樂園

營業中

休息中

搵位度：🌟好食度：🌟🌟🌟抵食度：🌟喂，真係唔好意思，搞到個評分好似好低咁，但星期六日如果嚟食真係排晒長龍，排隊嗰度又冇冷氣真係會等得好辛苦。識食就平日下晝嚟，但係唔好太晏。依間嘢都相當之出名，但係一定要小心叫嘢，好似我咁叫咗沙嗲牛肉湯麵就萬劫不復。有咩推薦菜式呢？就係撈麵，西多都叫OK甘。咁相信大家都知間嘢飲品，真係唔包套餐要散叫，最平都20幾蚊，可以同大家講多個隱藏菜單，喺佢自助點餐六碌下都有可樂可以叫，唯一係低過$20嘅選擇；咁俾得$20以上咁一定要嗌鴛鴦紅豆冰嗰啲。落樓每位預70-80差唔多，平日經過可以一試。

朋友帶路，話好多人幫襯，令我滿懷期望嚟試吓，點知失望而回🥲▫️五香肉丁 煎雞柳麵▫️肉丁和雞柳嘅份量好多，感覺差唔多係一罐肉丁嘅份量，非常有誠意。但係，冇諗過店舖會將整罐肉丁嘅汁都倒入麵內，令到湯底好油好紅，大大扣分。個人寧願湯底係味精粉，都好過成碗紅油。至於雞柳，相信有用蔥蒜醃製過，但係味道不突出。▫️沙嗲牛肉通粉▫️沙嗲汁幾好味，唔算好濃郁個款，冇乜食到花生香，牛肉份量十足，但對比10年前感覺味道已經差好遠，通粉份量都算多，我諗下次會叫其他嘢食。▫️酥炸豬扒▫️似係台式豬扒，炸到好乾身，柴皮肉，有點硬，水準大不如前。▫️奶茶紅豆冰▫️成餐飯最有驚喜就係呢杯奶茶紅豆冰。但係茶味唔夠，略嫌過甜，建議嗌少甜。雖然今次有啲失望，但係事後睇返OpenRice好多人讚好，估計會再俾多次機會，下次會試吓撈丁，炸雞扒。P.S. 熟食市場嘅舊式茶檔竟然用QR code落單，肯與時並進嘅店舖抵讚👍🏻

老字號茶餐廳 樂園 位於九龍城街市熟食中心，店舖掛上由蔡瀾先生所贈「勝過鮑參肚翅」墨寶，加上歷史悠久，所以吸引唔少食客慕名而來😍今日選擇嚟食早餐🥣，order咗沙嗲牛肉通粉、沙嗲牛肉麵，同埋鴛鴦紅豆冰🥤沙嗲牛好有沙嗲香😋，不過牛肉就唔係太滑，有啲韌；紅豆冰就值得一讚，濃厚鴛鴦味嘅同時帶有大大粒紅豆嘅甜味😘老字號茶餐廳 樂園 位於九龍城街市熟食中心，店舖掛上由蔡瀾先生所贈「勝過鮑參肚翅」墨寶，加上歷史悠久，所以吸引唔少食客慕名而來😍今日選擇嚟食早餐🥣，order咗沙嗲牛肉通粉、沙嗲牛肉麵，同埋鴛鴦紅豆冰🥤沙嗲牛好有沙嗲香😋，不過牛肉就唔係太滑，有啲韌；紅豆冰就值得一讚，濃厚鴛鴦味嘅同時帶有大大粒紅豆嘅甜味😘

因為姪女無啦啦入咗醫院，今朝決定去探一探佢，順道梗係去食個樂園啦剛剛去到唔使排隊就有得入咁啱細佬諗住返屋企瞌一瞌叫佢過嚟一齊食埋先返去啦我哋兩個人嗌咗一個蔥蛋三文治烘底一個豬扒撈麵沙嗲汁大家share食其實細佬未嚟之前我猶豫咗好耐嗌豬扒通粉定係嗌三文治，因為好似個肚脹脹地，再食埋個面應該再頂多啲。而家有人同我share梗係好啦。第一次試佢嘅撈麵又幾好食喎，平時食湯麵加沙嗲汁可能稀釋咗，而家直接用嚟撈 所以味道濃啲。豬扒一如既往咁好味啦。蔥蛋三文治其實就冇乜特別，不過出面又好似冇乜機會食到（其實可以自己整嘅一啲都唔難）因為呢度冇套餐食，全部嘢都分開嗌，所以感覺上貴好多。點知知用同細佬食完行出去，又撞到細妹一家，於是又同佢哋再排過再入過去，當然我冇再食嘢啦。發生咗一件小插曲，我細妹落咗單之後發現原來有紅豆奶茶，想同佢改單，但係被拒絕咗話因為已經入晒電腦，費事改到麻煩。呢啲就係有性格嘅餐廳嘅服務態度啦，除咗冇得外賣之外又冇套餐 ，仲要兩三點就收工，星期日唔開所以你夾到佢嘅咪繼續做佢嘅忠粉囉。

茶餐廳的沙嗲牛肉麵絕對是一道令人難以抗拒的美食。樂園的沙牛更是在沙嗲牛肉麵界中響噹噹的存在著。首先，我最喜歡點的是炸雞扒沙嗲牛汁蛋撈丁。充滿濃厚沙嗲香氣的醬汁，配上充滿麻油香氣的出前一丁麵，再配上一份炸雞扒。不過要注意的是，這個撈麵是沙牛汁，裡面沒有牛肉。沙嗲汁是有明顯濃郁花生醬味，是我很喜歡的口味。炸雞扒則較為不突出，炸粉漿偏硬。沙嗲牛肉麵我們選了紅腸和炒蛋，同樣的沙嗲汁配上牛肉和即食麵湯，成為一個湯麵的選擇。沙嗲湯麵沒有撈麵濃郁，但依然夠味，同樣出色。但是牛肉則像是沒有用鬆肉粉加以處理，呈現廋牛肉片最原始的質感，有些人可能會喜歡有處理過的牛肉，更有茶餐廳風味，有可能會認為樂園的牛肉較「鞋口」，但喜歡自然牛肉質感的人應該會喜歡。最後，奶油脆豬也是必點！充滿著香脆的口感和豐富牛油的麵包，麵包外皮烤得酥脆，一咬下去發出悅耳的卡滋聲，再加上滿滿的煉奶淋在表面，讓人欲罷不能。

喺附近做嘢之後搵地方食午餐，醒起九龍城街市上面有出名嘅沙爹牛肉麵，趁佢未收工就去試試。上到去唔駛等位，坐低之後姐姐比個QR code自己落單，都幾多自選項，加加減減咩都有得揀。餐廳不設套餐得散叫，咁食茶檔當然要試埋奶茶，都正常價錢。沙爹牛肉麵 牛肉無落鬆肉粉，唔係食落滑鬆身，係有咬口有肉味，我幾鐘意。個汁唔係極濃味，但掛麵又幾好食。凍奶茶好飲，茶記出品的味，不過叫少甜都覺得甜。然後友人見我打卡，佢極力推介我食炸豬扒，但我小鳥胃，留番下次encore!

食物:4/5 環境:3/5 服務:4/5 性價比:4/5 食物: 初試九龍城街市名物樂園。去得茶檔/茶記必試沙爹嘔。叫左個沙爹嘔米幾好食, 有肉味, 肉質口感正常。另加碎牛蛋多士一定要叫烘底一定要叫烘底一定要叫烘底! 牛筋麵又唔錯。 環境: 同普遍熟食中心環境一樣麻麻, 坐得迫要搭枱. 相信大家肯黎食都接受左。 服務: 正常, 會主動埋位落單。 性價比: 飲品要另計$1x~2x 一杯例喝奶茶。午市都多人黎食, 想試既話建議12點左右好黎, 12:30開始爆場了

樂園 （九龍城）地址： 九龍城衙前圍道100號九龍城市政大廈3樓6號舖💰 沙嗲牛肉西多士 - $38💰 奶茶紅豆冰 - $27💰 雪菜肉絲米 - $33嚟到九龍城，有一間嘢係必食嘅，位於市政大廈上面嘅一間茶檔，今次叫咗佢兩樣招牌，再加一份米粉，勁有驚喜🤤沙嗲牛肉西多士，西多士外脆內軟，裏面夾住勁多沙嗲牛肉，牛肉非常嫩滑可口，必食港味茶點！😍奶茶紅豆冰，紅豆超級足料，配上茶味極濃嘅順滑奶茶，非常有特色，必點！雪菜肉絲米粉係最有驚喜嘅野，米粉非常爽蛋，亦都幾厚身，配上超級多嘅雪菜同埋肉絲，口感非常豐富，食完非常滿足！🤪

九龍城街市樂園，馳名沙爹牛肉西多士$38，本身餐牌寫製作需時，要20至30分鐘，但由於是平日午飯時間，好多人也食正餐，所以食物好快就上枱，牛肉方面唔夠滑，唔夠淋身，而且啲肉比較碎，味道賣相還可以，包也香口炸到脹脹的，但可能本身期待過高，有啲失望. 還是覺得之前太子食過果間沙爹牛肉西多士好味，雖然出餐比較耐.

走進這家餐廳，空氣中瀰漫著濃濃的沙嗲香氣，簡直係勾魂攝魄！先來說說鹹牛蛋沙嗲通粉，啖啖通粉夾帶著微辣沙嗲同鹹香蛋黃，口感一流，真係夠晒滋味。再試下雪菜肉絲米，湯頭鮮甜得嚟唔膩口，食落去涮嘴得滯。至於煎蝦米腸粉，又香又脆嘅腸粉，加上蝦米嗰啲鮮味，完美咁融合埋一齊，真係啱哂媽媽口味。奄列嘛，滑溜溜嘅雞柳配合香香草，嗰份新鮮感係瞬間點燃咗我嘅味蕾！😋反而最後，嗰杯招牌奶茶同鴛鴦呢，茶味夠正，啖啖都係暖笠笠嘅香濃回甘，啱晒收尾。食物味美價錢又相宜，真係啱晒大家族一齊嚟歎，落區一定要試吓！散發著本土風情嘅美味，每啖都話你知，呢度嘅食物，真係港式味道100%！🥰🍲🎉

今日仨隨意行去咗九龍城，因為未去過九龍城熟食中心，隨意行上去。都唔知原來樂園營業至3pm, 怱怱order 沙嗲牛肉麵，沙嗲豬扒蛋撈麵，阿華田西多士。冇叫嘢飲因冇跟餐的，另點要$21/杯似乎性價比唔高。沙嗲湯底可以但牛肉偏韌。驚喜係件炸豬扒，好好食。Juicy 唔會炸至乾身，下次要再encore. 阿華田西多士，有阿華田脆脆，夾心是阿華田醬，好食但係膩的。原以為唔夠食但食完西多士已飽。自己攞碗仔，攞水杯，要services 就唔好去。

閒日早上經過街市呢頭，見到呢間咁多OPENRICE 正評，一於試下係真唔係。全部QR code落單，應該全日都係果張餐牌，所有嘢食都係唔跟餐，飲嘢另外計。叫咗沙嗲牛通，加$8要埋炒蛋，另外叫咗茶走茶走味道OK，茶味濃，但杯茶唔熱，致命傷沙嗲牛味道濃，牛肉量都多，但9成都係靭炒蛋正常嘢。想要隻碟自己分開啲餸，樓面串串貢同我講呢到無碟😂😂心諗，無碟做咩食肆埋單 $59 。絕對無下次，呢個價錢附近大把好過佢P.S 臨走見到米奇老鼠係廚房跑出嚟，不過街市有是常識吧🥶

每次黎樂園都係卡路里同脂肪大解放，今次仲過分到叫左2個西多😂😂😂🔸炸豬扒沙嗲牛汁蛋撈丁沙嗲汁撈埋啲蛋汁，再用公仔麵大啖大啖食真心惹味，炸豬扒今次就失左準，炸得太乾同硬🔸肉鬆西多士肉鬆放面，然後糖醬再到多士入口鬆軟個邊脆脆地，咸香肉鬆再加甜甜既糖醬，又咸又甜好好味， 食到最後仲有花生醬鹹味走返出黎，直頭係味蕾過山車🔸阿華田西多士面層脆脆係阿華田粒粒，本來以為脆卜卜點知疏左氣腍左，入面有阿華田流心醬真係甜到入心，只是我有D頂唔順咁甜🤢好啦又要修心養性一排先

🍞沙嗲牛肉西多士💰$38🍜沙嗲牛麵💰$33.⚡️九龍城街巿樓上嘅熟食檔不嬲頗有名氣，而樂園嘅沙嗲牛西多更係名物，今次就特登去拜訪試下～🤣小店冇得外賣，嗰日係12點左右到達，都排咗10分鐘左右，建議想食要早啲過去，唔係3點半收檔前會爆多人.⚡️沙嗲牛肉西多士炸得超香脆，上枱前已經聞到爆香💖！切落去果然不負眾望外脆內軟，食落唔會有油膩感/油膱味🥰內層沙嗲牛味濃，不過味道冇想像中驚艷😳都係花生醬嘅甜味西多好食啲～.⚡️沙嗲牛麵普通，牛有啲韌，建議可skip🙆🏻‍♀️

哩間喺九龍城街市熟食檔嘅樂園都幾出名, 其中一樣出名嘅嘢食係沙爹牛肉西多士, 另一樣出名係啲阿姐服務態度好麻麻, 沙爹牛肉西多士之前我出過食評話唔掂, 而另一樣阿姐服務態度每次都可以保持水準~~~差點解我仲要間唔中去幫襯, 就係為咗食佢嘅炸雞扒沙爹牛抄蛋撈丁, 因為真係幾好食, 塊炸雞扒外層炸皮好薄好脆, 雞扒亦唔會炸到好乾好柴, 肉嫩OK, 配合上來好正, 將塊雞扒點啲沙爹汁再食好好味, 而呢間舖啲沙爹汁整得唔錯, 配埋個撈丁搞到我間唔中點都要去翻, 另外間店杯凍奶茶麻麻, 反而凍啡OK, 大家可以一試