樂園

營業中

休息中

紅豆冰- 冰的大細恰到好處, 和大大粒有咬口的紅豆一齋食真係無得頂!吞拿魚公司治- 幾有Heart, 慢工果然出細貨。雪菜肉絲公仔麵- 雪菜肉絲好食, 唔記得轉一丁麵, 激死!

星期六第一次自己去試食,叫左雪菜肉絲米加菜.因為係lunch既rush hour,我預左等架啦,所以唔介意,反而文叔(雖然唔識佢,但有好多熟客叫佢嘛)就好有禮貌請我稍等,行過見我坐左好耐,又主動問需唔需要叫杯野飲先!到走既時候亦好有禮,多謝前多謝後咁,總之我覺得服務好貼心,對於一個生面口既客人,一d都唔會怠慢架!至於雪菜米,我本身好鍾意,雖然未必係咩天上有地下無既極品,我亦食過出面比佢更出色既,不過有咁優質既服務態度,我想必定會再來吧,因為食得開心舒服,食物都倍覺美味啊! 多謝文叔! ^o^

點了個沙嗲牛西多試下,其實並唔係咁好食,首先佢係先倒練奶後再將牛油放在一角,令到牛油塗不到在飽上,兩者即時變得唔夾,完全無牛油香味,又可能佢d牛油唔香,另外d牛肉偏鹹,形成入味既錯覺,仲幾鞋口,相信都好難要我食多次啦!!

有食家話佢d雪菜肉絲正,今日就來試個雪菜肉絲麵.無餐大家都知la,$16碗,同劉森記d水餃麵一樣碗野一來,只見到一個同飯碗差唔多大既碗,一個好普通既大光麵,仲要未煮熟,上面99%都係雪菜,at last我只食到(咸)一種味,點解會咁ka!!睇嚟哩間野已進入左唔休做既境界,咁既麵賣$16,又一間永華翻版,靠名氣掠得就掠...勝過鮑參翅肚可能係講佢既賺錢能力!!

上幾個星期阿J&阿A曾到九龍城一遊,目的去試樂園同食靚生果,生果就食到,樂園既野食就食唔到,今次再接再厲,目的同上次一樣,去樂園食野同買靚生果食。基本上,除左公眾假期外,平日既營業時間我都無可能去到個度食野,加上星期日又唔開,真係好難夾到時間去,所以就特登7月2日去食,一上到去已經爆場,蔡瀾原來幫佢提左6個大字「勝過鮑參翅肚」,咁當然要試下先知係咪啦!我地點左奶茶紅豆冰,豬扒公仔麵,沙爹牛肉西多,起初聽到牛肉西多都覺得怪怪的,之後參巧左下面食家意見後就決定黎試下一咸一甜既組合,出奇地我又覺得幾好食喎,估唔到會match到,奶茶紅豆冰都好好味,豬扒就個粉太厚,有d失望。呢餐我用左45分鐘食,西多士我要等30分鐘先有得食,如果趕時間同無乜耐性既話,就唔係幾岩呢度喇。

又係我 心血來潮想食西多士, 諗起呢度有個沙爹牛肉餡的, 唔理出面幾熱專登走0黎試.再0黎多個熱奶茶, 今次的比上兩次0黎好飲得多了, 可能多0左奶, 又香又滑.沙爹牛肉西多士(見圖)... 原來真係一d 都唔odd, 沙爹牛+ 牛油+ 奶油, 又鹹又甜, 味道竟然好夾, 厲害呀! 食得非常過癮!呢度已經變0左我0既lunch 飯堂- 見我留咁多次comment 就知, 哈哈!

一個人走0黎食lunch, 叫0左個豬扒米, 加杯熱奶茶.湯米粉淋0左少少沙爹汁, 香好多亦油0左唔少, 不過好食就得. 米粉淥得0岩0岩好, 有咬口. 唔怪得呢度咁出名, 師傅真係好0野!炸豬扒(見圖) 好鬆化, 炸粉唔會太厚, 味道非常唔錯; 可惜肉有少少乾, 肉汁亦唔多.奶茶上次飲過, 感覺亦同上次差不多, 睇0黎下次應該叫多奶.招呼唔錯, 阿姐s 無乜笑容不過做0野快有快腳, 但收錢0個位伯伯好有禮貌好好笑容.一向唔多鍾意0係街市食0野, 偏偏獨愛九龍城街市熟食中心, 除0左因為環境比好多地方乾淨企理之外, 呢度0既人情味, 亦係好多地方搵唔到的. =)

記得細個時, 差唔多個個星期日阿爸阿媽都帶我0黎食早餐, 而樂園星期日又唔開門, 所以從來無機會試佢d 出品.今日終於0黎0左, 試0左熱奶茶... 唔多夠香, 整體比唔上蘭芳園, 不過都幾滑, 唔錯的.睇comment 先知原來豬扒咁出名? 有機會0黎試0下都好.

前幾日去開九龍城, 記得係openrice睇過呢間的沙嗲牛肉西多好正, 所以難得經開梗係要上黎試下啦嘩! 真係好食呀! 好得意的配合... 唔試過聽個名都會覺得怪怪地, 但做人果然係要勇敢試新野, 咁先可以帶俾自己驚喜新意!!炸豬扒都唔錯呀, 落左"沖" 炸, 不過一d "沖"腥味都冇, 正! 蔡瀾話, 勝過鮑參翅肚...都唔係冇道理!

真係衷心佩服文叔嘅創新精神...老舖開咗咁耐，自己亦幫襯咗七八年，但仍不斷推陳出新...沙爹牛肉西多士，聽過未?西多入面唔係夾住花生醬或jam，而係招牌沙爹牛，味道會係點?答案係出奇地夾，一鹹一甜，化學作用奇佳...當然招牌嘢如雪菜肉絲米仍然出色--- 雪菜並不死鹹，米粉灼得剛好，口感仍佳...都係嗰句--- 由衷佩服..

This Dai Pai Dong is nested on the third floor of the Kowloon City Market, it mainly caters to locals. An eye catching plaque by Mr. Choi Lan, hanging under the overhead menu, said “Better than Abalone, Sea cucumber, Shark fin, Maw”. That is exaggerated I believe, and a bit stretched to make comparison.Their coffee and milk-tea were rich and smooth, and the qualities were very consistent. The friendly host memorizes the orders well. Good place for coffee break. However, the chairs could be

幾個月沒有上龍城吃早餐,原來老字號樂園也搞搞新意思.文叔照舊笑面迎人,依舊奶茶,見到門口的招牌,有些新花款登場,鐵板雪菜肉絲米一早已有,反而這個沙爹牛肉西多士,就真係聞所未聞.做法就係將沙爹牛肉走汁,釀在西多士內便成,西多士當然香脆,面頭的蜜糖加牛油,與內裏的沙爹牛肉混合,一咸一甜,味道反而出奇地夾.樂園的沙爹牛肉,與其一哥豬扒一時喻亮.虧他諗得出這個新意思.雖然已經去到唔憂做之境界,但文叔依然破舊立新,這種精益求精之精神,值得大家去支持.

一直好想試下點了豬扒通粉和上海粗炒豬扒幾好,但沒有傳說之中的好好味上海粗炒幾有鑊氣,但太油服務:快手快腳,話文叔好禮貌,本人抱懷疑的態度對成人都ok,對D中學生就麻麻啦食野是主觀的東西,這店對於本人來說就不是那杯茶

再次上龍城街市,照例以樂園的奶茶作馬膽,其他作配腳.老細文叔好記性,小弟是日冷帽笠頭,一樣比佢認得出.一哥豬扒,沙爹牛肉係招牌貨,其雪菜肉絲,也是超必之作.這個雪菜肉絲飯,混合其沙爹汁.樂園的雪菜肉絲,鹹淡味適中,沒有外間的一味死鹹.搭上其無出其右沙爹汁,飯底唔扣也吃清光.再去德記叫碗艇仔,炸兩.這個中午,實在滿足.

今日星期六lunch時段到, 大概1:15pm .... 枱枱都有人, 見佢地好busy, 食完後到洗手間時, 仲聽到駐守水Bar做野果個亞姐同清潔既亞姐對話, 今朝一開工就忙到依家先至得閒去廁所呀!今日食左碟"鮮茄汁豬扒飯" ($28) + 熱奶茶($9), 今日既豬扒比較鹽左一D, 個汁就OK~