榕基滷水專門店 1992 (已搬遷) 新店位置

尋日跟朋友嚟呢間有歷史性嘅滷水店試吓午餐，我哋等咗大概10分鐘到，就可以入去，裏面環境好迫窄，道門又成日開關，一震震熱風湧入舖頭內，我哋嗌左一個滷水獅頭鵝白粥同埋滷水獅頭鵝麻辣麵，響咁熱嘅天氣，可以揀白粥食，值得一讚，白粥好地道潮州粥，好食有米香，而麻辣麵亦都好惹未，小食係花生魚仔，係林花生，都很香口，招牌滷水獅頭鵝，廚師好有心機去骨，份量薄少少，因為有半邊係皮包骨，令一邊都係好薄嘅胸肉，滷水汁過甜，而且鵝肉好韌好多都咬唔開，其實平均個個嚟到都係想食佢最出名嘅滷水獅頭鵝，但係見隔離枱嗰啲人，都係食到𠼱哂一件件咬唔開嘅鵝肉，的確好嘥！