榕基滷水專門店 1992 (已搬遷) 新店位置

今日同老婆揸車經過大埔，醒起之前網上介紹呢間滷水店，專誠過嚟一試新派滷水店嘅風味，去到門口見到大排長龍就知道唔簡單，店員告知要等15分鐘，值得等嘅，唯有周圍去行吓先，見到附近有不同滷水店，競爭咁大下榕基都排晒長龍，更加令我想試吓佢係咩龍與鳳。一反正常滷水店的常態，燈光光猛，地方乾淨，店員後生，果然後生可畏。等咗10分鐘左右，終於有得入啦，地方乾淨舒適，大熱天時下冷氣都好足夠。一場嚟到梗係要試吓個馳名獅頭鵝，再配埋佢哋嘅手工鵝油撈麵。滷水獅頭超級入味，肉質柔嫩，一食就停唔到口，份量很好，大男人食都足夠。最令我驚喜嘅就係個撈麵，配上自家製嘅麻辣汁，簡直係絕配，分分鐘好食過啲市面上專做面嘅舖頭。老婆就比較細食，叫咗個魯肉湯麵，滷肉飯就聽得多，滷肉面真係第一次食，估唔到係咁好食，肉質半肥半瘦，食落唔會好肥膩，加上湯底唔係味精湯，成碗飲完都唔會好頸渴，份量就比較適合女仔多啲。小食方面，老闆娘推介滷水鵝肝，估唔到鵝肝同滷水可以咁配合，果然係中西合璧新派滷水店，價錢$130有成七塊咁多，以後唔使去五星級酒店食了。 另外叫咗個滷水拼盤，種類多，每樣試少少，唔使唔唸想食咩，啱晒我呢啲懶人。可惜最後食唔晒

一間年青人打理既滷水餐廳，原來係大埔有廿幾年歷史。開新鋪先知佢存在😂😂。間鋪仔細細岩哂晏就去食個快飯，其實之前都冇話成日食滷水，自從榕基開左先食多左。我就最中意食佢地既鵝肝，又估唔到西式煮法既滷水鵝肝係咁夾，口感嫩滑，又有滷水嘅香味，加埋少少酒味。係第到食唔到嘅味道🤤🤤🤤。值得一試再試其實仲食左佢地既招牌滷水鵝，鍾意食佢哋嘅鵝肉唔會老，滷水汁好香又唔會太鹹，加上小食甜酸菜酸甜開胃，成餐飯食得好滿足🥰🥰

平時星期六日經過，每次都見到舖頭外有好多人等緊外賣堂食，所以決定今日平日試吓佢到底係咪咁好食！鋪頭嘅外牆上面有唔少傳媒訪問，得知原來呢間裝修新潮嘅滷水店原來喺大埔已經有28年歷史，喺疫情底下都可以細舖搬大鋪，真係值得支持下！平日好少食滷水嘅我，經過年輕店員嘅介紹，決定試吓招牌滷水獅頭鵝加手工湯麵。等咗大約10分鐘，餐點好快就送到。撲鼻而來嘅香味令我急不及待想試吓，味道果然冇令我失望！鵝既肉質好嫩滑，滷水味亦都好香濃！而令我更加滿意嘅就係佢嘅清雞湯，飲得出係用心製作，我飲完成碗之後都冇口渴！抵讚100分嘅服務態度加上100分嘅食物質素，一定會有第2次！

尋日跟朋友嚟呢間有歷史性嘅滷水店試吓午餐，我哋等咗大概10分鐘到，就可以入去，裏面環境好迫窄，道門又成日開關，一震震熱風湧入舖頭內，我哋嗌左一個滷水獅頭鵝白粥同埋滷水獅頭鵝麻辣麵，響咁熱嘅天氣，可以揀白粥食，值得一讚，白粥好地道潮州粥，好食有米香，而麻辣麵亦都好惹未，小食係花生魚仔，係林花生，都很香口，招牌滷水獅頭鵝，廚師好有心機去骨，份量薄少少，因為有半邊係皮包骨，令一邊都係好薄嘅胸肉，滷水汁過甜，而且鵝肉好韌好多都咬唔開，其實平均個個嚟到都係想食佢最出名嘅滷水獅頭鵝，但係見隔離枱嗰啲人，都係食到𠼱哂一件件咬唔開嘅鵝肉，的確好嘥！

鹵水鵝套餐  60元  3.5/5分1. 鹵水鵝的份量都不算少呢,味道幾好,鐘意有骨碟提供,方便客人用膳2. 撈面的分數會略低,因為太乾及捲成一團,幸好有鹵水汁打救,不至於生吃撈面3. 比較建議選擇湯面,網上見到食評都大讚,米飯反而少,因為份量不多吧4. 價錢其實不錯,因為鹵水鵝真的不少,值得一試5. 熱的綠茶好飲,非常可口喜歡吃鹵水產品的朋友可以前往一試,難得有黃店賣鹵水鵝,都幾值得支持,加上老闆90後的年輕人,我一定為她們打氣^^

想食滷水鵝，搵到一間想試好耐既滷水鵝專門店，可惜極度失望，唔會再食囉！叫左招牌滷水獅頭鵝，加兩蚊轉手工麵。疫情下，外賣自取冇折之餘，轉手工麵加兩蚊，外賣盒加一蚊，一個麵埋單要$61，我覺得呢個環境收咁既價錢有點貴其實價錢都唔重要，如果味道好既我都冇咁嬲，但招牌鵝肉又鞋又乾，咬入去係完全冇滷水味至於手工麵，我喜歡偏硬既麵，其實佢都硬硬地，但硬得黎一啲都唔彈牙，又係失望最後有一點安慰既，係個味精湯底囉

見到有啲人推介，特登走去買來食，門面包裝得幾四正，幾企理！ 睇落好似好專業，但係我叫外賣買返屋企食之後，就完全改變左諗法。一食，即刻失望，我本身份人都唔係好嘴刁，但係滷水鵝冇滷水味，啲鵝肉好鞋... 鞋口真係一個直接判死刑嘅因素，唔係普通鞋，係要大力咀嚼果種鞋，食兩舊已經唔想再食，另外，我叫嗰個係湯麵，個湯底死咸，冇咩鮮甜味，又唔夠熱。 60幾蚊買返嚟，唔知自己食緊乜..... 請我食都唔會再食了，呢間冇下次

查看本網，才發現原來這就是MUNCH NOW旁邊那小小的滷味店😮。本身沒有想過要來，但茶餐廳太多，吃麵又恐不飽，於是看著看著，發覺這堂食滷水店，有餸有飯麵小食，倒可試試。👀有三款選擇，可以叫白飯、湯麵、撈麵，因為第一次來，恐怕滷水汁又會很鹹🙄，好像之前一日在太和那邊的《小麻吉》吃到的豬軟骨那麼鹹，於是點了白飯。白飯也不是太求其，細粒黏在一團的，不是太過軟林，亦都沒有爛飯或是太多水。想不到，友人點的湯麵，麵條非常之煙韌彈牙，不會煮得太林，即使浸在湯內一會兒，麵條仍然保持彈力是難得的具有彈性。點滷肉飯好像太少，配料不夠多，友人又點了滷水鴨，份量不太多，但外皮不會太厚，亦都不算很多脂肪，因此起上來不會太過肥膩。鴨肉帶點獨特香氣，不點醋本身都經已夠香，加少許醋的話，就會有少許酸甜味，味道更加好。我的豬手，看來只有四五件，不算太大，外皮不算太多毛，肉質亦都夠彈牙，入味得來亦都不會太甜。另外還可以配選麻辣汁，這個麻辣汁的味道，有點像《三不管車仔麵》那款麻辣汁。汁醬帶少許辣，但又不會令你冒汗，麻香但又不覺得太過麻痹。麻辣鴨血豆腐，麻辣汁亦與另上的麻辣汁一樣，麻香不太辣；鴨血夠結實，吸汁也香味濃郁。另

💛榕基滷水專門店1992而家由兩位年輕嘅店主打理，食嘢嘅時候都會見到佢哋！除咗堂食，仲有好多人選擇外賣滷水，為晚餐加多個餸。而堂食就可以選擇套餐，自由配搭：先揀主菜(五選一)，再揀飯麵(四選一)同小食(三選一)；我哋就揀咗招牌滷水獅頭鵝($58)同滷水南姜豬手($42)🌿 招牌滷水獅頭鵝拼手工湯麵 $60大家一定要試吓榕基嘅川麻辣汁！夠香夠辣夠麻，同湯麵一齊食一流😛如果想飲吓個雞湯，可以叫店員將麻辣汁另上，咁就可以保留湯底原有嘅味道。鵝嘅份量非常足夠，有近5至6件鵝；我哋另外加咗滷水蛋($5)，都幾好食。🌿 滷水南姜豬手拼湯麵 $44相比滷水鵝，呢度豬手就比較遜色。豬手嘅賣相唔錯，咬落有滿滿嘅膠質，不過味道較鹹，而且冇咩薑味。因為味道比較重，個人覺得豬手比較襯同白粥或者白飯一齊食。🌿小結：食物嘅選擇足夠，小食亦好好味 ！餐廳亦好細心，會額外俾一個碟客人放骨 ，食物擺設又精緻，令人食得好舒服。而且份量足夠又抵食，係好味抵食又親民之選！

舖頭瀰漫文青氛圍，完全唔似係賣滷味食物。套餐以托盤上枱夠企理，應該花過心思選用碗碟，色調跟食品顏色相配，悅目喔，整體感覺似去咗台北日式小食店。滷水汁香而不過鹹，鵝有鵝肉的獨特香味，肉實夠入味。擔心老友記食唔到鵝，叫埋牛展併豆腐做後備，結果佢兩様通殺。鵝件大細適中，有啲係全肉，有啲帶骨，啱晒佢唔使吓吓啖啖肉。白飯份量足，略嫌冇飯香同較軟身；手工湯麵軟硬度適中，清湯入口唔口渴。老友記加麻辣醬再倒入點鵝食的醋汁，自製酸辣味。三小碟中點食魚仔同青瓜，前者得兩票，青瓜輸在冇咗爽脆口感。單點滷鵝腎同話梅花雕雞軟骨。厚身鵝腎帶紅心賣相靚，入味唔韌，送酒一流。花雕汁鹹咗啲，亦食唔到話海香，老友記食咗幾粒雞軟骨就放棄，激死禾。

歇息一會，我們又要向下一站進發！下一站正是「榕基滷水」，榕基二字的發音總令我想起一位已故的中國領導人，當年他的幽默真有外國政要的風範，可惜一蟹不如一蟹！說回首次到訪「榕基」是晚上八時前抵達，當時除臨近收市時間，故不供應堂食外，且絕大部份出品幾近沽清！不想白走一趟，那次我們唯有在僅有供應的食物中，挑選了一點點帶回家享用。老闆正在替我們斬那條鵝頭頸！首先是一大盒混合鵝頭頸 HK$43 和鵝掌翼 HK$20。我對掌翼一向偏愛，可以話要比鵝件更愛，一試「榕基滷水」的出品，滷水汁有自家特色，入味程度佳、香氣不俗，而味道則可歸納入可接納的重口味！至於第一次接觸的鵝頭頸，令我終於領會到小時候長輩所述頸部「瓣瓣肉」的精髓，鵝頸比雞頸粗壯，緊緻兼滑溜的肉質來得更豐厚，加上頸位非常的入味，令人㗳得有味兒，方證實鵝頸佐酒確實一流。而鵝頭則留給老公，看他吃得津津有味，更邊吃邊讚，便知鵝頭有多滋味！另外一款外賣是鴨血拼豆腐，但豆腐賣光，所以只得鴨血！放了「榕基滷水」自家製的麻辣汁，香辣與小麻，吃得惹味順喉之餘，鴨血亦滑溜不死硬，鍾情台灣麻辣鴨血的我和老公，大可止止癮！外賣介紹完畢！就第二次不容有失的專訪，特別提

今日入到大埔搵野食，行過見到好多人排隊，又跟人排，試下新餐廳一座低，飲左淡茶，望個樣以為係綠茶，飲落去係玄米茶咁味，原來叫苦蕎茶，好香好醒神，有健胃消食嘅功效，有好味又保健點左2個套餐：1. 招牌滷水獅頭鵝(轉鵝脾)+ 湯麵+ 手拍青瓜 + 汽水🥤($83)2. 金錢牛展併豆腐+ 湯麵+ 甜酸菜+ 汽水🥤($58)鵝脾：話說獅頭鵝係鵝界中嘅名牌，比起一般鵝，肉質更細嫩，所以點咗隻鵝脾試試，皮下脂肪唔多，肉質真係嫩滑，不過唔算好多肉(估計隻鵝個size都係比較細)，滷水滷得好入味，但唔會好鹹，好唔錯唔錯👍🏻👍🏻👍🏻牛展併豆腐：牛展真心好好味，除左好入味之外，滷嘅時間真係剛剛好，軟硬適中，肉質好𣺉，牛筋部份好彈牙👍🏻👍🏻👍🏻👍🏻👍🏻(如果可以厚少少就perfect)豆腐雖然唔係主角，不過我係好鍾意食滷水豆腐，都係完全冇失望，滑滑的湯麵：清雞湯底再加麻辣(中辣)，麻但係唔算好辣，個湯底真係好清，同滷水好夾，新鮮麵條，好彈牙，有嚼勁，湯麵真係一百分，完全冇嘢可以挑剔！！PS: 呢度汽水係枝裝的🥰🥰🥰🥰 又夠夠凍份量適中，而且價錢好優惠，最鍾意係滷水入味但係唔會死鹹，味道比較清淡，食完唔會好口渴

滷水店不嬲俾人嘅感覺係好old school但係就有一間滷水專門店特別唔同原因係由一班年輕人繼承注入新元素裝修新潮仲做埋套餐感覺即刻180度大轉變係復古🤣🍲招牌滷水獅頭鵝偏鹹嘅滷水鵝份量頗多肉質嫰又入味配埋雞湯手工麵又真係幾夾嘅🍲金錢牛展拼豆腐好入味好軟淋份量好多豆腐亦好滑尤其麻辣麵麻麻辣辣 好惹味🍲話梅花雕雞翼第一啖食就有話梅味再食耐啲 花雕醉雞味就出曬嚟肉質好滑 好入味雞翼大大隻 令人想食多幾口

香港人愛斬料並不是新鮮事可是大埔人對滷水的鍾愛可謂到了誇張的程度今天在大埔墟路經了四間滷水店當中竟然有三間也大排長龍而今天試的是這間裝潢較為新派的榕基滷水專門店雖然來到的時候已經過了午飯時間但是仍有不少人在等位 加上店內面積有限結果也要等大約半小時才有位店內的食物選擇頗多價錢也合理一個套餐大約四五十元這個餐是 滷水豬手+鵝油撈麵+魚仔花生豬手滷得入味更令人驚喜的是鵝油撈麵油香充足，加上熱辣辣絕對是水準之作如果魚仔花生有多點魚仔則更好另一個餐是滷水鴨+潮州粥+青瓜本來想叫鵝但叫錯了鴨吃時才發現鴨的味道不過不失可是斬得有點略厚口感稍遜潮州粥也不錯青瓜則略嫌淡了一點店內的其他小食也像很吸引有機會必定會再到訪再吃鵝油撈麵和試試滷水鵝及其他小食

最近大埔有一股滷水鵝🦆嘅熱潮，排隊買滷水鵝嘅人龍長過等巴士🚌，真係好勁😌。係人氣旺盛嘅對岸，又發現到另一間嘅滷水鵝店🦆，原來係1992年已經開業，從舊鋪搬過嚟，而家由新一代接班，年輕化繼續經營，值得去支持一下😌.🦆滷水鵝（下庄）外賣🥡💬處理得好企理，色澤光鮮，鵝肉亦唔會韌，充滿油香，配埋滷水汁，都幾不錯😌.除此之外，仲有製作多款不同嘅滷水小食，堂食仲會送滷水鵝肝一件，下次有機會再試下😌