影片
更多
2008-05-10
23 瀏覽
呢個「樂園」並唔係改編自作家「渡邊淳一」嘅情慾電影《失樂園》﹔亦唔係有「中環熱狗王」之稱嘅《永樂園》，而係掛左一塊寫上「勝 過 鮑 蔘 翅 肚」﹔由帶你嘆世界嘅「菜欄先生」送嘅牌匾，位於九龍城街市三樓熟食中心嘅「樂園」。一講九龍城，以前一定會諗起「啟德機場」，而家機場搬左就快十個年頭，可能好多後生一輩嘅年青人，都未有機會用啟德機場離港。除左機場外，當然就係呢度嘅「美食」，呢間「樂園」並唔係D咩大餐廳或者大酒家，只係一間位於街市熟食中心其中一個舖位嘅「茶餐廳」，但係佢嘅知名度同佢個舖頭SIZE唔成正比。我同啤梨上星期六慕名而至，大約十一點半左右上到熟食中心，一推開門就已經見到坐滿人。就在眼前果張檯坐低，同檯係一位太太同佢個仔，而呢位太太應該係呢度嘅熟客仔，因為老板叫佢做「乜太」(已經唔記得左)。睇左一轉餐牌之後，唔知係未過左十一點，發現冇「餐」叫，咁我地決定散叫。分別叫左「牛肉通」、「豬扒麵」、「凍奶茶」同埋「凍好立克」。飲品當然係好快送到，啤梨話杯「凍奶茶」好好飲，我試左一啖之後，又發覺真係唔錯，好有茶味。之後輪到我杯「凍呵力」，比起一般茶餐廳濃，令到冰塊溶了之後，味道仍然濃郁，沒有轉
一講九龍城，以前一定會諗起「啟德機場」，而家機場搬左就快十個年頭，可能好多後生一輩嘅年青人，都未有機會用啟德機場離港。
除左機場外，當然就係呢度嘅「美食」，呢間「樂園」並唔係D咩大餐廳或者大酒家，只係一間位於街市熟食中心其中一個舖位嘅「茶餐廳」，但係佢嘅知名度同佢個舖頭SIZE唔成正比。
我同啤梨上星期六慕名而至，大約十一點半左右上到熟食中心，一推開門就已經見到坐滿人。就在眼前果張檯坐低，同檯係一位太太同佢個仔，而呢位太太應該係呢度嘅熟客仔，因為老板叫佢做「乜太」(已經唔記得左)。
睇左一轉餐牌之後，唔知係未過左十一點，發現冇「餐」叫，咁我地決定散叫。分別叫左「牛肉通」、「豬扒麵」、「凍奶茶」同埋「凍好立克」。飲品當然係好快送到，啤梨話杯「凍奶茶」好好飲，我試左一啖之後，又發覺真係唔錯，好有茶味。
之後輪到我杯「凍呵力」，比起一般茶餐廳濃，令到冰塊溶了之後，味道仍然濃郁，沒有轉淡，而呢個正係去其他茶餐廳飲「凍呵力」通常出現嘅問題。
等左五分鐘左右，啤梨個「牛肉通」終於出現，如果以茶餐廳標準黎計，等嘅時間算係耐。牛肉冇用「梳打粉」乸過，但又唔覺勒，雖然食落比較「鞋口」，不過卻令有一番感受。另外個「沙爹汁」真係一流，濃得黎有少少辣，味道剛剛好。
之後就到我個「豬扒麵」，豬扒同麵分開上，同埋豬扒已經切開左少少，等客人容易D食。呢度嘅炸豬扒係上粉後再炸，不過D粉唔厚，薄薄一層之中再加入一些蔥花，幾野味下，豬扒不太厚身，亦都醃得好入味。但如果同「沙爹牛」比較，都係牛肉比較搶口多D。
食到半路中途，啤梨話想叫個「奶油多」試下，佢話食「粉麵」再加多個「多士」先至似食「餐」。咁我地就叫左個「奶油多」，等左都有五分鍾，一份頗厚身又熱烘烘嘅奶油多終於送上。裡面嘅奶油多到漏出黎，由於包身頗厚，食落去好果時令人好滿足。
食飽飽之後就埋單走人，老板過黎睇數，成為五十九蚊，如果以茶餐廳黎計都算貴，不過見D野又好食，個老板又多謝前多謝後，算係值回票價。
食野途中都有再掀下個餐牌，發現呢度都有炒粉炒飯同埋碟頭飯食，見到有個「沙爹牛肉飯」，真係好想試下用呢個「濃味沙爹牛肉撈飯」係咩一種感覺，因為我細個果時成日都食屋企樓下茶餐廳嘅「沙爹牛肉飯」，但自從大廈清拆之後，已經有成十年冇食過。
張貼
