影片
更多
2020-07-17
308 瀏覽
今日同老婆揸車經過大埔，醒起之前網上介紹呢間滷水店，專誠過嚟一試新派滷水店嘅風味，去到門口見到大排長龍就知道唔簡單，店員告知要等15分鐘，值得等嘅，唯有周圍去行吓先，見到附近有不同滷水店，競爭咁大下榕基都排晒長龍，更加令我想試吓佢係咩龍與鳳。一反正常滷水店的常態，燈光光猛，地方乾淨，店員後生，果然後生可畏。等咗10分鐘左右，終於有得入啦，地方乾淨舒適，大熱天時下冷氣都好足夠。一場嚟到梗係要試吓個馳名獅頭鵝，再配埋佢哋嘅手工鵝油撈麵。滷水獅頭超級入味，肉質柔嫩，一食就停唔到口，份量很好，大男人食都足夠。最令我驚喜嘅就係個撈麵，配上自家製嘅麻辣汁，簡直係絕配，分分鐘好食過啲市面上專做面嘅舖頭。老婆就比較細食，叫咗個魯肉湯麵，滷肉飯就聽得多，滷肉面真係第一次食，估唔到係咁好食，肉質半肥半瘦，食落唔會好肥膩，加上湯底唔係味精湯，成碗飲完都唔會好頸渴，份量就比較適合女仔多啲。小食方面，老闆娘推介滷水鵝肝，估唔到鵝肝同滷水可以咁配合，果然係中西合璧新派滷水店，價錢$130有成七塊咁多，以後唔使去五星級酒店食了。 另外叫咗個滷水拼盤，種類多，每樣試少少，唔使唔唸想食咩，啱晒我呢啲懶人。可惜最後食唔晒
等咗10分鐘左右，終於有得入啦，地方乾淨舒適，大熱天時下冷氣都好足夠。一場嚟到梗係要試吓個馳名獅頭鵝，再配埋佢哋嘅手工鵝油撈麵。滷水獅頭超級入味，肉質柔嫩，一食就停唔到口，份量很好，大男人食都足夠。最令我驚喜嘅就係個撈麵，配上自家製嘅麻辣汁，簡直係絕配，分分鐘好食過啲市面上專做面嘅舖頭。老婆就比較細食，叫咗個魯肉湯麵，滷肉飯就聽得多，滷肉面真係第一次食，估唔到係咁好食，肉質半肥半瘦，食落唔會好肥膩，加上湯底唔係味精湯，成碗飲完都唔會好頸渴，份量就比較適合女仔多啲。
小食方面，老闆娘推介滷水鵝肝，估唔到鵝肝同滷水可以咁配合，果然係中西合璧新派滷水店，價錢$130有成七塊咁多，以後唔使去五星級酒店食了。 另外叫咗個滷水拼盤，種類多，每樣試少少，唔使唔唸想食咩，啱晒我呢啲懶人。可惜最後食唔晒唯有打包。
最後埋單老闆娘斯文有禮，主動詢問我食評，當然讚不絕口。始終對佢嘅麻辣汁念念不忘，即刻問老闆娘有冇得賣，老闆娘話係獨家配方，冇得賣但堂食嘅話多多都比，唯有下次再嚟食過啦。
31 瀏覽
0 讚好
0 留言
張貼
