榕基滷水專門店 1992 (已搬遷) 新店位置

因為香港實在有太多唔同種類嘅食物，有時都會忘記左自己嘅港式食物都十分出色。今日入左大埔，想試吓受到推薦嘅呢間滷水餐廳。員工十分親切，見我太多行李都會主動俾張櫈仔我放野。叫左兩個餐，本來叫滷水金錢牛展豆腐同鵝片豆腐，但咁岩賣晒豆腐，就轉左滷水蛋。聽講呢度嘅鵝同鴨好出名，果然名不虛傳。鵝片肥瘦均勻，肉質嫩滑，非常好食。牛展都煮得好入味。另外好鍾意送嘅小菜：醃蘿蔔同花生魚仔。鵝油撈麵十分香口，份量十足。而湯麵亦好好味，同埋唔係好食到有味精味。另外亦散叫左一份鵝腸做小菜，相當爽脆。以埋單嘅價錢黎講，呢餐真係超值，令我重拾返被違忘嘅港式口味！

繼承28年的滷水手藝小店 滷水獅頭鵝 清香的滷水鵝鵝片片得夠薄，味道清香，而且滷水味不會太濃，不會遮蓋鵝肉鮮味鵝油撈麵 以鮮鵝油拌麵條, 又香又帶有滷水既味道 麵條夠彈牙 手工麵特別好食甜酸菜 做開胃小菜唔錯! 甜甜酸酸!麻辣鴨血拼豆腐 鴨血既口感同豆腐相同又嫩又滑滷豆腐本身已經入曬味好重滷水味,再加埋麻辣汁味道再多一個層次又香又辣又滑消費$150大埔廣福道103號地下C號舖

上星期的獅頭鵝無肉食始終心有不廿，不過今次轉口味試另一款招牌菜。*招牌滷水鴨 + 清雞手工湯麵 ($2) + 糖脆炒花生魚仔滷水鴨大約有8-9件，其中5件啖啖肉，肉質方面結實，唔柴，餘下的真是得一舊骨。手工湯麵今次外相無咁靚， 口感仍可以保持軟硬度適中，不過索湯效果較差。湯底清淡，如果重口味人士，撈麵會較為喜歡。小食可能炒完隔一段時間，無相像中咁脆。整體評分：味道：👍👍 👍 服務：👍👍👍 👍 價錢：👍👍 👍  回頭指數：👍👍 👍 飽肚指數: 👍 👍 👍 

今日落堂前已經決定午餐到呢間由90後接手的滷水店。門口寫資料後，店員已經準備一杯熱茶放枱面，落單只需要用雙頭筆畫在餐牌上就可以。可能今日比較多客人外賣，落單隔15分鐘先有野食。*招牌滷水獅頭鵝 $58 + 鮮鵝油撈麵-小辣 (+$2) + 爽脆醃蘿蔔鵝肉都有8-9件，滷得挺入味，唔會過鹹喝喉，而且無羶味。口感唔柴，不過有少少碎骨，而且骨多肉少，有少少失望。鮮鵝油撈麵食得出真是手工麵，彈牙有麵香，味道比較淡，全靠辣汁帶起少少味。食辣的朋友，一定要試店舖自製的辣汁，辣味唔重但後勁帶麻，唔夠仲可以叫店員加。另外再配一小碗撈麵湯，好清甜，飲落有淡淡鵝油香。小食醃蘿蔔醃得挺入味，酸度適中，很開胃。

外賣例牌獅頭鵝一份（$74）加一份醉鵝肝（$12x），加兩小份酸菜白蘿蔔（$3@）諗緊買咩嘅時候，有位店員叔叔有在門外同我哋推介。本身想嗌鵝肝但又伯太膩食唔曬，問叔叔可以點處置，佢就話兩個人無可能食唔曬，有些熟客一個人黎買都食曬。之後佢都繼續講解返如果真係認為食唔完，就應該食幾多攞幾多件出黎，用酒汁淋返熱就食得。返到屋企仲未夠鐘食飯，所以放左兩盒嘢入雪櫃，大約2小時左右啦，就開始預備晚餐。舖頭原先話獅頭鵝不用翻熱，只需叮熱啲鵝汁倒落去，室溫食最好。但因為我雪過入雪櫃，所以我都係咁兒溫大滾水蒸左佢3／4分鐘，之後再倒返啲鵝汁上去，肉質依然好好，一點都唔韌，鵝味還可以，唔會太肥，連皮連肉食好香，另外鵝汁亦唔會死咸。一份例牌有4～5件全肉，再加10～12件左右嘅骨連肉，我自己認為合理。醉鵝肝，開頭以為食吾埋，就淨係拎左3片完整嘅出黎淋上酒汁，好好味喎，呢幾片無根，好滑，好甘香，個汁都好正，我哋特登整左啲蒟蒻面黎撈，超。級。正。 當然最終都整埋餘下幾塊黎食，部份有根，但愈食愈想食最後就講埋啲配菜，酸菜雖然係幾爽脆嘅但有陣唔知咩味，所以唔啱口味，白蘿蔔就好食好多。整體黎講我覺得呢間嘅滷水係好味嘅

滷水甘香帶甜，滷品入味，但唔會鹹到食唔到平身嘅肉味。『話梅花雕雞軟骨』$32佢有雞翼同雞軟骨揀，因為後者比較特別，所以點雞軟骨！酒味普通，可能軟骨好難入味，我覺得佢係用甜話梅（而唔係鹹嗰隻），所以啲汁甜甜地嘅。『招牌滷水獅頭鵝』$58『滷水金錢牛展拼豆腐』$42滷水甘香，但唔係鹹，仲有少少青甜底（唔係重口味嗰種滷水）；獅頭鵝同牛展有味之餘，亦都有肉嘅彈性；嗰日嘅豆腐就未有咁入味。📍 榕基滷水專門店 1992 (大埔)大埔廣福道103號地下C號舖

#Fat99eat大埔💛Fat9表示每次黎親大埔都好痛苦🥲因為大埔實在太多野買太多野食喇🤩✌🏻今次就食呢間係大埔屹立多年既年輕老字號見佢地係keep住有人等位入去食今次Fat9平日下午黎到 等幾張檯就入得喇😛雖然天氣好熱 但員工既招待會令你覺得等都係值得☺️﹊﹊﹊﹊﹊﹊﹊﹊﹊﹊﹊﹊☞ 套餐招牌滷水獅頭鵝+鮮鵝油撈麵+糖脆花生魚仔 60$滷水鵝好入味🤤啲肉實得黎唔會話好鞋 肥瘦比例均勻 而且鵝既分量都幾多 一啲都唔馬虎🥰鮮鵝油撈麵配埋滷水汁 唔會話好油膩☺️而麵既口感就好彈牙 再加埋佢地自製既麻辣 簡直將成碗麵昇華左去另一個層次 仲帶埋Fat9去左另一個層次🥳👏🏻﹊﹊﹊﹊﹊﹊﹊﹊﹊﹊﹊﹊✎ 麻辣鴨血拼豆腐 38$鴨血好厚身 唔係出面街邊既薄切鴨血😹而個鴨血食落去都好香 唔會食到一陣腥味 配埋個麻辣真心正😻但Fat9覺得美中不足既係佢既鴨血小左個煙韌既口感 硬係差啲野咁😢而個豆腐都唔差 係炸過而且係實既質感 加埋滷水同麻辣 絕對唔會輸比個鴨血 簡直係叮噹馬頭😼👍🏻﹊﹊﹊﹊﹊﹊﹊﹊﹊﹊﹊﹊☞ 鵝腸1兩 18$，鴨舌8條 45$，鵝腎 18$，墨魚1兩 18$，滷水蛋 5$Fat9最欣賞就係嗌滷

滷水南姜豬手$42鮮鵝油撈麵+$2糖脆炒花生魚仔好味指數：😋😋😋😋😋抵食指數：💲💲💲💲💲環境舒適：😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：黃店。3點多去，仍要等位超過20分鐘是有原因的。一份滷水豬手麵不用$50，確是抵。豬手夠入味，但又不會過咸。喜歡餐廳選用的碗碟，感覺較文青，較新派，較企理。另推薦他們的熱茶。味道似玄米茶，清新消滯。

今次去開大埔墟附近 聽朋友講開呢間店 一於去試下！我係星期六下午去 店內坐滿6成人左右所以唔洗等位即刻入得見到有2人餐好想嗌 但又驚食唔晒最後點了lunch set同埋2人餐冇鵝片加左10蚊升級做鵝片拼豆腐+撈面朋友點了牛展+撈面等左5分鐘左右已經有得食 鵝片同牛展都好入味 特別係鵝片 好淋好軟熟撈面都勁好味 本身我係勁中意麻辣個面就岩晒我口味喇 嗌左小辣已經好夠 太辣會食唔到滷水味再加杯凍豆腐 完滿的一餐！！！！！！！

雖則唔係超級滷水粉絲，但榕基嘅滷水鵝令我食指大動因為咁岩呢排係大埔返工，有日放工經過附近，開個app搵食～💛第一次當然要食招牌啦—獅頭鵝～ 加咗一件豆腐。每樣都好足料！開胃菜醃白蘿蔔好好食～食得多滷水嘅做返個中和🤗滷水汁是精華，撈飯一流。對我黎講豆腐有少少實，而飯有少少乾😬不過𡁻多兩啖都ok的！服務招呼一流，一入去就有熱茶（好似係玄米茶？）雖然個陣好忙，好多外賣要整，但職員都好helpful ~ 即時回應～

新派的本地滷味店，套餐先選一款滷味，再揀飯/湯麵/撈麵/粥，然後仲有一款小食可選，花生魚仔/醃蘿蔔/甜酸菜，三種都好岩我口味呢🤣🔆金錢牛展拼豆腐 配鵝油撈麵 $50牛展食落軟腍，jelly的部分都算多💕拼三舊滷水豆腐，成個餐份量都好足👍🏼揀左配鵝油撈麵，就咁撈有點乾，仲有一碗湯係可以再加落去，油香唔算重但鍾意麵嘅質感😚糖脆花生魚仔甜甜地，佐酒應該好夾😹🔆話梅花雕雞翼$32 落單後店員就係雪櫃拎比我地，食落好香花雕味🤤仲浸住杞子同話梅，真係想倒落個口到飲😼將傳統滷味重新包裝，套餐睇落就好似一份定食，令外表升級左😍加上價錢相宜又夠份量，作為一頓日常餐，簡單、精緻又好味😋座位唔多但星期日12點都即刻入得

好耐冇食過滷味，見到呢間係年輕人做嘅滷水店，覺得好新鮮所以黎試下。試咗之後發覺味道完全唔輸嗰啲好出名嘅鋪頭。滷鵝非常入味，肉嫩而且皮好Q彈，鵝腸、鵝翼亦都幾好味，仲有鵝油撈麵非常之香，啱啱上黎嗰陣聞到香味都已經好激動，麵條本身都幾唔錯。仲有超級抵食，落單嗰陣完全估唔到竟然咁多肉，最未爭啲食唔晒

話說今日夜晚（18:30左右）去食，入到去店員嘅服務都好嘅，都有禮貌。跟住我哋就叫咗一個招牌滷水獅頭鵝餐，要雞湯麵（$68，加埋嘢飲）（嘢飲我哋張野但都佢漏咗）。食嘢啦，我同我個friend share，個面勁細，我之後望返上面其他樓主嘅面，你哋嘅面係我哋嘅成倍，細碗度呢，完全唔夠。跟住啲鵝又好少（都係同其他樓主比），但係質素唔算太差。同埋個小菜（糖脆炒花生魚仔）麻麻哋，糖嗰隻味好怪。不過都有好嘅，我哋嗌餐都叫送咗個嘢飲。

我好少入嚟大埔，入得嚟大埔當然想食返大埔馳名老字號啦👀 本來想去群記食清湯腩，點知條龍勁長🤯 於是我同條佬就轉戰榕基滷水1992！呢間其實係大埔嘅老店，紥根喺大埔20幾年。榕基前老闆因為想退休，機緣巧合之下就認識到依家嘅接班人，令滷水手藝得以承傳👏🏻 依家店主係由一對90後情侶主理，更由舊店搬去新店，門面裝修比傳統滷水舖新淨🤭呢間排隊等位嘅人唔多，等咗五分鐘就有位🤭 店內面積唔大，枱與枱之間有隔板隔住，坐低都有少少逼。呢度有得叫套餐，價錢由$38-60幾不等，包飯/麵/粥、小碟，可加錢叫飲品。另外亦有抗疫二人套餐，包例牌獅頭鵝、兩款滷水小食、兩碗飯/麵/粥、時菜及兩款飲品，價錢係$168幾抵食😎❤️ 招牌滷水獅頭鵝 + 手工湯麵 + 糖脆炒花生魚仔 $60獅頭鵝滷得幾入味，無咩羶味。隻鵝唔算肥，肉質好結實，皮下脂肪唔多，味道鮮而唔鹹！手工湯麵爽彈但唔太索湯汁，湯底味道較淡，唔太食得出雞湯味🤔糖脆炒花生魚仔第一次食，甜甜哋鹹鹹哋幾好食😋 如果舖頭入面有得賣一罐罐糖脆炒花生魚仔，我應該會買！買嚟做佐酒小食一流🤫好食度：⭐️⭐️⭐️✨ (3.5/5)餐廳推薦度：⭐️⭐️⭐️✨ (3.5/5)一對90後情侶

之前已係榕基食過一次 覺得好食又抵 所以又同朋友黎食多次鋪頭比較細 位得好少 所以要早少少黎食上次我就叫左鵝片配鵝油麵食 好食 個滷水鵝滷得好 肉質唔會鞋口 同埋份量都唔少個麵就麵質好好 唔會太硬又唔會太淋 加埋鵝油撈黎食 好香同好好食所以今次推介左朋友食 朋友都好話好食 今次我自己就試左沙薑雞配飯 冇咩驚喜雞肉不過不失 肉質同味道正常 但沙薑就咸左少少 同埋太乾 下次都係叫返鵝食 好食好多平時出去食鵝都要成一百蚊埋單 尼到個lunch包埋小食都係幾十蚊 抵食之選👍🏿