樂園

營業中

休息中

九龍城街市聽講就快清拆重建.街市樓上間《樂園》茶檔.好出名嘅沙嗲牛肉麵及沙嗲牛肉西多士.我哋係之前都嚟過好多次.每次都失望而回.因嗰陣時星期一至五都要返工.只係星期六才放假.因為我哋又住得遠.加上九龍城交通實在唔係咁方便.唔同呢陣有地鐵宋皇台站.行過嚟都唔使10分鐘.所以每次都係沽清！為咗食.今日特登早啲起床.趕過嚟食佢鎮店之寶.沙嗲牛肉！嚟到己經有多人在熟食中心門外等候排隊.我哋在門外報上人數.再喺門外面等後才能進入.可能係人潮管制吧.等咗15分鐘左右.剛剛有兩個位.才能進入中心內！熟食中心環境唔再講啦.十年如一日.無嘜變動.人多嘈雜聲.加上啲姐姐送餐走來走去！今日點餐如下：1. 沙嗲牛肉公仔麵 X1 $32元2. 沙嗲牛肉西多士 X1 $35元3. 奶茶紅豆冰 X1 $27元沙嗲牛肉公仔麵.落單姐姐話.我哋係用新鮮牛肉.所以牛肉可能有點韌！沙嗲牛肉西多士.外表金黃.賣相都好靚呀！奶茶紅豆冰.🚶🏻‍♂️👉📌樂園 (九龍城)九龍城九龍城市政大廈3樓6號舖

好多好多好多年前食過一次已經唔記得啦，最近睇完網上評價我又勾起我去試一試嘅慾望，終於喺某年某月某日去到三樓樂園，環境又冇咩好特別介紹或者形容啦都係香港人見慣見熟嘅場面，講吓啲食物啦佢唔選擇唔多，主要係標榜炸豬扒沙嗲牛肉等，我叫咗一個沙嗲牛肉撈出前一丁加件炸豬扒一杯凍鴛鴦，炸豬扒有啲乾柴烈火，兼且有啲鹹，沙嗲撈出前一丁非常甜，亦都唔覺得特別出色，嗰杯凍鴛鴦再更加冇任何味道淡如水，當然唔係話差到不值一試，可以嚟試一試親自感受一下，最后提醒一下，他们只收現金，香港國際化大都會我唔明點解電子收費咁方便又衛生，佢哋一定要收現金，然後自己入銀行，就係為咗慳返果少少嘅手續費？

樂園宋王臺地鐵站步行5分鐘，位於九龍城街市3樓6號舖這個舊式街市一邊是運動場，一邊是圖書館，同一層有體育場，圖書館，有食肆真係十分方便，可惜不久的將來便要清拆了。在未清拆之前，前來光顧最出名西多士。蓮花蕉糖果醬西多士  $40糖漿一早已經落好，如果甜度有額外需求叫餐前要先告知。甜度唔太甜對我來說剛剛好。炸得外脆內軟剛剛好，平時食到最後碟上會有很多油，但這個不會感覺上不會太邪惡。👉🏻👈🏻建議lotus餅乾脆脆可以再多一點口感會更澎湃更滿足。奶茶  $21入口絲滑，但不夠香濃。茶記奶茶最怕飲到最尾有一層又苦又澀的薄膜在上邊，但這個不會。呢間餐廳冇套餐， 價錢太進取，不會再去第二次了。

放假專登早少少起身入到九龍城食西多 沙嗲牛肉+西多士係樂園獨家 相當有特色😋沙嗲牛肉西多士 $35西多士炸得好靚 加埋煉奶同牛油 🧈 見到都流哂口水～ 食落外脆內軟 但沙嗲牛肉比較碎同埋偏乾偏柴 調味偏鹹 唔太食得出有沙嗲味 但個人覺得又鹹又甜真係唔太夾🥲西多士 $26叫多左個原味嚟試 炸到脹卜卜 但得牛油就唔夠邪惡😮‍💨 原味更加食到西多蛋香 個人比較偏好原味花生醬餡🥰 值得一讚 西多食到最後都食到脆身🫡配埋茶記唔少得既港式奶茶（$21）☕️ 好滿足！如果想嚟試下 記得注意營業時間🫡樂園📍九龍城九龍城市政大廈3樓6號舖

九龍城街市真係有好多美食，今次同朋友嚟到3樓街市的《樂園茶餐廳》，懷舊風味x地道美食！簡直冇得輸！必食《茄汁炸豬扒飯》，個茄汁撈飯每啖都係香港情懷，我以前麻麻哋呢種螢光茄汁飯，因為唔係每一間茶餐廳都做得好吃！有啲過酸，有啲過甜，但呢個汁真係超級開胃又好味！炸豬扒外脆內嫩，新鮮美味，大大塊都唔夠食！之後叫多一個《蓮花焦糖醬西多士》，簡直酒店級水準！中間鋪滿花生醬，美味到停唔到口！再加兩杯《紅豆冰鴛鴦》我都係第一次飲！爽呀！

【街市上蓋馳名JUICY沙嗲牛西多🍞】一直上網見好多人推介，連發哥、蔡瀾呢啲名人都推介過，今次終於食到😭上一次星期日唻佢係唔開❌星期六朝早11點唻都排咗一陣隊⏰位於九龍城熟食中心入面好有港式特色🤤不過係咪聽講呢區活化呢棟野要拆？😭.🍴沙嗲牛肉西多士（💰: 35)應該係網上最多人推介，所以我今次都試咗😚西多士嘅外皮脆口，加埋煉奶JENG😍入面有好多沙嗲牛肉，入面嗰啲沙嗲牛肉係同沙爹牛麵嘅牛肉係一樣嘅，比較碎，偏鹹🥲個人覺得又甜又鹹唔太夾，鍾意食返普通西多士多啲🥪.🍴沙爹牛麵（💰: 32)唔知係咪因為太多人，所以啲麵個人認為有少少硬(可能我鍾意食淋麵🤣)沙嗲汁都幾好食， 好有花生味😚 沙嗲牛肉比較碎同嚡😗.🍴鮮油咖央多（💰: 23)超邪惡😈大大舊牛油飲落口🧈加埋咖央甜甜地😛.🍴奶茶紅豆冰（💰: 27)好港式，夠晒奶味同茶味，口感夠滑🥛加埋足料紅豆🫘-🔖下次想試阿華田西多🤣.⏰可能因為星期六朝早嚟，太多人💩所以樂園雪菜炒米做唔切，冇試到😭.💡 喺市政大樓上蓋，好港式風味🇭🇰-💎推介指數: 💎💎💎（可以一試沙嗲牛西多😛）💡性價比:✨✨✨(朝早冇餐真係有啲貴， 一杯嘢飲都差唔多$30...)🍴E

九龍城街市的樂園茶餐廳，連蔡瀾都話正！中午時間早到，人唔算多。大家目標好明確，知道想食乜，我就徘徊喺豬排飯和沙爹牛之間，最後，後者勝！ 沙爹牛肉麵牛肉原汁原味，冇用梳打粉醃過，食到牛肉的肌肉紋，今時今日好多茶餐廳/餐廳都食唔到咁自信的牛肉了，好感動！豬扒飯另一經典係豬扒飯，朋友上次嚟都係點呢個，今次再食佢話係為咗絲苗白飯！豬扒飯嘅主角竟然係白飯？🤣🤣 佢話飯香飄飄，淨食豉油撈飯都夠！不過豬扒都絕唔輸蝕，炸得鬆脆可口，肉質鮮嫩多汁。阿華田醬西多士有好多可可豆，夠晒誠意，但質感過硬，味道麻麻，亦蓋過多士的蛋香味，一般。原味西多士原味就爆好味！多士炸到脹卜卜，脆到用刀輕輕切就可以切開，食到有入口即溶的飄飄感覺。鴛鴦紅豆冰紅豆足料，煮得夠冧，夠奶味，甜味恰當好處，正！

奶茶好出色👍🏻蕃茄湯底好濃👍🏻不過唔建議配米粉，因為好快索晒啲湯😹個餐仲有奶油脆豬同炒蛋，飽到上心口😂雪糕紅豆冰🍨雪糕係雲尼拿味😋溝埋紅豆冰好好飲🤤好懷舊的味道🥹

最近九龍城老牌餅店豪華結業消息瘋傳🌀引起不少人惋惜並重遊，想不到事況峰迴路轉變成不結業卻重新包裝品牌，有待重開才知情況🤭今天來九龍城卻是到訪另一家老店，位於市政大樓3樓的樂園茶檔，名頭早已紅遍港九新界🔥因有發哥和蔡瀾加持，蔡生更贈了墨寶就是掛在店面的『勝過鮑參翅肚』，平日下午到訪也要等約10分鐘才有位入座一看菜單就見洋洋灑灑列有數十樣美食📋主要也是茶餐廳食物如快餐飯類、炸豬/雞扒、鑊氣炒米、麥皮麵包和馳名西多士，而且不設套餐，點飲品相當肉痛💰點了沙爹牛肉西多士($35) ，不消5分鐘就上檯😍熱氣騰騰又炸得金黃香脆，每部份也是金黃誘人，炸得很平均，有牛油和糖漿，驟眼看和普通西多士無甚差別😁一切開就見內有乾坤，juicy的沙爹牛流出來了😋單吃外邊就已經合格，因為外脆內軟，香口又甜先拔頭籌，加上內裏調味恰好的牛肉就更上一層樓

承接尋日個po 第一次黎到樂園無開到過幾日再黎過就食到啦.ᐟ‪‪‬男朋友自稱為沙嗲牛hunter咁今次就趁九龍城街市重建之前一訪係熟食中心略有名氣既樂園( ˶ˊᵕˋ)੭我地叫左一個沙嗲牛麵同一個炸豬扒沙嗲牛汁蛋撈丁沙嗲汁係我男朋友喜歡既模樣質地濃厚 同湯底混為一體牛肉雖然欣賞佢無乸過但errrr 好鞋啊|ω・）所以我地覺得叫撈丁仲開心雖然睇相睇唔出但沙嗲汁包住每條麵 麻油食先自己加唔洗額外加已經有我食麵一定要有既煎蛋炸豬扒都係無乸過但口感唔柴 唔錯喎( ͡° ͜ʖ ͡°)炸漿亦唔太厚 係調味偏咸少少最後叫左新出品 lotus餅乾西多士( •̀֊•́ ) ̖́-佢本身沙嗲牛/阿華田西多士引黎唔少人試但我對lotus餅實在無抵抗力.ᐟ‪‪‬原本慢慢切仲拍片以為佢會流心係無既 就係實在既lotus醬面頭有完整既餅乾同餅碎完全滿足我lotus餅愛好者(˙𐃷˙)唔洗額外加牛油/糖漿都夠哂味西多士本身都好食 幾鬆軟～如果一場黎到 記得搵貓店長say hi啊₍˄·͈༝·͈˄₎ฅ˒˒✿✿✿✿✿✿✿✿✿✿✿Follow @lastbitematters for more

九龍城人氣沙嗲牛肉西多士！唔少朋友推介過呢個邪惡西多士，一直都想試下佢。過左lunch time時間人唔多，仲有得食 🤓。🧈沙嗲牛肉多士🍞-好特別的組合，出奇地夾-炸得好脆，無油溢味-沙嗲牛肉係比較碎，調味較咸-食左一半都幾膩🐔炸雞扒公仔面🍜-雞扒好大件，炸得好脆-正常茶餐廳味邪惡西多士可以一試，但建議兩個人去share👫另外都有推介炒米粉下次可以試吓。留意就係要早啲嚟啦，呢間好早閂門😌

明明係寫3:15收工，有兩次嚟到2:30都冇得食。今日，28/9/22，星期三，又突然話休息一天，嚟到先知。三次都係專登出嚟，冇一次食到，我放棄了。佢啲嘢係好食，但係開門時間咁寸嘴，食唔食都罷啦。我都專登唔買星期六日嚟食，平日去，三次都失敗。可能佢真係唔休做啦。九龍城咁多嘢食，大家都唔一定要食佢囉。

星期六到九龍城買餸，順便來這裡吃午餐，想不到門外排了長長的人龍，真係有打退堂鼓的衝動；但一場嚟到，無理由空手而回吧。等了差不多40分鐘才排到，離關門時間也不多，嗱嗱臨立即叫嘢食，叫了炸豬扒米、辣菜脯肉碎蛋米、熱奶茶、奶茶紅豆冰及阿華田醬西多士。炸豬扒米即叫即煮，米粉煙韌有口感，豬扒外層撲上粉漿後再炸，形成外脆內有肉香，幾好；可惜米粉上了很久也不見炸豬扒到，到豬扒到時，米粉已開始變淋及變凍，時間上完全夾唔上。辣菜脯肉碎蛋米返而唔錯，老婆也大讚好食；熱奶茶香滑有茶香；奶茶紅豆冰及阿華田醬西多士就比較普通，不叫也唔會可惜。#炸豬扒米 $32 #辣菜脯肉碎蛋米 $34#熱奶茶 $21 #奶茶紅豆冰 $27#阿華田醬西多士 $36#樂園地址: 九龍城九龍城市政大廈3樓6號舖電話: 23823367

終於都食齊曬 樂園D西多士🤣肉鬆西多士之前試過 沙爹牛西多就放入面今次肉鬆就放表面同我想印象有出入🤔🤨表面 肉鬆糖醬先到西多士切開先 知入面有花生醬😉入口鬆軟之後食到鹹鹹地(肉鬆)邊有D脆脆地 應該係肉鬆被糖醬 沾住左最後有一點點既花生醬鹹味出黎😉結: 試曬所有 樂園既西多覺得 樂園係 西多士 方面做得比較(同樣賣西多士) 好👍🏻因為 不同款既 西多都做到 外脆內軟👏🏻其他店就 死實/只有脆面我會 推介必食既🤩👍🏻沙爹牛西多士肉鬆西多士#肉鬆西多士#樂園

週末的早上應該是我熟睡的時間, 被老婆徵召去吃樂園的早餐, 在極度眼瞓的情況下, 這裏濃烈的奶茶就是提神的妙品. 樂園的三寳應該是西多士, 沙嗲牛肉和雪菜肉絲炒米. 當中的沙嗲牛肉西多士將兩種名作結合起來, 多士炸得金黃, 濃甜的奶醬與內裡充滿花生香味的沙嗲牛肉結合起來, 除了鹹甜合璧外, 花生香味另外有吃花生醬西多士的感覺, 多重味覺衝擊能以三十元品嚐到, 難怪蔡瀾先生也說”更勝鮑參翅肚”就是. 除了製作沙嗲牛肉外, 如此香濃的沙嗲醬, 用來撈出前一丁也是一絕.另一道西多士是阿華田西多士, 除了內裡的阿華田醬外, 上面也有大量的阿華田脆脆, 同樣是甜到膩而且極之邪惡的早餐, 口感對比相當不錯, 只是味道上我有點受不了. 雪菜炒米粉反而深得我心, 平時吃湯米粉或炆火粉多, 今次反而有驚喜. 米粉炒得夠乾身, 又夠鑊氣. 雪菜本身的鹹甜味, 提供自然的調味, 沒有臊味, 反而令其味道上的濃淡更為恰到好處, 不用再加太多其他調味, 味道更為自然.Lok Yuen is one of the best HK style cafe in the town. With the French to