樂園

營業中

休息中

我和同事一齊食lunch叫了幾碟飯麵一齊分享當我拿起碟飯倒一些落自己個碗仔意外發生了我倒了我杯紅豆鴛鴦落地!我只飲了少少...冇得飲了!冇得飲了!我麻煩了姐姐幫我清理殊不知...哥哥送番一杯紅豆鴛鴦給我!我真的感動流涕!人間有情!

再來樂園，熱奶茶仍然是茶香味美，但更令人有驚喜的，是那杯咖啡紅豆冰，咖啡香濃，紅豆不單沒有搶去咖啡味，反而令飲品的味道和口感更豐富！還有奶醬多，不過甜，不太膩，花生醬香滑，多士烘得外脆内軟，非常yummy！樂園出品，仍然那麽令人回味無窮，值得再次推介！

下晝游完水, 唻街市醫肚先好耐冇唻食了我和媽媽叫左沙嗲牛肉通+炸豬扖麵+紅豆冰同之前無數個食評一樣, d沙嗲汁真係好好味!!! 通粉煮得岩岩好, 唔會lum哂!! 口感好好!!炸豬扖好香口!!! 仲有杯紅豆冰d紅豆都好大粒, 好正!不過我最想講既係叔叔真係無敵nice! 話說我同媽咪只係叫左杯野飲, 佢好體貼咁主動俾多杯水我地!走個陣俾$, 係阿姐收$, 而佢係度做緊野, 都同我地"拜拜"!真係好好人呀~~ 好warm呀係度食野真係!!

因為工作關係, 平時好多機會嚟呢度食嘢。平時我唔會喺茶餐廳食雪菜肉絲米架, 但喺呢度見過蔡瀾食過一次, 第二次就試吓啦! 一試之下, 以後永遠嚟到都係叫呢樣啦! 因為佢D肉絲唔會好鞋, 唔會好多肥肉, 雪菜又新鮮, 咸咸地配埋米粉簡直係一絕!!! 而佢D米粉都比出面茶餐廳好味D....冇話口感鞋烚烚咁!佢地D奶茶同檸檬茶都係甜度適中......其他心愛嘅食物仲有鮮油奶多、奶茶紅豆冰(呢個好出名架!!).....普普通通嘅食物, 佢地都做得好用心, 所以就算佢冇套餐, 全部散叫, 都絕對值得!!!平時朝早去到, 店主文叔見到熟客會打招呼, 同埋佢記得晒熟客食咩.....好有親切感架!! 不過星期六中午去就勁多人, 文叔都忙到甩轆.....叫食物時記住要諗好先叫佢地過嚟呀, 佢地好搞笑架, 次次都好似唔想等咁! 不過佢地唔寫低都唔會記錯架喎!

一次工作上的特別任務關係, 和2位同事在這裡食早餐.沒set叫的, 同事有點怨言...我就有理冇理 茄腿治(行)底 + 熱檸茶.三文治ok, 沒舍特別. 可以一提是幾片蕃茄是比較新鮮的.熱檸茶$10散叫, 一出場即知好野 : 清澈帶金黃色的茶底甚有水準, 飲落也出奇的香濃.同事之前都沒叫野飲, 見到我杯茶, 都即時叫了杯凍茶少田行街, 一於渣住飲!

豆沙西多士 ~ 第一次係茶餐廳有得食 , 本身又鐘意食弄沙既我梗係要試下啦 , 的確幾好食 , 比起平時食既西多士入面夾花生醬更美味 , 只不過相對黎講唔需要落太多蜜糖就已經夠甜。 奶茶 / 咖啡紅豆冰 ~ 同友人一人試一杯 , 雖然味道唔會好怪 , 而且紅豆亦大大粒好有咬口 , 不過始終覺得都係正常既紅豆冰好飲d , 溝左呢兩樣野就會令到紅豆味道差左。'

I have been living in Kowloon city for over 20 years since born. This is one of the favorite place. Man (the boss) is so nice, great memory. The place is cleaner than lot of the other restaurant.Milk Tea is the best. Better than lot of the other 'well known' places in HK. The Satay Beef, Fried Chicken Wing are #1.Highly recommended to ppl who loves 'real taste'!

由於不想在九龍城食泰國野，便帶同兩位仔女來開餐喇！上次來幫襯試了雞翼麵，但那味精麵實在嚇怕了我，所以今次穩陣地點了雪菜肉絲米加一杯茶走！茶走先來，奶和茶的比例剛好和喝到有茶味，真是甚有水準！雪菜肉絲米的份量也不算少，而雪菜肉絲的調味不俗，幾惹味，也忍不住多夾一些來送米粉！畢竟，這兒不是甚麼環境舒服的食店，但質素是平均的，不管誰人說這兒有幾好，始終要自己用舌頭來試才最實際！當時會來Encore啦！

從土瓜灣踱步去九龍城，以前總覺得兩地非坐車不可，但這樣走一趟，發現原來不一會便到。很久沒來過九龍城，記憶所及，可能要數到送別啓德那一天。。。。早上的熟食市場只有樂園、德記和馬仔在營運，但食客不少。一心要試樂園的炸豬扒，於是點了一份跟多士（18元）和一杯熱奶茶（10元）。奶茶端來時，已是茶香四溢，真的嚇了我一跳！喝一口，果然茶味濃郁，奶放的份量剛好，既能增加茶的香滑，又沒有喧賓奪主，精彩！豬扒多士等了頗一會才來，其間我已嚐過德記的炸兩，老闆（？）見狀，不停說‘唔好意思，就快到’，埋單時又是這樣多謝前多謝後，很是客氣，我也頻頻回說‘無所謂’‘唔好咁講’。說回樂園的炸豬扒，那香味是‘未食已經聞到’，確實非同小可！豬扒雖然薄，但醃得入味，脆漿只是剛剛蓋住豬扒，裏面還加了蔥粒，經滾油一炸，真個甘香美味！我把部份豬扒加進多士裏面，微溫的麵包吸收了正在融化的牛油和肉香，這樣的配搭，也只能用一個字來形用 -‘正’！除此之外，還是要多給樂園一個讚。豬扒經過油炸，但上枱時，碟底竟然連一滴油也沒有，做得如此細心，實在難能可貴！蔡瀾先生寫的橫匾 ，所言非虛。胃納有限，這次沒能試到馬仔水餃，就當留個小小尾巴，作

小弟其中一名終身學習對像,正是蔡瀾先生.十多年前飲食傳媒沒有如今天般"資訊內出血",自己又沒有如今天般愛四圍找吃,總會看壹周內的"未能食素"專欄,看看蔡生有什麼好推介.其中一間蔡生推介的食店,就是龍城的樂園,小弟不諱言.全因拜讀蔡生的文章而來,無論在食評或其他文章之中,也常提及此店.結果,轉眼之間,都光顧很多年了.近期上去龍城街市,都是假日期間.同樂園總是緣慳一面.這天下午,再次來到.一坐下,文叔說:{好耐無見,去邊黎呀?}我:{係呀,真係幾耐下,每次上黎都撞正你地休息.}文叔:{今次係咪凍奶茶,沙爹牛通加豬扒?}果然好記性,連我的口味也記得一清二楚.不過今次想轉一轉口味,我:{先要杯凍奶茶先!}我:{想吃碟頭飯,不如就要個沙爹牛肉飯,加豬扒吧.}凍奶茶同炸豬扒不用多說,個人覺得凍奶茶比金鳳同蘭芳園好,豬扒永遠香脆鬆化有肉汁.賣到連日本仔都想拉攏文叔合作,將此味外銷去日本.沙爹牛肉一樣是樂園其中之一樣主力.人人大叫和牛好,似乎已將本地牛忘記.沒有下梳打粉的牛肉,保持著原始的粗獷口感同濃郁

呢個「樂園」並唔係改編自作家「渡邊淳一」嘅情慾電影《失樂園》﹔亦唔係有「中環熱狗王」之稱嘅《永樂園》，而係掛左一塊寫上「勝 過 鮑 蔘 翅 肚」﹔由帶你嘆世界嘅「菜欄先生」送嘅牌匾，位於九龍城街市三樓熟食中心嘅「樂園」。一講九龍城，以前一定會諗起「啟德機場」，而家機場搬左就快十個年頭，可能好多後生一輩嘅年青人，都未有機會用啟德機場離港。除左機場外，當然就係呢度嘅「美食」，呢間「樂園」並唔係D咩大餐廳或者大酒家，只係一間位於街市熟食中心其中一個舖位嘅「茶餐廳」，但係佢嘅知名度同佢個舖頭SIZE唔成正比。我同啤梨上星期六慕名而至，大約十一點半左右上到熟食中心，一推開門就已經見到坐滿人。就在眼前果張檯坐低，同檯係一位太太同佢個仔，而呢位太太應該係呢度嘅熟客仔，因為老板叫佢做「乜太」(已經唔記得左)。睇左一轉餐牌之後，唔知係未過左十一點，發現冇「餐」叫，咁我地決定散叫。分別叫左「牛肉通」、「豬扒麵」、「凍奶茶」同埋「凍好立克」。飲品當然係好快送到，啤梨話杯「凍奶茶」好好飲，我試左一啖之後，又發覺真係唔錯，好有茶味。之後輪到我杯「凍呵力」，比起一般茶餐廳濃，令到冰塊溶了之後，味道仍然濃郁，沒有轉

上次在這裏嘅不快經驗，始終不能忘記...已經係老主顧嘞，亦明白人太多嘅時候，招呼自然冇咁好，食物水準亦變得馬馬虎虎...嗰頭誓神劈願話唔會再响公假時候嚟，但今次又再重蹈覆徹，都係自己攞嚟...人真係多到插針都插唔入，但係為咗想簡簡單單又平平哋食一餐，無可奈何...叫個义紅腸蛋飯，食落口，已不是從前嘅滋味。全瘦义燒硬到似石頭，荷包蛋只係求其貨色，邊位煎得不脆；紅腸有略煎過，已係三樣配料入面最出色了...從前拿手嘅煎雞翼亦冇從前咁出色，醃得不夠以前嘅咁入味...唉...無可奈何....

同老爸食下午茶,今天來了九龍城買下生果,海參梅菜先上來食個tea,要的是西多及鴦頭冰(鴛鴦紅豆冰).鴦是正宗好味的豆也綿出奇的合襯.反是西多不特別.但看人家的炸雞扒好鬼好樣,是上海排骨的炸法看到葱在脆漿中...下次要食. 但原來看看人家的食評,有云豆不冧...看來也要說彩數了.給so 師黃到過的食店,有時名氣大了反是壞事的也不少.

上次黎到好多人, 所以今日特登再去凍奶茶......甜味就有, 茶味就冇牛肉公仔面....同出面既其他地方一樣味d野真係唔係難食, 但又唔見得特別好, 點解仲咁多人去?

到附近辦貨順便都這裡解決肚子問題第一次黎環境不是太好...但可以諒解的人較多...隨意找了一張枱坐下想看看有甚麼好食...但都等了很耐食物豬扒米粉不是想像中那樣好味米粉煮得太耐豬扒比較硬不過味道都是可以的奶占多很脆呢好味舖面只有兩個人叫落單都等了很耐不過誠意十足...好細心...態度極好