意黑松露同蟹粉，蟹粉小籠包入面有一絲絲蟹肉，仲超香蟹黃味，黑松露就超濃菇菌嘅香味。 特別大驚喜嘅係川味，入面真係辣辣地。小籠包好多汁，肉夠嫩滑，皮都唔會好厚👍🏻李白醉雞醉雞我地加左$10轉雞腿，上枱雞肉擺得好整齊，食落超嫩滑，酒味適中，不會太濃。皇朝擔擔拉麵 呢個擔擔麵醬汁超濃郁，食落好creamy，花生醬味道夠濃 ，好滋味鮮蝦豬肉雲吞豬骨湯粒粒雲吞超級飽滿，雲吞皮好薄好滑，入面鮮蝦大大粒，夠彈牙。特別一讚豬骨湯飲得出係天然煲出嚟，配埋雲吞食啱啱好檸檬蘆薈桂花蜜甜品我哋叫咗呢一個桂花蜜， 食得好清爽，甜度適中，有粒粒蘆薈，蘆薈都唔會難咬，清爽解膩

一間位於旺角雅蘭中心嘅上海餐廳，店內裝修以氣派嘅中國皇朝時代為主題，環境空間大，座位闊落，用餐環境舒適😌主打嘅招牌八色皇朝小籠包好特別🤪，有八種唔同顏色嘅小籠包放喺蒸籠入面，賣相色彩繽紛非常打卡able，八種味道可以由淡味慢慢食到濃味😍招牌原味小籠包 🥟小籠包嘅外皮好薄好滑，入口即溶般嘅皮薄肉嫩，裡面嘅肉汁好豐富，咬落啲汁就會瞬間爆出黎，唔會太鹹亦唔會太淡啲口感好好味😋揚州炒飯 🍚炒飯粒粒分明，每一粒都炒得好鬆散，唔會話太乾或者太濕，控制得啱啱好，食落個飯香味道好正，又有紅蝦增添啲香味同口感，真係好好食🤪李白醉雞 🍗 啲雞肉煮得好滑，而且啲肉係完全吸收晒酒嘅味道，食落味道非常濃郁又唔會太膩，反而仲有一種淡淡嘅酒香味，真係好開胃🤩蟹粉鍋貼 🥟蟹粉鍋貼皮薄餡多，外皮煎得好香脆，脆脆嘅口感加上咬落爆餡嘅感覺好正，啲蟹粉餡又夠香濃，味道鮮甜非常滋味😍

下午茶時間，抵食啲，本身佢做下午茶6折，但用咗 網上訂座平台訂枱 3:30pm 時段有5折皇朝小籠包Specialty Dynasty 8 flavours (8 pc) ，一道充滿特色的菜品，小籠包皮薄餡多，十分美味。這道菜有8種不同的口味，包括經典豬肉口味以及創新口味，滿足了不同人的口味需求，是一道非常受歡迎的點心。陳皮五香牛肉Spiced Beef Shank，是一道非常經典的菜品，牛肉經過長時間的燉煮，口感鮮嫩多汁，配上陳皮和五香調料，香氣撲鼻，非常開胃。這道菜適合當作下午茶的點心或者晚餐的配菜。心太軟-紅棗糯米Steamed Glutinous Rice stuffed in Red Date，是一道甜點，以紅棗和糯米為主要材料，夠晒養生，口感Q彈香甜，非常適合當作下午茶的點心或者甜品。皇朝擔擔拉麵La Mian with Dan Dan Sauce ，以四川擔擔醬為基礎的拉麵，口味微辣，非常開胃。這道菜的麵條筋道有嚼勁，搭配上濃郁的醬汁和肉鬆，味道非常棒。宮廷驢打滾Chilled Dynasty Xiao，是一道中式甜品，糯米作皮，捲入豆沙，放在黃豆粉上面滾呀滾，裹上滿滿沾

話說男朋友超鍾意食小籠包，呢晚特登同佢去試左呢間七彩小籠包店，估唔到皮薄餡靚又多汁，每款都各有特色幾好味，價錢唔太貴，推薦去試下😋❀皇朝小籠包❀有8款味，分別係：原味、川味、蒜香、芝士、絲瓜、蟹粉、鵝肝及黑松露，色彩繽紛好吸引，打卡幾靚，當中蟹粉小籠包味道鮮美又有蟹油香，芝士小籠包仲有少少拉芝口感😚❀李白醉雞❀雞肉軟嫩富有彈性，入口juicy又保留到酒香味。❀皇朝擔擔麵❀擔擔麵花生醬嘅濃度同埋辣度啱啱好，麵條好好咬又掛汁，不過份量略多，建議2個人share食。❀上海炒飯❀用上蝦仁、菜心同埋牛展粒粒炒，炒到啲飯粒粒分明，又唔會好油膩。❀宮廷驢打滾❀驢打滾層次分明，入口香甜軟糯，仲有濃郁豆香味，味道唔太甜，細細舊咁食完都唔會好有負擔😆

平時想食滬菜就會諗起樂天皇朝，是晚行開旺角，餐廳選擇實在太多，但都好一段時間無食過小籠包，就決定食樂天皇朝雖然好多食客，但喺雅蘭中心呢間樂天皇朝勝在夠大間，好快就有位每間樂天皇朝嘅裝修都帶有宮庭式嘅感覺坐得又舒適同埋上菜速度都好快，食親個感覺都好舒服坐低之後睇到餐牌份特色皇朝小籠包好吸引😍八種唔同口味，但今晚我哋得兩個人就淨係點傳統小籠包，廢事食唔曬，另外仲點咗兩份頭盤涼菜烤麩同陳皮五香牛肉，最後點埋份廚師推薦嘅鮑魚炒飯上海媽媽烤麩今時今日喺香港都唔係好多餐廳食到上海菜，想點一份正宗嘅四喜烤麩就更難。嚟親樂天皇朝都一定要點，鹹甜夾雜嘅醬汁再加上炸過嘅面筋再配埋雲耳冬荀等，呢份烤麩真係非常好食陳皮五香牛肉牛肉切片厚薄適中，呢類滬菜常用嘅牛腱肉帶啲筋位，嫩滑得嚟又好好咬口，滷得非常入味小籠包樂天皇朝嘅小籠包包皮唔算好薄，但正正就係咁先容易鎖得住裡面嘅湯汁，無咁容易穿底漏曬汁，留住啲鮮味，一啖咬落去小籠包，啲鮮肉同埋熱辣辣嘅湯汁喺口腔交匯，成條脷可以品嘗到唔同滋味鮑魚炒飯樂天皇朝嘅鮑魚炒飯我真係大力推介，每次嚟食都必點。炒飯上檯時香氣撲鼻，未食已經喺嗅覺上面享受咗。炒飯粒粒分明，用瓦煲上仲可

位於旺角鬧區，平日lunch嚟食唔算多人，有空間感坐得幾舒服，嘢食同服務都唔錯嘅中菜~🔘招牌原味小籠包小籠包係呢度嘅招牌菜，個人喜好始終最愛原味，個皮夠薄，入面充滿湯汁，每次嚟到必點，包唔會令人失望!!🔘李白醉雞賣相幾靚，望落去令人該有食慾，口感相當滑嫩，入口陣陣酒嘅餘香，仲食到皮下啫喱狀的膏~🔘竹炭流沙包樸實嘅賣相，但個內涵好澎湃，流沙效果好好， 個包軟熟，食落好有鹹蛋黃味，大愛呢度嘅流沙包~🔘鮮蝦豬肉抄手拌麵麵嘅質地幾爽彈，又係我喜愛嘅幼麵，味道微辣，容易入口，雲吞好似有四隻都幾大隻~

食過咁多間上海菜呢間真係多年來都保持高水準每次都係為咗小籠包而來店內環境寬敞，坐得舒適✨招牌原味小籠包 薄薄嘅外皮，咬開都有豐富湯汁趁熱食之餘．仲要小心唔好燙親咀巴真係好清甜，每隻餡料都好飽滿✨ 撈拌海中寶爽口嘅海蜇，配上鮮蝦．墨魚同青瓜絲帶點微微嘅辣香，係清新嘅涼拌前菜✨上海炒飯 色澤較濃嘅上海炒飯味道香濃得嚟又唔會太鹹仲有原隻鮮蝦✨菠蘿咕嚕肉加入新鮮菠蘿咕嚕肉外層唔會太厚粉酸酸甜甜嘅味道真係好開胃食物款式夠多夠齊，有質素，今次食唔到太多款式，下次一定再嚟

好推介呢間皇朝，環境勁chill勁舒適，食物質素都唔錯👍而且下午茶時間勁抵食🤩三點到五點，6折優惠😍以一個麵黎計，原來$78折後只係$47😳仲有一壼好好飲嘅茶，想平平地嘆下真係超級推介👍皇朝八色小籠包一次過就有齊所有味道，而且五顏六色，認真吸引🥳我影唔住係咁打卡😝八款味道分別係原味、絲瓜、蒜香、芝士、川味、鵝肝、黑松露同蟹粉🤤🤤小籠包皮夠薄，料又夠鮮😋我自己個人比較鍾意食原味、蟹粉同黑松露🤣豆沙鍋餅紅豆沙新鮮夠沙，甜度適中，不過略嫌外皮炸到有少少硬身左啲酸辣粉湯拉麵非常大碗又足料，味道酸酸辣辣，令人愈食愈開胃☺️川味涼皮呢個開胃前菜小食真係必點，涼皮又軟又糯，入口煙韌彈牙☺️ 搭配埋川式嘅酸辣醬汁，令你食到停唔到口😋📍 樂天皇朝 (雅蘭中心) (旺角)旺角彌敦道639號雅蘭中心2樓203及205號舖#皇朝 #小籠包 #上海菜 #經濟實惠 #抵食推介 #美食推介 #八色小籠包 #性價比高 #美味推介 #旺角美食 #雅蘭中心 #下午茶 #yummy #shanghai #mongkok #foodie #香港探店

每次經過雅蘭都會見到樂天皇朝嘅八色小籠包海報，諗住一定要去試返次！最近終於同屋企人去咗食，餐廳位於雅蘭中心二樓，裝潢十分典雅，座位闊落，係同家人朋友聚會嘅好地方。皇朝小籠包（$142）平時只係食過原味小籠包，第一次食咁多口味嘅！好有驚喜～除咗原味之外，仲有川味、蒜香、芝士、糟溜絲瓜、蟹粉、鵝肝、黑松露。個人最鍾意麻辣嘅川味，勁香勁惹味，亦唔會好辣，食過返尋味。芝士味同黑松露味都好濃郁，食得好滿足！蘿蔔絲酥餅（$48）外表鬆脆可口，入面嘅餡擺咗一陣都仲係咁熱，唔錯！皇朝擔擔麵（$68）屬水準之作，麻香味濃郁，辣度溫和，麵有咬勁。瑤柱芙蓉賽螃蟹（$98）好耐冇食過賽螃蟹啦，決定係呢度食返次～味道同回憶嘅一樣，唯一美中不足之處就係上碟時蛋黃經已穿了，打卡就冇咁靚。宮廷驢打滾（$48）最後當然要以甜品作結，食落非常煙韌可口，紅豆蓉味道不會太甜，正合我意。

餐廳以中式設計為主, 牆上掛上古代服裝, 營造古色古香嘅感覺, 枱與枱之間嘅距離比較接近, 平日晚市坐無虛席好熱鬧。𓊈風味沙拉排骨 $𝟷𝟷𝟾𓊉沙拉排骨炸得好酥脆, 每一塊都蘸滿沙拉醬, 味道好香濃, 排骨肉質結實而且軟腍, 好好味!𓊈招牌原味小籠包 $𝟽𝟸𓊉小籠包皮薄肉厚, 唔會一夾就穿開, 裡面好多湯汁好鮮甜, 肉質嫩滑。𓊈揚州炒飯 $𝟿𝟻𓊉揚州炒飯裡面有蝦仁, 炒蛋, 叉燒, 火腿片同香蔥, 炒得粒粒分明, 唔會太油膩, 清爽香口。𓊈刀切小饅頭 ✧ 炸 $𝟹𝟶𓊉小饅頭炸得外脆內軟, 蘸點練奶一齊食真係好好味!𓊈無錫鮮肉鍋貼 $𝟺𝟻𓊉鍋貼外皮較小籠包厚但有質感, 肉質鮮嫩, 裡面包住好多湯汁!

樂天皇朝有好多分店，雅蘭中心呢間交通非常方便，環境都好闊落，餐廳裝修有中式風格，典雅大方，龍型雕刻在墻璧上栩栩如生。點心、小菜選擇很多，主打各式麵類，麵條、餃子、包子都最吸引人。皇朝擔擔麵，拉麵Q道，麵身掛汁，湯底可以少辣，滿滿花生味，令湯底好濃郁，仲有花生碎令口感很豐富。京醬肉絲配薄餅薄餅分開放，新鮮出爐，面皮很柔軟，將肉絲放在面皮上捲起，肉絲的醬汁很夠味，好似捲片皮鴨咁，口感很不錯。 花蔬素餃，熱辣辣一籠6隻，餃子皮薄而有彈性，包裹咗豐富嘅蔬菜內餡，透著餃子皮隱約見到入面綠色嘅餡，沾點少少醋食已經非常好味，非常適合素食者。

「樂天皇朝」主打上海菜，其中又以八色小籠包最為標誌，麵點水準都有一定水平，是聚餐時常常光顧的餐廳🫖京醬肉絲配薄餅夾起一叢肉絲，拿起一片薄餅將他們包住，一口咬下，外皮Q彈肉絲軟嫩，味道並不會過鹹，甜鹹交織，調味恰到好處。🫖上海生煎包底部煎得酥脆，外皮有些厚度，混著芝麻香氣，不需要沾其他醬料。包子餡料實在，輕輕咬開湯汁立刻噴出，鮮甜的豬肉搭配Q彈的麵皮與焦酥的底部，層次分明又美味。🫖原味小籠包招牌菜小籠包有近十種口味，有重口味的松露起司川辣等，喜歡吃清淡的建議試試原味的，也是最平的。麵皮非常薄，輕輕咬開裡面湯汁好豐滿，餡料份量十足且肉質嫩，喜歡小籠包的不要錯過！🫖紅油炒手另一道很推薦的是炒手，有包豬肉的和包鮮蝦的。皮略厚口感上比較有咬勁，餡料也很紮實，調味上微微辣但不嗆口！整體而言，食物品質不錯，價位合理，環境舒適，下午茶時段仲有更多折扣，適合一家大小聚餐，推薦給大家😍

之前開始食返豬肉之後，就愛上了食上海food！尤其是小籠包，更加係一諗起就流口水！最近趁暑假四處出動食小籠包😂招牌原味小籠包👉🏻皮包得幾精緻，咬落煙煙韌韌所以冇咁容易穿，一咬開湯汁爆出，肉汁豐富肉味又香濃 ，難怪這麼出名！上海生煎包👉🏻剛剛煎好的生煎包真的特別好吃，鬆軟的頂部，鬆脆口感的包底，中間還有肉汁滿滿的肉泥餡料，大滿足😌蘿蔔絲酥餅👉🏻必定要試！集香酥和軟糯於一身！中間還有絲絲蘿蔔絲增添口感。京味炸醬拉麵🍜皇朝擔擔拉麵🍜兩款拉麵各有特色，擔擔面就湯底香濃花生味，麵條吸收湯汁之後，質感比較軟綿綿。炸醬拉麵屬於拌麵，除了有大量炸醬肉粒，麵條掛滿湯汁味道辣辣地，煙煙韌韌的口感，我更愛吃！

想打卡又想食小籠包，梗係去樂天王朝食佢啲嘅招牌八色小籠包啦～ 晚市黎到，大部分座位已經滿座，好彩仍然唔使排隊～八色小籠包一籠有八款唔同嘅獨特口味，岩晒心大心細、想試晒咁多款嘅朋友～ 每款小籠包都皮薄餡靚，個皮夠彈性，一咬下就爆晒鮮味嘅湯汁出嚟～😋 其中我哋最鍾意嘅係原味、蟹粉、黑松露，原味係經典不敗嘅好味道，蟹粉就有蟹嘅鮮味，黑松露味就同豬肉都幾夾～肉絲年糕豬骨湯嘅年糕煮得好滑，豬滑湯底幾清，仲有好多菜，索晒湯好入味～上海烤麩係我其中一款最愛嘅上海菜，呢碟烤麩好足料，落咗好多金針、雲耳、冬菇同荀片一齊煮，餸飯一流！蔥油餅外層酥脆，入面內餡好多香蔥，十分香口～