樂園

營業中

休息中

走進衙前圍道，真像走進個寶庫，走不到十步，就有新發現 ... 市政大樓上是一個 FoodCourt，「樂園」佔了其中一角 ... 午飯時段，人聲鼎沸，一個人，不難找位 ... 那個做老闆的忙得兩頭轉，斟茶遞水、寫單捧餐、抹枱執桌 ... 但卻一眼關七，留意到每位剛坐下的客人 ... 甫坐下不久，即走到我面前：「食乜？」我也不敢慢條斯理：「有沙嗲牛肉西多士嗎？」「有！」「就要一個啦！」「飲唔飲嘢？」「唔洗啦唔該 ...」語氣快，聲量大，但「大聲唔代表我冇禮貌」... 雖然是街市樓上的 FoodCourt，但衛生環境全沒問題，地面沒積水、桌子抹得企企理理的 ... 間中會聽到老闆中氣十足地叫：「牛治 ~~~ 邊位嘅 ~~~」響徹 FoodCourt ...不消一會，沙嗲牛肉西多士送到 ...噢 ~ 有煉奶的 ... 糟了，沒想到，可是，嚐一口後卻沒有後悔 ... 多士炸得熱辣鬆軟，煉奶加上牛油，味道剛好中和了，不太甜膩，剖開裏面一看 ... 當初我還以為是肉碎罷了，沒想到是肉片，而且是新鮮熱辣的 ... 停不了口 ... 走了，從口袋中掏出 $20，走上前遞給老闆，老闆微笑著，但還是那急急

這個已經是上星期六的食評了打完羽毛球之後, 三個女仔一起到熟食中心吃東西, 已經四點幾, 中心內的食店都差不多要關門了, 好像很早呢在樂園落腳, 因為蔡瀾為他們提字, 想試吓點樣"勝過鮑参翅肚"呢我叫的是午餐肉雪菜米同凍檸茶, 說實話, 不是不好吃, 只是同一般茶餐廳分別不大, 可能我唔識食, 不過唔難食的價錢要三十多, 在這環境, 似乎有點不值

數起上來,也有一段時間沒有上來龍城市政熟食中心,與文叔打個招呼,趁是日早上要去圖書館還書,又來上來喝杯奶茶.文叔例牌笑面迎人,問很久不見我,我說忙嘛.例牌答案,除了忙之外,找不到其他籍口.照舊先來一杯凍奶茶,吃什麼作為早餐好呢?不要炸豬扒之外,尚有沙爹牛肉雪菜肉絲米,作為代替品.已經在之前說過樂園的雪菜點好,因為用新鮮雪菜,味道特別香甜,外面大多食店用的是罐頭貨,難去比擬.而沙爹牛肉一直是其代表作之一,刺激,濃惹,而不過搶喉.百吃不厭.前文的食家說到服務態度是劉德華級,服務多年一貫地好,何來劉德華級?電視上的劉華教人的服務態度,服務員也是皮笑心不笑,文叔就皮笑心都笑,光顧了多年,怎能看不出?不要常常把"劉華定律"放在口邊,現今香港人變得腌尖聲悶,吹毛求疵,這個廣告應記一功.未來日子會繼續捧場,食評都係會繼續寫,正如同KC一樣,勝香園的食評,也是寫完又寫.

這裡的食物品種很簡單, 有如一般茶餐廳. 但品質方面CONTROL 得幾好. 食幾次D味道都沒有太大DEVIATION. 這次我食了以下的食物:- 凍奶茶-鹹牛肉蛋治(烘底) 更直得一讚是老闆的服務態度. 在不夠人手的情況下, 他依然可以用心地服務每一張檯. 記得每位客人的食物. 當客人等了一會, 他會自動追廚房D食物. ***今時今日要有這種服務態度先至得到!!!!!***

想食得平ｄ，最近都左搵右搵，希望有又平又好食既餐廳去今日既午餐上左去九龍城街市三樓既熟食檔度食，上面除左樂園之外，仲有泰國餐，牛丸粉等等，記得都有唔少報張介紹過，今次就食樂園試一試先食既係一碗雪菜午餐肉湯米，飲既係熱奶茶，午餐肉無咩好講，因為係罐頭貨，唔會有咩特別，其實碗米粉唔係好特別，不過杯奶茶真係好好飲，紅茶味濃，奶份量夠令杯奶茶感覺香滑無比，好飲！而且飲完之後個口仲保留住陣味一段時間，令我回味！唔怪得連蔡潺都介紹要嚟

今日下午飯係平平地既一碟三寶飯,三寶係火腿,午餐肉同埋一隻荷包蛋,本來唔覺有咩特別,但係食既時候全場爆滿,好多人,再細心睇完係一間來蔡生介紹過既名氣店!午市真係好多學生,但係其實我就覺得佢地唔好唔好食,不過我食既一碟飯就只係普通,問伙計咩出名,佢就提議我食豬扒,見未飽,就叫多一份剩豬扒,炸得幾香,豬扒係碎上,如果一早知出名係呢個,可能已經食左豬扒飯,不過下次先再食過了!

之前都嚟過幾次,次次都冇問題OK好味的!(因為次次都是叫招牌菜)今次我們叫了@咖啡紅豆冰(咖啡好香好飲但紅豆太爛冇趙頭)@凍咖啡(OK啦)@炸豬扒飯(保持水準,豬扒炸得皮脆肉嫩!正)@粟米肉粒飯(這個飯出奇地差,肉粒又少又細粒,個飯是冇汁的,粟米&肉粒都是散修修的)從未食過咁難食的"粟米肉粒飯"下次去都係食番D招牌嘢好了!

平時真係好少會來九龍城食lunch..不過上星期六有d事要來所以一早search定openrice要去邊度食.不過lunch hour時段都知道多人,所以我地最後上左市政大樓既樂園食啦..lunch時段都係咁多人,等左一陣就有位..果度d人都好忙架忙落單落傳食物...我地叫落單都等左2-3分鐘先有人理...我仲見到有2個人等到唔耐煩走人...我地2個人叫左個鴛鴦紅豆冰, 沙爹牛肉西多士同埋炸豬扒米.其他炸豬扒真係無我之前睇既食評賣相咁好又好似細塊左又炸得無咁金黃不過好彩味道仲唔錯, 最令我覺得唔會太好味既又咸又甜西多士又估唔到好岩味喎..個西多士炸得好靚味道都好好, 紅豆冰配上鴛鴦都唔錯..基本上佢地d食物真係唔錯唔怪之得佢地做到無停手啦.店內既落單亞伯岩岩去時覺得佢好兇又無禮貌..不過坐落佢落單收錢到我地走佢都原來幾好人既...下次都係佢地既非繁忙時段來比較好d.

本來星期天和女友到了這裡想一嘗其店之美食..可惜發現星期天是休息的..只好吃對面德記的腸粉和粥..不服氣之下我們前幾天再走一趟..皇天不負有心人..到了不單得到文叔熱情的招待..馳名的沙嗲牛和奶茶紅豆冰..更令我們吃得津津有味..此外我們也點了咖啡紅豆冰和沙嗲牛肉公仔麵..牛肉可見是新鮮的..不是一般茶餐廳的沙嗲牛..而沙嗲汁也不會太濃或漏..西多士和沙嗲牛一甜一咸..但竟出奇地夾..本人覺得反而多加一些練奶會更好吃..奶茶紅豆冰也是意料之外的配合..奶茶的茶香跟紅豆簡直是天衣無蓬咖啡就沒奶茶那麼夾了..吃過食物後..文叔看見我們的tissue只用剩一張..便主動拿tissue給我們..蔡瀾寫的 勝過鮑蔘肚翅..果然名不虛存..便宜的一餐..加上小小的人情味..的確比起某些高級餐廳更勝一籌..遺憾的是沒有套餐..被迫散叫..所以價錢比一般茶餐廳貴..

補回9-1-2009食評 我,女兒,二家姐下午去了九龍城市政大樓的樂園,因為上次大家姐話這兒有好食的沙爹西多士及奶茶紅豆冰~~心癢癢的就去試試吧~我們叫了炸豬扒湯米---->>豬扒唔錯,而且有分開上的,抵讚~奶茶紅豆冰2杯--->>估唔到風馬牛不相及的食物,放在一起時,又幾夾噃~紅豆西多士--->>紅豆好飽滿,味道一般~沙爹西多士--->>幾特別,一試無妨~埋單 $ 102元~總括 : (這兒沒套餐的,全部也要散叫,味道普通喇,只可說很特別)照片參考 : http://hk.myblog.yahoo.com/kitypanghk/article?mid=17234

之前都嚟過一次,今次係第二次,都係叫番啲"招牌嘢"穩陣D,今次叫咗 1: 炸豬扒米$19(豬 扖香脆熱辣辣) 2:沙爹牛肉西多$19(好味保持水準,但嫌不夠練奶) 3:奶茶紅豆冰$16 (好飲但個人覺得咖啡紅豆冰仲正) 4:紅豆西多$17 (好味多豆但不夠糖漿) 5: 芝士咸牛治(一般,唔記得幾錢),總括而言有下次!

我同屋企人第一次到"樂園", 叫左奶茶紅豆冰/咖啡紅豆冰$16/炸豬扒飯$28/炸豬扒麵/炸豬扒米$19/沙爹牛肉西多$19/熱奶茶.奶茶紅豆冰(紅豆軟硬適中,奶茶有茶香), 個人覺得咖啡紅豆冰(咖啡味較濃), 下次我會試下鴛鴦紅豆冰, 炸豬扒好香好鬆化, 沙爹牛肉西多(牛肉好味沙爹香).我地係隔離馬仔叫左2 碗凈水餃(係阿叔幫我地叫ge), 水餃並無傳聞咁好食, 好普通啫.下次一定再嚟"樂園" 食過!PS: 食緊ge 其間, 劉青雲同郭藹明都入左嚟"樂園"食野a~

今日食完餐好好味嘅午飯，行左一陣，想起次次星期日都冇開門，幫襯唔到嘅樂園，於是上去睇吓有無開。原來公眾假期佢係唔休息嘅，真好，即來兩杯紅豆冰同一件油占多同老婆一齊食。唔知係咪期望過高關係，覺得件油占多只係一般，食唔出有乜特別，紅豆冰d豆係幾大粒同好稔，不過奶味唔係幾夠，都係覺得同快餐店冇太大分別，希望下次試吓其他嘢係咪會更加好啦！

星期六下午到臨, 整個熟食中心靠樂園果一邊已坐滿人, 全部都係食樂園, 其他食肆一律拍烏蠅, 我已經心知不妙好辛苦先叫人落到單, 叫左一個炸豬扒多士($18)同一杯熱奶茶($10), 炸豬扒的味道不俗, 炸粉用上香蔥, 但係送上來時已經唔熱亦唔脆, d炸粉的皮同豬扒差不多要分開, , 多士烘得不夠, 牛油下亦得比較少, 實在令人失望, 奶茶的茶味單調偏淡, 飲落去奶味多於茶味, 連普通茶餐廳水準都沒有可能我來的時間不合時, 又話或者我叫錯招牌菜式, 況且佢地人手嚴重不足, 根本應付唔到咁多生意, 都係怪幾位公仔箱食家大力吹捧所致, 受成名所累令到水準完全保持唔到 , 老實講同以前真係相差好遠...........

上兩次於週日下午時侯來，可能是人太多的緣故，食物質素及服務有所下降，令小弟這個忠實擁躉大失所望.....這次在非繁忙時間來，情況可不同了...平常人多時根本無法點的炒米粉，這次可以大吃一頓了。米粉炒得很亁身，加了雪菜、餐肉及蛋絲進去，配料雖是很平凡，但味道卻絕不平凡，確見真章也....沙爹牛米或麵在這裏就常點吃，反而沙爹牛治印象中就沒吃過。吃落也挺不錯，牛肉依然用上新鮮貨，也沒經鬆肉粉處理，用的雖不是甚麼靚貨，但總好過吃到那些無味的像腍膠一樣的東西....簡簡單單的一餐，令小弟對這兒信心回復了